قصةاحببت ظابطه شرطه
البارت الخامس عشر15
بقلم ياسمين حسين
أوصل أدهم نور الى منزلها..هبطت نور من السياره دون النظر إليه حتى أنتظر أدهم أن تدير وجهها ولاكن بدون جدوى فهتف بصوت عالى حين رأها تبتعد: مش هتقوليلى شكرا حتى
الفتت نور إليه وهتفت بضجر: شكرا على التوصيله يسطاا
أدهم: يسطا!! حلو والله غورى يا بت من هنا يلا..
قطبت نور ما بين جبينها وأخرجت لسانها له ثم رحلت
أبتسم بهدوء على جنانها ثم انطلق بسيارته بعدها
ركضت نور بسرعه الى المنزل ودلفت الى مدخل البنايه وأسرعت على الدرج ثم قامت بأخراج مفاتيحها وقامت بفتح الباب ودلفت بهدوء الى الشقه وأبتسمت بسرعه عندما أستمعت الى صوت والدتها فى المطبخ
وضعت حقيبتها على الارض ومشت ببطئ شديد حتى وقف خلفهم ووجدت والدها يضم امها من الخلف ويقترب من اذنها ويتكلم بحب: تعرفى يا صفاء البت نور وحشتنى اووى بس انت وحشتنى أكتر يا جميل
صفاء: عيب يا عبد الحق ميصحش كده والله
عبدالحق: ليه يا صفصف يعنى أحنا لوحدنا دلوقتى وبتقوليلى عيب بس سيبك انتى وحشانى اوى
صفاء : بس يا عبده بقى احنا كبرنا على الحجات ديه
شهقت نور بطريقة مصطنعه وهتف بمرح: اوووووبا هو احنا فينا من الحجات ديه ثم قلدت أمها.. بس يا عبده ميصحش كده يا عبده ...ما خلاص يا عبده بقى الحاجة بتقلك كبرتوا
فزع كلا من عبدالحق وصفاء
فأقترب بسرعه من ابنته واحتضنها بسرعه وهو يدمع وقال بفرح: يااه يا حبيبتى والله وحشتينى اوى والله الشهر الى فات ده كانه سنه بحالها
نور: وانت كمان وحشتنى اووى يا بابا والله انا اسفه انا مقدرتش ابعت الى الرسالة ديه الشبكه كانت وحشه هناك اصلا
عبدالحق: ولا يهمك يا حبيبتى المهم أنك رجعتى بالسلامه
نور: ازيك يا مانا
نظرت لها صفاء من رأسها لأسفل قدميها وهتفت بضيق: اه ..الحمدلله غيرى هدومك وتعالى ساعدينى فى تحضير الغدا
نور: اه انتى جايبانى هنا عشان اشقى لا يا بابا ميصحش كده والله
صفاء : يلا يا بت
نور: تمام يا فندم
ذهبت نور الى غرفتها سريعا وقامت بتبديل ملابسها لتنضم بسرعه الى اسرتها الصغيره على الغداء
.........
أخذت نور اجازة صغيره بعد انتهائها من ذلك التدريب مارست نور أيامها فى المنزل بروتين ممل وعادى جدا
جلست نور على فراشها وبدات بتصفح الفيس بوك خاصتها ولاكنها تلقت رسالة من مجهول وبدأت بقرأتها : انا اسف انى بكلمك على الخاص بس كان لازم اكلمك اصلى صراحه معجب بيكى وكنت ناوى اكلمك من فترة بس مجتليش الجرأة انى اكلمك كل حاجة فيكى شدتنى لون عنيكى ضحكتك شنبك اقصد شفايفك ياريت توافقى وتكلمينى...
قبلت نور الرسالة وردت : صراحة انا سعيدة انك دخلتنى يا دومى أقصد يا طائر الليل الحزين
رد أدهم بسرعة: هههههه عجبك الأسم مش كده
نور: صراحه تحفه فكرت فى الأسم ده ازاى ؟!!
ادهم: فكرت فيه لما كنت حزين بليل وأنتى بعيد عنى
نور: لا والله انت مسخره يا أدهم صراحه
ادهم: بس عرفتى منين يا اروبه
نور: انا اعرفك من وسط مليون أكونت وخصوصا بموضوع الشنب ده بس صحيح مدخلتش كلمتنى من الأكونت بتاعك ليه
أدهم: أصلى يا ستى خفت أحسن تقعى فى دباديبى لأحسن صورى جميلة بقى والمشكله ان فى لايكات وكومنتات من بنات وهيصه
نور: هه..وهيصه اه قولتليلى طب مبروك البلوك يا طائر الليل الحزين
ادهم: لا بلوك لا ونبى هدخل اكلمك طبعا منوه بس لما نتعرف اكتر مش يمكن متعجبنيش مثلا..!!
نور: لا مش بتعرف انا وغور بقى من هنا عشان هرش مايه دلوقتى
ادهم: هههههههه لا انا بقول البلوك احلى وأشيك من الرش
نور: اه يا معفن
أدهم: تؤ تؤ متغلطيش يا ام شنب ..بقلك اى هكلمك على بليل عشان انا مع المزة ومش فاضى دلوقتى سلام
نور: المزة...!!! طول عمرك واطى سلام يا اخويا
أغلقت نزر هاتفها وكانت على وشك النهوض ولاكنها
تلقت نور اتصالا هاتفيا من رقم غريب فظنت أنه أدهم فقامت بالرد سريعا وهتفت بأبتسامة : عايز اي يا طائر الليل الحزين
ردت فاطمة باستغراب: طائر ايه..! أنا فاطمة يا بنتى الى كنت معاكى فى التدريب
نور: فاااطمة حبيبتى أزيك عاملة ايه وحشتينى والله وجبتى نمرتى منين
فاطمة : أنا الحمدلله تمام يا ستى الى يسال ميتوهش ألمهم عندى ليك مفجأة حلوة كده
نور: يااه اخيرا خبر حلو قولى يا حبيبتى
فاطمة : أنا وعبدلله خطوبتنا الخميس الجاى
نور: اوووبا الله يسهلو يا عم اهو التدريب جه بفايدة
فاطمة: اه والله أنا فرحانه اوى والله يا نور بجد عبدلله انسان جميل جدا
نور: ربنا يوفقك يا حبيبتى وتعدى الخطوبة على خير بأذن الله
فاطمة: ربنا يخليكى يا حبيبتى وترتبطى بادهم
نور: هه..أدهم مين..آآه الى كان معانا لا دا مفيش اى حاجة دا واحد بارد مش أكتر
فاطمة : هههههه يا بكاشة دا واضح زى الشمس وعلى العموم مش هتقل عليكى سجلى نمرتى بقى وممكن ننزل انا وانتى والبت ياسمين نتفسح
نور: اوعى تكون البت قردة ديه جايه..!!
فاطمه: هههههه لا متخافيش
نور: تمام اتفقنا..سلام يا حبى
فاطمة: سلام يا نونى
.............
فى صباح اليوم التالى أستيقظت نور بنشاط تام دلفت الى الحمام وتوضأت وصلت ثم بدات بارتداء ملابسها التى كانت مكونة من بنطال جينز وبلوزه من الشيفون وقامت بارتداء أسفلها تشيرت كات وقامت بوضع بعض مساحيق التجميل البسيطة ثم قامت بعقص شعرها على شكل ديل حصان وتوجهت ناحيه الصالون
جلست على الطاوله بسرعه عندما وجدت أن الأفطار قد وضع بدأت بالأكل بسرعه
وجدت والدها يأتى من غرفته ويقول بنعاس: أنتى بتاكلى من غيرى يا واطيه
ردت نور وهى تلوك الطعام فى فمها...أصلى جعانه اوى يا بابا وصراحه ورايا مشوار
خرجت صفاء من المطبخ وهتفت بضيق:على فين ان شاء الله يا عين أمك
نور: هخرج مع اصحابى الجداد شويا يا ماما
صفاء أنتى مش فالحه بس غير تخرجى مع أصحابك حتى مفكرتيش فى مرة تيجى تقولى لأمك تعالى أخرجى معايا
نور: ونبى يا ماما بلاش الأسطوانه ديه بتاعت كل ما أجى أخرج يعنى بذمتك هو أنا مش كل ما اقول تعالى معايا تقولى اه مش قادرة اه صحيح أنا ورايا غسيل او تنشير بس يا ماما ونبى خلينا ساكتين بقى
صفاء : برضيك يا عبدالحق الكلام الى البت بتقوله ده
عبدالحق: اه طبعا يرضينى عندها حق البت يا صفاء صراحه
نور: شفتى يا صفصف الناس الى بتفهم
صفاء: ماشاء الله على التربية زين ما ربيت يا عبدالحق
عبدالحق: ولبستيها فى عبدالحق ليه دلوقتى اقعدى ونبى افطرى يا صفاء وعدى اليوم ده على خير
صفاء: لا مش هاكل أنا رايحه أغسل المواعين
نور : شفت...اهو ده الى كنت بقوله من شويا
عبدالحق: ههههههههه عندها حق والله
دلفت صفاء الى المطبخ بغضب
فضحك كلا من نو وعبد الحق فهتفت نور بمرح: روح صالحها بقى يا عبد شكل النهاردة اليوم بمبى
وضع عبدالحق يده على رأسه بطريقه مصطنعه وقال بقله حيله: ايوا والله شكلى كده يلا يا بنتى أتكلى على الله روحى مشوارك وانا هقعد هنا احل المشكله العويصة ديه
نور: ههههه الله يكون فى عونك سلام
عبدالحق: مع السلامة يا حبيبتى
.......
رحلت نور بسرعه وأستقلت سيارتها وذهبت الى موعدها مع صديقاتها الثلاثه
وصلت نور الى أحد الكافتريهات التى اتفقن عليا وجلست وأنتظرتهم حتى يأتوا
وصلت الفتيات بعد ١٠دقائق وجلسوا بجانب نور وبدأوا بالقبلات الحارة مع المصافحات
ثم بداوا بالحديث بمرح
نور: بجد انا فرحانة جدا اننا اتقابلنا وبقى ليا أصحاب
ياسمين: وانا كمان والله اى أخبار الأرتباط معاكوا
فاطمة: الحمدلله الفاس وقعت فى الراس وهتخطب وههيص خلاص
نور: الله يسهلك يا حبيبتى وانتى يا ياسمين
ياسمين صراحة ياسين الحمدلله فى اعجاب لسة بقى الحب بعدين وانتى بقى يا نور اى حكايتك مع أدهم
نور: احم....ادهم ههههههه والله ما تقدرى تقولى غير أننا عاملين زى توم وجيرى
فاطمة: ههههههه أنا حسيت كده والله
ياسمين: الله بقى ديه أحلى حاجة والله يا بختك يا نونى
نور: على ايه دا لسانه قد كده وهزارة بايخ و
فاطمة: بس...بس كفايه عيوب فى اى مميزاته أنتى قطعتى فى فروه الراجل
نور: وفيها اى مش ديه صفاته هو انا جايبه حاجة من عندى
ياسين: ما شاء الله دا انتى مهتمة بقى
نور: انا.... هههههههههه..اه
ضحكت نور وفاطمه على كلمه نور الأخيرة وبدأوا بأكمال حديثهم بمرح..