ا
ا
رواية الاخ الاكبر
الفصل الثالث والخمسون 53
بقلم حبيبه
محمد بصدمه: اتجوز مين
الحاج محمود: بنتي
محمد: ازاي لاء لاء ماقدرش
الحاج محمود بتعب وحزن: ليه لاء
يابني انا بترجاج تتجوز بنتي انا متاكد ان خلاص حان ميعادي وخايف اسيبها لوحدها ارجوك يابني انت الوحيد اللي هاتحافظ علي بنتي وتحميها
محمد: بس بس انا اا انا بعتبر مريم اختي ومش هاقدر اشوفها غير كده
الحاج محمود: يابني مش مهم اعتبرها اخت بس اتجوزها المهم اتطمن ان ليها ضهر تتحامى فيه ارجوك ماترفض اااااااه
محمد: طب اهدى ياحاج بس انت تعبان اهدى
الحاج محمود: وافق يامحمد وافق وريحني
محمد بأرتباك: بس طب انا ممكن اجوزها لراجل كويس ويحافظ عليها ويحبها لكن انا مش هاقدر احبها ياحاج بنتك هاتتظلم معايا اوي
الحاج محمود: مش عاوز راجل تاني انا عاوزك انت لبنتي انا واثق فيك وافق يابني الله يخليك
محمد:..........
الحاج محمود: اااااااه
محمد: حاج محمود انا هانادي للدكتور
امس الحاج محمود يد محمد: وافق يابني الله يخليك
محمد: حاضر حاضر هاتجوزها بس ابوس ايدك سيبني اروح انادي للدكتور
الحاج محمود: اوعدني يامحمد
محمد: والله العظيم هاتجوزها والله هاتجوزها بس ارجوك انا سيبني انادي للدكتور
#ابتسم الحاج محمود بسعادة وسط تعبه: شكراً يابني شكراً
#خرج محمد ركضآ اتجاه غرفة الطبيب مما اثار الرعب في قلوب الجميع
#ثواني وعاد محمد ومعه الطبيب
مريم بخوف: محمد محمد في ايه بابا ماله هو كويس
محمد: اهدي الحاج محمود كويس هو بس الدكتور بيطمن عليه اهدي يامريم
#مرت دقائق وخرج الطبيب اليهم.
مريم: خير يادكتور بابا كويس
الطبيب:مين مريم
مريم: انا
الطبيب: طالب يشوف حضرتك
مريم: حاضر
#دخلت مريم سريعآ لوالدها قبلت يده.....
مريم: بابا حبيبي
ابتسم الحاج محمود: ايه ده حبييت قلبي بتعيط ليه
مريم: انا مش بعيط ياحبيبي
الحاج محمود: اومال دي ايه بقى
مريم: دا دا دا عيني بس وجعاني ياحبيبي ماتشغلش بالك
الحاج محمود: ماشي هاعمل نفسي مصدقك ياكدابه
مريم: هههههه حبيبي ياحجيج
الحاج محمود: ممكن اطلب طلب من قلب ابوها وتوافق
مريم: عيوني ياحبيبي موافقه من قبل مااعرفه
الحاج محمود: تتجوزي محمد
مريم بصدمه : محمد مين يابابا اللي اتجوزه
الحاج محمود: محمد يامريم محمد جارنا
مريم: لا لاء يابابا مستحيل ده بالذات مستحيل
الحاج محمود بتألم: تاني يامريم تاني عند تاني يامريم
مريم: يابابا افهمني مش بعاند والله بس بلاش محمد ا اا انا موافقه اتجوز اي شاب تختاره اي شاب بس بلاش ده وبعدين هو بيحب لا مش بيحب دا بيعشق بنت تانيه يعني هانتظلم انا وهو
الحاج محمود: بس ماتت يابنتي مش عايشه
مريم: عايشه في قلبه يابابا عايشه في قلبه وعمرها ماهاتخرج منه
الحاج محمود: يابنتي احنا لما بنموت بنفضل بس مجرد ذكريات وبتدوم لمده وتتنسي انتي اعملي ليكي مكان في قلبه اصنعي مكان ليكي فيه اصنعي ذكريات جديده بينك وبينه
مريم: يابابا ارجوك حس بيا بلاش محمد ارجوك
الحاج محمود: بصي يامريم انتي لو موافقتيش تتجوزي محمد انتي لا بنتي ولا اعرفك واعتبري ابوكي مات خلاص
مريم بسرعه: بعيد الشر عنك ياحبيبي طب خلاص انا موافقه بس هو اكيد مش هايوافق يابابا
الحاج محمود: هو موافق يابنتي موفق
مريم بصدمه اكبر: وافق وافق ازاي
الحاج محمود: نادي لمحمد يابنتي
مريم: ح حا حاضر
#ذهبت مريم لثوان ثم عادت ومعها محمد
محمد: خير ياحاج محمود
مد الحاج محمود يده: اوعدني يابني تتجوز مريم
محمد: اوعدك ياحاج اني هاتجوزها
الحاج محمود: حطي ايدك انتي كمان يامريم واوعديني
وضعت مريم يدها: هاتجوزه يابابا
الحاج محمود: انا كده اتطمنت اقدر ارتاح دلوقتي
مريم: ربنا يخليك لي..........
#سقطت يد الحاج محمود واعلنت الاجهزه ذهابه عن هذا العالم بأكمله......
مريم: بابا في ايه بابا بابا رد عليا بابا بابا الله يخليك رد عليا يابابا بابا بابا مش بترد عليا ليه بابا هاتجوزه والله والله هاتجوزه يابابا
محمد: انا هنادي للدكتور
#ثوان وعاد محمد ومعه الطبيب
الطبيب: ابعد عنه اخرجوا بره حالآ
#امسك محمد يد مريم وذهبوا للخارج
ناديه: خير يابني في ايه
محمد: مش عارف ياامي مش عارف ربنا يستر ربنا يستر
#احتضنت ناديه مريم
مريم ببكاء: بابا ياماما ناديه بابا
ناديه: خير يابنتي هايبقى كويس ان شاءلله ادعيله يابنتي
مريم ببكاء: يارب انا ماليش غيره يارب رجعهولي يارب
#خرج الطبيب وهو ينزع الماصق: البقاء لله
#صمت الجميع في صدمه الجمتهم
#لم تستطع مريم تحمل الخبر فوقعت ارضآ مستسلمه لتلك الغمامه السوداء التي اخذتها بعيدآ عن العالم
ناديه: ياحبيبتي يابنتي ربنا يصبرك يارب لا حول ولاقوة الابالله العلي العظيم لا حول ولاقوة الابالله العلي العظيم محمد شوف اوضه فاضيه بسرعه
♡♕♕♕♕♕♕♕♕♕♕♕♕♕♕♕♕♕♕♕♡
وهجر القرآن مراتب بعضها اشد من بعض
فهل يا ترى هجرت قرائته!! 🥺
ام هجرت سماعه!!🥺
ام هجرت القيام به!!🥺
ام هجرت حفظه !!🥺
♡♕♕♕♕♕♕♕♕♕♕♕♕♕♕♡
#مر يوم بالكامل واشرقت الشمس معلنه عن بداية يوم جديد..
اخذت مريم تتحرك بخوف وهي نائمه وتتمتم ببعض الكلمات حتى استيقظت وهي تصرخ تنادي والدها
ناديه: بسم الله الرحمن الرحيم اهدي ياحبيبتي انا جنبك اهدي اهدي
مريم وهي تتمسك بثياب ناديه بخوف: حلمت حلم وحش اوى ياماما ناديه وحش اوى
ناديه: دا كابوس ياحبيبتي اذكري الله اذكري
مريم: عارفه ياماما شوفت بابا حضني اوي وقالي خلي بالك من نفسك وسابني ومشي فضلت اجري وراه وانادي عليه يستناني اروح معاه ماردش عليا انا لما اشوفه هاعتبه
#هبطت دمعه حزينه من عين ناديه على تلك المسكينه
مريم: في ايه ياماما ناديه بتعيطي ليه
ناديه: لا أبداً ياحبيبتي مافيش حاجه
مريم: طيب عاوزه اشوف بابا هو فين
ناديه: ط طب طب انتي تعبانه دلوقتي ارتاحي الاول ياحبيبتي وبعدين ابقي شوفيه براحتك
مريم: لا انا عاوزه اشوفه علشان اعرف ازاي مايجيش يشوفني
ناديه في سرها: مريم شكلها مش فاكره اي حاجه حصلت
مريم: مالك ياماما ناديه بتفكري في ايه
ناديه: ها لا ياحبيبتي مش بفكر ولا حاجه
مريم: طب ساعديني معلش اروح لبابا علشان اشوفه
ناديه: يابنتي ارتاحي دلوقتي وبعدين باباكي نايم دلوقتي لما يصحى هاخدك عنده
مريم: بس انا عاوزه اشوفه الحلم اللي شوفته ده مخوفني لو شوفته قدامي هارتاح حتى اشوفه ومش هاصحيه
ناديه: مش هاينفع يابنتي
مريم: ليه ياماما ناديه مش عاوزاني اشوف بابا ليه هو حضرتك مخبيه ايه
ناديه: يابنتي والدك توفى اول امبارح وانتي من الصدمه اغمى عليكي ولسه يادوب فايقه
مريم ببكاء: انتي بتقولي ايه انتي اكيد بتضحكي عليا انا ابويا ماسبنيش ابويا ماسبنيش
ناديه: للاسف مابهزرش للاسف
مريم: يعني خلاص مش هاشوفه تاني مش هاشوف خوفه عليا ولا حنيته يعني ابويا سابني سابني
ناديه: يابنتي دا قدر وماحدش يقدر يعترض عليه احنا عباده وكل اللي علينا نقول الحمدلله يارب الحمدلله
مريم ببكاء: الحمدلله يارب الحمدلله الحمدلله
#احتضنتها ناديه بحزن وهي تبكي عليها: عيطي يابنتي عيطي يمكن ترتاحي عيطي
مريم ببكاء: مش قادره ياماما مش قادره اتقبل ان انا خلاص مش هاشوفه مش قادره اتقبل ان ارجع بيتي ماشوفوش فيه مش قادره ياماما ناديه مش قادره اتقبل اني خلاص بقيت لوحدي
ناديه: مين قالك انك لوحدك اومال احنا اهلك ومن النهارده هاتبقي وسطينا
مريم: عاوزه اروحله
ناديه: يابنتي دا اتدفن امبارح
مريم: عاوزه اروحله المقابر ياماما ناديه عاوزه اتأسفله اني ماكنتش موجوده وقتها وودعته عاوزه اروحله ياماما ارجوكي
ناديه: حاضر يابنتي هاشوف محمد ونروح وعلشان تاخدي عزا والدك
مريم: لا انا مش هاعمل عزا
ناديه: ليه يابنتي
مريم: علشان ب بابا كان دايما يقولي يامريم لما ا ام ا لما اموت ماتعمليش ليا عزا لا صوان ولا حاجه
ناديه: الله يرحمه ويجعل مثواه الجنه يارب
مريم بدموع : يارب يارب
محمد: احم السلام عليكم ورحمة الله وبركاته
ناديه: وعليكم السلام ورحمة الله وبركاته محمد شوف عربيه علشان هانروح المقابر
محمد وهو ينظر لمريم: موجوده ياماما اسلام معاه عربيته
ناديه: ماشي يابني اسبقنا وانا هاجيب مريم ونيجي اخواتك فين
محمد: روان تعبت شويه عز خادها روحت وندا وروح قاعدين بره
ناديه: ماشي ياحبيبي اطلع قولهم يروحوا البيت
محمد: ماشي حاضر
..... ♡♕♕♕♕♕♕♕♕♕♡♡♡♕♡.......
* كونك تترك المعاصي في شهر رمضان ليس معناه كما يقولون منافق أو انك تضحك على دينك أو رياء أو تناقض أو إدّعاء للمثالية ، هذا معناه إن في قلبك قلبًا من الحياء، عسىٰ ولعل هذا الحياء يفتح طريقًا للتوبة ، فإن لم تُدرك كل شيء فلا تترك كل شيء ﴿ذَلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ﴾ . ❤️❤️❤️❤️🏮🌙"""
♡♕♕♕♕♕♕♕♕♕♕♕♡
مر الوقت ووصلوا للمقابر جلست مريم امام قبر والدها.ولم تستطيع التحكم في دموعها
مريم: هاتوحشني ياحبيبي كده تسيبني لوحدي بعدت عني وانا محتجالك انا والله عارفه ان غلط اللي بقوله علشان ده قدر وماقدرش اعترض بس مش قادره يابابا حاسه اني ضايعه في بعدك بس ماتقلقش مش هاسيبك لوحدك هافضل اجيلك واصدعك برضو بالحكاوي بتاعتي هههههه لاء اوعى تفكر اني هارحمك من رغي علشان بعدت عني انا وراك وراك ههههه
#تحول_ضحك_مريم_لبكاء_فجأه ربنا يرحمك ياحبيبي ربنا يرحمك يااحن واجمل اب ربنا يرحمك
ناديه من خلفها : خلاص يامريم يابنتي كفايه عياط لو مش علشاني علشان ابوكي هو اكيد بيتعذب علشان عياطك ده
مريم ببكاء: غصب عني ياماما ناديه غصب عني والله
ناديه: ادعيله يابنتي ادعيله دعواتك ليه هاتوصله
مريم: ربنا يرحمك ياحبيبي ويجعل مثواك الجنه يارب
ناديه: امين يارب يلا ياحبيبتي علشان تروحي ترتاحي
♡♕♕♕♕♕♕♕♕♕♕♕♕♡
* النّساء لهُنّ أجرُ الصّيامِ، وأجرُ العَمَلِ في المَنزلِ وأجرُ إفطارِ الصّائمين، فالبيوتُ قائِمَةٌ على صَبر النساء وعَطائِهِنّ.❤️❤️❤️❤️🏮🌙"""
♡♕♕♕♕♕♕♕♕♕♕♕♕♕♕♕♡
ويمر شهر على موت الحاج محمود ومعرفة العائله ان روان حامل وسعادت العائله بالكامل وتتزوج مريم محمد لتنفذ وصية والدها وعدم تركها وحدها ويأتي شهر رمضان الكريم على العائله......
ذهبت روح للجامعه وكانت تدعوا بداخلها ان تراه وكم اشتاقت له وتريد رؤيته..كانت تبحث عنها بعينيها في كل مكان
ايمان: اهدي ياوزه اهدي ياختي شكله مجاش
روح: هو مين يابت
ندى وهى تضرب كتفها: هههههه قصدها على الهوا
ايمان: هههههه جانا الهوا جانااااا
ندى: ورمانا الهوا رمانا
روح بغيظ: هارزعك انتي وهي شبشبين على بوزكم لو ماسكتيش ياجزمه منك ليها
ايمان: هههههه اهدى ياجعفر انتي دلوقتي بنوته كيوته رجعي جعفر ده مكانه
ندى: الحقي ابت اهو جه
روح: بجد فين فين
ندى: يقطعني ماطلعش هو هههههه
روح: امشي يابت منك ليها لانفخكم
ايمان: جاي يابت جاي
روح: اه استظرفي انتي كمان ياختي استظرفي
ايمان: يابت مش بهزر ده وراكي
استدارت روح وجدته قادم في اتجاهها
فارس: السلام عليكم ورحمة الله وبركاته
البنات: وعليكم السلام ورحمة الله وبركاته
فارس: انا اسف والله اني جيت اكلمكم بس كنت محتاج حاجه لو سمحتم
ندى برسميه: خير حضرتك محتاج ايه
فارس: رقم اخو حضرتك
نظرت روح اليه بصدمه وصمت
فارس: ممكن لو سمحتم اخده
#امسكت ندى هاتفها واعتطه اياه دون التكلم بكلمه اخرى