ا
ا
رواية الاخ الاكبر
الفصل الرابع والخمسون 54
بقلم حبيبه
ايمان: بت ياندى هو خد رقم محمد صح ولا بتخيل
ندى: هههههه لأ خده صح
ايمان: يعني هانسمع زغاريط قريب مبروك يابت ياروح حبيب القلب طلع عنده دم ونطق الود ودي ارقع زغروطه
روح: ماتفرحوش اوي كده الله اعلم هو عاوزه ليه يمكن علشان حاجه تانيه
ايمان: نعم نعم ياختي وهو هايعوز اخوكي في ايه غير انه يتنيل يطلب ايدك ويخلصنا منك ثم ان هو أصلاً مايعرفش اخوكي علشان يحتاجه في حاجه تانيه
ندى: ايمان عندها حق ياروح هو أصلاً مايعرفش محمد علشان يحتاجه في حاجه تانيه هو اكيد هايطلب ايدك منه
روح: لاء مش هاربط نفسي بأمل وارجع اتكسر تاني
ندى: ليه بتقولي كده ياروح مش يمكن يكون ده عوض ربنا ليكي
ايمان: صح ياروح ندى عندها حق انتي بس اتفائلي خير ياقلبي
تنهدت روح: حاضر هاتفائل
ندى: طب يلا بينا بقى نلحق المحاضرات اللي ان شاءلله هانطرد منها دي ولا ايه
ايمان: يالهوي يالهوي يالهوي دا انا عليا دكتور تنح ورخم يلا بينا بسرعه
♡♕♕♕♕♕♕♕♕♕♕♕♕♕♕♕♡
_انا عاوز أسأل سؤال شاغلني ياعم الشيخ 🤔
=أتفضل أسأل ياجميل😊
_هو يعني إيه: اللهم "صلِّ" علي النبي !! هو ربنا بيصلي إزاي؟!😃
=أقولك أنا :🙂
صلاة ربنا علي النبي يعني يكتب عليه الرحمة، ويذكره بالخير للملائكة ويمدح فيه ويعرفهم قد إيه هو بيحبه وغالي عنده..
_طيب قولي ياعم الشيخ .. النبي ﷺ قال: من صلي عليَّ صلاه، صلي عليه الله عشر صلوات دا ازاي برضوا ؟؟ 🤔🤔
=أفهمك أنا : يعني مثلا لما حد بيقول: اللهم صلَّ علي النبي.. ربنا هيصلي عليه عشرة أضعاف.. هيذكره بالاسم للملائكة، ويمن عليه بالرحمة، ورحمته بإختصار إنه يكتبله التوفيق في الدنيا، والجنة ونعيمها في الآخرة، وياما ناس وسطينا دلوقت إسمها بيذكره ربنا عشره وعشرين ومليون مره لأهل السماء.. لدرجة إنهم حفظوه، ومن هنا خرجت المقولة الشهيرة: فكم من مشهورٍ في الأرض مجهول في السماء، وكم من مجهولٍ في الارض مشهورًا في السماء.
=فهمت ياجميل؟ 🙂🙂
_اااه تمام كدا وصلت😊😊😊
طيب يلا بقى خد شهرتك في السماء وسيبك من الأرض دي خالص. وأكثر من صلاتك ع حبيب الله صلى الله عليه وسلم 🕊❤️😊😊💚💚
♡♕♕♕♕♕♕♕♕♕♕♕♕♕♕♕♕♡
استيقظ محمد علي رنين هاتفه
محمد: السلام عليكم
فارس: وعليكم السلام ورحمة الله وبركاته استاذ محمد معايا
محمد: ايوه خير
فارس: انا اسف لو ازعجتك بس كنت بتمنى اقابل حضرتك بخصوص موضوع مهم
محمد: موضوع ايه مش فاهم قصدك وبعدين هو انا اعرفك
فارس: ارجو منك توافق تقابلني وانت هاتعرفني وهافهم حضرتك بكل حاجه
محمد: تمام شوف عاوز تشوفني فين وانا اجيلك
فارس: كافيه (**#*) بعد الفطار ان شاءلله
محمد: تمام عارفه خلاص النهارده الساعه 10بعد القيام ان شاءلله
فارس بسعادة: تمام الف شكر الف شكر
محمد بأستغراب: العفو مع السلامه.... ماله ده بس هو يعرفني أصلاً منين وعاوزني في ايه مش عارف لما نشوف بالليل اما اقوم اصلي وانزل للورشه
#وقع نظر محمد اتجاه الفراش وجده مرتب وفارغ
محمد: اومال هي راحت فين بدري كده يمكن بره
#خرج محمد: صباح الخير يااهل البيت
ناديه: قصدك مساء الخير ياخويا احنا الضهر
محمد: ايه ده انا نمت ده كله
ناديه: اه مراتك صاحيه من زمان وخرجت
محمد: مراتي قصدك مريم
ناديه: هو انت ليك زوجه غيرها ولا حاجه
محمد: لاء هي وخرجت فين
ناديه: راحت السوبر ماركت اللي شغاله فيه ساعتين تلاته وهاترجع
محمد: اممممممم ماشي ياماما انا هانزل الورشه ابقي بلغيني لما ترجع
ناديه: ماشي ياحبيبي ربنا معاك ويوفقك يارب ابقى ارجع بدري
محمد: ليه
ناديه: انت نسيت مش عازمين روان اختك وجوزها وكمان الواد اسلام
محمد: اه معلش نسيت ياحبيبتي حاضر ان شاءلله هاخلص بدري وارجع
ناديه: ماشي ياحبيبي مع السلامه
محمد في سره: ماشي يامريم حسابك معايا لما ترجعي
#مر الوقت وعادت مريم للبيت
مريم: السلام عليكم
ناديه: وعليكم السلام ورحمة الله وبركاته خشي اغسلي وشك ياقلبي وصلي وارتاحي في اوضتك لحد معاد الفطار
مريم: هاتوضى واصلي وجايه اساعدك في الفطار ماشي
ناديه: لاء يابنتي مالكيش دعوه بالاكل روحي انتي ارتاحي وشويه والبنات جايه هايسعدوني
ناديه: السلام عليكم يااهل الدار
ناديه: اهو وصلوا ياريتني كنت جبت سيرت ربع جنيه
روح: حبيبتي ياندوش بتحبينا حب فذييييييع
ناديه: دا انتم اللي جوه القلب ابت
روح: من قلبك يافوزي
ناديه: طبعاً ياروح فوزي استغفرالله العظيم يارب
مريم: هههههه هههههه والله انتم عسل
روح: اي خدع ضحكنهالك اهو ياندوش هاتي بقى عشه جنيه
ناديه: ليه ان شاءلله ياختي
روح: اكراميه ياوليه حتى
ناديه: يلا يابت منك ليها اتنيلوا غيروا وتعالوا ساعدوني في الفطار
روح: ماشي ياناديه ماشي ثم خدي هنا ايه كل ده جلاش وبشاميل وماحشي وفراخ ياصلاة النبي ياصلاة النبي انتي شطبتي على مخزون الشهر كله في اول يوم ياناديه
هبطت ناديه وامسكت الشبشب: هارزعك شبشبين على بوزك ياقلب ناديه لو ماسكتيش
ندى: هههههه اهدي ياماما مش كده بنهزر ياست الكل
روح: اهدى احج بهزر يارمضان
ناديه: عازمين اختك وجوزها ياذفته
روح: تصدقي نسيت
ناديه بخبث: وكمان الواد اسلام زمانه على وصول
ندى: احم طب هاغير واصلي العصر وجايه اساعدك ياماما
روح برفعة حاجب: لا يابت دلوقتي هاتساعديها صاروخ وامك تعمل الشويتين بتوعها وندى اللي عملت الاكل كله صوح
ناديه: طبعاً قلب امها بتساعدني مش ذيك فاشله
روح: ماشي ماشي تشكري ياناديه ماشي بس سلومه عارفها من صغرها يعني ماتأڤوريش في كلامك ياناديه
ندى: شايفه رخامتها ياماما
ناديه: امشي ابت من قدامي امشي
روح وهي ترقض: اعاااااااااااا
مريم: هههههه هههههههه هههههه يخربيتك ياروح هههههه
كانت ناديه تنظر لها بسعادة
مريم: ايه ياماما بتبصيلي ليه
ناديه: فرحانه انك ضحكتي يابنتي بقالك كتير مش بتضحكي خليكي علي طول بتضحكي ياحبيبتي
ذهبت مريم واحتضنتها: حاضر ياست الكل هافضل اضحك طول ماانتم جنبي ومعايا المهم بقى انا هاغير بسرعه واصلي وجايه اساعدك ماشي
ناديه: ماهو ب.......
مريم:وافقتي طيب ربعايه وجايه
ناديه: هههه ماشي
#مرت دقايق ووصل محمد وجد ناديه وروح وندى في المطبخ
محمد: السلام عليكم نهار ابيض روح وندى في المطبخ يبقى هانقعد في المستشفى النهارده
روح: ماشاء الله بر ميل تفائل وحط علينا عاوز ايه اعم المشحم انت
محمد: وانا هاعوز منك ايه ابت انتي حيلتك حاجه يام ع فنه
روح: تشكر ياابو لسان عسل تشكر
ناديه: خش ياحبيبي خد دش وصلي وارتاح شويه قبل مااختك تيجي هي على وصول دلوقتي
محمد: ماشي ياحبيبتي هي مريم جت
ناديه: اه ياحبيبي بتغير وجايه تساعدنا
محمد: ماشي ياماما بعد اذنك
#دخل محمد غرفته وجدها تصلي ابتسم لرؤيتها بالحجاب لاول مره وكم اظهر براءة وجهها ظل ينظر لها وعلى وجهه ابتسامه استعاد وعيه على صوتها وهي تسلم........
محمد: احم حرمآ
مريم بهدوء: جمعآ ان شاءلله
محمد: مريم لما خرجتي الصبح ماعرفتنيش ليه
مريم: كنت نايم وبعدين انا عرفت ماما ناديه قبل ماانزل
محمد: حتى لو نايم يامريم ابقى صحيني وعرفيني ياريت لو سمحتي
مريم: محمد انا وانت متجوزين جواز على ورق يعني بلاش صيغة الامر دي
محمد: بس مراتي قدام ربنا سبحانه وتعالى حتى لو على ورق يعني واجبي احميكي وواجبك تسمعي كلامي ولا ايه يااستاذه مريم
نظرت له مريم لثواني: تمام ان شاءلله مش هاتحرك خطوه غير لما ابلغك يااستاذ محمد
محمد: تمام
مريم: بعد اذنك هاخرج لماما
♡♕♕♕♕♕♕♕♕♕♕♕♕♕♕♕♕♡
*بماذا تنصحني*☘️🍃
*🎈 " كثرة الإستغفار "* 🎈
لأن ذنوب العبد تحرمه التوفيق 💯
📢 ما ألزم عبد قلبه الإستغفار إلا زكى
وإن كان ضعيفا قوي
وإن كان مريضا شفي
وإن كان مبتلى عوفي
وإن كان محتارا هدي
وإن كان مضطربا سكن
*وإن الإستغفار هو الأمان الباقي لنا بعد*
*رسول الله ﷺ* 💎
♡♕♕♕♕♕♕♕♕♕♕♕♕♕♕♕♕♕♡
روان:خلاص بقا ياعز انت هاتفضل حابسني في الاوضه كده
عز: طبعاً ياروح عز عاوزك ترتاحي وماتعمليش اي مجهود ارتاحي ياروان وانا جنبك اهو اللي تحتاجيه هاعمله
روان: هههههه يابني انا خلاص هادخل في الرابع يعني مافيش خطر اوي
عز: ولو برضو ترتاحي انا بنفذ كلام الدكتوره وبعدين انتي مالك ياستي انا عاوز القمر بتاعتي تكون مرتاحه
روان: قصدك انا
عز: لاء طبعاً قصدي علي حبيبة ابوها العسل
روان: تصدق انك رخم يلا ياخويا وسع
عز: خدي ابت هنا رايحه فين
روان: ايه هاغير علشان نمشي
عز: نمشي فين عدم لامؤخذه
روان: يابني انت نسيت مش احنا معزومين
عز: اه صحيح تصدقي نسيت طب يلا اجهزي وانا هالبس بسرعه
♡♕♕♕♕♕♕♕♕♕♕♕♕♕♕♡
انتى محمد من صلاته وقراءة ماتيسر من القرءان
وذهب للخارج...
محمد: ماما عز مجاش لسه
ناديه: جايين ياحبيبي واسلام كمان في الطريق
#ثواني ودق جرس 🔔الباب.......
محمد: وصلوا اهو
#فتح محمد الباب وجده اسلام
اسلام: حبيب قلبي
محمد: يادي النيله انت شرفت
اسلام: لاء لسه جاى فى الطريق وسع اعم الحاج وسع
محمد: اوسع وعم الحاج استغفرالله العظيم واتوب اليه اللهم اني صايم اللهم إني صايم
اسلام: هههههه رمضان كريم يامحاميحوا هههههه
روح: ندى الحقي خطيبك محمد هايعمله كفته
محمد: ولاااااا
ندى: اسلام اتفضل
اسلام: بسم الله ماشاء الله هو احنا بنحلو في رمضان اوي كده
محمد: طب الزقه في الباب دلوقتي واريح البشريه
ندى: ايه اللي معاك دلوقتي
اسلام: شيكولاته ياشيكولاتة قلبي
محمد: ياماماااااااا ياماماااااااااا تعالي للسكر ده قبل ماافطر
ناديه: هههههه تعالي يااسلام خش ياحبيبي وبطل تناغشه
روان من خلفهم: مجمعين دايما
ناديه: حبيبتي وحشتيني ياقلب امك
روح: رورو حبيبتي وحشتيني
روان: حبيبي الصغنن اللي واحشني ياناس
روح بتذمر: خلاص كبرت يارخمه
روان: هههههه برضو حبيبي الصغنن انتي والسكر اللي هناك
ندى: هههههه حبيبتي قلبي
محمد: وبعدين هاتفضلوا على الباب اخلصوا خشوا جوه يلا المغرب هايأذن واحنا واقفين
اتفضل ياعز
عز: رمضان كريم عليكم ياجماعه
ناديه: وعليك ياحبيبي نورت
عز: ماما ناديه وحشتيني ياست الكل
ناديه: انت اكتر ياحبيبي تعال اتفضل يلا اقعدو جوه لحد ماانا والبنات نخلص
روان: اومال مريم فين ياماما وحشاني البت دي
ناديه: جوه في المطبخ ياحبيبتي روحيلها
محمد: بقولكم ايه تعالوا هاحكيلكم حاجه
عز: تمام
اسلام: خير مش بيجي منك غير ال مصا يب
محمد: امشي من قدامي يلا امشي
#ذهبت روان للمطبخ: الوحشه اللي مابتسألش
احتضنتها مريم بحب: وحشتيني وحشتيني اوي اوي
روان بأبتسامه: لاء انتي اللي وحشتيني اكتر المهم طمنيني عليكي عامله ايه
مريم: الحمدلله بخير ياروحي انتي اللي عامله ايه والحمل اخباره ايه معاكي
روان: اهو الحمدلله متعب شويه بس شعور حلو
مريم: ربنا يسعدك ويفرح قلبك ياحبيبتي
روان: تسلميلي يارب ويسعدك ويرزقك بالذرية الصالحه واشوفك كده بكرش علشان تدوقي تعبي وافرح فيكي
مريم: لاء ماعتقدش
روان: بس يابت ليه بتقولي كده
مريم بأستهزاء: ياروان بلاش نضحك على بعض انا واخوكي مستحيل نبقى مع بعض انت عارفه احنا اتجوزنا ليه ودا بطلب وترجي من بابا بس يعني احنا متجوزين على الورق بس يعني انا وهو يعتبر طريقين ماشين جنب بعض بس مستحيل يتقابلوا اخرهم يمشوا جنب بعض وبس
روان بحزن على حالتها: ياروحي ماتقوليش كده انتي قولتي انكم مستحيل تتقابلوا بس شوفي كنتم انتم مش طايقين بعض ودلوقتي بقيتوا متجوزين حتى لو زي مابتقولي على ورق بس متجوزين قدام ربنا سبحانه وتعالى وقدام الكل واللى جمعك انتي وهو في اوضه واحده حتى لو بتنامي في مكان وهو في مكان ان شاءلله هايجمعك انتي وهو مع بعض وهايجمع طريقك. وطريقه مع بعض
مريم: بس......
روان بأبتسامه: مابسش انتي بس سبيها علي الله وفكيها كده واضحكي اهم حاجه بلاش تعقديها ماشي
ابتسمت مريم بحب: حاضر
روح من خلفهم: انتم بترغوا في ايه
روان: يييييييي جات محطمت اللحظات السعيده عاوزه ايه يارخمه
روح: عاوزه اكل اجدعان جعاااااااانه
مريم: يخربيتك هاتجرسينا اسكتي
روح: ابت بقولك جعانه راعي شعور الكتاكيت اللي بتنونو جوايا.....
مريم: يابت فاضل ساعتين ويأذن خلاص اصبري
روح: ساعتين بحالهم اه يانيييييي
♡♕♕♕♕♕♕♕♕♕♕♕♕♕♕♕♕♡
عجبت لاربع يغفلون عن اربع🌹🌹
1عجبت لمن ابتلى بغم ويغفل عن قول 💚💚
(لا إله إلا أنت سبحانك إني كنت من الظالمين)
والله سبحانه يقول 🌺🦋
(فاستجبنا له ونجيناه من الغم)
2عجبت لمن ابتلى بضر ويغفل عن قول 💚💚
(ربي اني مسنى الضر وانت ارحم الراحمين)
والله سبحانه يقول 🌺🦋
(فاستجبنا له وكشفنا مابه من ضر)
3عجبت لمن ابتلى بخوف ويغفل عن قول 💚💚
(حسبي الله ونعم الوكيل)
والله سبحانه يقول 🌺🦋
(فانقلبوا بنعمة من الله وفضل لم يمسسهم سوء)
4عجبت لمن ابتلى بمكر الناس ويغفل عن قول 💚
(وافوض امري الى الله واللُه بصير بالعباد)
والله سبحانه يقول..... 💚
(فوقاه الله سيئات مامكروا)
♡♕♕♕♕♕♕♡♡♡♕♕♕♕♕♕♕♡
عز: طب وانت ماعرفتش ده مين وعاوزك في ايه
محمد: لاء ماعرفوش بس كان مصمم يقابلني حتى ان هو قالي شوف المكان اللي احب اشوفه فيه وهو هايجي
عز: وهو المفروض النهارده
محمد: اه بعد صلاة القيام ان شاءلله هاشوفه
عز: خلاص هاجي معاك ونشوف عاوز ايه
محمد: تمام ماشي
اسلام: اشطا اهو اكون قعدت مع خطيبتي شويه
محمد: هههههه واطي ياض دا بدل ماتقولي هاجي معاك ياابن خالتي ليكون في ضرر
اسلام: ياعم ضرر ايه انت حد يقدر عليك روح انت وزيزو وانا هاستناكم...
عز: لاء واطي واطي مافيش كلام
اسلام: حبايبي تسلمولي
#مر الوقت واجتمعوا جميعآ على طاولة الطعام
عماد: ايه اجدعان مش قايل صحوني على الاذان مصحيني بدري ليه
روان: القرءان خلاص هايصدق وبعدين مش عاوز تسلم عليا ياواد
عماد: موزتي عندنا ياناس وانا اقول البيت نور كده ليه بالحضن يافواز...
عز: ولا هش لورا ياض هش
عماد: بتغيري يابيضه
عز: طبعاً الحضن ده تبعي انا وبس يلا ياض هش لورا هش
محمد: معلش تعال ياعماد احضنك تعال
عماد: احضن مين اعم هش انا مابحضنش العضم الناشف انا هش
محمد: اه ياعرت العرر
ناديه: اقعد ياواد يلا المغرب هايأذن...
عماد: عيوني ياندوش...
#واذن المغرب......
انتهى الفطار وصلاة القيام وخرج محمد وعز واسلام
عز: بقولك ايه يامحمد ماترن على الواد ده وتقوله يقابلك دلوقتي
محمد: دلوقتي
عز: اه واهو نروحله دلوقتي
محمد: خلاص ماشي
#اخرج محمد هاتفه واتصل على فارس...
فارس: السلام عليكم
محمد: وعليكم السلام ورحمة الله وبركاته كنت بسالك انت فاضي دلوقتي
فارس: اه طبعاً فاضي
محمد: طيب قابلني في الكافتيريا دلوقتي
فارس: خلاص مستني حضرتك هنا السلام عليكم ورحمة الله وبركاته
محمد: وعليكم السلام ورحمة الله وبركاته
عز: ها قالك ايه
محمد: مستنينا هناك يلا بينا
عز: تمام
اسلام: يلا فوتكم بالعافيه
امسكه محمد من تلابيب قميصه: خد ياض انت صدقت ولا ايه يلا قدامي
اسلام: ها نعم ياخويا هو احنا مش اتفقنا استناكم في البيت
عز: انا مش فاكر ايييييي حاجه خاااالص
اسلام: خااالص اه ياواطي
عز: يلا يامحمد هاته وتعال
محمد: لاء ياعز اسلام مؤدب وهايجي والا هاقول لندى على ماضيه اللى شبه قفاه
اسلام: ها يلا ياجماعه احنا اتأخرنا على الراجل
#ذهبوا جميعآ وجدوا فارس ينتظرهم...
محمد: ايه هو انت
فارس: اهلاً يااستاذ محمد اتفضل اقعد
محمد: وياترى بقى عاوزني في ايه
فارس: احم بص انا مش بحب اللف والدوران انا بصراحه طالب ايد اختك روح
محمد نننعم