قصة ألم البداية
البارت الثالث 3
بقلم فريدة احمد
رجعت الحجز وهي بتعيط بحرقة والكلام اللي فارس قالهولها بيتردد في ودانها
قد ايه كان كلامو قاسي عليها . والزاي صدق فيها كدة بعد حب سبع سنين ومحاولش حتي يسمعها
ريم في نفسها .. ياااه يافارس للدرجة دي معندكش اي ثقة فيا
وفضلت ريم تبكي بانهيار علي اللي حصلها وحياتها اللي انقلبت ١٨٠درجة في يوم . وصدمتها في فارس حب عمرها اللي ماكانتش متوقعه أبدا أن ده هيبقي رد فعله
بس ريم مسحت دموعها بعنف وهي بتقول .. لازم اخرج بأي شكل وبأي طريقة علشان اثبتلو وأثبت للناس كلها اني مش كدة
تاني يوم
:خلاص يا ريم أن شاءالله ربنا هيظهر براءتك وهتخرجي
ريم بعياط.. انا ضيعت خلاص يا داليا
داليا .. متقوليش كدة اكيد في حل
ريم .. انا بس اللي هيجنني مين ده والزاي دخل شقتي . وكمان دخل الشقة بمفتاح الباب . وقال كدة قدام الظابط عشان يثبت التهمة عليا اكتر واني اعرفه من زمان ومصحباه . و اني انا اللي مديالو مفتاح شقتي علشان يدخل ويخرج براحتو وأنها مش اول مرة . دا متعود يجيلي دايما
أميرة .. دي حاجة غريبة فعلا .. انتي متأكدة ياريم انك متعرفيش الواد ده . يعني عمرك شفتيه قبل كدة
ريم بنفي .. لأ انا معرفوش .انا اول مرة اشوفه . بس انتي بتسألي ليه
أميرة .. لأ ابدا ياروحي انابس بقول يمكن في بينك وبينه عداوة يعني وعمل كدة عشان ينتقم مثلاً .. متزعليش مني انا بس بفكر معاكي
ريم .. ولا يهمك ياحبيبتي .بس انا عمري ماشفته ولااعرفه قبل كدة عشان يبقي في بيني وبينه عداوة ومعنديش عداوة مع حد اصلا . وهو ده اللي هيجنني . مين اللي ليه مصلحة يعمل فيا كدة
داليا .. متقلقيش ياحبيبتي أن شاءالله كل حاجه هتبان
ريم .. امتا بس انا خلاص اتفض.حت.. انا دلوقتي في نظر الناس كلها بقيت واحدة زبا.لة وبتاعت رجالة
داليا بتفكير .. بقولك ياريم . هو لمسك
ريم .. تصدقي اني معرفش إذا كان لمسني ولا لأ
داليا .. طيب ماهو كدة في طب شرعي ولو ثبت انو مالمسكيش هيبقى اتحلت
ريم بيأس .. وممكن يطلع العكس واقضي عمري كله في السجن .دا غير الفضي.حة
أميرة .. ريم ياحبيبتي بلاش يأس وأن شاء الله خير
ريم .. حتي لو اللي بتقولوه صح وانو فعلا ممكن يبقي ملمسنيش هفضل بردو في نظر الناس إني واحدة مش محترمه وبدخل رجالة بيتي . انتو ناسيين انو كان جمبي علي السرير لما الظابط دخل
داليا .. بصي هو الحل أن الواد ده يتكلم
ريم .. وهنعرف نخليه يتكلم الزاي بقا
أميرة .. متقلقيش ياحبيبتي احنا معاكي ومش هنسيبك.
انا كلمت محامي واكيد هيتصرف
وهنفضل ورا الواد ده لما يتكلم
ريم .. ربنا يخليكو ليا انا مش عارفه اقولكم ايه علي وقفتكو جمبي وأنكم مصدقين اني مظلومة . لو اي حد غيركم كان ممكن يصد ..
اميرة قاطعتها .. ايه الهبل والكلام ده احنا اخوات وعشرة عمر. واستحالة نصدق فيكي حاجه زي كده
ولا حتي نشك فيكي
ريم ابتسمت بوجع وهي بتقول .. ليه ما فارس صدق اني عملت كدة وشك فيا وكملت بدموع .. تعرفوا . كل اللي انا فيه دا قوم وصدمتي في فارس قوم تاني خالص
اميرة .. ولا تزعلي نفسك . فارس ده زبالة
وما يستهلكيش اصلا والمفروض تحمدي ربنا انو بان علي حقيقتها
عند مامت ريم
كانت بتحاول تكلم ريم علي التليفون بس مفيش رد من ريم وده كان قالق مامتها جدا خصوصا انها عايشه في محافظة تانية مع جوزها بعيد عن ريم
في الوقت ده دخلت دينا بنتها التانية وهي بتقولها .. مساء الخير يامامي
سحر.. دينا كويس انك جيتي ياحبيبتي
دينا .. خير يا ماما . مالك قلقانة كدة ليه
سحر .. بكلم اختك ريم ومبتردش عليا
دينا .. طيب مايمكن مشغولة . انتي عارفة ريم لما بتبقا مشغولة يا بتقفل تليفونها يا بترميه في أي مكان ومبتهتمش ترد علي حد
سحر .. لأ انا مش متطمنة . بقولك ايه معاكي رقم حد من صحابها
دينا .. اه معايا رقم داليا صاحبتها
سحر .. طيب كلميها بسرعة
دينا .. حاضر
ورنت علي داليا
دينا .. مش بترد
سحر .. كليمها تاني
دينا رنت تاني
دينا .. الو. ايوا ياداليا . عاملة ايه .انتي كمان وحشاني
سحر بنفاذ صبر .. ما تخلصي . اسأليها علي اختك
دينا ..حااضر. بقولك ياداليا هي ريم فين .اصل ماما بتكلمها تليفونها مقفول وماما قلقانة
داليا افتكرت لما كانت بتزور ريم وريم قالتلها لومامتها كلمتها أو حد من اخواتها سأل عليها متعرفمش حاجة
داليا .. اه هي سافرت الغردقة تجيب حجات للشغل . متقلقوش انا كلمتها الصبح . هي بس تلاقيها مشغولة وشوية و هتكلمكم
دينا .. خلاص ماشي يا داليا
وقفلت معاها
سحر .. هاا قالتلك ايه
دينا .. بتقول انها مسافرة الغردقة تجيب حجات للشغل . اطمني بقا هي كويسة . وداليا بتقول انها كلمتها الصبح
بعد اسبوع
تم الكشف وفعلا تقرير الطب الشرعي طلع وأثبت ان ريم لسه عذراء وإن مفيش حد لمسها
بس طبعا حازم كان ليه رأي تاني
عند حازم
كان قاعد في مكتبه وبيشرب قهوه بهدوء
لحد ما دخل العسكري ومعاه ريم بعد ما حازم أمره بجيبها من الحجز
العسكري .. تؤمرني بحاجة تانية ياحازم باشا
حازم وهو بيبص علي ريم .. روح انتا
العسكري خرج وقفل الباب وراه
حازم .. قربي اقعدي
ريم قربت بهدوء وقعدت
حازم بهدوء .. تقرير الطب الشرعي طلع
ريم بلعت ريقها بصعوبة وضربات قلبها مره واحده بقت سريعة
حازم .. مش عاوزة تعرفي النتيجة وكمل بسخرية .. ولا انتي اصلا عرفاها
ريم ..ط. طلع ايه
حازم وهو بيصطنع الحزن والأسف
حازم. بكذب .. للأسف الطب الشرعي اثبت أنه بالفعل حصل علاقة غير شرعية
ريم بصدمة .. اييه
ريم بدأت في العياط وشهقاتها زادت وهي بتقولو ..ي.يعني انا كدة خلاص مش هخرج من هنا و هتسجن
حازم قام من مكانه وقعد قدامها وقالها .. شش اهدي
انا لسه عند وعدي . وهساعدك تخرجي من هنا . بس تعملي اللي انا عايزو
ريم بضعف .. حضرتك عايز ايه
حازم .. تفتكري واحد زيي هيعوز ايه من واحدة زيك
ريم .. مش عارفه
حازم .. متستعبطيش عليا ياريم . انتي عارفه كويس انا عايز ايه.. قولتي ايه . تتحبسي ولاتبقي شاطرة وتسمعي كلامي وانا هخرجك
ريم .. طيب اي حاجه غير الحرام
حازم .. تقصدي اي
ريم .. تتجوزني
ضحك حازم بصوت عالي قبل ما يقولها.. انتي بتهزري . اتجوز مين ..اتجوزك انتي . ضحك تاني وقالها .. والله دا اللي ناقص .. اني اتجوز واحدة زيك . وكمل بغضب .. ماتفوقي لنفسك يابت انتي . انتي مش عارفه انامين ومنصبي ايه .هتجوزك الزاي انتي اتجننتي
ريم برجاء.. حتي لو عرفي
حازم .. انسي . اسمي مش هيتحط جمب اسمك فأي وضع كان
وقبل ماريم تتكلم حازم كمل بسخرية لما قالها وهو بيحاول يأثر عليها .. انا عرفت أن خطيبك سابك ومطلعش واثق فيكي ولاحاجة زي ما قولتي
ريم مستحملتش كلامو لما فكرها بللي فارس عملو ومكانش قدامها حل تاني غير انها تسمع كلامو
وغصب عنها مسحت دموعها وقالتلو بهدوء .. انا موافقة
حازم ابتسم بانتصار قبل ما يقولها.. برافو عليكي انتي كدة بدأتي تفكري صح وكمل بتحذير .... بس لو فكرتي تشغلي دماغك و تتزاكي عليا وحاولتي تتصرفي اي تصرف ميعجبنيش صدقيني هيبقى قدامه رد فعل قوي مني .
هاعمل فيكي وفي اهلك اللي عمره ما يخطر على بالك
بعصبية .. تتصرفي . زي مادخلتيني هنا تخرجيني
دا كان كلام الشاب اللي كان مع ريم في الشقة
_ فيه ايه ماانت كنت موافق من الاول
_ انا مكنتش عامل حسابي أن كل ده هيحصل
_ والله ما حدش قالك تلمسها . انا اصلا مكنتش متفقة معاك علي كدة
محمد بعصبية .. انا ملمستهاش
اتكلمت بستغراب.. يعني ايه ملمستهاش . امال النتيجة دي طلعت بناءً على ايه
محمد.. ما انا هتجنن انا والله ما لمستها
_طيب متقلقش . انا هتصرف
محمد بتهديد .. انتي لازم تتصرفي لأني صدقيني انا مش هلبسها لوحدي ولو اتحبست هقول على كل حاجة
اتكلمت ببرود
_هتقول ايه يعني
محمد .. هقول أن انتي اللي اتفقتي معايا وخططي لكل حاجة
_بجد . ومين بقا هيصدقك . عندك دليل على كدة
محمد بتأكيد .. اه عندي . انا معايا تسجيل بصوتك وانتي بتتفقي معايا
ضحكت هي بثقة عالية وقالتلو .. بجد
بصلها محمد بستغراب من ثقتها قبل مايقولها .. اه .بجد وانا مش هروح في داهيه لوحدي . لو ماوفتيش بوعدك هاقدم التسجيل للنيابة
_والله اعلي ما في خيلك اركبو
محمد .. انا مش فاهم اي الثقة اللي بتتكلمي بيها دي . انتي مش خايفة لنفذ تهديدي
ضحكت تاني وقالتلو .. قصدك على التسجيل يعني
محمد .. ايوا . وهي دي حاجه متخوفش
_تخوف . بس دا لما يبقي التسجيل معاك بجد
محمد بثقة .. لأ اطمني .معايا
_ماهو اللي انتا متعرفوش انو بقا معايا انا دلوقتي
محمد بجنون .. الزااي
ردت ببساطة وقالتلو .. عادي بعت جيبتو من ورشتك .. مش انتا بردو كنت شايله هناك
محمد بعصبية .. انتي ايه ياشيخة شيطانة. انتي ازب.ل بني آدمه انا شوفتها في حياتى انتي واحدة مريضة
قاطعته هي بغضب .. اخررس ولا كلمه زيادة . انتا متعرفش انا ممكن اعمل فيك ايه
محمد .. واحدة باعت صاحبتها ولبستها قضية ظلم
هستني منها ايه
أميرة .. برافو عليك . تخليك هادي بقا كدة وتسمع كلامي.