![](https://blogger.googleusercontent.com/img/b/R29vZ2xl/AVvXsEj2ky3zBiz7POUhetVkuBSHVcqXxpaSHg6W4uKHuIKxvE1eutT0ah-4ZOR7mwuLQhIW_f0BJ98G0hzY3Jz92h5tYAv2-pIZrf7a5iLuPuSzmfTuPjKc9mEqpdvjgchmmupAyhZ2h0Dhv8Qvs5A9DQ2hA9ZgyYxrSmJudYa_11l1e7R4H-ki3ETH0ncrA64j/s320-rw/FB_IMG_1709242834979.jpg)
البارت السابع عشر17
بقلم اسماء محمد
رهف : شهد كلمي في واحده برا عايزاكي
شهد بإستغراب : عايزاني انا خير
خرجت شهد لتري من بالخارج
شهد بدهشة : سلمي
سلمي : انا عايزاكي تسامحيني يا شهد
شهد : اسامحك طب الاول اتفضلي خشي
دخلت سلمي الي الداخل
شهد : رهف قولي لهنا تعمل ضيافه بسرعه
رهف : حاضر
شهد : اتفضلي يا سلمى اتكلمي
سلمي : انا اكتشفت حاجات كتير اكتشفت طيبه جوزي وحنيته اكتشفت حبي لبيتي انا دلوقتي حياتي افضل بكتير وكل الفلوس اللي خدتها من القرف ده عملت بيها مشروعات خيريه كتير بس فاضل انتي تسامحيني
شهد : اسامحك طب والناس اللي انتي خدتي أعضائهم دول سامحوكي علي الاقل انا موضوعي سهل الحمدلله و خفيت والناس اللي اتأذت من شرك ده
سلمي بدموع : ارجوكي سامحيني
شهد : مسمحاكي وربنا يغفرلك
سلمي : مش انا حامل في بنوته وقررت أن شاء الله هسميها شهد علي اسمك
هنا : اتفضلي اشربي عصير فراوله إنما ايه
شهد : لازم تشربي عشان شهد تبقي مسكره
سلمي : انا بدعي ربنا انا عيالي يكونوا في اخلاقك وفي طيبتك انتي علمتيني حاجات كتير استأذن انا بقي عشان جوزي مستنيني تحت
شهد : مع السلامه
بعد ما سلمي مشيت
هنا : هي ده اللي خبطتك
شهد : اه
هنا : وكانت عايزه ايه بقي
شهد : كانت عايزاني اسامحها
هنا : واكيد سامحتيها ما انا عارفه قلبك طيب
شهد : اه سامحتها واقفلي علي الموضوع ده
رغد : شهد عمر اتصل وانا رديت عليه وقولتله تعالي اتغدي معانا قالي خليها مره تانيه
شهد : تمام يا روحي
★★★★★★
جمال : عملتي ايه يا سلمي
سلمي : الحمد لله وافقت ده انا كنت خايفه اوي أنها ترفض هو ممكن انت تعترض يا جمال اني اسمي البنوته الجديدة شهد
جمال : وهعترض ليه يا روحي مش ده يسعدك خلاص انا اهم حاجه عندي سعادتك
سلمي : ربنا يخليكي ليا يا روحي
جمال : الاسبوع الجاي هنرجع دبي عشان شغلي ماشي انتي اصريتي أن احنا ننزل ونزلنا هنرجع تاني
سلمي : اللي تشوفه يا حياتي
★★★★★★★
عمر : انت يالا هتروح تطلب ايد هنا أمتي
احمد : دلوقتي يالا بينا
عمر : لأ يا حبيبي انت هتطلبها من الكبير
احمد : عمي جلال
عمر : ايوه
احمد : انا هتجوز علي طول يا عم
عمر : اللي العروسه تقول عليه هنعمله بس اني شميت بس في يوم انك زعلتها هتشوف مني الويل انت صاحبي وأخويا وكل حاجه بس هي اختي واللي يجي علي اختي امحيه من علي وش الأرض
احمد : ماشي يا عم متخوفنيش كده
عمر : انا مبخوفكش ولا حاجه انا بحذرك
احمد : طب انا هروح لأبوك أمتي
عمر : احنا راجعين سوهاج كمان عشر ايام
احمد : قطر ولا طيران
عمر : شكلها كده طيران
احمد : تمام هجيلكوا علي هناك ماشي
عمر : ماشي
★★★★★★★★
بعد يومين
عند ريم في الكلية
ريم خارجه من الامتحان
يوسف : عملتي ايه في الامتحان
ريم : الحمد لله
وسابته ومشيت
يوسف : يعني مش هترضي عني بقي انا بقالي اكتر من تلت شهور بتحايل عليكي
ريم :لوسمحت معنتش تيجي هنا عشان سمعتي ماشي يا بن عمي
يوسف بصوت عالي : اعملي حسابك لما شهد تيجي انا هطلبك منها وهتجوزك ماشي وانتي توافقي الا بالله اطلعلك العربجي اللي جوا
مشيت ريم وهي في طريقها
ريم : مجنون
يوسف ركب العربية
يوسف : هتوافقي يعني هتوافقي يا ريم وانا وراكي والزمن طويل يا بنت عمي
★★★★★★★★★★★★★★★★
بعد مرور عشر ايام
وانهت شهد اخر جلستها
عمر : ها جهزتوا كل حاجه
رغد : اه يا خويا جهزنا تعالي شيل يالا
عمر : ماشي يا ست رغد فين الشنط
رغد : قدامك اهي
شهد : رغد ايه الأسلوب ده
عمر : رغد تقول اللي هي عايزاه اهم حاجه ترضي عني
حمل عمر الحقائب
عمر : يالا اركبوا
رهف : طب والعربية ده هتوديها فين
عمر : هسيبها قدام المطار وأحمد يبقي ياخدها أصله مش فاضي ورا شغل
شهد : ربنا يعينه
في العربيه
تجلس رغد بجوار عمر وبالخلف رهف وهنا وشهد
رغد : طب يا عمر مش ممكن الطياره دي تقع بينا
شهد : رغد معنتيش تقولي عمر قولي يا روحي ابيه عمر
رغد : صدقي فكره ابيه عمر حلوه ها الطياره مش ممكن تقع بينا
عمر : لأ يا ستي رغد مش هتقع بينا
وصلوا الي المطار
رغد : انا هقعد جنب عمر عشان ندردش سوي
عمر : ماشي يا ستي
جلست شهد بجوار رهف
هنا في خاطرها : يعني علي حظي يعني اقعد جنب راجل يارب استر ده اول مره اركبها
جلست هنا علي مقعدها
احمد : اذيك يا انسه هنا
هنا : بسم الله الرحمن الرحيم بيطلعوا أمتي دول
احمد : انتي اتخضيتي ولا ايه
هنا : لأ متخضتش ايه اللي جابك
احمد : عشان متقعديش لوحدك يا روحي عقبال متقعدي جنبي في الكوشه
هنا : اسكت الا هقول لشهد
احمد : مبخفش عمر عارف
أقلعت الطائرة
رغد بدموع : انا خايفه يا ابيه
عمر : اهدي يا رغد مفيش حاجه
شهد وهي تنظر لرغد : مالك يا حبيبتي في حاجه
رغد : انا خايفه يا شهد خديني في حضنك
شهد : مش هعرف يا روحي بصي اتكلمي شويه
عمر : تحبي اعملك الفستان بتاع فرحنا انا وشهد فين فرنسا ولا ايطاليا ولا في مصر
رغد : فرحكوا هو انتوا قررتوا تتجوزوا
عمر : ايون انتي زعلتي ولا ايه
رغد : ما انت هتتجوزها وهنا هتتجوز احمد وريم في السكن وانا ورهف هنقعد فين هنقعد لوحدنا
عمر : لأ هتقعدوا معانا ايه اللي هيخليكوا تقعدوا لوحدكوا
رغد : يعني مش هتسبونا
عمر : نسيب مين انتي هبله
وبعد وقت قليل هبطت الطائرة
رهف : ياه اخيرا
هنا : ده انت طلعت لكاك
شهد : احمد ايه اللي جابك
احمد : رجلي هي اللي جابتني
رهف : لأ حلوه دي
نظرت شهد الي رهف
عمر : اذيك يا صاحبي اخبارك ايه
هنا : كأنك مش عارف ان هو جاي
• عمر : داري علي اخوكي
شهد : طب يالا
في السياره التي جلبها احمد
هنا : مالك يا شهد بتعرقي ليه
شهد بتعب : مفيش حاجه انا كويسه واسكتي شويه
هنا : حاضر
شهد بتعب : علي بيت ستي يا عمر
عمر : ما ننزل عندنا عما امي تبعت بنات تظبط الدنيا في البيت
شهد : اي حاجه مش فارقه
وصلوا الي منزل الحاج جلال
شهد : ألو يا ريم
ريم : انا خلصت امتحان ما تيجوا تعبوا معايا الشنط اصل انا لسه معبتهومش
شهد : حاضر
شهد : لو سمحت يا هنا ممكن انتي وأخواتك تروحوا لريم اصل بجد مش قادره اجي معاكوا جسمي وجعني حبه هريح شويه
هنا : حاضر بس مين اللي هيودينا
شهد : قولي لعمر وهو يوديكوا يا هنا
شهد دخلت لروح المطبخ
شهد : اذيك يا خالتي اساعدك في حاجه
روح : يا اهلا بالقمر اقعدي استريحي هنا يا ضنايا باين عليكي تعبانه هجبلك حبايه مسكن
شهد : ياريت يا خالتي
عند عمر
عمر : انا مش عارف السكن فين بس يوسف عارف هبعتكم معاه
رغد : احنا منعرفش يوسف ده بس ماشي مفيش مشكله
رغد : وهي شهد مجتش معانا ليه
هنا : شهد تعبانه جسمها وجعها ومش هتيجي
رغد : ربنا يشفيها هو ده بسبب اللي كان حصلها
هنا : اه
نادي عمر علي يوسف
عمر : وديهم يا يوسف سكن ريم
يوسف : حاضر يالا يا عسوله
رغد : متقولش يا عسوله وانت شكلك رخم كده
هنا : بس يا رغد واحترمي نفسك
يوسف: مالك يا رغد زعلانه مني ليه ده انا عسول
رغد : ماشي
اوصلهم يوسف الي سكن ريم
وكانت ريم تنتظرهم بالخارج
ريم : هي شهد فين
هنا : تعبانه شويه
رغد : الحادثه مقصره عليها
هنا : اسكتي حبه
ريم : حادثه ايه يا رغد وكانت أمتي
رغد : كانت من زمان
رهف : يا ويلك من شهد يا رغد