قصة كيندرا البارت الخامس والعشرون25 بقلم حليمة عدادي

         

قصة كيندرا

البارت الخامس والعشرون25

بقلم حليمة عدادي

الدكتور : القلب وقف علشان كدا اتأخرنا في العملية لكن الحمد لله العملية نجحت ..

حس جاد إن روحه رجعتله خذ نفسه بالراحة وسجد شكر لله وهو بيبكي ..

زينب : ألف حمد وشكر ليك يارب إن بنتي بقت بخير ..

 يوسف وجاد حضنوا بعض ودموعهم نازله من الفرحة

جاد : أنا هطالع وراجع بعد شوية ..

يوسف : تمام ياجاد بس متتأخرش   يمكن كيندرا تفوق ولو ملقتكش نفسيتها هتتعب ..

جاد : ماتقلقش أنا هطلع برا المستشفى هعمل مكالمة بس وراجع .. 

 

يوسف : تمام ..

خرج جاد من المستشفى قعد وطلع تلفونه وإتصل واستنى الرد 

جاد : وعليكم السلام إزيك ..

حسام : كويس الحمد لله كيندرا عامله إيه..

جاد بفرحة : الحمدلله العملية نجحت ..

حسام : الحمدلله أنا قلتلك متيأسش .. 

جاد : معلش ياصاحبي أنا عارف إني سبت الشغل كله على كتافك الفترة دي .. 

حسام : ماتقولش كدا ياجاد مافيش تعب ولاحاجة إحنا واحد ..

جاد : حسام عايز منك تصرف مكافئة لكل العمال في المزرعه مبلغ وتروح لدار الأيتام وتجبلهم كل اللي محتاجينه وكمان كل أهل البلد تجبلهم أي حاجة نقصاهم .. 

حسام : تمام ياجاد كل حاجة هتتعمل زي ماطلبت بالضبط ..

جاد : ربنا يخليك ليا ياصاحبي أنا هقفل دلوقتي مع السلامه ..

جاد قفل التلفون وبسرعة دخل المستشفى  

جاد بلهفة : الدكتور سمح إننا نشوفها .. 

 

يوسف : الدكتور قال إنها هتفضل تحت الملاحظه هو عندها دلوقتي ولما يخرج هندخل ..

شوية والدكتور طلع راحوا ناحيته 

جاد بلهفة : دكتور هي بخير نقدر نشوفها .. 

الدكتور : ياجماعة مافيش داعي للقلق هي دلوقتي بخير الحمدلله وتقدروا تدخلوا تشوفوها هي فاقت ..

 

دخلوا كلهم جوا جاد جري عليها بفرحة وباس رأسها بكل حب  

جاد بدموع : الحمدلله إني شوفتك  بخير ..

خالد: إنتي كويسة ياحبيبتي حاسه بحاجة ..

كيندرا بصوت متعب : أنا كويسة الحمدلله..

جاد : حبيبتي إنت حاسه بحاجة أنادي على الدكتور ..

 

كيندرا : ماتقلقش ياجاد أنا كويسة،الحمدلله إني شوفتكم مرة ثانية كنت خايفه إني مقدرش أشوفكم ثاني ..

 

جاد : الحمدلله ياحبيبتي مرت عليا ست ساعات كأنها سنين ..

 

رنا : إنتي مش عارفه إزاي مر علينا الوقت دا كله كلنا كنا زعلانين وخايفين عليكي لكن جاد كان أكثر واحد فينا كان خايف ومنهار ..

 

جاد بصلها وباس إيدها 

جاد : يعني أنا عندي كام كيندرا هي روحي وقلبي ..

يوسف : الحمدلله إنها رجعتلنا بالسلامة..

دخل الدكتور

الدكتور : ياجماعة هي لازم ترتاح دلوقتي لازم ماتتعبش نفسها وتتكلم كثير العملية كانت متعبه ونجحت بمعجزه ..

جاد : حاضر يادكتور يعني هي كويسة دلوقتي..

الدكتور : مافيش حاجة تستدعي قلقكم دا الحمدلله هي دلوقتي بقت كويسه .. 

يوسف : أنا رأيي تروحوا كلكم وتسيبوها ترتاح وأنا هبقى معاها هنا ..

 

بصلها جاد : حبيبتي أنا هروح ورجع بسرعة مش هتأخر ..

 

ظهر الحزن على وشها ونزلت دمعه من عينيها راح ناحيتها بسرعة ومسك إيديها بين إيديه 

جاد بخوف : مالك ياحبيبتي فيكي حاجة حاسه بوجع..

كيندرا بدموع : إنت هتروح ومش هترجع ثاني صح .. 

 

جاد : كيندرا إنتي بتقولي إيه أنا بس هروح علشان أغير هدومي وراجع على طول .. 

 

كيندرا بحزن : جاد شوف إزاي بقى كيف شكلي جسمي خس و الهلات السوداء تحت عيني وشعري وقع وكملت بدموع وإنت عايز تروح ومش هترجع ..

جاد مسح دموعه وباس عينيها 

جاد: كيندرا إحنا إتكلمنا في الموضوع دا كام مرة أنا مش هتأخر ياحبيبتي ويوسف اهو معاك نص ساعة وأكون هنا

 ..كيندرا : متتأخرش ياجاد لو اتأخرت هجيلك أنا ..

 

جاد ببتسامة : حاضر ياحبيبتي مش هتأخر ..

كيندرا : بس ... وسكتت 

جاد : حبيبتي مالك اتكلمي .. 

كيندرا : هي سارة لسه موجوده في البيت معاكم ..

انفجر جاد و يوسف بالضحك 

كيندرا بحده : بتضحكوا ليه هاا يعني كلامي صح هي لسه معاكم ..

 

جاد : لوكان معايا ألف سارة أنا مافيش حد يملى عيني غير  جوهرتي الجميلة ..

 

يوسف بضحك : عشت وشفت كيندرا بتغير .. 

جاد : حبيبتي إطمني هي سافرت خلاص .. إنتي إرتاحي دلوقتي يوسف خلي بالك منها .

وصل جاد المزرعة نزل من العربية دخل البيت لقى الكل قاعد 

جاد : السلام عليكم إزيكوا ياجماعة عاملين إيه  ..

جري ناحيته سام و وسيم جاد حضنهم 

سام و وسيم بصوت واحد : وحشتنا أوي أوي

جاد : وإنتوا كمان وحشتوني أوي ياأبطالي ..

سناء : حمدلله على السلامه أخيراً افتكرت إن ليك بيت وعيلة تسأل عليهم ..

 

جاد : ماما حبيبتي حضنها جاد إنتي أجمل أم في الدنيا دي كلها ماما إنتي عارفه إن كيندرا تعبانه مقدرش أسيبها لوحدها .. 

سناء : جاد يابني أنا مافيش حاجة تهمني غير سعادتك خايفه إنها تكسر  قلبك مرة ثانية ..

جاد : ماتخافيش ياماما إنتوا مش هتيجوا معايا علشان تزوروها وتطمنوا عليها .. 

ريم : أنا وحسام هنيجي معاك دلوقتي وماما تروح بالليل..

جاد : فكرة حلوة أنا هغير هدومي وراجع المستشفى ثاني .

بعد أسبوع كيندرا لسه في المستشفى سناء وريم كانوا بيزوروها دائما واللي خلاها مبسوطه أوي هو وجود جاد جنبها هو وعيلته

جاد :حبيبة قلبي النهاردة بالليل هتخرجي من المستشفى ..

 

كيندرا بحزن : بس أنا عايزه أبقى هنا ..

جاد : بس ياحبيبتي إنتي في البيت هترتاحي أكثر وكل العيلة هتكون حواليكي .. 

 

كيندرا : أنا قلت عايزة أبقى هنا مش عايزه أخرج .. 

جاد قعد جنبها مسك إيديها بين إيديه 

جاد : كيندرا قوليلي مالك فيكي إيه ياحبيبتي أنا حاسس إن في حاجة مضيقاكي .. 

كيندرا : أنا لو روحت البيت مش هشوفك ثاني لكن هنا إنت جنبي وبشوفك طول الوقت وبتبات معايا كمان .. 

جاد : بصيلي ياحبيبتي إحنا معندناش وقت نضيعه إنتي هتخرجي من هنا هترتاحي شوية وبعد أسبوع هاجي وطلب إيدك من والدك و أخوكي..

كيندرا : جاد إنت مش شايف حالتي إزاي عايزنا نتجوز وأنا بالحالة دي شعري وقع مبقاش عندي شعر جميل زي أي عروسه مسكت رأسها اللي بقى فيه شوية شعر وعيطت وهي شايفه إزاي جمالها راح ..

جاد : كيندرا أنا مش هاممني حاجة كل اللي يهمني إننا نكونا مع بعض 

وكمل بهزار أنا عجزت عايزة اتجوز بقى والمرة دي مش هستنى حاجة .. 

 

كيندرا بفرحة : تمام أنا معاك بأي قرار تاخذوا جاد أنا حاسه إني جعانه وعطشانه ..

جاد : بس كدا عينيا أنا هجيب أحلى أكل لأحلى كيندرا باس رأسها وخرج ..

كيندرا قعدت تفكر وهي فرحانة إنها بعد كل المعاناه اللي عاشتها دي ربنا رزقها بجاد اللي احتواها وبيحبها وحنين عليها وإنها وبعد كل اللي عملته معاه لكن وقت ضعفها ومرضها وقف جنبها ومسبهاش ولا لحظة ..

دخل جاد المطعم جاب كل الأكل اللي بتحبه وجابلها عصير مانجه ورجع المستشفى ثاني  

جاد : حبيبتي إنتي فين أنا جيت  لكن مكنتش موجودة في مكانها حط الأكل وراح ناحية الحمام خبط على الباب لكن مافيش حد بيرد فتح الباب ملاقهاش خرج من الأوضة بيجري وهو بينادي بإسمها و القلق ليأكل قلبه.

        البارت السادس والعشرون من هنا 

        لقراءة جميع الحلقات القصة من هنا

تعديل المقال