![](https://blogger.googleusercontent.com/img/b/R29vZ2xl/AVvXsEhqAsj6oKFh1nOD0_3X1XKQnOGa6v7uc_oYbb4vdn1HD8xMI4g5o1bfWq7wofIi-ps7JV_foDCUwkilH2EQOMKMttr-ftWM807vKYpeiY6HzgeWDFpzJnJNdgfMxbbTmyBay1WBkB1fSyduPH6nKGyskIiN9gxtlbtCrmMIn6o8Kt7AQYJzXGNK3mYDl-Cd/s320-rw/img_1706987198244.png)
قصة الحب كدا
البارت الثالث عشر 13
بقلم سلمي ابراهيم
صباح بضحكه..بس انا عارفه..هو بيحبك ولا لا.....
هنا بلهفه..بجد....عارفه...طب قولي ونبي وعرفتي منين
صباح..من حليمه....هو قال لابوه انو.......
هنا بلهفه اكتر..انو اي....اخلصي......
صباح بفرحه..بيحبك اوي يا هنا.......
هنا بفرحه شديده..بيحبني بجد.....اناااا....في الوقت دا كان داخل يوسف وخبط ودخل الشقه وكانت هنا باصه ليه بابتسامه وسرحانه فيه
يوسف بابتسامه واستغراب من نظراتها..مالك يا هنا
هنا بكسوف وتوهان..ونا كمان
يوسف باستغراب اكتر..ونتي كمان اي......
صباح شدتها من دراعها..قاصدها يعني وهي كمان تعبانه..اصلي كنت بقولها انا تعبانه وهي قالتلي ونا كمان
يوسف..اه....ماشي..هنا معلش هاتيلي الشاحن من جوه عشان اشحن التليفون...
هنا..حاضر....ودخلت جابتو وجات......
يوسف..اسيبكم بقا براحتكم شويه.....وسابهم ونزل.....
صباح..انتي يهبله نتي...رايحه تقوليلو ونا كمان.....
هنا..اومال اعمل اي يعني.....والله كنت سرحت غصب عني
صباح..طب ركزي معايا بقا....هو مش عاوز يقولك انو بيحبك عشان مش متأكد انتي بتحبيه ولا لا
هنا باهتمام..طب ونا اعمل اي......
صباح..بتعرفي ترق"صي
هنا بكسوف شديد وصدمه..نعم...انا ارق"ص
صباح بتريقه عليها..اي اللي نعمممم.....اه هتر"قصي
هنا بتوتر وكسوف..بس انا...مجربتش ارق"ص قبل كدا .....وهتكسف اصلا
صباح..بت بقولك اي..انا جبت التليفون بتاع عمك حسين معايا اهو..ونزلت عليه اغاني كمان
هنا..ينهار اسود...انتي عاوزاني اسمع اغاني وكمان ارق"ص
صباح..هو نتي هتر"قصي في الشارع...دا لجوزك...فاهمه
هنا..بس انا مش متعوده ..هو نتي بتعملي كدا لعمي
صباح..اه طبعا مش جوزي وانتي هتتعودي...قومي يلا.........
نزل يوسف تحت لابوه وحليمه.....
حليمه..ورحتو فين بقا
يوسف..القاهره
حليمه..وعملتو اي كل دا.....دا انتو قضيتو اليوم كله وكمان نمتو هناك
يوسف..هو ممنوع ولا اي ياامي
حليمه..لا يحبيبي مش ممنوع.....بس هنا من اول امبارح وهي مش بتشتغل معايا خالص
يوسف..اعتبريها تعبانه شويه....
عادل..ما تسكتي بقا يا حليمه...هو نتي مش هامك حاجه غير التنضيف...المهم....حصل يا ييوسف صح..فرحتي وقولي انو حصل
يوسف..اللي هو اي يابا اللي حصل
عادل..بردو هيستعبط....انت وهنا ييوسف
يوسف اتنهد..لسه
عادل..لييي....لي لسه مش فاهم.......
يوسف..متوجعش دماغي بقا...قومي ياما هاتيلي اكل جعان
حليمه..وهي المحروسة معملتش اكل
يوسف بزهق..البت لسه جايه من السفر..اقولك مش عاوز اطفح انا طالع لهنا
عادل..متقومي يوليه فزي...اعملي للدكتور يوسف اكل
حليمه..متزعلش يبني...حاضر من عنيا...وقامت
عادل..اقعد ييوسف شويه عاوزك
قعد يوسف..نعم.............
عادل..في محصول عاوزين نبيعه و......
شغلت صباح الاغاني وهنا قامت معاها
صباح..ارق"صي يلا
هنا..طب نا هجرب.....وجربت ولقت انها بتر"قص حلو اوي مع انها عمرها ما جربت...بعد ما خلصو
صباح..يا بنت القرده.....دا انتي طلعتي بتر"قصي احسن مني انا
هنا بكسوف وابتسامه..مش للدرجة دي....بس انا مش هقدر اعمل كدا أدام يوسف
صباح..معلش..تعالي علي نفسك...عشان تكونو متجوزين حقيقي بقا
هنا..ربنا يسهل بقا
صباح..هيسهل انشاءالله ...خدي دي....بدلة رق"ص من عندي اهي ودا مكياج
هنا وقفت بكسوف شديد..ينهار اسود....انا هلبس دي وكمان مكياج...انا منتقبه يبت انتي..انتي جايه تبوظيني
صباح قامت وقفتلها..لا بالله عليكي..انسي الاحترام خالص انهارده...فاهمه.....عاوزين نخلص بقا
هنا..هتكسف بجد...انا بتكسف من يوسف جدا ع فكره..انتي متعرفيش
صباح..اه...بامارة ما بوس"تيه من خدو وهو نايم
هنا..تصدقي أن انا مش هحكيلك حاجه تاني......انا عملت كدا وهو نايم
صباح..يلا يا جز"مه البسي عشان اشوفها عليكي هتكون عامله ازاي
هنا..طب والاغاني.....هتشتغل ازاي
صباح..بصي هو أول ما هيشوفك بالبدلة هيتوه خالص..انتي بقا قوليلو هات التليفون بتاعك هيديهولك علطول وشغلي بقا
هنا..هحاول
صباح بحده. بقولك اي...مش هتحاولي..هتعملي كدا فاهمه
هنا بخوف مصطنع.. حاضر يا ماما..ضحكو هما الاتنين
في بيت حسين......
حسام..بس انا عاوز هنا بجد...هي شكلها عامل ازاي
سهام بغيره منها..حلوه يعني..بس مش اوي
حسام..مش اوي...دي عنيها بتوديني في دنيا تانيه ...متسلميهالي يا سهام
سهام..اممم....عاوزين نخلص من موضوع صباح بس الاول....وبعدها انا اصلا عاوزه يوسف......هسلمهالك طبعا
حسام..وربنا ساعتها هكتبلك حتة الارض اللي كان عينك عليها
سهام..ماشي يا اخويا..لما نشوف.........
نزلت هنا وصباح ليهم تحت........
صباح..ازيك يا عمي عادل
عادل..اهلا يختي
بصتلو صباح بزهق كدا..هتعوزي حاجه يا هنا مني
هنا كانت تايها من اللي هتعملو..لا يحبيبتي...تسلمي
قربت عليها صباح..متنسيش اللي قولتلك عليه..اقسم بالله هجيلك بكرا لو غلطتي في حاجه واحده...هقت"لك
هنا..حاضر...حاضر
حليمه..تعالي يا صباح...عاوزاكي
صباح..حاضر
يوسف..مالك يا هنا...فيكي حاجه
هنا..لا ابدا...بقولك اي
يوسف..نعم
هنا بكسوف شويه..انا...هطلع فوق...ونت....تجيلي بعد نص ساعه
يوسف باستغراب..نص ساعه....اشمعنا
هنا..ولا اقولك..خليها ساعه
يوسف..مالك يا هنا.....ساعه ولا نص
هنا..خلاص..نص ساعه......اوعي تيجي بدري او متأخر.......وسابتهم وطلعت
عادل..مالها دي
يوسف..والله مش عارف
دخلت صباح مع حليمه......
حليمه بحده..عملتي اي
صباح..متتكلمي معايا عدل الاول..دا اي دا
حليمه حاولت تهدي..حاضر...عملتي اي يست هانم
صباح..هيح......خلاص...انشاءالله هيحصل انهارده
حليمه..يعني البت بتحبو وعاوزاه
صباح..اه...بتموت فيه كمان
حليمه..طيب تشكري
صباح..عن اذنك......وسابتها ومشيت
كانت قاعده منه في بيتها حزينه جدا......وعماله تعيط علي حب عمرها اللي سابها..خمس سنين ويسيبني...طب انا عملتلو اي لكل دا....
اتصل عليها فريد
فريد..عامله اي
منة..بخير....ونت
فريد..الحمدلله......انتي...لسه زعلانه من يوسف
منة..لوسمحت انا مش عاوزه اتكلم في الموضوع دا...ممكن
فريد..طب انا اسف خلاص
منة..معلش لازم اقفل سلام....وقفلت
فريد..هتفضل مخبي حبك لحد امتي...امتي بقا احس انك بتحبيني
عدت النص ساعه
يوسف..انا طالع اشوف المجنونه دي
عادل..اطلع....
حليمه..مش هتشرب الشاي
عادل غمز لحليمه..هيشربو مع هنا فوق
كانت هنا في النص ساعه دي لبست البدله وفكت شعرها الطويل وكمان حطت من الميكب اللي صباح جابتهولها وبقت قمر اكتر ما هي
وفضلت تبص لنفسها في المرايا بحب وكسوف شديد..يلهوي..هو نا هقف ادامو كدا ازاي
سمعت صوت الباب بيتفتح ودخل يوسف