قصة زينة القلب
البارت الاول1
بقلم يارا عبدالعزيز
يؤذن أذان الفجر لتستيقظ بطالتنا من نومها لتقوم وتتوضأ وتصلى فرضها ثم تجلس على سجادة الصلاة لتدعو ربها وتقرأ وردها وتسبح لفترة من الوقت ثم تقوم بأعمال منزلها الذى تسكن فيه مع جدتها لتعلن الساعة الثامنة فتذهب الى جدتها لكى تعطيها دواءها
تدق زينة ع باب غرفة جدتها ليأتيها الرد ف الحال
زينة: صباح القمر ع اجمل تيتة على الكوكب كله
الجدة : صباح النور يا زينتى
زينة: يلا يا تيتة عشان تاكلى وتاخدى دواكىالجدة: كل يوم بتتعبى نفسك كدا يبنتى بتروقى البيت وتعمللى الاكل مش كفايه عليكى شغلك وكليتك يبنتى
زينة: تيتة والله ازعل منك دا ميجيش حاجه قصاد اللى انتى عملتيه وبتعمليه عشانى دا كفاية انو انتى اللى ربتينى بعد ما ماما وبابا ماتوا ف حادثة وسابونى وانا لسه طفله صغيرة ما انتى ياما تعبتى واشتغلتى عشان تصرفى عليا دلوقتي كبرت يعنى انتى دلوقتي تعقدى وانا اعملك كل حاجه واى حاجة انتى عايزاها وبعدين انتى مش بتتعبينى ولا حاجه وي ريت لو سمحتى متقوليليش الكلام دا تانى عشان حقيقى بتزعلينى
الجدة : حاضر يحبيبتى مش هقوله تانى دا احنا ملناش غير بعض يبنتى
زينة: ربنا يديمك ليا ي تيتة يلا عشان تاكلى بقى وتاخدى الدوا
الجدة: حاضر اى اوامر تانى يا استاذه زينة
زينة: لا يا تيتة ي جميلة بالشفا يارب يلا انا هقوم البس بقى عشان أروح الكلية وبعد كدا هروح الشغل
الجدة: ماشى يحبيبتى ربنا يعينك
زينة : امين يارب
ذهبت زينة إلى غرفتها وارتدت ملابسها المكونة من دريس وخمار
ع الناحية الاخرى ف ڤيلا ضخمة تشبه القصر يستيقظ شاب ف الثلاثين من عمره من نومه ع صوت رنات تليفونه
حمزة: الو ايوا يا زياد مش مبطل زن ليه ع الصبح
زياد: ايه ي عم انت صاحى تتخانق ع الصبح ولا ايه
حمزة: اخلص يا زياد وقول عايز ايه
زياد: موضوع يخص الشغل
حمزة: ما تقول يبنى
نسيب بقى زياد وحمزة دلوقتي ونروح لزينة
زينة: انا ماشية يتيتة مش عايزة منى اى حاجه
الجدة: لا سلامتك يحبيبتى
زينة: خدى بالك ع نفسك و اوعى حد يرن الجرس تفتحيله احسن يعاكسك ولا حاجه وانتى قمر كدا
الجدة بضحك: بس يبكاشة وخدى بالك انتى ع نفسك
زينة : حاضر
زينة وهى خارجة من باب البيت قابلت جارتها سارة
سارة : صباح الخير ي زينة
زينة : صباح النور ي سارة
سارة : زينة هو انتى رايحة فين
زينة: رايحة الكلية فيه حاجه ولا ايه
سارة : الصراحة ي زينة انا واقعة ف مشكلة دلوقتي
زينة : فيه ايه يبنتى خير