![](https://blogger.googleusercontent.com/img/b/R29vZ2xl/AVvXsEiX3VysbKhgT3gOTHVDF3KiaS9kfINz7S93Nv5x6H30567zljQ7PUcWLq55R4Ls09KUfxW4OD1HFmJVq-q-K8VK5eT-HDLxRkEnyBGkxAqIQzX_CVGJ6XImNFRvD7DW4sGlPCV0FfSkPUtnrSiI6c2DCDT1ITEMGo7KX4bQaZNo6WTldFN9IVYqqZiAZTs/s320-rw/FB_IMG_1707683262110.jpg)
البارت الرابع4
بقلم نسمة مالك
..لو جالك خبر موتى بحسرتى..
متمشيش فى جنازتى..ولا تحضر دفنتى..
جمله القتها مياده على سمع والدها..
نطقتها بقلب انشق نصفين من شده صدمتها باقرب الناس لها..والدها وزوجها..
تترد الجمله بعقله دون توقف..
يسمعها مرارا وتكرارا..
خطى لداخل غرفته وجلس بوهن على احدى الارائك..
واضعا يده على جبهته وتنهد بصوتا مسموع وحدث نفسه بغصه مريره..
حسن:اه يا مياده يابنت الكلب..
بعيون تشتعل بالغضب..
خطت شيماء لداخل الغرفه غالقه الباب خلفها بعنف..
انتفض حسن ونظر تجاهها بغيظ وتحدث بضيق..
ايه يا وليه بترزعى الباب كده ليه.. كتك رزعه فى نفوخك..
اقتربت منه شيماء سريعا حتى اصبحت امامه مباشره وتحدثت ببكاء..
شيماء:رزعه اما ترزعك انت يا حسن..
حسن:بزهول..انتى اتجننتى يا وليه..
شيماء:ببتسامه مصتنعه من بين دموعها..اتجننت؟؟!!..
وهو انت لسه شوفت جنان..امسكت ياقه قميصه وهزته بعنف..انا سكتلك سنين وصبرت عليك كتير يمكن تتعدل..
لكن انت جبله وسايق فى غلطك..
حسن:بتوتر..شيماء اللى بتعمليه دا هيخلينى امد ايدى عليكى..
شيماء:بشهقه..تمد ايدك على مين يا عمر..هزته بعنف اكبر..
بقى يا راجل عارف ان جوز بنتك متنيل على عين اهله متجوز وتوافق عليه وتجوزه البت..صرخت بعلو صوتها..
ليييييييييييه..بنتى بيره ولا معيوبه علشان ترميها الرميه دى..
حسن:بستفزاز..انا رمتها؟!!..انا جوزتها لواد مريش وقاعده فى عماره ملك ومغرقها بفلوس وعز وفوق دا كله بيحبها وبيموت فيها وتقولى رمتها..دفعها بعنف..دا انتو حريم وش فقر صحيح..
جزت شيماء على اسنانها بغيظ شديد وبصوتا مسموع..
تراجع حسن للخلف وتحدث بخوف..
اييييه يا وليه انتى هتعضينى ولا ايه؟؟!!..
تراجعت شيماء خطوه للخلف..
ومن ثم قفزت بكل قوتها عليه جعلته يفقد توازنه وسقط على ظهره وهى فوقه..
تأوه بألم وتحدث بصعوبه..
اااااه..هتموتينى يا وليه حرام عليكى انا مش قدك..
شيماء:بغيظ..انت جنسك ايه يا راجل انت..
دا بدل ما تبقى سند وظهر لبنتك تضربها انت قدام جوزها وتجبرها على العيشه معاه..بكت بنحيب..
بذمتك قلبك مش وجعك من جملتها اللى قالتهالك..
رفعت عينها للسماء..بعيد الشر عنك يا قلب امك..
ربنا يعوضك خير ويبرد قلبك يا مياده يابنتى..نظرت لزوجها..
اقسم بالله يا حسن لو وقفت فى وش البت ومنعتها عن اى قرار خدته وشايفه ان دا راحه ليها لكون سيبالك البيت وماشيه..
حسن:بستفزاز اكبر..انتى عيزانى اسيب بنتك تطلق؟!!..
دا انا ماصدقت انى جوزتها تقوم تطلق وترجعلى تانى..
ابتعدت عنه شيماء وهبت واقفه وتحدثت ببكاء وعيون تتطاير منها شرار من شده غضبها..
شيماء:وانت مين قالك ان بنتك لما تطلق هترجعلك..
هب حسن واقفا وتحدث بتسائل..
حسن:نعم ياختى؟؟..امال هتروح فى انهى داهيه!!؟؟..
لكمته شيماء بكل قوتها على كتفه وصرخت بعلو صوتها..
شيماء:بعيد الشر عن بنتى..داهيه تاخدك وتاخد امثالك يا حسن..
حسن:بصدمه..انتى يا وليه مالك انهارده؟؟..طايحه فيا كده ولا همك..اقترب منها حتى تلامست انفهم وتحدث بتهديد..
اتظبطى بدل ما اكلك علقه من بتوع زمان علشان شكلك نسيتى..
بكل ما تملك من قوه..دفعته شيماء بكلتا يدها على صدره تراجع بعنف للخلف وفقد توازنه وجلس على الكرسيى خلفه..
شهقت بعلو صوتها وتحدثت بالعين والحاجب..
شيماء:علقه ايه يا ابو علقه..كتك كسر ايدك يا حسن قبل ما تمدها عليا تانى..وضعت يدها بخصرها..فوق لنفسك ياعنيا..
اشارت على نفسها..لان اللى قدامك دى شيماء تانيه غير شيماء الضعيفه بتاعه زمان..
بكت بقهر..كسرتك لبنتى انهارده فوقتنى..وجملتها اللى قالتها وجعت قلبى..مسحت دموعها واخذت نفس عميق واكملت باصرار..ومدام ابوها اللى هو انت وافقت على قهرتها وكسره قلبها ونفسها..يبقى انا هعرف ازاى اجيب حق بنتى يا حسن..
نهت جملتها ونظرت له نظره حارقه وخرجت من الغرفه غالقه الباب خلفها بعنف اكبر..
وضع حسن يده على اذنه وحدث نفسه بغيظ..
حسن:الوليه مالها شده حيلها عليا ليه كده..
نفخ بضيق..اللى عنده بنت عنده بلوه..
وانا عندى 3بنات وامهم كمان يعنى اربع بلاوى..
^^^^^^^^^^^^^^^^^^^^^^^^^^^^
..مياده..
تسير باحدى الشوارع واضعه هاتفها على اذنها..
مياده:ايوه يا مروه انا شوفتك اهو..
مروه:طيب يا حبيبتى..خليكى متعديش الطريق احنا هنلف..
اقترب عابد بالسياره حتى توقف امامها..
هبطت مروه سريعا من السياره واركضت نحو مياده واحتضانتها بحب شديد..
مياده:ببكاء..وحشتينى يا حبيبتى..
مروه:ببكاء ايضا..وانتى والله يا مياده واحشتينى اوى اوى..
سارت بها نحو السياره..تعالى يا حبيبتى..فتحت لها الباب..
اركبى على مهلك..
صعدت مياده وجلست بالكرسيى خلف عابد..
لتتسع اعين عابد بزهول عندما لمح وجهها الملائكى الباكى بالمرأه..
ببتسامه هادئه تأمل ملامحها شديده الرقه والبرائه..
استدارت مروه وصعدت جوارها وتحدث لعابد بستعجال..
يله يا عابد..نظرت لمياده..دا اخو جوزى..نظرت لعابد..
مياده يا عابد اختى وحبيبتى وصحبتى..
نظر عابد لها بالمرأه..وجدها شارده..تنظر على شيئا ما..
فتحدث بصوتا عالى نسبيا ليلفت انتباهها له..
عابد:اهلا وسهلا يا مدام مياده..
رفعت مياده عينها ونظرت له بعيونها الدامعه..
ليندهش هو من جمال عيونها بلونهم الاخضر القاتم..
لون لم يرى له مثيل..وتحدثت بصوتا مبحوح..
مياده:اهلا بحضرتك..
ابتعد بنظره عن المراه بصعوبه ونظر للطريق امامه وهمس بسره..
عابد:اوووف..احلى حضرتك سمعتها دى ولا ايه..
ربطت مروه على يد مياده بحنان وتحدثت بهمس..
مروه:مالك يا مياده؟؟!!..
مياده:بهمس..اااه يا مروه..بكت..انا اتكسرت..
احتضانتها مروه سريعا واضعه يدها على كتفها وربطت على ظهرها برفق وتحدثت ببكاء لبكائها..
مروه:بعيد الشر عنك يا حبيبتى..فيكى ايه بس..
رفعت مياده رأسها ونظرت لمروه وتحدثت بهمس..
مياده:هو اللى بره العربيه يشوفنا..
مروه:لا..احنا نشوف اللى بره لكن اللى بره ميشوفناش..
نظرت مياده بتمعن من زجاج السياره..حتى وقعت عينها على زوجها الذى يسير خلفهم بحذر..ونظرت لمروه بعيون تسيل بالدمع واشارت لها باحدى اصابعها..
لتشهق مروه بعنف حين لمحت زوج صديقتها وتحدثت بدهشه..
مش دا جوزك..نظرت لها..هو رجع امتى..وماشى ورانا ليه كده..
مياده:ببتسامه متألمه من بين دموعها..رجع امبارح..
ضحكت بقوه وهبطت دموعها بغزاره..هو وابنه..
اتسعت اعين مروه وعابد ايضا بزهول..
وبسره همس عابد..مين اللى يبقى معاه واحده بجمالك دا ويبص لغيرها..
وهمست مروه بعدم تصديق..
مروه:ابنه؟!!..عايزه تقولى ان مازن اللى بيعشقك وبيموت فيكى خلف من واحده غيرك!!!!!؟؟..حركت راسها بالنفى..
لا مصدقش ابدا..
مياده:ببكاء حاد..لا صدقى..ضحكت بهستريه..وخدى دى كمان..ابويا كان عارف..ووافق عليه وجوزنى ليه..
مروه:ببكاء..لا انا توهت منك ومش فاهمه اى حاجه..
احتضانتها.. احنا نتصل على مريم..هى اللى هتقولنا نعمل ايه..لان انا حاسه ان مخى وقف..
مياده:بتنهيده..انا كمان محتاجه لمريم اوى..مريم بتقوينى وتفكرها وكلامها دايما بيطلع صح..
اخرجت مروه هاتفها وطلبت رقهمها وتحدثت بفرحه من بين دموعها..
مروه:والله واحشانى لمتنا اوى..
ابتسمت مياده وربطت على يدها بحب..
مياده:وانا كمان يا مرمر..واحشتونى يا حبيبتى..
غافله عن اعين عابد التى تنظر لها باعجاب واضح..
بل يحفظ ملامحها عن ظهر قلب ويردد بداخله كلمه واحده فقط..
عابد:بتلذذ..مياده؟؟!!..