![](https://blogger.googleusercontent.com/img/b/R29vZ2xl/AVvXsEh9lzx8wWkHd0V6x4sfUFjj3ps4a2p9Xc1vDErfPdboGmOtqpMqLrCtpenIR7GY6Pnn_F96cRR60FOHXyDR6U-ZP3VWXGfHHguvk4Rg8mvYrGTwpneolp75bqcuseC2Fvhz6TzC16MsXBjnJ097a1HtfNK6-WBFUgsHVQLpq9TXd4JtF1TO5TnnbAlCYSsb/s320-rw/img_1708854873672.png)
البارت الثاني2
بقلم امل مصطفى
فى قصر الدمنهورى
أدهم :مالك يا أمى
ناهد :بحزن أخوك مراد وحشني
أدهم :بإبتسامه بكره يرجع بالسلامه يا ست الكل
ناهد: اتأخر المره دى يا حبيبي وخايفه لتكون الغربه قست قلبه علينا
أدهم : متخافيش يا حبيبتى احنا ولادك وعمرنا مانقسى عليكى أبدا
ناهد: ربنا يبارك فيكوا وميحرمنيش منكم ابدا وافرح بيكوم واشوف عيالكم
أدهم : بمرح أخلع أنا بقا قبل منبدا فى العرايس والسن
*******************************
فى ألمانيا
مراد وبعدين يا مازن أنا عايز ارجع مصر
مازن : ليه يا عم حد عاقل يسيب بلد الجمال والأعمال ويرجع مصر
مراد : أيوه أنا حابب أكون مع العيله واشوف حد تانى يشتال معاك الشغل
مازن : لا رجلي ة على رجلك خلاص نشوف حسام هيقول ايه
********************
والد ملك فى ايه يا حبيبتي وليه الشنط دى
ملك : بابا أنا طلبت الطلاق من محمود
والدها : ليه بس كده أنا هتصل بيه يجي وتصفوا اموركم
ملك : لا يابابا أرجوك أنا مش عايزه أكمل معاه أنا وهو عكس بعض وحاولت أتحمل على اساس يتغير بس
ده مستحيل أرجوك بلاش تضغط عليا
محمد: خلاص يا حبيبتي طول عمرى يثق فى تفكيرك وعقلك واليوصلك لكده أكيد حاجه كبيره ولو كلمني نقوله كل شئ نصيب
ملك : ربنا ميحرمنيش منك ابدا
محمد : ولا منك قومى يلا نأكل مع بعض
ملك : ثوانى واحصل حضرتك ملك لنفسها عايزنى أقول ايه يا بابا انى متجوزه واحد معندوش احساس
ولا فيه واحد خطفنى وبيهددني يا أما أطلق او يغتصبني همت بالخروج رن فونها ملك الو
حسام : انت كويسة
ملك:انت جيت رقمة منين
حسام:يظهر أنك متعرفش أنا مين وأقدر اعمل ايه
ملك: لو سمحت أنا نفدت كل طلباتك فارجوك متتصلش تانى أنا لسه على زمة راجل
حسام :أنا كنت بطمن عليكى بس سلام يا قلبى
ظلت ملك تنظر للفون بإستغراب ياترى ايه الرماك فى طريقي وحياتى هتكون شكلها ايه معاك
*********************
مرت شهور العده بين خوف وترقب من ملك وشوق ولهفه من حسام وقبل انتهائها بثلاث ايام رن جرس الباب فتح والد ملك وجد أمامه شاب ثلاثيني وسيم يقف بإبتسامه واثقه
محمد: خير مين حضرتك حسام :أنا حسام الدمنهوري رجل أعمال
محمد : خير يا بني حسام : هنتكلم من على الباب
محمد: معلش اتفضل فى الصالون دخل حسام وهو يتمني أن يراها فهو يشتاق لها حد الجنون فهي لم تخرج من بيت والدها منذ الطلاق وهذا جعله يصمم عليها أكثر
محمد:بعد دخولهم الصالون تحب تشرب ايه حسام قهوه مظبوط
محمد :اثنين قهوة مظبوطه يا أم ملك محمد خير
حسام: أنا كنت جاى أطلب من حضرتك أيد مدام ملك
محمد : حضرتك تعرف ملك منين
حسام :كنت شوفتها من فتره وعرفت أنها أطلقت وبسبب أخلاقها وسمعتها الطيبه قولت اجى قبل انتهاء عدتها علشان متروحش لحد تانى
محمد :بإستغراب وليه متكنش رجعت لجوزها
حسام : لأن لو كان فى نيته هيصبر كل الشهور دى ويردها فى اليومين دول
محمد : بص يا بني أنا نعرض عليها الموضوع وهيا صاحبة الشأن
حسام : خلاص حضرتك ده الكارت بتاعى وهستنا الرد بعد متسأل عليا وتطمن بس لو وافقت أن شاء الله
أنا مش هطول هتجوز عل طول محمد ربنا يقدم الخير
حسام : طيب بعد إذنك محمد نورتنا حسام : هستنا الرد ضرورى
****************************
فى القصر
فى غرفة هايدى أيه يا حبيبي بقولك مش هعرف أخرج النهاردة
المجهول :....,,,,..........
هايدى : صدقني غصب عنى خليها يوم ثانى
المجهول:...................
هايدى: بضحكه خليعه وانا مأقدرش على زعلك
المجهول:....................
هايدى:ثوانى وهكون عندك فى نفس المكان
الباب خبط هايدى مين دخلت مامتها انتى رايحة فين
هايدى :خارجه
والدتها :وبعدين معاكي إحنا مش اتفقنا تخفى الخروج شويه علشان تلفتي نظر حسام ويعرف أنك اتغيرتي هايدى:يووه كل حاجه حسام حسام هو مفيش غيري متخلى مي هو بيحبها لانها هديه وطيبه
والدتها :علشان كده متنفعش أنا عايزاكي أنتي مش أختك العبيطه الكل مكلمها تقول حسام أخويا الكبير وبس
**********************************
في الشركه
حاتم :عملت ايه حسام : بتنهيده مفيش طلبتها من بابها ومستنى الرد
حاتم:طب ليه حاسك متضايق حسام: بحزن كان نفسي أشوفها علشان قلبي يهدئ وحشتني جدا
حاتم: هانت انت صبرت سنه بحالها مش قادر تصبر كمان يومين
حسام :كنت متابعها وكل ماعرف أنها خرجت بروح أشوفها وأملى عيني بيها لكن الوقت بقالي كام شهر مشوفتهاش ولما بتصل مش بترد
حاتم: طبعا الحصل مش سهل واحده متجوزه تطلق لأن واحد تانى هددها وتتجوزه خوف مش حب عايزها تكون عامله إزاى
*********************
فى بيت والد ملك
السلام عليكم يا أم ملك
أم ملك وعليكم السلام عملت أيه
والد ملك :طيب أصبري لما أدخل الأول إبتسمت معلش عايزه أطمئن
محمد فين البنات زوجته جوه فى غرفة ملك محمد طيب نادى ملك
نادت الأم لملك حبيبتي كلمى بابا ملك حاضر ملك فى نفسها يارب أستر
خرجت ملك حمدالله على السلامه يابابا محمد :آلله يسلمك يا حبيبتي
ملك :خير يا بابا محمد :كل السمعته عنه خير هو صاحب شركات مقاولات ومستشفيات وحاجات تانيه ملك :ازاى مقاولات وطب محمد عادى ناس فلوسهم داخله فى أكتر من مجال شغلهم الأساسى المقاولات المهم العجبني أن رغم قوته وذكاؤه و نفوذه وأن إسمه بس بيخوف ناس كبيره فى البلد بس مش ظالم ولا بيتعد على حد غير البيبداء معاه بالشر ومحدش بيحتاج مساعده من الموظفين ويرده ابدا
ودي طبعا تحسبله لأن أصحاب المال والنفوذ معروف عنهم الجبروت وبيدوسوا على الضعيف والمحتاج
ملك :يعني حضرتك موافق محمد : أهم حاجه رأيك أنتي كفايه الحصل قبل كده
ملك :خلاص يا بابا أنا موافقه
**************************
في القصر
تجلس مي ومرام فى الحديقه يشكون حبهم الضائع
مي :شايفه أخوكى مش سأل فيه
مرام : طيب هيعمل أيه أكتر من كده كل مايطلب إيدك أمك ترفضه
زى مايكون غريب مش بن عمك وعايش معاكم فى نفس القصر مش عارفه مامتك بتكرهنا ليه
مي :ياحبيبتى أنت عارفه ماما أهم حاجه عندها المظاهر والمعارف وبس توافق على حسام أه لكن زياد لا رغم أنهم واحد ربنا يهديها بس أهم حاجه إني بعشقه ومش بشوف حد غيره
مرام :ماهو ده اللي مصبره على مامتك لحد الوقت
************