قصة حياة صعبة
البارت الاول 1
بقلم حور طه
=سعرك كام؟
=انت بتقول ايه؟
مصطفي شد,ها من زرا,عيها :تعالي ما فيش وقت للدلال تعالي
حياه بخوف: ابعد, عني ما تلمسنيش
مصطفي وهو سكران:يعني ايه ماتلمسنيش امال انت جايه هنا ليه؟؟؟
حياه بزعيق :مصطفى بيه ابعد
مصطفي :تعالي وبلاش تضيعي وقتنا
حياه:قلت لك ابعد عني وما تلمسنيش
حاول يعت,دي عليها وهومش في وعيه كانت تصر,خ وتحاول ان تخلص نفسها من بين يده وبالفعل قدرت تنقذ نفسها منه وجه المساعد بتاعه
=احنا اسفين اللي حصل سوء تفاهم
حياه بصدمه:يعني ايه اللي حصل سوء تفاهم انا بقول لك الراجل المقرف ده حاول يعت,دي عليا وانت تقول لي سوء فهم ؟
مصطفى وهو سكران: انت جيتي هنا برغبتك انا ما غصبتكيش على حاجه
حياه: انا جيت هنا لاني فكرت ان في مشكله وانا المسؤوله عن تنظيم الحفله واتفاجئت بانه عايز يته,جم عليا
مصطفي :طلعوا البنت دي بره انتوا هتصدقوني انا ولا هتصدقوا بنت الليل دي
حياه بتحذير وهي تحاول ان تضر,به: انت اللي منحرف اتكلم بشكل كويس ولا هقط,عك باسناني يا حيوان
=لو سمحتي اهدي احنا بندور على حل للمشكله دي
مصطفى يشاور لها باصبعه بتحذير :انا هد,مر حياتك علشان اتجراتي ورفعت صوتك في وشي
حياه بتحدي : انا هقدم فيك بلاغ انك حاولت تته,جم عليا ويبقى نشوف مين اللي هيد,مر حياتي التاني
عاكف مين البنت دي ؟
=اسمها حياه البنت المسؤوله عن تنظيم الحفله
عاكف ينظر لها وهي واقفه :حليتوا الموضوع
=للاسف هيا مصره انها تقدم بلاغ للشرطه
عاكف بانفعال :شرطه ايه كده سمعتنا هتضر
=انا حاولت اتكلم معاها وحاولت اقنعها ولكن رافضه حتى انها تسمعني مصره تقدم شكوى ضد مصطفى بيه
عاكف بتركيز :الكاميرات دي سجلت
=ايوه بس لسه ما شفناش؟
عاكف يقترب منها وينظر لها باستخفاف: حصل سوء تفاهم انت مكبره الموضوع
حياه بدهشه: سوء تفاهم وانا مكبره الموضوع؟
عاكف: انا بعتذر باسم صديقي ممكن نقفل الموضوع ده الافضل ليكي ولينا
حياه لا تستوعب :يعني ايه نقفل الموضوع ده ؟
عاكف بابتسامه ساخره :في العاده بتحصل امور زي دي ومن الواضح انك مكبره الموضوع شويه
حياه :يعني ده امر طبيعي ؟؟ الراجل المقرف ده استدعيني اوضته ويحاول الاعتد,اء عليا وانا اسكت واقفل الموضوع ؟
لا انا مش هقفل الموضوع وهقدم شكوى
عاكف يخرج دفتر شيكات :تمام انا فهمت عايزه كام
حياه : انت بتقول ايه
عاكف:بقول عايزه كام عشان نقفل الموضوع ده هديك المبلغ اللي تطلبيه وانت هتنسي الليله دي وكانها ما حصلتش
حياه لسه بردك مش مستوعبه هو بيعرض عليها ايه: انت بتقول ايه
عاكف بنظره استحقار : بقول 50 الف كويس
حياه تضر,به بالق,لم :انتم بتحلوا كل حاجه بفلوسكم لا احترام ولا شرف لحد عندكم !!الحيوان ده عرض عليا فلوس لانه سكران لكن انت في وعيك انت قذر اكتر من الحيوان ده 1000 مره
احمد :انت بتقول انها ضر,بتك بالقلم والله بنت شجاعه
عاكف :انت بتقول ايه؟ هي زيها زي اي بنت من امثالها كل همها انها تعمل شويه الحركات دول على الناس الاغنياء عشان خاطر الفلوس
احمد باعجاب: انت بتقول انها ضر,بتك ورفضت الفلوس اللي انت عرضتها عليها
عاكف بثقه: هي عملت كده علشان ما تعرفش ان في كاميرات سجلت اللي حصل ده ولما نشوف تسجيل الكاميرات هثبت لك انها واحده شمال
احمد غير مصدق :يعني انت بتقول ان البنت دي ما عندهاش لا شرف ولا اخلاق وان الموضوع ده عادي بالنسبه لها وكل همها بس الفلوس ؟؟فكر مره تانيه لانك هتندم لو عرفت انك ظلمها
عند حياه
ليه الحياه صعبه للدرجه دي ليه دايما بيشوفوا ان البنت البسيطه اللي بتشتغل علشان تساعد نفسها وتعرف تعيش ان هي ما عندهاش اخلاق وشرف وانهم ممكن يشتروها ببساطه؟
في اليوم التالي
يستمر مصطفى في الكذب ويحاول اقناع عاكف ان حياه بنت ليل
احنا اغنياء جدا وبنت زي دي عايزه تستغل الموضوع ده علشان الفلوس
عاكف بتركيز وكانه يشك :طيب بما انك فقت عايزك تكلمني عن اللي حصل في اليله دي بالظبط
مصطفى: ما تشغلش بالك انا اعرف ازاي اتصرف مع الاشكال الزباله دي
عاكف بتحذير: انت عارف البنت لو راحت قدمت بلاغ انت هتروح في داهيه ده غير كمان لما الباشا يعرف
مصطفى : ما تخافش هي كانت بتهوش بس ما فيش واحده بتفضح نفسها
عاكف بثقه : البنت ناويه انها تبلغ لاني عرضت عليها 50 الف جنيه ورفضت
مصطفى بصدمه :معقوله رفضت مبلغ زي ده
عاكف ولا يتنازل عن فكره انها بنت ليل فعلا :لبنت واضح انها ذكيه جدا عايزه تبلغ علشان تحصل على تعويض اكبر بكثير من ده
مصطفى وما زال يكدب :البنت عارفه هي بتعمل ايه وقعتني عشان تتحصل على مبلغ اكبر
يرن تليفون عاكف ويجيب: البنت قدمت بلاغ
مساعده:ما قدمتش بلاغ
عاكف:انت هد,دت البنت عشان ما تقدمش البلاغ
مساعده :والله دي كانت نيتي بس خلاص ما عادش فيه داعي للتهد,يد
عاكف باستغراب :كيف يعني؟
تفتكر انا هقدر اقدم بلاغ عن ابن اكبر رجل اعمال اللي بكلمه منه يد,مر مستقبلي كله ؟؟
في حياتنا دي مش البريء هو اللي بيفوز انما القوي بفلوسه وسلطته
ده كل اللي قالته البنت ؟
عاكف بقسوه :احنا مش هينفع نثق في البنت دي مسحت كل التسجيلات؟
مساعده :مسحتها بس في حاجه لازم حضرتك تعرفها
عاكف بتركيز:انا سامعك اتكلم .