![](https://blogger.googleusercontent.com/img/b/R29vZ2xl/AVvXsEjl-ktsm6uISRLVPJLKsbwAx59GzPBdZtaXEgY7LnmZpfca5TtCcXxdhROsdoH7r02KXo-qcl3zJERyc2kdMA6XEt3ZLjk22VsNkcB9c3sTUiXDy3p79on_BmsZLGOUOl0twDa1iP6Fmb_0QKY2MEkyp_m_yNWv0sw-zCYH-qcfxBMY-L8PilVWKFwOCCwP/s320-rw/img_1708023788628.png)
البارت الرابع عشر14
بقلم ميفو السلطان
ما ان قال داغر انها حامل حتي اهتاجت وصرخت وظلت تخبط علي بطنها وتصرخ.. لا لا مش عايزاه مش عايزاه لا لا حرام حرام لا مش هبقي نسمه تاني لا لا.
اما داغر فقد ارتعب من هياجها فاقل حركه ستفقد جنينها ليهجم عليها ويمسكها بقوه وهيا تصرخ وتتحرك بعنف.
ليهتف... بطلي ابوس ايدك بطلي هينزل بطلي والنبي وهيا تقاومه بعنف و قوه ولم يجد حل له ليسقط فوقها يشل حركتها ويصرخ للممرضه وهو يهتف ابوس ايدك بطلي والنبي بطلي يا قلبي سيبه سيبهولي سيبهولي ابوس ايدك قلبي هيقف سيبيه مافضلش الا هو املي ليكي سيبيه بالله عليكي سيبهولي كانت دموعه تتساقط و َهيا لا تكف عن عنفها لتدخل الطبيبه وتمسكها وتعطيها حقنه مهدئه لتبدا في التراخي لتنام اخيرا ويجلس هو والدموع تتساقط من عينيه.. لتقترب الطبيبه.. كده مش كويس عشانها كده الجنين مالوش امل حاول تهديها ماينفعش كده وتركته وخرجت.
لينفجر في البكاء ليهتف.. اهديها ازاي اعمل ايه في المصيبه اللي حطيت نفسي فيها هتنزله دانا ماصدقت يكون بينا يربطها بيا هتسيبني انا عارف لو نزل هتسيبني ليقترب ويمسك يدها حبببي والله اسف اعمل ايه.
ليقوم ويتصل بامه لتاتي لتكون بجوارها واحضرت ملك ايضا اراد الكل ان يكون بجوارها لتحس انهم بجوارها لتجلس والدته ليهتف.. هتسيبني يا امي هتسيبني انا موجوع اوي.
لتتنهد... اقول ايه يا حبيبي ربنا يهديها اللي مرت بيه مش سهل .. ربنا يهديها كلنا جنبها مش هنسيبها.. ليظل جالسا يدعو ربه ان تعود اليه وتسامحه.
عند مريم وجمال استيقظت مريم في احضان جمال لتحس براحه وسعاده فهيا تحبه وتعشقه منذ صغرها ولكنها كانت تخاف منه لتتنهد وتقوم تحدث والدتها لتفجع مما حدث لتقترب من جَمال وتهتف.. جمال حبيبي قوم.
ليتقلب جمال ويبتسم وياخذها في احضانه.. صباح احلي صباح يا قلب جمال.
لتهتف.. قوم عشان نروح لماما.
ليقطب جبينه... ماما ايه يا قلبي احنا عرسان لتقص عليه ما حدث ليهتف... طب خلاص هنروح ماشي.
لتهتف.... طب قوم حضر الشنطه عشان نروح.
ليرفع... حاجبيه شنطه ايه اللي احضرها.
لتهتف..... امال ايه انا مش هسيب غنوه في حالتها دي وقامت وبدات تفتح دولابها.
ليقوم ويقترب منها ويحملها ويعود بها الي الفراش.. شنطه ايه واسيب مين انت عقلك خف.
لتهتف... جمال اوعي غنوه تعبانه واخويا موجوع.
ليهتف... طب مانا تعبان و َموجوع وقلبي شقق. مريومتي فيه عرسان يسيبو بيتهم.
لتهتف... جمال بطل بقه هما محتاجينا عشان خاطري.
ليتنهد... طب عشان خاطري انت بقه سيبيني اصبر نفسي ليقترب منها ويقبلها بقوه وحب وهيا تستجيب له ليتوها معا لتعود هيا وتتملل بين يديه ليهتف بطلي مش قادر والنبي يا قلبي دانا عريس اتهني ٠شويه.
لتهتف.. بطل بقه قله ادب وقوم.
ليهتف ..قله ادب هيا فين اطفحها ياختي دانا اتربيت ولا شفت قله ادب.. اللي عملته بط بط طلع عليا وز وز.. دانت ربتيني ونيمتيني زي خيبتها.
لتدفعه قوم بقه بلاش دلع ودفعته ليظل فتره نائما.. ليهتف دا ايه الغلب ده نروح فين دانا قلت هلين القمر بالليل.. يا رب الصبر وقاما واستعدا للذهاب ليذهبا الي المشفي لتدخل مريم عليهم ويدخل جمال ويحتضن داغر الذي يجلس مقهورا ليتنهد جمال.. اهدي يا حبيبي ماتعملش كده.
ليهتف داغر... غنوه حامل يا جمال والحاله خطيره ودخلت في حاله هستيريه عايزه تنزله مش عايزه تتربط بيا انا حاسس ان القهر مسك في قلبي ليربت عليه جمال ويظل بجواره.
ليمر الوقت وتبدا غنوه في الافاقه وما ان فاقت حتي احتضنتها مريم لتجهش بالبكاء لتحاول ان تهديها ولكنها كانت تنتحب بقهر لتقترب منها ناديه خلاص يا حبيبتي اهدي صحتك يا بنتي واللي في بطنك.
لتصرخ... مش عايزاه مش عايزاه.
لتهتف ناديه... ماتقوليش كده استغفري ربنا حبيبتي.
لتصرخ ربنا مايرضاش بالظلم انا مش عايزاه انا مش عايزه حاجه تربطني بيه انا بكرهه بكرهه.
ليشعر داغر بخناجر. بداخله ويصمت ولا يجرؤ علي الكلام
لتاتي ناديه بملك وتهتف ايه ملك ما وحشتكيش لتمسح غنوه عيونها وتاخذ ملك في احضانها وتضمها اليها وتقبلها وتبتسم لها وتداعبها فهيا روحها وداغر يشعر بوجع فهيا جَميله حانيه لا تستحق ما فعله بها كيف تحب ابنته ونامت في احضانه امنه وهو يفعل بها ذلك.
لياتي جمال ويربت علي كتفه وياخذه ويخرج.. اصبر يا حبيبي كل حاجه هتبقي كويسه اصبر
ليهتف داغر... مش قادر حاسس اني هموت من اللي هببته انا كان عقلي فين شوف شايله بنتي وحضناها ازاي دي يتعمل فيها كده.. انا ماقدرش اسيبها دقيقه انا حاسس ان قلبي هيقف خايف.
ليهتف.. اطمن يا حبيبي خليك جنبها واطمن انا هنزل الشغل مكانك المهم تحسسها بالامان ماتسيبهاش لدماغها.
ليهتف... اسيبها دانا لو طلت اارشقها في حضني وحشتني اوي شهر مرار ولسه هتوريني المرار.
ليهتف.... المهم تحس بالامان.. ليصمت داغر قليلا ليهتف طب ابقي ابعتلي المحامي عايزه واستدار ودخل اليها ليتنهد جمال ويهتف.. الجوازه راحت يا غلبك يا جمال روح اتهبب شوف شغلك مالكش تفرح يا حزين........... . ميفو ميفو.............
مرت الايام وغنوه في المستشفي الي ان استقرت حالتها وهيا لا تنظر اليه من اساسه ليصرح الطبيب بعودتها.
ليدخل داغر عليها ليجلس بجوارها.. الدكتور قال انك ترجعي البيت وبقيتي كويسه اهم حاجه ماتتعصبيش وماتشيليش حاجه غير كده يا قلبي اعملي ما بدالك.. لم تنظر اليه ليهتف طب بصيلي حتي قوليلي اي حاجه قلبي واجعني. والله.. ليتنهد.. براحتك يا قلب داغر من جوا واقترب منها ليحملها. لتبهت وتصرخ... انت بتعمل ايه.
ليهتف... هشيلك يا عمري وحملها رغما عنها.
لتهتف بغضب... نزلني انا ماتشليتش بقلك نزلني.
ليهتف... اهدي العصبيه وحشه وانا مش هنزلك يا قلبي وخرج بها وهيا غاضبه ليضعها في العربه ويقبل راسها ليهتف حمدالله عالسلامه يا قلب داغر............... أستغفر الله العظيم.... ..........
لم ترد عليه واشاحت بوجهها لتبتعد عنه فرؤيته توجعها ليصلا الي المنزل ويترجل وياخذها ويستقبلها الكل بترحاب ويصعد بها لفوق ليضعها ويظل واقفا وامه اخته تجلسان معها توافران لها سبل الراحه ليمر الوقت وينصرفا ويبقي هو معها ينظر اليها ليقترب منها بهدوء ويخرج من جيبه ورق ويعطيه لها.
لتقطب جبينها لتهتف.. ايه ده.
ليهتف بحب.. دا عقد الفيلا ليكي والفيلا اللي في البلد.
لتنظر اليه بعدم فهم.. مش فاهمه ليا يعني ايه.
ليهتف.. كتبتهم باسمك عشان يبقي ليكي الحريه فيهم تعملي ما بدالك واحنا ضيوف عندك..
لتظل تنظر قليلا الي العقدين وهو يراقبها ليمر الوقت ليجدها تبتسم بسخريه وتهتف.. هو ده اللي عقلك جابك تعمله.. تكتبلي حاجه.. طب ما ادتنيش فلوس ليه بالمره
ليهتف.. انا عملت كده عشان ده بيتك ماحدش ليه يكلمك واللي مش عايزاه يتنفذ.
لتقوم من مكانها وتهتف...... . يعني لو قلتلك اخرج بره هتخرج.
ليتنهد ويهتف... هتخرجي جوزك وابو ابنك اللي جاي يا غنوه.
لتهتف.. لا ماليش حق انا ازاي.وحشه كده.. لتقترب منه. وتهتف طب مانت كت هترميني بره. هو انت لو فاكر انك هتحدفلي قرشين والا تكتبلي حاجه انا كده خلاص كل حاجه اتصلحت.
ليهتف.. انا استحاله كت هسيبك كنت بموت عليكي كنت بدخلك بالليل المسك واخرج من قهرتي انا عارف اني اجرمت في حقك وغلطت وراضي باي ترضيه ترضيها انا بحبك يا غنوه والله بحبك
لتهتف.. ترضيه.. انت مستني ترضيه.. مستني من الجربوعه اللي ضحكت عليك ترضيه.. لا بجد مارضالكش والله تقل من نفسك كده. ........ ،🌿 اللهم صل على سيدنا محمد.🌿..........
غنوه انا بحبك سامحيني ابوس ايدك انت قلبك طيب عارف موجوعه بس انا رهن اشارتك اعملي مابدالك بس اخرتها تبقي في حضني وبتاعتي.. غنوه انا اسف والله اسف سامحيني.
- اسامحك !! طب ازاي ؟
= عشان انت طيبه و قلبك ابيض وبتسامحي والله بعشقك انا عارف اني زباله بس بموت عليكي.
- ممم... طب انا موافقه اسامحك عشان طيبه وقلبي ابيض زي ما بتقول.
ليرجف قلبه.. ادا .. هتسامحيني يا قلبي
= اه بجد .. بس قبل ما اسامحك هطلب منك طلب ..
= اللي تطلبيه عمري فداكي..
- رجعني زي ما كنت الاول وانا هسامحك
= يعني ايه ؟
-انا هقولك يعني ايه ! ..رجعني لروحي و نفسي اللي بحبها .. رجعني لطبيعتي و برائتي .. رجعني مطمنه وبثق في الناس .. رجعني بشوف الحلو في اللي قدامي مش الوحش .. رجعني مش خايفه من اللي الجاي وخايفه اني اقرب من اي حد .. رجعني زي ما كنت متخيله ان فيه في الدنيا دي ناس بتحب و تصون ........ سكت يعني ! .. صعبه صح ؟
بص انا مش هقولك غير كلمة واحدة.. (سبني في حالي ) و قبل ما تفكر في نفسك وتطلب اسامحك لازم تعرف ان جرح القلوب وكسر الخاطر والنفس مش هينة و اكبر من كلمة مسامحك دي اللي انت جي بكل بساطة تطلبها ..كسره نفسي وذلي وقعادي مزلوله لوحدي زي الكلبه محت كل حاجه ليك جوايا.. انا ماطلبتش اكون ليك ولا يوم جريت وراك انت اتجوزتني جبر وخدتني جبر وخلتني احبك جبر وكرهتني فيك برضه جبر انت مادتنيش فرصه ابقي نفسي واقرر اعيش ازاي بس لحد كده وكفايه انا لقيت قيمتي عندك عند أول اختبار أول موقف ، عند الخصام و البُعد و الوداع ... عند فرصة الإختيار اللي اختارت بها غيري واخترت تصدق فيا ، اختارت بُعدي. انت دخلتني دنيتك اتمسكت بيك واطمنتلك وانت ماتمسكتش بيا بقي مكان مش مكاني ولا حلم كان حلمي ... انت شفتني مرحله اربيلك فيها بنتك وبس ، واقتربت منه ومسكت العقدين ومزقتهم ورمتهم علي صدره ليشعر بالقهر لتهتف.. خد فلوسك اللي تهمتني بيها خليهالك الدنيا والحب مابيتشروش بالفلوس عارف يا داغر انا كنت عمري ما هحب ليه لاني غلبانه وفي حالي وراضيا بنفسي بس انت ازاي واحده قليله زيي ترفضك وتقفلك لا لازم تخليني احبك مش هنكر انا بقولهالك يا داغر غنوه حبتك.. لينظر اليها بقهر ووجع ايوه بصلي واتوجع كمان عشان الحب ده جوايا ليك مش هيطلع ولا عمرك هتشوفه تاني.. حبي ليك عار في قلبي اني احب واحد زيك.. ولو عملت ايه خلاص خلصت كده بقلهالك وعيني في عينك انا بحبك يا داغر ومش هنكر بحبك وحبك اتملك مني بس الحب ده هو اللي ذلني لواحد ذيك مايستحقوش.. الحب ده قرف وذل ومهانه لتكون فاكر اني هقعدلك تدادي وتصالح زي الروايات وتبقي نهايتنا سعيده لا يا داغر بيه.. انا همشي هاخد نفسي وامشي ماعرفش اقعد هنا دقيقه..
ليصرخ.. وانا استحاله اسيبك انت بتاعتي.
لتضحك.. تصدق والله حاجه تضحك بتاعتك ليه كت دفعت فيا مليم. فاكر لما قلتلك ماهتدفعش مليم كنت حاسه ان اليوم ده هيجي.. عشان تبقي خرجت ماخسرتش حاجه وماخدتش منك حاجه.
ليصرخ.. خسرت قلبي وخدتي روحي.
لتهتف بسخريه.. روحك وقلبك .. لا يا بيه انا خارجه من دنيتك بطولي خسرانه وخسرانه كتير.. انت مالكش تقول تسيب و ما ماتسيبش انا اللي اقول يا بيه يا عالي انا همشي واعيش حياتي بعيد عنك وعن دنيتك ونفسي اللي في بطني ده ينزل بجد مش عايزه حاجه تربطني بيك..لتخرج دبلتها من يدها ليشهق بقوه َترميها تحت رجله و حته الصفيحه دي اللي تربطنا احنا مفيش بينا رابط حتي العيل مش رابط يا داغر انا لا عويله ولا مشلوله عشان اربيه.
ليهتف وملك هتيتميها تاني..
لتغمض عينها بوجع يمزقها.. يا ريت اقدر اخدها يا ريت ملك دي روحي لتنزل دموعها..
لينتهز الفرصه.. طب اقعدي وانا مش هضايقك والله ملك محتجالك ملك اتيتمت مره هتسبيها يا غنوه انت مامتها.نسمه راحت وسابت ملك مالهاش حد انت جيتي بقيتي روحها انت مامتها هيا حته منك تهون عليكي دي غلبانه ويتيمه .
لتقوم وتهتف.. ادهاني يا داغر بيه وانا همشي وهحطها في
قلبي... واستدارت تجهز ملابسها.
ليتصل بامه لتدخل ملهوفه فيه ايه راحه فين يا قلبي.
لتهتف ماشيه يا طنط..
ليهوي قلب ناديه وتحس بخراب بيت ابنها وحبها لغنوه وجعها لتتهاوي لتهجم عليها غنوه.. ايه ايه مالك يا قلبي مالك.
لتهتف ناديه بوهن.. هموت لو مشيتي هموت انت بنتي وقلبي مش هيتحمل..
لتجهش غنوه بالبكاء فذلك فوق تحملها لتحتضننها ناديه هتسيبيني هتسيبي امك مين يراعيها ويحبها دانت بنتي وبقيتي روح البيت لتتأوه وتضع يدها علي قلبها.
ليهتف داغر... امي اجبلك دكتور.
لتدمع ناديه وتنظر لغنوه.. لا دكتوري هوا غنوه ماتسيبنيش. وحياه خالتك اللي بتحبك هتسيبيني. طب بلاش انا ملك هتسيبيها
لتطرق وتحس بوجع في قلبها فملك ابنتها روحها لتصمت قليلا تفكر.لتهتف اعمل ايه مش هقدر.
لتتأوه ناديه بوجع لتهتف غنوه خلاص خلاص اهدي وتتساقط دموعها مش همشي بس لفتره انا مش هقدر اكمل معاه خلاص.
ليشعر داغر بالقهر.
لتهتف ناديه.. المهَم تكملي مع ملك.. ملك مالهاش ذنب. انت امها فيه ام بتسيب ابنها. لتظل غنوه قلبها ينهشها لتهمس بقهر حاضر يا حبيبتي..
ليرتاح داغر كأن جبل ونزل من علي قلبه لتقوم ناديه وتقبلها ويساعدها داغر وتذهب لحجرتها ويعود الي غنوه يقف ينظر اليها كالعيل الصغير الذي ينتظر الاوامر .
لتظل فتره صامته.
لتهتف اخيرا.. طب يا داغر بيه انا عندي حل..هقعد عشان طنط. اول حاجه اشتغل واصرف علي نفسي
🌿🌿لا حول ولا قوة إلا بالله🌿🌿 🌿🌿🌿🌿🌿
ليهتف بغضب.. كده كتير غنو ه انا عندي فلوس متلتله انت اتجننتي تشتغلي ايه. انت مراتي تصرفي براحتك.
لتهتف انا مالي بفلوسك حد الله مابيني ومابينها. ومرات ايه ماتعقل بقه بلاش كلام فارغ. هشتغل واديك تمن اكلي وشربي..
ليهتف بقهر حرام عليكي بقه انا كده بموت.
لتهتف بسخريه.. انا مالي بيك تموت تعيش انا مالي.. انا هنا هكفل حالي لحد مالعيل ده يجي وهسمحلك تصرف عليه ما انت المفروض ابوه.
ليغمض عينه ويسيطر علي نفسه ليهتف ماشي هشفلك شغل..
لتهتف.. وشرطي تاني.
ليقول.. انا راضي باي حاجه بس تقعدي.
لتتنهد.. اربي ملك..وابقي المربيه بتاعتها.
ليهتف.. تبقي مربيه ليه مانت مامتها..
..🌿 سبحان الله وبحمده 🌿
لتهتف عشان..هتطلقني
ليصرخ لا بقه.. والله ما هيحصل وانا استحاله اعملها كفايه يا غنوه والله ماقدر.. طب بصيلها ملك واللي جاي والله ماقدر.. اشتغلي واعملي اللي تعوزيه بس وانت معايا ..
لتتنهد انا مش فاهمه معاك ايه.. انت معترض ليه ما القصه خلصت.
ليهتف عندك جايز انما عندي انت لسه حبيبتي وام ملك وام اللي جاي وهفضل العمر كله مستنيكي ترجعيلي..
لتبتسم بسخريه.. والله انت حر في نفسك وبكده يبقي نهينا كل حاجه ويا ريت تعاملني كغريبه وتنسي تماما اني لسه علي ذمتك.
ليهتف.. عمري ما هنسي انت حبيبتي اه غلطت َعندي استعداد اعيش عمري تحت رجلك مستنيكي..
لتهتف.. مشكلتك مش مشكلتي واستدارت وتركته.
ليظل ينظر اليها بقهر ويخرج وهو مغلوبا علي امره ليقابل جمال ليري مدي حالته البائسه لياخذه وينزلا بالاسفل ليهتف داغر.. خلاص يا جمال قضت علينا وعلي حياتنا هتعيش لوحدها وتشتغل وتصرف علي روحها عشان ماتحتاجليش ولا اكون في دنيتها.. لا واللي قهرني انها اول مره تقلي بحبك قالتها دلوقتي بتحبني بس استحاله تديني حبها ده انا هينتها ووجعتها اوي.
ليقترب جمال اصبر يا داغر الصبر والزمن بيداوي طالما بتحبك هتحن.
ليهتف داغر امتي بس امتي انا تعبان من غيرها..
ليربت عليه جمال.. الصبر يا صاحبي.. ليتنهد ويتركه ويصعد لجميلته التي بعدت عنه مؤخرا ليدخل ليجدها جالسه تقرا احد الروايات ليقترب منها ويقبلها ويهمس القمر بيعمل ايه..
لتهتف.. بقرا روايه..
ليقترب منها.. حب.. روايه حب..
لتهز راسها ليقترب منها ويهتف ليه هو انا قصرت مع القمر في حاجه دانا حتي واقع وحالتي بالبلا..
لتهتف.. بطل بلاش كلامك ده..
ليضحك يعني لا كلام ولا فعل يابنتي عريس انا ازاي قوليلي عيل فقر من يومي ماتيجي يا قمر اما نعمل عريس َعروسه دا حتي الحب في الروايات كلام بس.
لتهتف بخجل ايه قله ادبك دي وقامت مسرعه تبتعد ليقوم ورائها ليمسكها لا قله ادب ايه انا طولت حاجه ماطولتش والله ماتسيبيني اطول والنبي دانا شايل ومعبي والقمر واحشني قوي..
لتهمس جمال بطل عيب عندنا ظروف داغر زعلان..
ليهتف طب هنصالحه والله بس سيبيني الا انا كمان زعلان موت..
ليقترب ويشدها اليه يداعب جسدها لتهمس زعلان من ايه.
ليحملها ويدور بها.. زعلان ان لوحدي وقلبي واجعني وحبيبي مش حاسس.
لتهتف.. مش حاسس بايه..
ليقبلها قبلات متفرقه. بالولعه والشعطان ارحميني بقه والله يا قلبي تعبت بعاد..
لتهتف وانا اعملك ايه مش انت اللي كت مزعلني ووحش
ليهتف طب يمين بالله ماعملت حاجه بس خلاص مزعلك اصالحك.
لتهمس... اه صالحني لما تفطس بقه
ليضحك لا مش انا اللي هفطس دا حد تاني هيسورق في ايدي من كتر المصالحه.. ليضحك عندما نظرت اليه ببلاهه ليقول قلبي يا ناس عسليه عسليات وحلويات..
لتهتف بتحبني يا جيمي..
ليلصقها به.. حب مولع والله من يوم ما كبرتي وشفتك قمر وقلبي دق موت والله الحب هبلني..
لتهتف ولا يوم هتزعلني.
ليهتف طب نصالح الاول الزعل الاولاني ارحميني ازعل مين دا حبيبي يتاخد ويتحب ويتاكل اكل..
لتتنهد وانا بحبك يا قلبي والله بس كنت خايفه منك..
ليظل ينظر اليها بحب.. قلبي يا ناس اروح فين انا دلوقتي.. عسليتي قالت وقلبي شاط من جمالها.. ليشدها اليه لتضع يدها حوله ليقول.. يعني خلاص حبيبي رضي عني دانا حاسس اني شققت والله من الكتمه..
لنبتسم وتهتف.. انت بقيت طيوب وعسليه وخلاص مش زعلانه منك.
ليبتسم.. اكن جمال يتقال عليه طيوب وعسليه.. يا بت بقه بكلامك ده..
لتهتف ايه مش انت طيوب..
ليهتف طيوب وهطرشق بس عسليتي تسكت بقه كده عشان الطيوب محصور.. ليشدها اليه ويقبلها بحب لتتمنع عليه ليهتف بهيام بتعملي ايه يا قمري والله ما عاتقك
لتهتف جيمي بطل..
ليبتسم يعني تقولي جيمي كده وابطل.. ليه متجوزه خشبه رجل كرسي.. بطلي انت بقه كده عشان جيمي سمعته بقت في الارض.. سيبي جيمي ياخد فرصته لتحاول ان تعترض لتضيع كلماتها في قبلاته التي اذابتها لتذوب هيا في عشق الهبها به جمال من فرط رغبته هدات اخيرا امنه محبه بعد ان صبر عليها واعطاها من حبه الوان لتصبح له اخيرا زوجه هائمه في طيات وثنايا عشقه..
دخل داغر في الليل بصنيه الطعام ليضعها بالقرب منها ليجلس بجوارها ويهتف.. انت كويسه يا قلبي..
لتغمض عينها وتستعيد نفسها لتنظر اليه وتهتف.. بص بقه عشان انا عايزه افضل هاديه ومؤدبه.. كلامك وبصاتك دي تخليهم لنفسك بلا قلبي بلا زفتي عشان انا مش طايقه حتي اسمع نبره صوتك فتعقل كده انا قعدت عشان طنط وملك فما تخليش قعدتي دي جحيم بالنسبالي.
ليبهت.. انا جحيم يا غنوه.
لتنظر اليه وتهتف اه يا داغر بيه..
ليهتف ايه داغر بيه كل شويه..
لتضحك.. امال انت ايه مانت رجعت داغر بيه وانا غنوه المربيه ليكون فيه حاجه لسه وانا ماعرفهاش.
ليتنهد.. بقهر ويهتف.. مش عارف انطق وليكي الحق تزعلي..
لتقول باستنكار.. زعل.. زعل ايه هو احنا زعلانين مثلا شويه وهنرجع..
ليهتف اه هنرجع انت بتحبيني وانا بعشقك.
لتنظر اليه.. تصدق يا داغر بيه انا مش عارفه فعلا بحب فيك ايه او حبيتك ليه.. حاليا حاسه اني ما كنش عندي عقل انت فيك ايه يتحب.. بس دا امر ربنا.
ليهتف.. بس اللي بيحب هيسامح..
لتهتف بسخريه.. لما اكون عايزاه لما اكون فرحانه بيه.. بس حبك موت ومرطه نفس حبك هم علي قلبي بصلي وادعي انه يتنزع من قلبي..
لتنزل دمعه من عينه ليهتف والله بحبك.
لتنظر اليه بتشفي.. تصدق مش حاسه باي ذره وجع عليك انا رجعت غنوه اللي ما تبقاش علي حد ومش عايزه حد.. فعلا شكرا ليك انك رجعتني لنفسي.
ليقول بقهر.. غنوه انا طلقت ميسا ومحبوسه تحت تاخدي حقك منها..
لتضحك وتهتف.. تصدق انك فقره لوحدك.. اخد حقي من مين.. طب دي واحده بتحب جوزها وعايزه تخلص من اي شريك.. اخد حقي منها ليه هو انا كت بحبها هيا. روح الله يسهلك ويسهلها خرجها بلاش ذل بسببي. انا لا عايزاك ولا عايزه منك ولا منها حاجه .. انت بقيت قدامي مابتعديش علي عيوني اصلا وقلبي هتصرف فيه انا غنوه اللي تقدر تنزع قلبها وتقطعه حتت ولا انك تفضل في دنيتها..
ليتنهد ويقوم بغلب يغير ملابسه ويستعد للنوم لتهتف انت بتعمل ايه.
ليهتف بغلب هنام هعمل ايه يعني..
لتهتف مش فاهمه هتنام فين بالضبط.
ليقول. هنام هنا
لتقول ودا مين اللي قال..
لينظر اليها بغضب.. انا اللي قلت.. انت قلتي كتير واللي قلتيه نفذته انا بقه هنام هنا واستحاله اخرج من هنا..
لتهتف بسخريه.. طب بالراحه علي روحك ماتنام. ماتفرقش معايا والله تنام تقوم تتشقلب.. انت والمرتبه حته واحده يلا ربنا يشفيك واستدارت ونامت وهو ينظر اليها بقهر وغضب.. بقي انا والمرتبه حته واحده..
لتستدير وتضحك بسخريه لا والله انا ظالمه المرتبه المرتبه مفيده بالنسبالي. يلا ويا ريت ماتعملش دوشه وانت بتصحي انا تعبانه ومن هنا ورايح تدخل من سكات وتخرج من سكات انا مش فارق دخولك اصلا. عدي ايامك يابن الناس ياما هروح ابات مع طنط..لو فاكر وجودك هيضايقني ابدا لما تبقي قدام عيني هضايق.. اعمل ما بدالك. غنوه بتقلك هيا دفنتك جواها بس لسه هتخرج عليك القرافه لما تنزع حبك من جوا قلبي وهيحصل ومن هنا لخرجتي ماهتساملكش ست من اساسه ويا ريت عايزه افضل مؤدبه فعيش بقه وعدي الايام الهم دي واستدارت ونامت وهو ينظر اليها بحسره وينتظره ايام قهر جناها من عمايل يده.