![](https://blogger.googleusercontent.com/img/b/R29vZ2xl/AVvXsEjl-ktsm6uISRLVPJLKsbwAx59GzPBdZtaXEgY7LnmZpfca5TtCcXxdhROsdoH7r02KXo-qcl3zJERyc2kdMA6XEt3ZLjk22VsNkcB9c3sTUiXDy3p79on_BmsZLGOUOl0twDa1iP6Fmb_0QKY2MEkyp_m_yNWv0sw-zCYH-qcfxBMY-L8PilVWKFwOCCwP/s320-rw/img_1708023788628.png)
البارت الثالث3
بقلم ميفو السلطان
مرت الايام تتوالي وغنوه تساعد نسمه في جهازها وقلبها يتمزق علي تلك الجوازه الحزينه في عينها وخصوصا ان داغر لم ياتي الا يوم كتب الكتاب وفقط وهنا ايقنت غنوه ان ذلك الرجل لن يسعد صديقتها ولا يعير لها بالا ولا يهتم اصلا بوجودها وهذا حقيقي فعلا فداغر يتزوج فقط من اجل الانجاب وتحقيق رغبه والدته في الحياه واجبر علي تلك الجوازه..
لتمر الايام وياتي يوم الزفاف لياتي داغر وياخذ نسمه لتلمحه غنوه من بعيد وتلمح نظراته لنسمه كانت نظرات عاديه اما نسمه فكانت سعيده كانها صعدت الي السماء..ولكن صديقتها تشعر بالقهر وتكن الحقد لذلك الذي جاء واشتري جسما ليحصل منه علي طفل لزوجته الخقيره مانت تظن في داغر كل ما هو سئ ليتولد عندها بغض لتلك الشخصيه.
لياخذ داغر نسمه ويرحل بها الي بيته وما ان دخل بها اقتربت منه ميساء والتصقت به لتشعر نسمه بالحرج الشديد لتاتي ناديه وتاخذها تعالي يا حبيبتي بيتك و َمطرحك..
وميساد متعلقه بداغر وتدلل عليه ليهتف.. بطلي عشان احنا لسه داخلين اصبري علي نفسك شويه مش من اولها.
لتهتف ايه يا دودي(دودها😏😏) مانا بعمل زي ما قلتلي اهه ومش بعمل مشاكل وبحب فيك اهه والا انت عايز ايه بالضبط..
ليتافف ويتركها ويذهب الي والدته ويجلس بجوارها و َنسمه جالسه لا تتكلم وبدات ميساء تثرثر وتدير الحوار ولا تنظر لنسمه ولا تعيرها اهتماما من اساسه..
لتهتف ناديه.. قوم يا حبيبي خد نسمه واطلعو فوق زمانها تعبانه..
لتهتف ميساء تعبانه من ايه يا طنط دا المفروض الفرحه مش سيعاها انها تدخل بيت زي ده.
ليهتف داغر بحزم.. ميساء بطلي.
لتهتف ابطل ايه انا عملت حاجه يا حبيبي ما برضه اللي يخش بيتنا يفرح مش كده يا قلبي.
ليهب من امامها لياخذ نسمه ويصعد بها وهيا تغلي وتتوعد لهم ليذهب بها الي حجرتهم ليدخل بها ويقربها منه ويهتف.. بصي يا نسمه عشان نعيش كويس مراتي مالكيش دعوه بيها خالص لو عملت ايه ماترديش عليها ولو ضايقتك عندك امي او تجيلي بعدها انا مابحبش وجع الدماغ.. انا اخترتك عشان هاديه ومؤديه ومش بتاعه مشاكل.. انا مش هسمح ان البيت يتقلب حريقه.. يبقي تخلي بالك من تصرفاتك ومالكيش دعوه بحد..
لتهتف اللي تامر بيه انا هعمل مشاكل ليه.
ليتنهدويهتف طب قومي غيري وتعالي.. لتذهب لتغير ملابسها ليسمع خبطا عالباب ليجد ميساء تقف تبكي واندفعت في احضانه ليهتف.. فيه ايه لتهتف تعبانه وحاسه ان روحي بتطلع. هموت يا داغر الحقني.. وتصنعت الاغماء ليحملها ويذهب بها الي حجرته لتكلبش فيه وتنتحب بشده وتظل هكذا (قلنا حربوءه 🙄🙄) وهو لا يعرف ان يتر كها فمهما كانت هيا زوجته تمن سنين عشره ليهتف طب اهدي طيب اجبلك دكتور.
لتهتف وهيا تبكي.. لا خليك معايا لما انام والنبي انا مش طالبه حاجه..
ليتنهد طيب انا جنبك اهوه نامي..وظل بجوارها يهدئها وهيا لا تكف عن البكاء او تصنع الاغماء وانها متعبه ليستمر معها لفتره لا يعلمها.
في تلك الاثناء خرجت نسمه ولم تجده ليمر الوقت وهيا تنتظره ولكن لم ياتي لتشعر بقهر وغلب شديد ارادت ان تبكي ولكنها قامت وفتحت تليفونها واتصلت بصديقتها غنوه وما ان ردت حتي اجهشت بالبكاء لتصرخ غنوه فيه ايه مالك بتعيطي ليه. الحيوان ده عمل فيكي ايه.
لتهتف نسمه ببكاء.. ماعملش حاجه ماعملش.
لتهتف غنوه امال بتتهببي تعيطي ليه وسيباه وبتكلميني مش دخلتك دي اتهطلتي سايبه الراجل وبتكلميني يا موكوسه.
لتهتف انا ماسيبتوش هو اللي سابني.
لتهتف غنوه سابك راح فين بروح اهله مش معاكي هو..
لتهتف لا خرجت مالقتوش وشكله راحلها انا مقهوره اوي
لتهتف غنوه بحقد.. ايه راحلها.اه يابن الجزمه. اه دا اللي قلتهولك وعامله حسابه الهانم راكباه و َمدلدله ماهي مراته. راح للهانم وسابك. بت انت اسمعي ماتسكتيلوش طلعي روحه..
لتهتف نسمه ببكاء.. اطلع روحه ايه دا في دخلتنا قالي مالكيش دعوه بمراتي وماترديش عليها مهما عملت وابقي اشتكي لماما.. انا خايفه حاسه اني غلطت دا صعبه اوي دا من ساعه ما دخلنا قفشت فيه َنازله تريقه عليا واني ماحلمش اخش بيت كده.
لتصرخ غنوه قطع لسانها.. والبيه عايزك ماترديش عليها ليه مش مراته لا تردي وتطيني عيشتها.. اه يا ناري اطولكو ازاي كت كلتها بسناني.
لتهتف.. لا ماهو قالي انا مش هسمح بمشاكل.. واخرتها يسيبني ويمشي مش انا مراته برضه ودي ليلتي يسيبني ويقهرني كده..
لتهتف غنوه.. قهره تشيله.. اقلك ايه معلش حبيبتي قومي اتوضي ونامي واهدي معلش اهي ابتدت اهيه نصبر بقه.. وانت انشفي شويه وحمريله عنيكي.. لتقفل تسمه وهيا تبكي.
وتفضل غنوه تغلي من الغضب.. اه يا زباله تقهر البت كده يوم فرحتها ليه كلبه تسيبها كده اه تلاقي العقربه التانيه حكمت عليك تنام معاها مانتو جوز عقارب مع بعض.. واخده عقربه متحوزه دلدول رايح يجيب عيله الشايب المفضوح تحبله عيال.. ادي اخرتها يا نسمه تتجوزي الزباله ده ويذلك مانت جايه عشان تخلفي وبس انما يعملك ست وليكي قيمه لا.. منعول ابو الجواز واللي عايزين يتجوزو ليه تعملي في نفسك كده اه لو اطوله لكنت اقطعه بسناني.. اروح فين بحرقتي دي.. لتسمع اختها ولاء تسخر منها.. اه يا غنوه عماله تغلي وتهري ليه ما تهدي وبور الحرق اللي جواكي ده..
لتنظر اليها غنوه.. تصدقي يا بت انك مرزقه.. طلبتيها ونولتيها (احسن احسن 😂 😂) وقامت لتمسكها من شعرها وتصرخ هو انا مش قلت تلمي لسانك ده انت ايه مهزأه عاشقه الضرب اهو غلبي هيطلع فيكي ونزلت عليها ضرب وولاء تستغيث بامها ولكن امها مشلوله ترتعب من غنوه بعد ان استقوت عليهم ..
نعود الي نسمه التي قامت وصلت ونامت َمقهوره ليمر الوقت ويترك داغر زوجته بعد ان نامت ليدخل علي نسمه ليجدها باكيه نائمه بوداعه ليرق قلبه لها فهيا ليس لها ذنب ليقترب منها بهدوء ويندس بجوارها ويقبل راسها ويهمس.. معلش حقك عليها انا عارف اني هشوف مرار وانت غلبانه ليتنهد وياخذها في احضانه وينام كان حنونا رغم شخصيته القويه ولا يعرف العوج ولكن زوجته عقربه متنقله بديلين.. لتستيقظ نسمه لتجد زوجها بجوارها لترتبك وتحاول ان تبتعد عنه ليستيقظ وينظر اليها فنسمه رقيقه وحالمه كالطفله الوديعه ليهتف راحه فين عالصبح كده..
لتهمس بخجل.. لا مفيش هقوم اشوف خالتي..
ليضحك ويهتف طب ابن خالتك مش اولي تشوفيه.
لتهمس اشوف ايه بس.
ليضحك لا ماتشوفيش انا اللي هشوف. ليقترب منها ويهتف ينفع ارجع الاقيكي نايمه ايه قلبتيني ماصدقتي.
لتهتف مسرعه لا والله انت اللي ماجيتش استنيتك..
ليضحك.. لا ماعنديش حق والله الجميل يستناني وانا اتاخر لا لازم نصلح كل ده والا ايه..
لتخجل منه بشده ليهمس.. انت جميله اوي يا نسمه ورقيقه.. لم ترد ليهتف طب طالما مش هتردي يبقي نسكت بقه احسن وشدها اليه وظل يداعبها حتي زالت رهبتها ليجعلها زوجته لتنام نسمه اخيرا بين احضان زوجها وقد بدات حياتها التي لا تعلم هل ستكملها بسعاده ام سيكون هناك ماينغص عليها حياتها..
نزل الجميع الي الاسفل ودخلت مريم ونزلت الام ودخل كل من نسمه وداغر معا كانت نسمه خجوله طيبه لا تتكلم ومريم تلاطفها ولكن ميساء (حربايه الكون🙄🙄) لا تنفك تنغزها بكلامها الذي يشعرها بالدونيه.
ليدخل عليهم جمال الذي دخل وعيناه تبحث عن تلك الجميله التي كانت تمتنع عن وجودها طوال شهر لم يراها ليحس انه سيجن من عدم رؤياها ليجلس الجميع.. ويهتف جمال مبروك يا حبيبي ربنا يرزقك خير الدنيا..
ليهتف داغر تسلم يا حبيبي عقبالك اما نشوفك بقه في عش الزوجه لينظر الي مريم ولا يعلم لما نظر اليها ليهتف.. والله انت عارف اني طياري اما تيجي بقه بظروفها.
لتهتف ميساء بكره تجيلك اللي تنزلك علي بوزك وماتقدرش تنساها زي انا وداغر مافيش حاجه تقدر تنسيه انا.. مش كده يا دودي..(سداغه عابره القارات 🙄🙄)
لتحمر نسمه خجلا ولا تنطق كانت تشعر بالغرابه وسطهم منذ اول يوم ورغم ان خالتها تعاملها كويس الا ان كلمات زوجته لا احد يرد عليها وهيا لا تنفك تنغزها بالكلام..
ليهتف جمال.. مش عارف هلاقيها والا لا.. والا هفضل كده طول عمري..
لتتنهد مريم وتضيق من ذلك الحوار لتهب وتهتف.. انا قايمه راحه الجامعه..
لتهتف زوجه داغر.. طب معلش يا مريومه سيبي السواق وخدي اوبر عشان عندي مشاوير وشوبينج معلش.
لتتأفف مريم وتهتف طيب بهدليني يا ستي اما عشان الشوبنج وقامت لتتسمر عندما تسمع جمال.. انا رايح جنب الجامعه هستناكي بره وقام وتركهم ولم يعطيها الفرصه ان تنطق لتصعد الي الاعلي وتلبس بلوزه ضيقه وبنطال وترفع شعرها وتنزل تبحث عنه في الخارج..
بقيت ناديه وداغر وميساء ونسمه لتقوم ميساء ما ان قام داغر وتشبك يديه وتشده الي المكتب بعيد عن نسمه ليهتف.. بطلي حركاتك دي بقه واعقلي..
لتهتف.. كده يا دودي دانا كنت هسلم عليك اصلك وحشتني اوي (مش هعلق 😏😏) ليهز راسه لتهتف طب يا قلبي انت هتروح الشغل وانا هنزل اشتري شويه حجات لحبيبي انهارده هسهرك سهره ايه..
ليقطب جبينه.. انهارده.. بس انهارده انا عند نسمه ممكن بقه تعقلي كده.
لتقطب جبينها لا مش من اولها تفرق انا يوم وهيا يوم والا والله ازعل بقه مش كفايه رضيت وساكته اهه ومقهوره..
ليتنهد لا سيبيني بس يومين تلاته وهعمل زي مابتقولي
لتتعلق به وتهتف ولا ربع يوم انا مش مستحمله وربنا والله هتعب وانت عارف لما بزعل بتعب..(واحنا هنرجع 😏😏)
ليتنهد طيب هشوف سيبيني بقه انا رايح شغلي.. لتخرج معه متابطه ذراعه(يا ولاد تابوت اقسم بالله 😎😎) وهيا تنظر لنسمه بتشفي.
ليتركها ويذهب لنسمه ويهتف.. عايزه حاجه لتبتسم له وتشكره ليقبلها ويذهب لعمله..
لتقف ميساء اكيد طبعا مش هتعوزي حاجه انت كتي تحلمي باللي انت فيه..
لتهتف ناديه.. ميساء خلي بالك من كلامك فاهمه.
لتهتف طيب ماشي انا همشي عشان اشتري شويه حاجات اصلي هسهر مع جوزي سهره حلوه.. اصله وحشته اوي اول مره يبعد عني وماينامش في حضني.(حضنك قطر يا بعيده 😎😎) . لا بقه مش مشكله عشان افرحه كل يهون ويحصل المراد بقه ونخلص.. وتركتهم..
ونسمه تجلس مشلوله تشعر بالقهر لتهتف ناديه ماتاخديش في بالك يا قلبي منها سيبيها تهري كده..
لتقوم نسمه وتنصرف لتدخل حجرتها وليس لها ملجا الا صديقتها المقربه تشكو اليها همها..كل ذلك وغنوه يتلبسها الغل من تلك العائله.. لتصرخ بها بت انت ماتجيبليش العصبي انت متصله تحرقي دمي قومي اعملي زيها.
لتهتف نسمه لا بتكسف وبعدين دي قادره وهو مطاوعها انا خايفه منهم كلهم.
لتصرخ تخافي من ايه بت كشميله نهارك اسود انا هنجلط لو اقدر كنت جيت فلقتهولك نصين.. ليظلا يتحدثا ونسمه تسمع وفقط وغنوه مشتعله تريد ان تقتل ذلك الرجل وزوجته.
في الخارج عند مريم وجمال ذهبت مريم اليه َركبت من سكات ولم تفتح فمها بكلمه لينظر الي بلوزتها.. هو يوم طين انا عارف البت فجرت وكل يوم هتقهرني.. ليندفع هو بالعربه وقبل ان تصل الي جامعتها توقف.
لتنظر اليه.. انت بتقف ليه.
ليهتف بجديه.. وقفت عشان اشوف اخرك ايه ممكن اعرف شهر كامل مستخبيه ليه.
لتهتف بعنف وانت مالك استخبي والا ماستخباش اظن دي حاجه ماتخصكش يا يا ابيه.
ليغمض عينيه ويتحكم في نفسه.. ويهتف انت عايزه تعصبيني صح يعني انا بحاول اكلمك واعتذرلك وانت بتعضي فيا من غير مانطق.
لتهتف بقوه.. معلش واحده عضاضه ابعد عنها وخليك في حالك.
ليهتف. طب انا اسف يا مريم انت عصبتيني ساعتها َانا لما بتنرفز مابشفش قدامي عارف رد فعلي اوفر ومتجاوز وكتير عليكي واهوه بتنيل اعتذر وانا اصلا مابعملهاش لحد.
لترفع حاجبيها.. والله طب وجاي علي نفسك ليه كنت طللبت منك حاجه..
ليهتف يا بنتي هو جر شكل وخلاص قلتلك اسف اعمل ايه تاني.
لتهتف طب اعمل ايه انا اوك تمام يا ابيه خلاص مفيش حاجه وديني بقه جامعتي.
ليهتف بغضب ممكن تبطلي ابيه دي انت محسساني اني راجل عجوز ايه كل شويه.
لتهتف باستغراب.. مانا طول عمري بقول كده ايه الجديد.
ليهتف الجديد ان كل الناس بتقلي يا جيمي قولي زيهم..
لتنظر اليه باستغراب وتهز راسها بعدم تصديق وتهتف انت كويس يا ابيه من يوم الحفله وانت مش طبيعي معايا فيه ايه وجيمي ايه من امتي لا انا صاحبتك ولا من معارفك اللي بتدور معاهم.
ليهتف وليه ماتبقيش صحبتي ماشبهش يعني والا الواد الصايع اللي رحتي ترقصي معاه هو اللي يشبه والنبي دا منظر حد تصاحبيه.
اظن انا مابتكلمش عن اصحابك ولا ليا دعوه بيهم من فضلك ماتتكلمش عن شريف كده وايه اصاحبك دي اد بعض احنا.
ليحس بالضيق ويهتف.. مانا بصاحب ناس في سنك واقل كمان مالك محسساني اني ابوكي كده وماله سي شريف مقدس ماتكلمش عليه ليه خير ان شاء الله.
لتهتف بحنق.. مالك بيه دا صحبي..
لينفعل فيه بنت محترمه تقول علي واحد صاحبي..
لتصرخ انا محترمه اكتر منك هو فيه ايه.
ليمسك يدها يشدد عليها صوتك مالك طايكه وبراحه بلوزتك هتفرقع وصدرك هيبان..
لتبهت وتنظر لنفسها بغضب وتهتف.. نعم نعم مالك بلبسي ان شاء الله..
ليهتف حانقا زفت لبسك زفت ومفسر والرجاله هتهيص وتعاين..
لتصرخ انت اللي شمال وبتبص قله ادب..
لينظر اليها بوقاحه لترتبك ليهتف.. والله حقي لما الحلويات تخرم عيني ابص مابصش ليه..
نظرت اليه بغضب.. لا عيب بقه ماتلم نفسك هخذقلك عينك دي.. الله عيب..
ليضحك ويميل عليها وينظر اليها بوقاحه.. ليه عيب انت مبينه حاجات للشعب وانا من الشعب ليغمز حقي ادوس واهيص..
لتصرخ بجد انت واحد قليل الادب..
ليضحك.. اه دي اه مش هكدب وانت ادتيني فرصتي بلبسك ده..
لتقول.. يا ربي بقه انت يا عم انت مالك بيا البس اقلع انت مالك ماتروح تشوف حالك..
ليرفع حاجبيه ويهتف انا بصراحه ماعتش عارف مالي.. بس اللي اعرفه ان ماينفعش اسيبك كده مطلوقه وحالك ماسيبوش لحد يبظ فيه ويشبع .
لتتنهد من غلبها وتهتف ممكن اعرف اخره الحوار ده ايه انا زهقت وعايزه اروح كليتي.
ليهتف.. بقي زهقتي دا فيه ناس تتمني تقعد مكانك يا بنتي بقه انت ايه ده.
لتنفعل عليه.. وانا مالي ماتروح تجيبهَم عارفه انك بتاع ستات ماتروح انا مالي دا ايه ده ويلا بقه.
ليشد المفتاح من العربه ويرميه عالتابلوه ويربع يديه
لتهتف انت وقفت ليه بقلك اتاخرت.
ليهتف مش قبل ماتبطلي طريقه النطح دي وتكبري وتتعاملي مع الناس كويس.انت كبرتي في حاجات وغمز لها وبقيتي نار ولسانك لسه مش راضي يتعلم. بعد كده لما اكلمك تردي زي ما برد.
لتصرخ انا مالي بيك دا ايه ده بقه.
ليهتف .. والله ماعرفش بس هيا لبست في دماغي كده من هنا ورايح نظام ابيه وده ماهسمعوش منك وتتضبطي في كلامك.
لتهتف ولو ما اضبطش سيادتك هتعمل ايه هتضربني والا تعاقبني زي العيال..
ليبتسم ويهتف لا عيال ايه انت ماعتيش عيال خالص دا اللي حصل مخليني متاكد انك بعدتي عن المعيله بس دماغك بس حادفه شويه..
لتحمر خجلا وتهتف بطل قله ادب واخبط راسك في الحيط.
ليهتف متاكده انك مش هتسمعي الكلام انا مابهزرش.
لتنظر اليه بسماجه.. رَح العب بعيد انا حره اصاحب اللي عايزاه واتكلم براحتي يا.. ياابيه.
ليتلفت حوله ويظل يتلفت وهيا مندهشه.. فيه ايه انت بتلف حواليك ليه..
لينظر اليها بخبث.. لا بأمن الجو بس عشان مانتمسكش تحرش و اربي القط اللي كل شويه يخربش وشدها اليه وانهال عليها يقبلها لتنشل مما فعل وتحس ان انفاسها ستزهق وهو يقبلها برويه فهو احس انه ادمن تلك الشفايف لتحاول ان تفلته الا انه شدد عليها لتستكين بين يديه ليبتعد اخيرا ويهتف.. مزه يا بنت الايه.. كبرتي يا مريومه وبقيتي قمر وتستحقي الاكل.. ليتلمس خدها.
لتدفعه وتصرخ انت قليل الادب قوي بقه وعيب قلتلك عيب مايصحش انت مش من حقك ايه ده بتاخد حق حد تاني ليه بقله ادبك..اتلم والله اقول لاببه يطين عيشتك .
ليتنهد يعني دا اللي مزعلك طب انا هحللك الموضوع عند اخوكي يلا عشان تولع.. انا بايني لسعت بس خلاص كده شفايف القمر دول بتوعي ولا هيبقو لمخلوق.
لتصرخ وتندفع تضربه والله لو ماحترمت نفسك بقه لاطين عيشتك..
ليهتف ويضحك.. لا لا لا ماحبش قطتي تمد ايدها.. هتلاقيني رازعك بوسه مخلص عليكي.. اهدي يا كتكوت وانا هتصرف..
لتهتف وديني جامعتي وعدي يومك دا انت اتجننت رسمي.. وماعتش عايز اشوف وشك.. دانت لسعت.
ليهتف.. تصدقي من يوم عيد الميلاد واتجننت والله وماليش حيله فيه وما تشوفيش وشي دي ليا فيها كلااام وادار العربه وذهب بها لتنزل علي الفور ولا تتكلم معه وهيا تشعر بخوف منه ومن مشاعرها ولا تعلم لماذا تحب هجومه وعنفوانه واجتياحه لها وهيا تخاف منه بشده وتعلم انه زير نساء فماذا يريد منها.
اما هو فركن ينظر اليها وهو يتنهد ليهتف.. خلاص يا جمال ماعدش ينفع سكوت انت عايزها وعايزها اوي وهتموت عليها كمان البت لحستلك عقلك من يوم عيد الميلاد عرفت انها هيا اللي عليها العين وانك استحاله تتحمل تكون لحد..فرق سن صحيح بس مش هتحمل تكون لحد تاني ولو علي رقبتي يلا روح شوف صاحبك الطور قوله ان مانطحك مابقاش انا جمال.. ربنا يقدرني عليه..
ذهب جمال الي الشركه وذهب الي صديقه وجلس امامه ساكتا لينظر اليه داغر.. مالك قالبلي سحنتك كده فيه ايه
ليهتف جمال.. داغر احنا اصحاب صح.
ليهتف داغر.. لا اعداء انت اهبل فيه ايه.
ليهتف طب بتحبني صح.
ليهتف داغر.. لا اللسع عالي الجوده.. اه بحبك تتجوزني وتبقي الثالت ماهي ناقصه سداغه عالصبح..يا رب هيبقي هنا والبيت.
ايهتف جمال.. يعني انا في نظرك حد كويس..
ليهتف داغر.. ولااا ما تقول فيه ايه عالصبح بوش امك انا هطرشق.. انتو متاجرين عليا.
ليهتف جمال طب انا عايز اتجوز.
ليقطب داغر جبينه.. تتجوز.. بجد انت بتتكلم بجد.. جَمال الدنجوان عايز يتجوز ومين يا اخويا اللي جابت بوزك
ليهتف.. هقول بس لو اتعصبت هقوم اطحن فيك انا علي اخري.
ليقطب داغر ماتنجز ياض فيه ايه.
ليهتف.. ولا هقول بس وربنا لو نطقت لاقوم ارقدك.. انا عايز.. عايز اتجوز مريم اختك.
ليظل داغر ناظرا اليه لينفجر في الضحك.. انت بتهزر صح. يخربيت فقرك..
ليهتف جمال ساخطا.. اه ماهي هتبتدي سقوعيه اهزر بتاع ايه.
ليهتف داغر.. انت اهبل يابني مريم دي عيله هتتجوز عيله.
ليهتف جمال.. ٢٢ سنه مش عيله وانت متجوز نسمه نفس السن ايه الاختلاف بقولك ايه انا عايز اختك جوزهالي بقلك اهوه. انت بارد ليه مانت متهبب عيله.
ليهتف داغر اهدي كده ايه اللي جد انت اهبل دي بتقلك يا ابيه.
ليهتف جمال.. مالكش دعوه يا بومه .وافق وانا هتصرف في كل حاجه.
ليهتف داغر اوافق ايه انت اتهطلت فرق سنين وسيادتك بتاع نسوان والبت صغيره وبتقلك يا ابيه وعمرك مالمحت لحاجه ماتعقلها كده.
ليهتف جمال.. السن مش كبير واه مالمحتش بس البت نورت قصادي فجاه اختك كبرت يا داغر وخلعت عيني وانا عايزها وعايزها اوي وبتاع نسوان كنت بس خلاص ماعدش فيه الا اختك والبت صغيره لا ماعدتش اختك ماعدتش صغيره اقولهالك ازاي ما ترحم امي بقه مانت متجوز بت اصغر منها.. ولا ولا انت انجز عشان والله اقوم اطبقك علي بعضك انا والع.
ليهتف داغر طب اهدي طيب.. انت حبيبي وعارف معزتك اخويا بس هيا هتوافق يبني دي صغيره وهبله..
ليهتف جمال.. يابني انت بوش امك الفقر وافق وانا هتصرف
ليهتف داغر.. جمال هتلعب باختي هسود عيشتك.
ليهتف.. انت اهبل بقلك عايز اتهبب اتنل اخش دنيا العب ايه انا عايز اختك في الحلال انت وافق يا داغر وانا هعرف اخليها توافق.
ليتنهد داغر ويهتف طب سيبني افكر اقلها طيب جايز ماتوافقش..
ليهتف جمال تفكر في ايه بقلك ايه البت خلاص بقت بتاعتي وانا هتصرف ماتقلهاش انا هقلها وهخليها توافق اديني بس الاوك وانا هدوس اختك هبله وهعرف اخليها توافق.
ليهتف داغر ودا من امته يا اخويا وقعت من امتي.. دانت شكلك واقع. جيمي بجلاله قدره واقع عالاخر عشت وشوفتك بتتنحنح يا واد.
ليهتف جمال.. اهو اتقندلت ومستني البت الين دماغها بس توافق انت وافق بقه بطل سداغه..
ليتنعد داغر. طيب هوافق بس مش هضغط عليها انت فاهم.
ليبتهج جمال ماشي اطلع بس منها وهيا هتعمر وسبللي البت انا كفيل بيها جمي مش قليل..
ليهتف داغر والله يوم المني انت حبيبي واختي اتمنالها حد زيك..
ليهتف جمال طب تماما سلام بقه اروح اشوف شغلي وتركه وذهب سريعا ليجلس داغر يفكر في حياته ورتابتها وكيف انه متزوج من اثنين ولا يشعر بتلك الشراره التي اجتاحت صديقه في لحظه ليهز راسه ويتنهد ويكمل شغله..
لتمر الايام وتسير الحياه بروتينه وميساء لا تكف عن تنغيص عيشه نسمه ونسمه منزويه عن الكل رغم ان داغر يعاملها جيدا ولكنه لا يتواجد كثيرا وخالتها متعبه دائما لتصبح نسمه حبيسه حجرتها وتلبسها الهم فزوجها ياتي لها يوم بعد يوم وكثيرا تنغص عليهم زوجته ايامها وتنجح باشياء كثيره لتقترب من زوجها ودائما ملتصقه به ولا تترك نسمه تجلس بجواره فدائما في التجمع زوجته ملتصقه به ونسمه منزويه وتشعر بالدونيه رغم انه يحاول ان يعدل بينهم ولكن احساس الدونيه عندما يدخل للانسان يفقد احساس السعاده والقدره علي التعايش لتفقد نسمه رويدا رويدا رغبه الجلوس وسطهم وكل ذلك ورفيقتها تشحذ من هَمتها ولكنها تراها تذبل وهيا متلبسها التعاسه وميساء تظهر امامها بكامل سعادتها وكثيرا تدخل عليها حجرتها في الخفاء لتعايرها وتحاول ان تقهرها ان زوجها يشتري لها اشياء ويتركها ويتأفف منها وانها هنا من اجل الخلفه وانه ليس لها عازه الا ذلك..
لتدخل نسمه في حاله من الاكتئاب الحاد وتصمت حتي صديقتها غنوه لا تكلمها وجنت غنوه من اجل ذلك لتكتشف نسمه انها حامل ومن هنا بدا انهيار نسمه فهيا احست ان زوجها وصل الي مبتغاه وحصل علي ما خطط له وزهدها وكرست زوجته ذلك لترسخ فيها انه زهدها ويبقي بجوارها حتي لا يظلمها ولكنه لم يعد يطيقها لتمنع نسمه نفسها رويدا عنه وهو يحاول ان يتقرب منها ليياس اخيرا مما هيا فيه وارجحه انه طفره من الحمل وتركها كَما تشاء وانغمس في اعماله واصبحت حياه روتينيه كئيبه زوجه زاهده متلبسها الهم ترفض بكل السبل مظاهر الحياه الزوجيه وهو لا ينفك يشدها اليه بكل السبل ويعدل بينهم.. وزوجه اخري تنهال عليه ولا تتركه دقيقه ليختنق مما هو فيه ويزهد الحياه باكملهافرغم زهد نسمه لا يتركها ويعدل بينهم ولكن صمتها يقتله والرجال لا يعرفون الملاحقه اذا لم ينبض قلبه.. كانت حياه عقيمه فقدت فيها نسمه نفسها بضعفها وتلك الحقيره التي استغلت كل اسلحتها لتمرض تلك المسكينه التي بضعفها ساعدتها وغنوه اصبحت كالمجنونه لا تكف عن الاتصال والسؤال ونسمه لا تتكلم خوفا من تانيبها فلم تعد شخصها يتحمل اي نقد.. لتمر الحياه قاتله عليها مدمره وحارقه لرفيقه دربها التي تمنت لو تاتي لتنهش قلب ذلك الداغر ولكن صبرا ايتها الغنوه سيحدث ما تريدينه وتنهشي قلبه عن حق..