البارت الاول1
بقلم ميفو السلطان
في احدي المراكز التابعه لمحافظه الجيزه نجد بطلتنا الجميله غنوه فتاه في الثالثه من عمرها جميله ذو عيون عسليه رائعه ووجه ملائكي بشره ناعمه وشعر لون العسل يميل اكثر الي الحمره .. كانت فتاه تبعث البهجه محبوبه من الكل تعيش مع اب وام رائعين يعيشان حياه سعيده.
ولكن القدر اراد ان تبدا حياه غنوه لتدخل في ابتلاء يغير من شخصها تماما لتصاب امها بمرض خطير علي اثره تفقد حياتها ليعم البيت الهم والحزن وتمر الايام علي غنوه وحيده والاهل والاقارب يتجمعون حول الاب. لينصح الجميع الاب بالزواج ليمتثل لهم اخيرا ويقوم بالزواج بامرأه من الاقارب وهنا بدا السواد وعم علي البيت او عم علي تلك الجميله فتلك المرأه ما ان دخلت البيت حتي سيطرت عليه فسيطرت علي زوجها شئا فشيئا حتي اصبح منساق لها تماما وبدات في انزال الويلات علي غنوه لتبدا معاناه تلك الجميله ليزداد الامر سوأد عندما تنجب طفلين ولد وبنت ليتحول الامر الي عنف جسدي من تلك المراه تجاه تلك اليتيمه التي لا تفعل شيئا والاب سلبي لا يفعل الا ما يؤمر به والمراه تددلل عليه وتسيطر عليه تماما فكلما اشتكت غنوه لا تقابل منه الا التعنيف والاساءه.
لتمر السنين وتكبر غنوه وجملات تدلل ابنتها علي حسابها ولا تستجيب لغنوه في اي طلب لياتي يوما اسودا كانت غنوه في الثالثه عشر.. متعبه بعض الشئ لتامرها تلك المرأه وتدعي جملات ان تنظف البيت فلم تستجب غنوه لتبدا وصله من التعنيف المعتاده فلم تحتمل غنوه لترد عليها وتصرخ بوجهها وتدفعها بعيدا عنها لتقع المراه لتهتاح تلك المراه وتجد احدي الزجاجات وتضرب غنوه بها علي مقدمه راسها لتسقط غنوه مغشيا عليها مدرجه في دمائها لتفز المراه وتصرخ وتنادي علي الجيران وتدعي انها وقعت من علي السلم ليحملها الجيران ويذهبو بها الي المشفي..ميفوميفو
وهنا حلت المصيبه ودخلت غنوه طفله جميله لتخرج شيئا اخر شخص اخر غير الذي هيا عليه.خرج الطبيب يخبرهم ان غنوه قد تلقت ضربه علي راسها افقدتها النظر في احدي عينيها وانها تحتاح لزرع قرنيه مره اخري ولكن هذا صعب في الوقت الحالي لتاثر العصب. كما ان العمليه تكاليفها فوق طاقتهم كما اصابت غنوه ندبه بجوار عينها المصابه اصبحت كعلامه بجوار عينها تنغرز في جلدها لتخرج غنوه فتاه تحطمت علي يد تلك الجاحده ولكن غنوه لم تصبح فتاه خانعه مذلوله علي العكس تلبستها قوه غير عاديه قوه ضد القهر والوجع وعدم وجود السند.. لتخرج غنوه وتعود الي حياتها وتعتزم علي ان تصبح شخصا يخاف منه الكل.. كانت غنوه قد استعادت صحتها وبدات تعود الي دراستها َ وتتجنب تلك الجاحده. كما ان جَملات بعد عملتها اصبحت تتجنبها ايضا خوفا من والدها الذي لم يصدق ان غنوه وقعت رغم ان غنوه قالت له كل شئ. الا ان جملات افتعلت المشاكل وانها ستترك البيت اذا لم يصدقها فامتثل لها ولكنه بدا في التزمر ومعاملتها معامله َمختلفه عن ذي قبل ولكن جملات عادت تحاول ان تشده اليها بشتي الطرق لتسير الحياه علي وتيره واحده. الا ان غنوه في حياتها راي اخر كانت تذهب للمدرسه وتهرب لتذهب الي احد مراكز الشباب لتتعلم الفنون القتاليه كانت بدات تعلم الكراتيه والمصارعه رغم صغر سنها الا انها كانت تقتل نفسها من اجل ذلك وصديقتها الوحيده هيا التي تحمي لها اسرارها وتداري عليها وهيا ابنه عمها وحبيبتها ورفيقه دربها نسمه كانت حياتها قاسيه فليس لها احد في البيت فاختها كبرت واصبحت تنغص عليها عيشتها مع امها والاب عاد سلبيا هلاميا كما كان ولم يكن يحن عليها الا اخيها.
لتكبر غنوه شيئا فشيئا لتصبح فتاه رائعه الجمال ولكنها لا تري ذلك في نفسها ولا تريد ولا تهتم فقد اطلق عليها لقب غنوه العوره نظرا لانها لاتري بعين واحده واخرين يدعونها ذو الندبه لتلك الندبه بجوار وجهها كانت غنوه تملك عيونا براقه لا تلاحظ ابدا انها لا تري كما ان الندبه تضفي عليها شئ من الهيبه خطا صغيرا غائر بجوار عينيها يشير الي عينيها كانه سهم خط مخصوصا تحت تلك العين ولكن ذلك جعل عندها عقده تحس نفسها مشوهه فزهدت في نفسها ومن حولها وكثره التنمر الذي اذاها نفسيا لتصبح شخصيه متمرده قويه.
لتمر السنين وقد تعلمت فنون القتال في الكارتيه ووصلت لمرحله جيده في المصارعه ولا احد يعلم ذلك وكل تلك السنين وهيا تتجنب تلك الحاقده الي ان ياتي امر الله ويسترد الله امانه والدها ويرحل والدها عن الدنيا لتصبح يتيمه الاب والام بلا سند ولا رفيق سوي من ابنه عمها ورفيقه دربها نسمه التي تعتبرها شقيقتها.
ليبدا اختها وامها بالتناوب في التنغيص عليها وهنا فاض الكيل لياتي يوما وتفتعل اختها معها الخناق لينفلت زمامها وتهجم علي اختها تبرحها ضربا وهي وامها مصدومان من قوتها وعنفوانها لتنهي عليها تماما وتتجه الي امها التي ارتعبت لتهتف.. بصو بقه انتو الاتنين عشان ماقلبهاش زفت علي دماغمو.. يا تتلمو وتتعدلو وتعيشو كويس يا كل يوم هنزل عجن فيكو وما هيهمنيش حد. انا صبرت عليكي كتير يا مرات ابويا واظن سنين ماكتفتيش من غلك.. كفايه بقه.. عشان ويمين الله لاكون مرقداكي في المستشفي ومش بعيد ينخلعلك عين ينكسرك ضلع فلمي نفسك..
لتصرخ اختها ولاء.. بتضربني يا بنت ابويا ماعتش الا انت يا عوره اخرتها تضربيني.
لتهتف وادغدغ شكلك لو ماتلميتش. امك ربتك غلاويه زيها فلمي نفسك بقه عشان ماتتفضحيش في البلد
لتهتف جملات.. كله ده عشان ابوكي مات مش لاقين حد يلمك.
لتضحك غنوه.. لا ضحكتيني هو الله يرحَمه كان له لازمه.. ما كان شورتك يا مرات ابويا احنا هنعملهم علي بعض.. شوفو بقه عشان نعيش في البيت الزفت ده.. كل واحد في حاله.. والكل يخدم نفسه.. انا ماعتش هخدم حد ويمين بالله لو قربتو مني لاخلص عليكو.. انا جبت اخري وان كت فاكره يا مرات ابويا اني سكت زمان علي تشويهك ليا دا عشان ماكتش قادره وابويا مانعني دلوقتي يمين بالله لاطيح فيكي وابقو بقه كل يومين لمو علينا الخلق.. لتتجه لاختها وانت يا حيليتها لمي نفسك معرفش مغلوله زي امك ليه ربنا ياخدكو انتو الاتنين انا عارفه ربنا بلاني بيكو.
ليدخل حازم لتصرخ ولاء الحقني يا حازم اختك الزباله ضربتني وبهدلتني..
ليهتف.. فيه ايه عالمسا هو كل يوم خناق مابتهمدوش.
لتهتف جمالات.. ايه يابن بطني ماهتهجمش عليها تديها قلمين..
ليستغفر حازم ربه. ماتسكتي بقه يا امي انت عايزين صوتنا يطلع كل يوم بلاش فضايح وبعدين انا جاي من الشغل تعبان ارحمو بقه..
لتقترب منه غنوه وتقول بحنان .. حبيبي ربنا يعينك ماتشغلش بالك هما هيعقلو خلاص والدنيا هتهدي مافيه ناس كده بيسكتو لما نقوملهم.. لتهتف عامل ايه في الشغل..
ليهتف.. الحمد لله اهو المصنع بتاع داغر بيه لممننا ولامم البلد الله يصلح حاله.. عامله خير للبلد وانت عارفه بعد الدبلوم حفيت علي شغل واهو ماشيه.
لتهتف كلها سنه يا قلبي واخلص كليه تجاره وادور معاك علي شغل.
لتهتف جملات ايه شغل النحانيح ده ياختي واخداك تحت باطها ليه عاملالك عمل اعوذ بالله.
لتهتف سامع حد بيتكلم يا حازم.. هما مش هيجوبوها لبر انا عارفه.. لتقوم وتذهب لولاء وتذغدها في كتفها وتهتف قومي حطي لاخوكي ياكل انجزي اخوكي تعبان..
لتصرخ جمالات ماتسيبها مش عجنتيها ماتتزفتي تحطيله مش اخوكي اللي بتحبو في بعض واحنا الوحشين..
لتقرص علي يد ولاء وتهتف هتقومي والا اطين عيشتك. امك هتجبلك الضرب انت حره..
لتهتف ولا ء.. خلاص هتزفت اوعي كده منك لله ربنا ياخدك بقه دا عيشه زفت.. وقامت متحامله علي نفسها لتحضر الاكل واخذت غنوه اخيها ودخلو حجرته فكان هو جليسها وونيسها الوحيد وتعتبره ابنها لا تطيق عليه هفوه..
لتهدا اخيرا امور غنوه الا من بعض المنغصات البسيطه. لكن استتب لها الامر واصبحت مسيطره علي البيت فهيا اكثر من مره مدت يدها علي اختها وهددت زوجه ابيها لتخنع اخيرا لها خوفا بعد سنين من العذاب.. لتنشف شخصيتها اكتر وتتضح للعيان ان غنوه لا تسكت لاحد ولا تستهين بنفسها ولا تسمع باحد ان يقربها ومن تسول له نفسه بذلك تنهال عليه وتبرحه ضربا وتعلمه كيف يحترمها كان الشباب يتغامزون عليها مره بالعوره ومره بذات الندبه واخيره بالمتوحشه. لكنها لا تسمح لفرد ان يمر امامها ويتلفظ عليها بشئ فكانو يتغامزون من ورائها ولكنها لا تهتم بهم لتسير الحياه منتظره ان تتخرح لتشيل َعن اخيها حمل البيت.
في احد الاماكن الفخمه في احد الفيلل كان هناك من يتجعون علي سفره واحده. رجل في الثانيه و الثلاثين من عمره يبدو عليه الهيبه والوقار ذو جسد قوي ورياضي طويل القامه وسيم الي حد ما ذو عيون حاده وقاسيه. رجل اعمال قوي صلد لا يتهاون في اموره ابدا كبير العائله ويجلس بجواره امه سيده طيبه وحنونه تدعي ناديه تحب ابنها بشده ولكنها قويه ويمتثل لها محبه لها وبالجانب الاخر زوجته ميساء امراه مدلله تحب زوجها بجنون وتغير عليه وهو يحبها ولكنه يضيق بغيرتها وتصرفاتها الخرقاء كما انها لاتنجب فهذا ايضا يجعلها تغضب عليه وتشك فيه في اي تصرف انه سيتزوح عليها في اي وقت مما جعل البيت جحيم بالنسبه له وهناك تلك الرقيقه مريم اخته الصغري التي تعتبر بهجه البيت فتاه مرحه تحب الحياه ليجلس الجميع..
ليهتف داغر.. انا هنزل البلد اشوف المصنع وارجع يا ماما لو عايزه حاجه من البلد قولي.
لتهب ميساء وتنزل ليه ليك ايه هناك حته مصنع عامله للناس الجرابيع تنزلهم ليه والا ليك هناك ايه.
ليهتف مايسه اصطبحي عالصبح ماتخلنيش اتغابي عالصبح دا بقي مرار انت مالك ليا ايه هناك..
لتهتف ناديه اهدي يا حبيبي بس طب بالسلامه يا قلبي بس وصي خالتك تعملنا كام فطيره من بتاعتها كده وسلملي عليها وحشتني..
ليهتف طب ماتيجي معايا اهو تغيري جو وتقضي يوم حلو مع اختك مارحتيش من زمان..
لتهتف مايساء تروح فين انت اتجننت ماعادش الا الفلاحين كمان نقعد معاهم..
ليرزع داغر السكينه في الطبق.. انت مالك حد طلب كلمتك مايسا ماتتلمي بقه انا علي اخري مابيعديش قاعده الا اما تقلبيها غم .
لتهتف وتقف شفتي يا طنط البيه ماعتش طايقني خلاص اه ماهو اكيد بيدور علي شوفه ليه. مايسه هانم بجلاله قدرها ماعادتش نفعاه..
ليستغفر ربه.. انت عايزه ايه عالصبح انا قرفت يا شيخه من صنف الحريم كله.
لتنفجر في البكاء وتصرخ.. اه ماعتش طايق عشان مابخلفش مش كده وتركتهم وذهبت َهيا تبكي..
لتهتف امه.. معلش يا حبيبي معلش ظروفها صعبه وبتحبك
ليهتف.. يا امي تعبت انا جبت اخري معاها بحبها وكل حاجه بس هيا بتنغص عليا عيشتي.. ماعرفش قافشه اني بخونها مع اي حد وانا ماليش في السكه دي وبعدين لو عايز اتجوز هتجوز مش هخاف منها بس انا اتقفلت وعيشتي بقت طين اتجوز ايه واجيب زفت تاني يقرفني..
لتهتف امه لا يا قلبي.. زفت ايه انت حقك تتجوز انت عديت التلاتين اهوه ومعاك بقالها تمن سنين وصابر واحنا صابرين انا حقي يابني اشوفلك خلف حرام هموت بحسرتي.
ليقول.. بعد الشر عليكي يا امي دا لو حصل ممكن تقتلني دا مجنونه..
لتهتف.. انا هكلمها انت بس انوي وانا هتصرف.
ليهتف.. سبيها علي الله قومي يلا اجهزي وانا هستناكي في المكتب.
ليدخل عليهم صديقه جمال ويهتف ايه ده حماتي بتحبني لتضحك ناديه مانت تتحب يا جمي..
ليهتف حبيبتي يا طنط وجلس دون ان يعير مريم انتباه لتغتاظ من لا مبالاته بها.
لتقف هيا وتهتف طب يا ماما انا راحه الجامعه.
فهتفت ناديه.. انت لسه ماكملتيش اكلك.
لتهتف معلش نفسي اتسدت.. لتترك اشيائها وتصعد مغتاظه.. ايه القرف ده ماعندوش زوق عمال يسلم علي الكل وانا بقره قاعده جلنف صحيح.. وبارد.. لتتنهد وتجلس تفكر فيه قليلا فجمال يكبرها بعشر سنه فتحت عينيها منذ الصغر لتجده متواجد بينهم ذو طله رائعه رجل يخطف القلب بشخصيته ورجاحه عقله وذو علاقات متعدده متطلب في شخصيته مغرور الي حد َما.. ولكنه لا يري في مريم الا الطفله التي لم تكبر بعد لتصاب مريم بغضب دائم عليه ولا تعامله الا بجفاء ردا علي تجاهله لها وهيا دائما تشعر بالغضب منه ولا تعلم لماذا وجوده يربكها ويجعلها مشتعله دائما.. لتلبس فستانا جميلا يبرز مفاتنها فكانت مريم ذو جسد ممشوق ورائع وعيون عسليه وشعر اسود طويل وتتحلي بتلك النغزتين التي تضفي عليها جمالا لتترك شعرها منسدلا وكان ذلك قليلا ماتفعله لتنزل اليهم وتقترب من امها تقبلها ليرفع جمال نظره ليجد تلك الجميله التي يبتعد عنها بقوه في طله رائعه ليرجف قلبه كانت مختلفه عن تلك الطفله ليسرح قليلا ولكنه اشاح وجهه فهو يراها طفله لفرق السن بينهم..
لتهتف.. طب يا َماما انتو هتروحو انهارده البلد وانا عندي عيد ميلاد ليان صحبتي وانت مابتحبنيش اخرج وانت مش في البيت هعمل ايه.
ليهتف داغر.. مريم اعتذريلها انهارده ماينفعش ماحدش هنا.
لتهتف.. لا والنبي يا ابيه والنبي وحياه ربنا دا ليان انتمتي وانت عارفها.. هاخد السواق ومش هتاخر والنبي والنبي
لتهتف ناديه يابنتي انا مش عارفه هرجع امتي.. ماينفعش مش هطمن..
لتجلس مريم حزينه والدموع في عينها لتهتف وانا مالي بقه دي صحبتي هو ايه ده..
ليرق قلب جمال ليهتف فجاه.. انا هوديها يا داغر..
ليقطب داغر جبينه.. نعم يا اخويا ودا من امتي.. هتوديها وتروح وسط العيال تعمل ايه اسكت اسكت.
لتهب مريم والنبي يا ابيه.. ابيه جمال يوديني هما شويه. خلاص والنبي والنبي.
ليهتف جمال.. خلاص يا داغر سيبني عادي هوديها وارجعها انا يعني ورايا ايه.
ليضحك داغر وراك سهراتك يا اخويا ما بتعتقش سحليه معديه هتروح تطيق شويه عيال.
ليقطب جمال انت محسسني اني شايب وراجل عجوز فيه ايه ماتتلم. قاعدلك اهتم من غير سنان بطقم.. ماتنعدل ياض..
ليضحك داغر يا واد انت اهبل هتروح تقعد بين شويه عيال انت ليك خلق انا عامل علي مرارتك من الفقع..
لتهتف مريم.. والنبي يا ابيه مافيه ناس كبيره يبقي يقهد معاهم والنبي..
ليهتف جَاب ساخطا.. لا والله اكونش جاي من مركز العجزه والمساكين فيه ايه ماتتعدلو انتو الاتنين فيه ايه يا زفت انت خليت عندي تسعين سنه وانا قاعد انت اتهطلت.
ليضحك داغر خلاص خلاص يا نوغه روح اورم معاهم انت حر.. القعده في وسط العيال هتبسطك اوي..
ليهتف متذمرا.. ولا انت شايفني عجوز قدامك
ليضحك داغر لا عجوز ايه دانت ماشالله عليك نمسك الخشب واد مخلص ومقطع..
ليحدفه جمال بالفوطه .. انت مش هتتلم انا عارف الا اما اقملك.
ليضحك داغر.. طب طب ما تقلبش طور كده.. خلاص انت حر روح اورم في وسط العيال.
لتهب مريم سعيده وتهتف والنبي عسليه يا ابيه مانحرمش منك.. لتستدير لجمال وتتكلم بحرج.. هتيجي امتي يا ابيه..
كان يتضايق من تلك الكلمه ولكنه يسرها في نفسه ولا ينطق ليهمس علي سبعه كده هكون عندك.. بس بقلك مابحبش استني حد بتخنق..
لتهتف ساخره لا اطمن مش هعطلك علي سهر اتك.
ليقطب جبينه من رنه صوتها ليهز راسه ويتجاهلها لتقوم وتخرج من سكات ولا تنظر اليه ليظلا بعض الوقت لينصرف جمال وياخذ داغر امه ويتوجها الي البلد..
دخل داغر وامه بيت خالته لتقابلهم الخاله بالترحاب كانت حالتهم متوسطه الحال ولكنها تحب اختها وابنه اختها بشده وتقابلهم بترحاب وكرم شديدين لتدخل عليهم نسمه ابنتها لتحتضن خالتها لتهتف ناديه ايه ده يا نسمه كبرتي وبقيتي قمر انت في سنه كام..
لتهتف نسمه بخجل.. مخلصه معهد يا خالتي معهد خدمه اجتماعيه..
لتهتف ناديه بس ايه ده انا اخر مره شفتك كنت صغننه دانت بقيت قمر وشابه تفرحي.
لتخجل نسمه وتهتف تسلمي يا خالتي انتو اللي مابتجوش
لتهتف وانت ماتجيش تقعدي عند خالتك شويه.
لتهتف.. تسلمي يا خالتي..
لتقول ناديه ماتسلم علي بنت خالتك يا داغر ايه ماعرفتهاش صح.
ليبتسم داغر ابتسامه حانيه.. ازيك يا نسمه..
لتخجل وتهتف ازيك يا ابن خالتي..
لتهتف الخاله طب نقوم بقه نحضر الاكل واخدت ابنتها وخرجت لتهب ناديه وتهتف.. ايه رايك يا واد
ليقطب داغر راي في ايه يا امي.
لتهتف نسمه يا واد.. بت قمر وطيبه وشكلها مالهاش في حاجه..
ليهتف.. امي انت جايه تزوري والا توفقي راسين.
لتهتف بص بقه البت حلوه وقمر وطيبه وبنت خالتك وشكلها ما بتنطقس اهيه.. تتجوزها وتجبلي عيال انا هموت مقهوره.
ليهتف يا امي هو سلق بيض واللي في البيت دي اعمل فيها ايه دا تقتلها.
لتهتف مالكش دعوه انا هتصرف بس انت والنبي وحياه امك الغلبانه هموت مقهوره..
ليتنهد ويهتف.. يا امي انا مش عايز اتهبب كرهت صنفهم والله ماطايق هجيب واحده اعذبها ليه والتانيه ماهتسكتش.
لتهتف.. صلي بس عالنبي وقول هديت وانا همشي كل حاجه وحياه امك عايزني اموت بحسرتي وحياه امك يا داغر ماتقهرني.
ليهتف.. استغفر الله يا رب.. يا ماما هو انا عليا ذنب انتي من ناحيه والهانم من ناحيه ارحموني.. اتجوزها واطفش اسيبلكو البيت كل يوم هنلاقي حريقه والتانيه بوتجاز لو طالت رقبتها هتشيلها.
لتهتف لا مالكش دعوه اسكت بس البت قمر وطيبه وبلسم ازاي مش هيحصل مشاكل ورحمه ابوك في تربته.
ليتنهد بغلب طب سيبيني افكر.
لتهتف طب فكر اهوه وانا مستنيه ترد عليا دلوقتي.
ليندهش.. ارد دلوقتي ماما انت عقلك فيه حاجه.
لتدخل الخاله مرحبه.. لتندفع فاديه وتهتف بصي يا سلوي انا عندي ليكي طلب وحياه الاخوه ماتكسفيني.. داغر عايز يتجوز نسمه..
ليبهت داغر وينصعق..فامه وضعته امام الامر الواقع ليجلس والغضب يشتعل من تحته.
لتهتف سلوي.. ياختي يوم المني دا داغر دا ابني وحبيبي واي حد يتمناه ونسمه بنتك وحبيبتك لتهب وتهتف يا عبد العزيز تعال بسرعه.
ليهمس داغر بتعملي فيا كده ليه الله يسامحك.
لتهمس ناديه.. قول بس يا رب دا البت قمر يا ريت توافق
ليقطب داغر توافق وكمان مش عايزاها توافق عليا.. اسكتي يا امي انا علي اخري..
ليدخل زوج خالته ويرحب بهم وما ان عرف بطلب الجواز حتي سعد وفرح ووافق علي الفور.
لتهتف ناديه طب ايه نشوف نسمه ويبقي خير البر عاجله
لتهتف سلوي.. ونسمه ليها راي دا يوم المني دا داغر حد يطوله خلاص نقرا الفتحه..
ليبهت داغر ويحس انه تورط ليهتف. طب مش اقعد معاها طيب جايز ليها راي..
ليهتف عبد العزيز.. لا بنتي عارفها نسمه وزي النسمه ونقرا الفتحه وتقعدو براحتكو وبالفعل قرا الجنيع الفاتحه وشعر داغر انه تورط خلاص في تلك الجوازه.
ليمر الوقت وتدخل عليه نسمه تشعر بالخجل كانت رقيقه طيبه ذو شخصيه حالمه مستكينه ليس لها في شئ لتجلس مطرقه.. ليحس بصعوبه الموقف.. ليستجمع نفسه ويتململ. ايه يا نسمه مش هتبصيلي وتتكلمي.
لتحمر خجلا وتطرق ولا تتكلم.
ليبتسم فهيا كالطفله البريئهه ليهتف لا كده صعب احنا لازم نتكلم.
لتهمس هنتكلم في ايه.
ليبتسم في اي حاجه تعرفيني واعرفك مش دا جواز يا بنت الناس.
لتهمس مانا عارفاك ابن خالتي.
ليضحك عاليا لتنظر اليه وتبتسم فضحكته رائعه ووجهه وسيم بدرجه عاليه ليهتف طب مانت بنت خالتي وماعرفش عنك حاجه.. ليتنهد ويبدا في الكلام معها وهيا ترد بخجل ليمر بعض الوقت وقد نجح في نزع الرهبه بينهم فهو شخصيه قويه يعرف كيف يقتحم خبايا من امامه ونسمه طفله رقيقه لا تحتاح الي وقت ليرتاح هو الي بساطتها ويعلم انها لن تسبب مشاكل بل ستتحمل تلك الهوجاء اللي متزوجها ليمر الوقت ويدخل الجميع وتقوم نسمه والخجل تلبسها فهي سعيده بشخصيته فهو بالنسبه لها حلم رجل لا يشوبه شائبه جذاب وساحر وعليه طله تخطف القلب.
لتهتف ناديه خلاص يا سلوي الجواز في خلال شهر ومش عايزين الا شنطه هدومها انت عارفه الفيلا كبيره ونسمه في عنيا.
لتسعد سلوي وتوافق فورا. وهنا لم يجد داغر مفر الا من ان يمتثل لامه فيما وضعته فيه فهو لا تفرق معه جواز من غيره فشخصيته صلده لا تتاثر كثيرا ولا يبالي بتلك امور فاراد ان يريح والدته ويخلص من ذنها المستمر عليه بخلفه الاولاد ليمتثل لها وهو يدرك انه سيفعلها في يوم اذا فليفعلها لا تفرق نسمه من اخري فهو شخص عملي الي حد ما لا يخضع للعواطف كثيرا..يلا يا داغر اهي عيشه بتدور وتفكر في ايه.. قلبك ده اتكتب عليها يصارع وبس انما يرتاح ويتهني مالكش في السكه دي... ليخط اول صفحه في تغير حياته هو ويتغير الداغر تماما ولكن هل سيتغير بدخول نسمه الي حياته ام كيف ستتغير تلك الحياه وعلي يد من..سنري