![](https://blogger.googleusercontent.com/img/b/R29vZ2xl/AVvXsEiaDmNPtrLG2_VJWwVF824nzGmLYvDnDJaFNoaavAAWuY4ohCTUbXoX0SEVLVyrufal9DP-AnjNLfS4Keexit4Y9T_Bh10b2TPteD7eFmrFZjjxJ4hxUy-chi-wdZcXIop5ENolkc8ZceLNwojb2kBrEcC5fumKtcJ1y0O3Hb_NClnm-vFA9SfwgL-3Gdc1/s320-rw/img_1708184889954.png)
البارت الثامن والعشرون28
بقلم وفاء الغرباوى
ركبت ياسمين جنب عمر فى العربية ، فضلوا ساكتين ومش بيتكلموا ابدا ، جواها أحاسيس ملخبطه
فجاة بقا ليها اب وأخ كمان ، مامتها متوفيه..
دنيتها اتغيرت..وكمان هتتجوز
لفت وجهها ناحية عمر لقيته بيبصلها وساكت ..
ابتسم لها وهى دورت وشها، فسالها
:مالك..بتفكرى فى اى؟
اخدت نفس طويل وخرجته على مراحل
:فى الفيلم العربى اللى انا عايشه فيه
ابويا وامى مش ابويا وامى ، ليا اب وأخ
انت رايك اى
هدى عمر سرعة العربية، ووقف فجأة وقالها :
انزلى وانا اقولك
لفت حواليها عشان تشوف هى فين، لقت نفسها على الكورنيش ..عمر نزل ولف فتح لها العربية وهى نزلت منها
مد ايده لها، اترددت كتير انها تحطها فى ايده ،بس نظرة منها ليه خلتها تحط ايديها فى إيده ومشيوا سوا وقالها
:حط ايدك فى ايدى يا ياسمين
انسى اللى فات ، أبدى معايا من اللحظة دى وكأننا بنتولد من جديد وبنكتب حياتنا بايدنا
نسجل احلى لحظات لحياتنا، نفرح ونزعل سوا ..
رغم ان كلام عمر كان يطمئن جدا، وهي في الاصل متطمنه له، الا ان كان جواها خوف ، مش من ناحيه عمر، من ناحيه المستقبل كله ..
طب هل يا ترى هي ممكن تسامح باباها؟ وتقبل كريم اخ في حياتها؟
خصوصا لما يتجوز نور.
فضلت ياسمين ساكته فتره طويله لحد ما عمر نادى عليها:
ياسمين روحت فين ؟مش موافقه على كلامي؟
وقفت بعد ما كانت ماشيه، وسابت ايديها من ايده وهو سمح لها وقالت له:
انا موافق على كل كلامك يا عمر، بس صدقني انا لسه محتاجه شويه وقت عشان ارتب الدنيا الجديده اللي انا بقيت فيها ،واللي هابقى فيها معك انسانه جديده، هتتحمل كل ده معي.. هتمسك يدي وتقويني..
ابتسم عمر ومسك يديها ثاني وحطها على قلبه وقال لها :
من اول مره شفتك فيها انت سكنت هنا ، ازاي مش هاقدر اتحمل اي حاجه علشانك.. من اللحظه اللي هتتكتبي فيها على اسمي على الورق، لانك في الحقيقه مكتوب على اسم من دلوقت، هنكون روح واحده
اتكسفت ياسمين من حركته، وحاولت تشدها الا ان عمر فضل ضاغط عليها وسببها بالراحه ..
بصت حواليها لقيت نفسها قدام الكافيه اللي بتقعد فيه دائما مع نور قالت له:
يلا ندخل نقعد هنا شوية
شد ايديها ثاني عليه، فضل ماسك فيها جامد قوي لحد ما دخلوا الكافيه..
****
نور ركبت في العربيه جنب كريم اللي فضل باصص قدامه ،هو اصلا مش مركز في الطريق، جواه احاسيس كثير متلخبطه.. بعد ما كان عايش حياه مستقره وباباه موجود في حياته شخص مثالى، فجاه طلع الماضي بتاع باباه كله شيء غير الواقع ، لا والجديد كمان عنده اخت ، ومن ام ثانيه..دى ولا افلام السينما
يا ترى هيقدر يتعامل مع الحياه دي ازاي؟ هيرفض وجودها ولا هيقبلها ..بس هي اصلا ما لهاش ذنب.
دائما كان بيدي عذر لبابا في كل اللي عمله، يا ترى العذر ده لسه موجود كل الحاجات دي بتدور في دماغه
ونور قاعده جنبه مش عارفه تبدا كلام منين، ولا حتى تقول له ايه ؟
كل اللي هي شايفاه اني مش دا كريم اللي تعرفه؟
ولا شافته من كام شهر ؟الحزن مسيطر عليه؟
مش عارفه تعمل ايه ولا تقول ايه تخرجوا من حاله الصمت اللي هو فيها دي؟
لقيت نفسها لا اراديا حطت ايديها على يديه وهو بيسوق ، لمسه ايديها لي خليته زى اللى اتلسع ، بص نحيتها وبعدين بص للطريق ثاني..
لاحظت نور ان بقى له فتره مش لابس النظاره حبت تضحك معاه او ترسم البسمه على شفايفه قالت له:
انت ليه مش لابس النظاره يا كريم ؟
رغم ان كريم استغرب سؤالها..لقى نفسه بيرد عليها: عشان انت مش عايزه واحد باربع عيون
ضحكت نور ضحكه خطفت قلبه وقالت له :
مش يمكن اكون كانت عجباني النظاره وصاحبها باحاول اهرب منهم .
كريم اخذ فرمله جامده ووقف وبص ل نور واتكلم بدون مقدمات :
انا كنت فاكر اني عايش حياتي في النور لكن يوم ما شفتك عرفت انها كانت ظلمه وانت نورت حياتي على حقيقه ما كنتش اعرفها، وعرفتها ..بس صدقني انا مش عارف اتعامل معها ازاي بس اللي عايزه اطمن له انت متقبلاني بحياتي الجديده
كانت لسه اديها على ايده بصت له بعيون صادقة:
حياه والدك تخصه واحده، احنا ما لناش فيها
وحياتك اللي قبل كده تخصك لوحدك
الحاجه اللي هنبدا نتعامل معها هي حياتنا من يوم ما عرفنا بعض مش المعرفه بس من يوم ما جئت البيت وطلبت ايدي.. ولا عمري هاحاسبك على افعال والدك ولا هافتح سيرتها..
بس انت عارف اكثر حاجه مفرحاني ان ياسمين بقى في حياتها اخ زيك كريم
اتكلم وهو بيضحك:
انت اصلا ما تقدريش تستغني عن ياسمين في حياتك ده اللي مفرحك مش انها بقيت اختي ..
نور اتكلمت بهدوء
: انت ما تعرفش وجود ياسمين في حياتي يعني كنت هابقى خائفه ان وجود هيضايقك، ياسمين انا وهي طالعنا مع بعض كل واحده فينا كانت مفتقده حاجه ثانيه بتكملها لكن دلوقت انا مطمئنه انها هتبقى موجوده في حياتنا شيء اساسي
وضحكت وهي بتتكلم :
رغم انه وجود عمر في حياتها مش هيسمح لنا اصلا ندخلها
كريم هو ونور ناسيين خالص ان نور ماسكه في ايدين كريم على الدركسيون :
اوعديني يا نور تحكي لي حياتك من الاول عايزه اعرف عنك كل حاجه وانا كمان هاحكي لك ونبقى كتاب مفتوح لبعض وحط يده الثانيه على يديها ضغط عليها جامد .
نور حست مش ايديها بين ايدين كريم الاتنين
لا دا قلبها ، وشها راح عبارة عن فراولة وحاولت تخرج صوتها :
ان شاء الله..وعلى مضض كملت:
نبقى دائما كتاب مفتوح لبعض
كريم شاف وشها ضحك وفك حصاره عنها، اتحرك بالعربيه وهو بيقول لها: تعالي نقعد في اي كافيه على النيل
******
وصلوا كريم ونور الكافيه ، وهما داخلين لمحت نور ياسمين وعمر قاعدين ..وقفت مكانها
وهمست:
كريم ..بص هناك
كريم شافهم ووقف ردت وقالت له:
تحب نمشى ..يلا بينا
كريم كان محتار بس للاسف كان الوقت فات، وعمر نادى عليه
:كريم تعالى
انتفضت ياسمين وبصت ناحيتهم..
كريم اتحرك هو ونور ..بس اخد قرار ان المواجهة شى مهم..
عمر قام من مكانه وقعد على الكرسى اللى جنب ياسمين وبهدوء قالها:
مالك..قلقانه ليه انا جنبك...كده احسن يا ياسمين، المواجهة لازم تحصل ودا اخوكى .. حقيقه مش هتتغير
ياسمين فضلت ساكته لحد ما كريم ونور قعدوا
كريم بيبص على ياسمين، نوعا ما الموضوع دا ضايق عمر ..نور حاولت تتكلم
:عامله اى يا ياسمين دلوقت
ياسمين هزت دماغها ومتكلمتش
فجاة لقوا كريم بيضحك بصوت عالى جدا ، وبعدين حطت ايده على وشه واتكلم من غير ما يبص لحد
:مكنتش اعرف ان بكيزة وزغلول
واحدة هتكون مراتى والتانية اختى
وكمل وهو بيضحك بس عينه فى عنين عمر
:اول مرة شفتهم كان بره الكافيه دا ،نور بتتخانق مع ياسمين وبتقولها يا زغلول
وقتها انا قلت على نور ..بكيزة
تعرف ان اول مرة اكلم حد او ادخل فى خناقة
معرفش ليه بالذات دول الاتنين وقفت معاهم وبقيت مبسوط انى شفتهم ..
عشان زغلول تبقى اختى..وبص لياسمين
ونور تبقى مراتى..بص لنور
كريم وياسمين اخوات بس محدش فيهم عاش حياة أحسن من التانى ، ولا فيه حد بيعيش مبسوط علطول ولا زعلان علطول..الدنيا كل يوم فى حال
عمر هو اللى اتكلم بعقل:
احنا اتفقنا ان هنبدا حياتنا من جديد ، هنكتب فى كتاب ابيض ونسجل أيامنا الحلوة
نور اتكلمت :
احلى ما فى الموضوع اننا هنفضل مع بعض ..صح يا زغلول
ضحكوا كلهم وكريم اللى اتكلم
:بصفتى اخوها الكبير..هاجل فرحكم من بكرة ليوم الخميس الجاى وتتجوز سوا
عمر بضحك:
احنا مش هنتقطع على بعض، كل واحد يخليه فى حاله..بلاش النهاردة تكون الكبير ..ممكن انت تتجوز معانا بكره
ضحكوا كلهم
كريم اتكلم بصدق
:نور بالنسبه لي كانت احلى حلم ..بس زاد حلاوته بوجود ياسمين..ياسمين انا معاك ومش هسيبك
الماضى خلينا ننساه ونفرح سوا
والفرح اتأجل فعلا عشان يعملوا ليله من ليالى الف ليلة وليله ...