احتوانى كأبنته
البارت الثالث عشر 13
بقلم شذى عبد المكرم
طبعا بكرة النتيجة كنت متوترة شديد ما اتغديت كويس واليوم كلو جوا غرفتي بعد العشا باب غرفتي ضرب قولت اتفضل دخل امجد جا قعد جنبي
امجد: بكرة النتيحة
تالين: اممممم. طبعا ذي كل مرة ميلت رأسي في كتفو
امجد: انتي عارفة انو الله ما بيضيع حقك
تالين: بس خايفة
امجد: ماف داعي تخافي هو انتي من بتين بتخافي من النتائج
تالين: بس دا تحديد مصيري. مسك يدي وضغط عليها
امجد: انا واثق فيكي. يداب دموعي نزلو سمح هو حسا بدموعي في كتفو رفع لي راسي
امجد: تيلو خايفة للدرجة دي هزيت ليهو رأسي بس
امجد: ما بتخوف للدرجة دي
تالين: امجد ما حتزعل لو ما جيبت درجة حلوة صح. مسح لي دموعي
امجد: انا عارف انك اجتهدي قدر شنو وعارف انو حتجيبي نسبة حلوة. كلامو ريحني شوية
امجد: قومي البسي عباية. طبعا ولا كترت معاهو ولا حتى سألتو لاني واثقة فيهو هو طلع لبست عبايتي لحقتو لقينا امي في الصالة
امجد: خالتو مها طالعين قريب وحنرجع لانو تيلا دي متوترة من بكرة
امي: الليلة من الغرفة ما طلعت
امجد: ما بنتأخر
امي: تمام. طلعنا وكان الزمن بدري بعد العشا طوالي
تالين: امجد حنمش بالعربية؟
امجد: لالا نتمشى شوية
تالين: اصلا الجو حلو. ماشين طبعا جينا ماريين بسوبر مارت
امجد: تعالي نشتري حاجة. دخلنا اخد لي شيبس ومصاصة وشوكولاته ولنفسو بارد وطلعنا ماشين ونتونس طبعا داير ينسيني يوم بكرة وانا اصلا معاهو بنسى اي حاجة قعدت اتكلم معاهو وبأكل في الشبيس وهو ماسك لي باقي الحاجات فجأة اشوف واحد من كوابيسي وهو الكلب وقفت فجأة ومسكت يد امجد عشان ما يواصل مشي
تالين: ابوي عاين.
امجد: وين. اشرت ليهو اتجاه الكلب
تالين: ابوي كلب. وخلاص انا برجف
امجد : ههههههههع خايفة من كلب. فجأة الكلب قام وجا اتجاهنا الساعة الفكيت الشبيس من يدي ومسكت امجد من قميصو بورا
تالين: واااااي ابوي جاي علينا. وقاعدة انطط دايرة اجري امجد مسكني
امجد: اثبتي اوع تجري لانو حيجري وراكي. كلامو خوفني زيادة والكلب خلاص وصل لينا رجعت ورا امجد تاني ومسكت قميصو وخبيت وشي فيهو ما دايرة اشوفو وانا خايفة وبرجف
امجد: تيلو ما تخافي
تالين: امجد دا كلب
امجد: انا معاكي بتخافي؟
تالين: لالا.
امجد: خلاص ارخي جسمك. هزيت ليهو راسي بلالا دا كلو انا ورا ضهرو وهزة رأسي دي اكيد حسا بيها بس لانو وشي في قميصو بعد دقيقة
امجد: الكلب راح
تالين: احلف
امجد: والله راح عايني. طلعت من وراهو وعاينت ليهو لقيت فعلا الكلب ماف
امجد: طلعتي خوافة شديد
تالين: دا تاني اكتر شي بخاف منو
امجد: اول شي شنو
تالين: انت
امجد: ههههههه انا؟
تالين: انت ما بتعرف انا بخاف كيف لمن تقول لي تاااالين هههههههه جسمي كلو برجف بس ببين صنديدة والعجب صرة الوش بحس قلبي دا في رجلي
امجد: ههههههههه ما كنت عارف اني بخوف كدا
تالين: خالتو عفاف وامي بخافو منك خليني انا
امجد: هسي لمن تمشي عديل قاعد اسألك؟
تالين: بالعكس بلقى منك الحنية
امجد: يلا امشي عديل تاني
تالين: بحاول
امجد: تااااالين
تالين: ابوي الله موش قولنا نحاول ههههههههه
امجد: ما منك فايدة ههههههع. وضربني خفيف في راسي. واصلنا مشي
تالين: امجد طبعا الشبيس حقي جدعتو لمن شوفت الكلب
امجد: هههههههههه اديتني فكرة ظابطة
تالين: اللهي
امجد: حأجيب لي كلب اربيهو في البيت
تالين: انت قول بالواضح ما تجي بيتنا بس
امجد: ههههههههه لكن بالجد منظرك كان بيش قبل شوية
تالين: برستيجي ضاع ااااخ يا تالين الهيبة راحت اااااخ
امجد: ههههههه هبلة انتي من بتين عندك برستيج
تالين: اشتريتو قبل اسبوع ههههههه
امجد: اتخيلي لو ما كان مسكتك وجريتي والكلب طردك ما قادر اتخيل منظرك ههههههههه
تالين: ابوي ما تتكلم معاي . ومشيت قدام منو
امجد: المصاصة والشوكولاتة دي نظامها كيف اكلها؟ . رجعت شيلت منو حاجاتي وتاني اتقدمت هو فكا الضحك انا ذاتي ضحكت بس الحمدلله كنت قدام يعني ما شايفني عشان ما تضيع الزعلة لحقني قولت حيراضيني بس هو بضحك لمن ضحكني معاهو خلاص راجعين البيت مرينا بنفس السوبر ماركت دخل اشترى لي شبيس تاني تعويضا لداك لقينا صحبو برا سلم علينا
وائل: شنو يا امجد مع بتك الليلة
امجد: بكرة النتيجة وجينا نغير جو
وائل: تالين بكرة يوم النتيجة يوم الفضائح
امجد: ينعل يومك انا من قبيل بحاول انسيها عشان ما تبكي
وائل: معليش معليش ماكنت عارف انها بكاية هههههههه
امجد: وائل ما تخليني اغير ليك معالم وشك بالليل دا
وائل: بري انا لسع ما اتزوجت داير تشوهني هعهههههههه. طوالي جرا مشا ضحكنا فيهو ورجعنا البيت لقينا امي منتظرانا
امجد: خالتو دي امانتك
امي: هههههههه شكرا
امجد: العفو يلا تصبحو على خير وتالين ما تنسي تتغطي كويس عشان الكلب ما يأكلك ههههههههه
تالين: ابووووووي. طلع وهو بضحك
امي: مالك مع الكلب. قعدت وحكيت ليها الحصل ماتت بالضحك
تالين: وااااي الحمدلله بس
امي: فضيحة قدام امجد
تالين: انا من بتين بخجل من امجد مواقفي البيش دي حضرها
امي: ههههههههههه بالفعل
تالين: امي دايرة انوم معاكي الليلة
امي: طوالي. مشيت شربت موية ونومت معاها
الليلة اليوم العالمي امجد جا صبح علينا ووصاني ما اتوتر وطلع الشغل خالتو عفاف جات فطرت معانا وطبعا امي اخدت اجازة من الشغل الليلة عشان تحضر معاي النتيجة بعد الفطور الجرس ضرب مشيت فتحتو لقيت محمد والاولاد فضلتهم
محمد: اها يا تالين جاهزة للنتيجة؟. هزيت ليهو راسي بلالا
محمد: تعالي جنبي. مشيت جنبو وقعدت مسك يدي انا تلقائيا عملت ذي ما بعمل مع امجد ميلت رأسي كتفو دا القلبي قال لي اعمليهو هو حضني بيدو اول مرة احس بحنانو انا مرة احضنو مسكت فيهو قوي وبكيت هو مسح على رأسي
محمد: حبيبتي ماف حاجة بتخوف وكلنا واثقين فيكي ما تبكي. قعدت في حضنو دا لانو دا المحتاجة ليهو حاليا امي مبسوطة
محمد: متاكد انو حتجيبي نسبة حلوة ذيك كدا وانا اصلا جيبت ليكي هدية حلوة بالمناسبة دي بس ما حأحرق المفاجأة. رفعت راسي وبدموعي ديك
تالين: عليك الله
محمد: اي. ومسح لي دموعي ورجعني في حضنو قعدنا بعد شوية المؤتمر بدأ اثناء المؤتمر اتصل امجد في تلفون امي
امجد:تالين
تالين:نعم
امجد: انتي عملتي العليكي وزيادة والنتيجة خلاص اتقررت قاعدة ومكتوبة ما دايرك تخافي او تزعلي من حاجة اوكي هنا كلنا معاكي مهما كانت درجتك اوكي
تالين: اوكي. قفل مني كلامو دا ريحني شديد وشال الخوف مني. المؤتمر انتهى
محمد: حأدخل رقم الجلوس بس مهما كانت درجتك نحنا معاكي تمام. سبحان الله نفس كلام ابوي امجد.
تالين: تمام. دخل الرقم بعد شوية نزلت الرسالة انا خلاص كأنو داير قلبي يطلع من محلو
محمد: تالين محمد علي عثمان 93.1 . حصلت لحظة صمت كلنا سكتنا عشان نستوعب النسبة بعد خمسة ثواني صرخت
تالين: واااااي ابوي انا نجحت. وحضنتو وبكيت فيهو اول زول. حضنتو ولف بي ما انتبهت انو انا ناديتو ابوي بس هو انتبه وبكى
محمد : قالت لي ابوي. يداب انتبه وحضنتو زيادة وبكيت فيهو في اللحظة دي ما دايرة حاجة غير حضنو دا الانا فقدتو 13 سنة ماف زول قرب مننا خمسة دقايق حتى فكيتو لقيت امي وخالتو عفاف ببكو شكلو اتأثرو بالموقف مشيت حضنت امي وبكيت معاها تاني باركت لي وخالتو عفاف نفس الشي بكت معاي برضو وتالا وتامر فرحانين لي
محمد: تعالي يا بتي نهائي ما حتزحي من جنبي الليلة مشيت قعدت جنبو
تالين: انا ذاتي ما نفسي ازح منك. حضنتو علي باسني في رأسي
محمد: انا فخور بيكي رفعتي رأسي الليلة
امي: تالين قدرها اصلا
محمد: ماف شك طالعة لي
امي: يا زول ما تتلصق
تالين: امي بقيتي تتكلمي ذيي هههههههع
محمد: خربتيها يا تيلا بدل هي تخربك هههههههعع. ضحكنا كلنا
تالين: امجد ما جا للان.
خالتوعفاف: لسع دوامو ما بخلص هسي
تالين:ما دايرة اتصل عليهو خلي يجي وحيعرف. خمسة دقايق ما تمت سامعة صوتو برا
امجد: وين بتي.
محمد: اجري ابوكي التاني جا. ابتسمت على كلامو وجريت ليهو برا وقفت قدام امجد
امجد: اها بشري
تالين: خمن
امجد: امممممم ما بقدر دي حاجة حساسة. صرخت
تالين: 93.1
امجد: احلفي.
تالين: والله. قولت وانا بنطط. فجأة لقيت نفسي في الهوا وبكى معاي تاني فتحت حلقة بكي معاهو فكاني
امجد: يعني تعبي ما راح ساي. هزيت ليهو رأسي بلالا
امجد: الف مبروك رفعتي رأسي. كنت مبسوطة لانو امجد مبسوط ودخلنا مع بعض باركو ليهو لانو ابوي التاني ويداب فكو الزغاريت رجعت قعدت جنب ابوي محمد وكنت مبسوطة وامجد طلع وجا داخل بالبارد والحلويات وامي كانت عاملة كيك قعدنا وجو الجيران باركو لي وعمو عمر جا بارك لي وكان جو اسري حلو بالليل
محمد: بالمناسبة دي حنطلع نتعشا برا ونأكل ايسريكم ونلف بالعربية شوية . قعدنا ننطط مع الاولاد ضحكو فينا
تالين: ابوي خلي امجد يجي معانا
محمد: ليه ما يجي طوالي يجي معانا اجري كلميهو وكلمي عفاف مشيت كلمتو وحنستو حتى واقف طلعنا انا وامجد وتالا وتامر بعربية امجد وامي وابوي وخالتو عفاف بعربية ابوي محمد. طبعا عملنا عمايل في عربية امجد ههههههههه انا واخواني التلاتة مجانين وصلنا واتعشينا ومشينا اكلنا ايسريكم كان احلى يوم في حياتي رجعنا متأخرين والاولاد نامو في العربية انا شيلت تالا وامجد شال تامر نزلناهم في البيت وامجد ودعني ومشا في البيت لمن دخلت
محمد: تالين تعالي
تالين: نعم
محمد: دي هدية نجاحك
تالين: شكرا. فتحتها لقيتها تلفون ايفون صرخت اصلا دا الطريقة البعبر بيها عن فرحي دايما ههههههع
تالين: واااااي ابوي دا ايفون "طبعا ما حاوريكم ايفون كم انتو ومخيلتكم ههههه"
محمد: اي ايفون تستاهليهو. حضنتو
تالين: شكرا شديد انت ما عارف انا من زمان بحلم انو بايفون
محمد: اهو حلمك اتحقق تتهني بيهو. امي جات بعد سمعت صراخي
امي: تالين مالك بتعيطي
تالين: شوفي ابوي جاب لي ايفون
امي: تتهني بيهو
تالين: امي يا رب
محمد: بعد دا نمش
امي: الاولاد نامو خليهم هنا
محمد: تمام. ومشا هو طبعا مبسوطة شديد وزاد انبساطي مع الايفون دا منتظرة بكرة متين تجي عشان اشوف امجد تلفوني الجديد بس للاسف صحيت متأخرة وامجد مشا الشغل شربنا الشاي وامي طلعت الشغل قعدت مع تالا وتامر خالتو عفاف قالت نجي نفطر معاها ومشينا ليها قعدنا معاها شوية ابوي جا ساقنا بيتو اصلا ما بعيد بعد شارعين من بيتنا بس قيلنا معاهو طبعا ضرب لامي عشان تكون عارفة المسا رجعنا البيت اول حاجة شيلت تلفوني الجديد ومشيت اشوفو لامجد طبعا فرح لي واداني هديتو وفرحت بيها اكتر من الايفون لانو هو عارفني بحب شنو وبتمنى شنو جابها لي وامي جابت لي هدية برضو وخالتو عفاف وعمو عمر كلهم جابو لي هدايا عندي عائلة ماف منها اتنين ابدا......
أبي.. ناديت بكلمة أبي فلم أجد كلمة تمحو ما فيني سواها.. لم أجد دُنيا تحتويني سواها.
أمي السبب الأول لمواصلة الحياة .