قصة دياب و لمار
البارت الثاني والعشرون 22
بقلم زهرة البستان
خلص انس وكارمن سهرتهم وصلها لحد باب الشقه....
انس.....يلا ادخلي..
كارمن....هتمشي..
انس. اه عشان اسيبك ترتاحي...الساعه داخله علي واحده...
كارمن....طيب..ااا.
انس...في ايه مالك...
كارمن...مفيش
انس....لا في عايزه تقولي ايه.
كارمن....انا مش جايلي نوم
ابتسم انس ودخل وقفل الباب..
بنوتي بتعرف تعمل قهوه ولا لا..
كارمن...بفرحه...بعرف...
انس بأبتسامه جذابه طب يلا وريني شطارتك..
كارمن....حاضر...
دخلت كارمن تعمله القهوه...
اعد انس عالكرسي يستناها..
بعد وقت بسيط رجعت كارمن ومعاها القهوه...اتفضل.
انس...كمان بوش لا شكل بنوتي شاطره فعلا...ولع انس سيجاره...
اعدت جمبه كارمن...
انس.....اتبسطتي..
كارمن....جدااااا بجد كنت محتاجه اغير جو مع اني علي اخر لحظه كنت هقولك بلاش نخرج..
انس....اشمعني..
كارمم...معرفش يمكن عشان نفسيا مش تمام او عشان يعني......
انس....ايه؟؟؟.
كارمن....يعني اول مره اخرج مع راجل اصلا...
انس...طب انتي عارفه لو كنتي قولتيلي بلاش نخرج كنت جيت قتلتك.
كارمن...اشمعني
انس....عشان انا كنت عايز اخرجك وبصراحه انا كمان كنت محتاج اخرج
كارمن....طب كويس اني مقولتش لا..
انس...قوليلي بقي مش جايلك نوم ليه
كارمن ....عادي بس يمكن تكون الخروجه دي خلتني غيرت المود وانا لنا بكون مبسوطه مش بعرف انام.
انس...خلاص اعملي حسابك ان كل اجازه ليا هخرج..
كارمن ....شكلك كده اتدبست فيا
انس...احلي تدبيسه...
كارمن ابتسمت وبعدت عينها عنه. ورجعت بصتله...
ممكن أسالك سؤال...
انس...طبعا..
كارمن...هو انت بتعمل كده مع اي حد..
انس...مش فاهم.
كارمن...اقصد يعني ان اي حد بيصعب عليك بتحاول تساعده..
انس....بصي هو السؤال غريب بس هرد عليكي...اولا انا مش بعرف اشوف حد محتاجني ومقفش جمبه مقدرش اشوف حد محتاج مساعده ومساعدهوش... ثانيا وده الاهم لو انتي فاكره ان وقفتي معاكي دي يا كارمن
عشان انتي صعبتي عليا تبقي غلطانه ..
كارمن...امال وقفت معايا ليه..
انس....عشان حجات كتير اوي يا
كارمن...
اولهم...علاقتك بلمار...حبك ليها واخلاصك...ودي كانت اول حاجه...
تاني...حاجه لما شوفت والدك بيعاملك بالطريقه دي استفزني جدا ومره واحده حسيت اني مضايق ومن جوايا مش قابل اشوفه بيعاملك كده واسكت ومتسألنيش ليه. بس انا في وقتها حسيت اني مسؤول عنك انك تخصيني وحتي لو هو الدك مش مسموحله يعاملك كده...والمره بقي اللي حسيت وقتها اني مبسوط بيكي. مش عارف ليه لما شوفتك فالشارع بتتخانقي واعده تضربي جيرانك عشان خاطر لمار ساعتها كنت فرحان بيكي اوي مش عارف ليه...
وشويه بشويه قضيه لمار هي اللي قربتني منك ومع الوقت حسيت انك تخصيني بجد مش كلام...منكرش اني اتصدمت لما قولتيلي فالموبايل اني متصلش عليكي تاني بس من جوايا كنت واثق ان في سبب وبعد ما كلمتيني تاني وجتلك....كنت هموت عشانك بجد مش ببالغ..ولولا ان قبل ما يغم عليكي قولتيلي مروحش لولادك....انا كنت هروح وصدقيني ساعتها مش عارف لو كانت ايدي طالته كنت عملت فيه ايه...بس من وقتها وانا حاسك بنتي بجد...حاسس انك مسؤوله مني ببقي مبسوط جدا وانا معاكي..وجوايا فرحه..ووو..
كامن...وايه.
انس.وبس كفايه كده عليكي المهم عاسزك بس تعرفي وتتأكدي..اني مش بعمل كده معاكي عشان صعبتي عليا والكلام العبيط ده.
كارمن...وانا مصدقاك..علي فكره ويمكن عمري ماتخيلت اني في يوم اعد في شقه راجل غريب ولا اتكلم ولا حتي اخرج بس صدقني..انا كمان حاسه بكل اللي انت بتقوله .واهم حاجه بالنسبالي اني واثقه فيك جدا..ووثقت فيك في وقت كان صعب اثق في اي حد ...اللي حصل لعمو خالد ولمار وبابا واللي عمله معايا....
انس....يعني انتي بتثقي فيا ياكارمن..
كارمن....اكيد ومش بس بثق فيك...انت كمان بقيت كل حاجه ليا وكأن ربنا هلاك معايا من بعد لمار عشان مكنش لوحدي...انا مبقاش ليا حد يا انس...حتي امي واخواتي مش قادره اشوفهم بابا خذلني وكسرني..واكتر حد اذاني ووجعني فالدنيا كان هو....كتير اوي فكرت فالانتحار عشان اخلص من حياتي معاه بس كل مره كنت بفكر اعملها كنت برجع بسرعه عشان امي واخواتي وعشان لمار كنت اخاف اكسرها واوجعها عليا....بس هي سابتني وفضلت لوحدي....وبعد اللي حصل من بابا فكرت كتير انتحر. بس كنت خايفه من ربنا اوي...ونزلت دموعها....انت عارف يا انس لمار. هي اللي قالتلي اكلمك...والله العظيم انا شوفتها وانا بين الصخور وكأن روحها كانت حواليا قالتلي كلميه هو هيقدر يتصرف وبعدها اختفت فضلت انادي عليها لان كنت خلاص فقدت الامل وحاسه اني تايهه مش قادره افكر ولا اتصرف ولا عارفه اروح فين...كنت تعبانه جدا وحاسه اني خلاص بفقد الوعي...فضلت انادي عليا واقولها قوليلي تقصدي مين...بس مردتش ملاقتش حد جه في بالي غيرك كنت خايفه متردش...واول مره كلمتك ومردتش حسيت ان خلاص انا ضعت...ووقتها استسلمت وقولت معنديش حل غير اني ارجع لبابا او اموت نفسي بس مقدرتش بعد العذاب ده كله اموت كافره فضلت اعده لحد ما لقيتك بتكلمني...وقتها حسيت ان روحي رجعتلي ....ومن وقتها...مبقاش ليا ضهر ولا سند غيرك....انت بتقول انك حاسس اني بنتك....ويمكن احساسك ده اللي خلاني احس انك عوضتني بحنيتك عن حنان بابا اللي افتقدته..انت من غير ما تقصد عوضتني عن حجات كتير نقصاني ياانس...... ارجوك خليك جمبي انا مليش سند غيرك
قرب منها انس...وخدها في حضنه وضمها جامد....
انا عمري ما هسيبك يا كارمن...عمري ما هتخلي عنك ابدا....مش بس عشان بحسك بنتي....لا عشان بحبك ياكارمن...
رفعت كارمن وشها ليه بصدمه
انس...ايوه بحبك من اول مره شوفتك فيها..في مكتب دياب...من يوم ما شوفتك وانا قولت انك هتبقي ليا...بس صدقيني عمري ما رتبت لاي حاجه حصلت بينا...ربنا كان بيرتب كل حاجه..صدقيني ياكارمن...انا بحبك..
حط ايده علي راسها وقربها تاني من صدره...وهي مصدومه.....بس من جواها كانت طايره....من السعاده.....
فضلو كده دقايق من غير كلام...
انس...كارمن....كارمن...
كارمن.
رفع انس وشها بايده براحه....كارمن انتي نمتي...
ابتسم انس...بحب. وقام براحه...شالها ودخلها الاوضه. نيمها عالسرير...فتحت عينها وبصتله .
انس...شششششش نامي يلا قلعها الجزمه...وغطاها وهي بصاله بزهول...
قرب عليها ووطي باسها من راسها....انا همشي...واول ما تصحي الصبح كلميني علي طول...تمام.
كارمن....حاضر.
انس....تصبحي علي خير يا احلي بنوته فالدنيا كلها...
كارمن...بابتسامه...وانت من اهله..
انس.. اول ما تصحي كلميني...عشان اقولك علي حاجه...علي فكره انا اجازه بكره كمان..يلا سلام انا هقفل عليكي من بره...
كارمن...طيب.
انس...باي يا روحي..
كارمن.....باى
دياب...خلصتي كل حاجه.
لمار...اه كله تمام...
دياب...منستيش حاجه..
لمار...لا كل حاج شيلتها الصبح بس هشيل الغيار اللي لبساه ده وبس.
دياب...طيب تمام...
لمار....بخبث روح يلا بقي نام عشان تقدر تصحي..
دياب...نعمممم سمعيني كده اروح ايه.
لمار...تنام...
دياب....بقي يبقي اخر يوم لينا فالمكان واروح انام بزمتك ينفع...مفيش نوم الوقت انا مش جايلي نوم...
لمار...ولا انا بس هنعمل ايه...
دياب..تعالي وانا اقولك
مسكها دياب من ايدها..
لمار...سيب ايدي عايز ايه...
دياب....هعوز ايه بس بلاش قله ادب بقي...
لمار...ضحكت ولله انت اللي قليل الادب وغمزت بعينك
دياب...يعني عشان غمز بعين ابقي قليل الادب...دي كل معلوماتك عن قلت الادب...
لمار....اه دي كل معلوماتي...عايز ايه بقي.
دياب...مفيش الجو برد تعالي بجد ندخل نأعد جوه وبعدين احنا متفقين اني هنام في حضنك ايه اتفاق عيال
لمار...ايوه انا عيله وسيب ايدي بقي
دياب...هتيجي بالذوق ولا بالعافيه..
لمار...مش هاجي بالذوق ومش هتقدر تاخدني بالعافيه..
دياب...يبقي استعني عالشقي بالله
لف دياب ايده علي ضهرها وشالها وهي بتضرب فيه وبترفس برجليها.
لمار...نزلني..
دخل دياب الاوضه بتاعته ونزلها وقفل بالمفتاح...
لمار...انت بتعمل ايه
دياب...مش قولتي مش هتقدر تاخدني بالعافيه..
لمار...افتح الباب يادياب.
دياب...لا
لمار...افتح الباب بقولك
دياب...ولو مفتحتوش هتعملي ايه..
لمار...هتفتحه..
دياب...ولو مفتحتوش
زقته لمار وراحت عالباب.
دياب...ااااااه... مسك دراعه
لمار....دياب انا خبطتك صح..
دياب....اه.
لمار...طب شوف دراعك..
دياب....خايفه عليا.
لمار....اااا شوف دراعك..
دياب...بخبث مش قادر..
لمار...طيب تعالي اعد وانا هساعدك..
اعد دياب علي السرير. وساعدته لمار قلع السويت شيرت...
لمار....مفيهوش حاجه..
دياب...مانا عارف.
لمار...علي فكره انت قليل الادب ومش هصدقك تاني اتفضل البس.
دياب...انتي اللي قلعتيني علي فكره انتي اللي قليله الادب..
لمار...انااا انا قلعتك عشان اشوف دراعك.
دياب...كدابه...
لمار....دياب هزعل منك بجد
دياب...بجد
لمار.....بجد
دياب....لمار انتي خايفه مني؟؟
لمار....بصت فالارض وسكتت..
فضل دياب باصصلها وهي باصه فالارض..
دياب....علي فكره انا بهزر معاكي...ومينفعش ابدا تخافي مني...ولو في حد ممكن يخاف عليكي فالدنيا دي فا هو انا..
قام دياب لبس السويت شيرت...وراح فتح الباب وفتحه...
دياب.....قرب منها باسها من راسها يلا ياحبيبي روحي نامي عشان تقدري تصحي الصبح... وسابها وراح اعد عالكنبه وولع سيجاره وبص في الموبايل بتاعه ومبصلهاش تاني
كان باين انه عادي بس كان من جواه مضايق انها فهمته غلط واللي ضايقه اكتر انها خافت منه...
فضلت لمار واقفه تفكر..وفالاخر راحت بخطوات بطيئه اعدت جمبه عالكنبه....
واول نا اعدت ساب دياب الموبايل لاكن فضل علي وضعه مبصلهاش وكمل شرب سجاير وهو بيسمعها.
لمار...متزعلش مني انا مقصدش وعلي فكره انا مخفتش منك ولا حاجه...بس انا بتوتر لما الباب بيتقفل غصب عني صدقني مش قلت ثقه فيك بس يمكن انا اللي بقيت اخاف من كل حاجه...وعايزه اقولك حاجه...يمكن انا اعرفك من فتره بسيطه...وفوقت اتعدمت عندي الثقه في كل اللي حواليا بس لقيت نفسي بثق فيك وبحس بالامان معاك صدقني انت لو عرفت اللي مريت بيه هتعزرني...وقربت منه من غير اي تردد ولا احراج باسته من خده....تصبح علي خير...خرجت لمار بسرعه من الاوضه من قبل ما تسمع رده علي كلامها وعلي الحركه اللي عملتها...
اول ما خرجت وقفلت الباب ابتسم دياب بسعاده....
وراح عالسرير فضل يفكر لحد ما غلبه النوم....
اما لمار....كانت محرجه من الحركه بتاعتها وفضلت اعده علي سريرها حاسه بالاحراج..لحد ما هي كمان غلبها النوم...
في صباح يوم جديد...
صخي كلآ من دياب ولمار من نومهم خدو شاور وابتدو يجهزو بعد وقت بسيط...خرج دياب وقف بره وخرج شنطته وقف يشرب سيجاره. وباصص فالفراغ ..
لمار...فتحت الباب وخرجت لقته واقف راحت عنده ...
لمار...صباح الخير.
دياب...بأقتضاب صباح النور. جاهزه.
لمار...اه خلاص.
دياب...مش ناسيه حاجه..
لمار...لا مش ناسيه..
دياب...طيب يلا افطري بسرعه عشان نمشي..انا جهزتلك الفطار.
لمار....مش هتفطر
دياب...لا
لمار....خلاص يلا انا مش عايزه...
دياب.....فين شنطتك..
لمار...لحظه هخرجها من الاوضه..
دياب...رمي السيجاره...لا استني دخل دياب خد شنطتها. وخرج مسك شنطته يلا..
لمار....طيب هات الشنطه عشان ايدك..
دياب...انا تمام يلا انزلي.
لمار...حاضر..
نزلت معاه لمار حط دياب الشنط فالعربيه وركب. ودور العربيه عشان يتطلع ..
لمار....انت هتسيب روك لوحده..
دياب....لا هبعت حد يجيبه زي ما خدوه .
لمار...طيب.
دور العربيه وطلع وطول الطريق باصص ادامه وساكت...وحاسس بيعا كل شويه تبصله وعايزه تتكلم ومش عارفه...لمار لنفسها اناعارفه اني زعلته بس كمان هو لازم يحس باللي حصلي..
بس هيحس ازاي انا مش قايلاله اي حاجه ومن حقه يزعل..
بعد وقت طويل وصل اخيرا دياب تحت البيت اللي هي هتأعد فيه
كان بيت مكون من 3 ادوار كلهم فاضيين ومفيش غير الشقه اللي هي هتاعد فيها وكان البيت كله متحاوط برجاله من الشرطه حاتم خلاهم واققين عشان يراقبوها وتبقي تحت عينهم خصوصا ان خلاص مش هيكون معاها حد ومهما كان هي محكوم عليها بالاعدام..
وقف دياب ركن عربيته...
دياب يلا انزلي
خد دياب شنطتها. وهي اتحركت وراه..
طلعها دياب لحد باب الشقه دخل الشنطه ودخلت لمار وراه..
دياب....الشقه جاهزه من كل حاجه ارتاحي شويه الساعه 6 هكون واقفلك تحت هوصلك لبيت مايا
لمار....حاضر..
دياب...عايزه اي حاجه...
لمار....شكرا
دياب...اقفلي ورايا.
لمار...دياب.
دياب ...بصلها ايوه.
لمار....انا اسفه
دياب...علي ايه انتي عملتي حاجه تتأسفي عليها..
لمار....طيب انت ليه زعلان مني..
دياب...ومين قالك اني زعلان..
لمار.. انت مش شايف طريقتك معايا عامله ازاي...
دياب....انا تمام ومفيش اي حاجه...وبعدين انتي نسيتي اني بتعامل مع مايا.
لمار.....طيب هو انا لو حبيت اوصلك هوصلك ازاي اكلمك من موبايل مايا
دياب....لاطبعا انتي نسيتي ان رقمها متراقب.. انا هوصلك
لمار....طيب
دياب....سلام...
لمار...سلام
نزل دياب....ركب عربيته...وراح علي اول محل موبيلات قابله اشتري موبايل وخط بأسمه...وقف شغله وسجل رقمه...
ورجع تاني تحت البيت...كان في واحد واقف من الرجاله راح دياب عليه..
دياب...خد التليفون ده واطلع خبط علي الشقه تديها التليفون وتقولها اني باعتهولها وتنزل فورا تمام...
الحرس...تمام يا باشا...
طلع الحرس فوق خبط راحت لمار فتحت بسرعه فكرته دياب..
لمار بخوف....ايوه.
الحرس...مدلها ايده بالشنطه
ياب باشا باعت دول لحضرتك.
لمار...خدتها منه. شكرا..
وقفلت..
ثواني والحرس نزل واول ما دياب شافه ركب عربيته ومشي واتصل علي لمار...واول ما شافت رقمه ردت....
لمار ...الووو
دياب....اظن كده هتقدري توصليلي بسهوله انا سجلتلك رقمي..التليفون ده هيكون بيني وبينك وبس...اوعي تفكري يالمار تتصلي بكارمن مفهوم
لمار...حاضر.
دياب...اي وقت تحتاجي حاجه اتصلي عليا.
لمار....حاضر
دياب...سلام.
لمار...سلام..
قفلت لمار...وهي مبسوطه انه رام انه زعلان بيفكر فيها .
وصل دياب علي البيت مكنش حد عارف انه جي كان الكل متجمع علي السفره بيفطرو ولحسن حظه عمه ووالده منزلوش الشركه لحد الوقت..
فتح دياب ودخل براحه....
دياب......صباح الفل...
نوال.....دياب حبيبي.
ريناد.....وهي بتجري عليه...ديبوووو نطت في حضنه رفعها دياب من الارض...
دياب...وحشتيني يامجنونه..
ريناد...وحشتني اوي
نوال....اوعي كده وحشتني ياحبيبي...
حضنها دياب وباس ايدها. ايدها انتي وحشتيني اكتر
راحت عليه ريهام بفرحه..
ريهام....باسته ...ازيك يادياب..
دياب...الحمد لله ياريهام انتي ايه اخبارك..
ريهام...انا تمام وحشتنا اوي.
دياب..انت. اكتر..
قرب دياب من والده وعمه سلم عليهم
حنان...اذيك يا دياب
دياب....بخير الحمدلله.
نوال...الڤيلا نورت ياحبيبي
دياب...بنوركم يا امي...
عاصم...ابه الاخبار طولت كده ليه يادياب.
دياب...شغل والله يابابا غصب عني.
عادل...وحشتني يابطل. ومفتقدك والله
دياب...انت اكتر والله ياعمي وحشتني وكلكم وحشتنوني اوي..
ريناد....مش هتمشي تاني
دياب...انا اعد معاكم اسبوع ومسافر
نوال...مسافر تاني.
دياب...هو انا سافرت اولاني يا امي انا منت في مؤموريه سريه بس كنت موجود هنا...
نوال...امال انت هتروح فين..
دياب...مسافر يا امي اكمل المأموريه بس بره مصر.
نوال...ايه بره مصر..طب وانت مالك ومال الشغل بره مصر
خنان...صحيح يادياب انت من امته وبتسافر بره مصر.
دياب....قدري بقي ماسك قضيه ومضطر اسافر ..
عاصم...خلاص يا جماعه كفايه أساله انتو عارفين لو عملتو ايه مش هيقولكم اكتر من كده انتو مش عارفين دياب .
دياب...قولهم
ريهام...طيب هتأعد كتير..
دياب...يعني ممكن شهر.
ريهام...ايه شهر.اقصد يعني كتير اوي
دياب...مش كتير ولا حاجه يارب ميبقاش اكتر من كده..
ريناد...بزعل يعني هتمشي امته.
دياب...اخر الاسبوع بامر الله هجهز بس كام حاجه وهسافر واسبوع هكون معاكم يعني..هقوم بقي ارتاح شويه عشان مرهق جدا...
نوال طيب مش تفطر.
دياب...لا مش قادر يا امي...انا يادوب ارتاح شويه..
نوال...خلاص ارتاح. وهحضرلك الغدا واياك تقول امك هتتحرك من هنا..
دياب...للاسف يا امي انا هخرج علي 5 كده..
نوال ...طب ليه
دياب...مانا يا امي لسه فالقضيه يعني مقدرش اسيبها..
نوال...خلاص بردو هتتغدا قبل ما تخرج.
دياب...حاضر يا امي..يلا هطلع بقي عشان الحق ارتاح شويه.
عاصم...ماشي ياحبيبي يلا اطلع...
طلع دياب...الاوضه...وبعد شويه...سمع الباب بيخبط..
دياب ادخل...
فتح عادل الباب...نمت
دياب....تعالي لا لسه...
عادل...طيب انا مش هعطلك عشان تلحق تنام...بس لما تفضي عايزك..
دياب...طيب تعالي بس ادخل في ايه.
عادل...لا ده حوار طويل المهم بس وقت ما تكون فاضي عرفني.
دياب...طيب لما ارجع بليل فاضي ولا هتكون نمت يعني ممكن اكون هنا علي 12 او 1 مش عارف.
عادل....تمام وقت ما تيجي كلمني وهنزلك بس متدخلش خليك فالجنينه...
دياب...شكله حوار طويل..
عادل...يعني..يلا هسيبك الوقت.
دياب...ماشي..
حمزه.....الوووو
انس...حمزاوي ايه الاخبار.
حمزه...تمام ياعم ايه فينك..
انس...انا لسه واصل الڤيلا.
حمزه...طيب الانت طالبته جاهز شوف بقي هتيجي الوقت تاخده ولا امته.
انس...طب انا لسه واصل اقابلك علي 7 كده
حمزه...تمام انا اخري فالشركه 9 معاك وقت يعني..
انس...طيب تمام اوي..هجيلك قبل ما تمشي اكيد.
حمزه...خلاص هستناك يا باشا.
انس....يلا سلام...
قفل انس معاه واتصل بكارمن...
كارمن بصوت نايم الوووو
انس...انتي نايمه لسه
كارمن....امممم
انس....طيب خلاص كملي نوم انت روحت عموما لو احتاجتي اي حاجه كلميني
كارمن....حاضر.
انس...سلام يا حبيبي
كارمن...سلام
مر الوقت بسرعه صحي دياب خد شاور ونزل اتغدا معاهم وراح للمار....واول ما وصل بلغها نزلت بعدها بخمس دقايق واول ما شافها اتصدم من جمالها. لاكن كان الغضب عاميه...من منظرها. كانت لابسه چاكت جلد قصير...وتحتيه فستان باللون الاحمر وهاڤ بوط اسود..
وشنطه ايد صغيره باللون الاسود وشعرها مرفوع ديل حصان وحتطه مكياچ بارز جمال ملامحها وروچ احمر خلي شكلها مثير.
قرب منها دياب....ايه اللي انتي لبساه ده
لمار....ماله حلو حبت لمار تردله الطريقه بتاعته لكن بطريقتها...
دياب....هو ايه اللي ماله انتي هتستعبطي انتي ناسيه انك بعد ما تمشي من بيت اهلها تقابلي خطيبها..
لمار....امممم لا مش ناسيه وكمان مش ناسيه ان اللبس ده سياده اللواء اللي جهزه..
دياب...وانتي اختارتي ده
لمار....اممم وكويس اني مختارتش غيره لان ساعتها كنت هتضايق اكتر..
دياب....لمار اطلعي حالا غيري القرف ده..
لمار.....مايا اسمي مايا متنساش يا سياده النقيب...ومشيت راحت عالعربيه وسابته واقف مبرق وعروقه بارزه من الغضب....راح دياب ركب...ودور العربيه بغضب وطار.....بعد فتره وصل اخيرا دياب ادام بيت مايا ووقف
بصلها دياب اللي حصل ده مش هعديه علي خير تمام حطي السماعه في ودنك وموبايلك من اول ما تنزلي هيكون مفتوح بيني انا وانتي عشان لو حصل اي حاجه الحقك واقولهالك ..
لمار...حاضر..
دياب...يلا انزلي.
مر الوقت بسرعه دياب كان مبسوط بيها كل حاجه ماشيه تمام مفيش ولا غلطه حتي اهلها مقدروش يكتشفو انها مش هي وبالرغم انها ارتبكت كام مره فالاول إلا انها بعد كده قدرت تتغلب علي خوفها وتوترها...ويعتبر دي المره الاولي انها تتعامل كا مايا بخلاف المره بتاعت الفندق....خرجت لمار من البيت كان دياب واقف بعيد ركبت معاه واول ما ركبت اتحرك دياب بسرعه...اما لمار فا اعدت من غير ولا كلمه كأنها بتتشاهد....
دياب...انتي كويسه...
لمار...لا انا قلبي كان هيقف..
دياب...عشان فالاول بس بعد كده هتتعاملي عادي.
لمار...ربنا يستر...
مشي...دياب...عشان يوصلها للمكان اللي هتقابل خطيبها فيه.
مشي...انس من عند حمزه..بعد ما خد منه كل المعلومات....واتصل بعادل..
انس....عميييي ايه الاخبار..
عادل....الحمد لله يا انس...ايه الاخبار وصلت لحاجه.
انس...عيب ياباشا مش.انس اللي تسألو سؤال زي ده..
عادل....طيب قول.
انس....كان في مكالمات كتير بس كلهم كانو عادييين جدا صحاب ريهام معارف...مفيش منهم شك يعني لاكن طبعا في رقم هو اللي مش عادي خالص وتقريبا اللي حكتهولي هو اللي سمعته..
الرقم ده بتاع واحد...اسمه...مسعد حمدي عبد الرحيم.....تعرف واحد بالاسم ده..
عادل...بتفكير لا خالص..ولا حتي عدي الاسم ده عليا..طيب قولي عنوانه ايه
انس.عنوانه...لا انا معايا رقمه التسجيلات بصوته واسمه
عادل...طيب عنوانه متقدرش تجيبه اكيد البطاقه بتاعته فيها المحل السكني بتاعه..
انس...طيب تمام انا هقفل معاك واتصل بحمزه تاني بسرعه قبل ما يمشي...وانا حالا هبعتلك كل التسجيلات..تمام..
عادل...ماشي هستناك
قفل معاه انس... اتصل بحمزه تاني..وبلغه حمزه خليك معايا ثواني
حمزه....بص يا انس...العنوان اللي مكتوب اسكندريه ميامي...يعني مش عنوان مفصل وميامي كبيره...بس انا عندي حل...
انس...ايه هو...
حمزه...اعرفلك مكانه بالظبط من خلال موقع الرقم. وانت تشوف من بعيد لبعيد او عادل باشا..
انس...تمام ابعتلي الوقت اللوكيشن بتاعه عالموبايل...
حمزه...تمام هبعته علي طول.هو واضح ان هو مش اعد في مكان الموقع بتاعه بيتغير كل شويه بس في نفس النطاق مش بيبعد...هقفل معاك وابعتلك ابلكيشن تمشي ورا الخطوات وتدخل فيه رقم الراجل ده وهيظهر معاك تحركاته..
انس...طيب حلو اوي ده يلا مستنيك.
وصل دياب قبل المكان بشويه.....
دياب...مايا الحاوي...ده اسمك تنسي لمار خالد ده خالص...انتي الوقت هتتقابلي مع مقدم بيشتغل فالصاعقه المصريه...الناس ده بتفهم جدا في لغه الجسد مش قاصد اقلقك بس ممكن ارتباكك يخليه يشك فيكي....رامي ظابط شاطر. وممكن يهرش الحوار كله من اوله لاخره. مفهوم..
لمار...خدت نفس طويل حاضر..وكملت بقلق واضح علي صوتها.انت هتروح فين
دياب...هكون حواليكي متخافيش بس تكوني هاديه متتلفتيش كتير عشان متشككيهوش فيكي....هتنزلي من الباب ده انتي مايا مش لمار مفهوم والوقت
لمار....مفهوم...ونزلت..
دياب....لمااار..
وقفت لمار...ثواني وهي مدياله ضهرها...وبعد كده كملت دخول للمكان....اطمن دياب...انها مركزه...ونزل وراها علي طول وحواليهم من بعيد باقي الرجاله..
مايا.....الووووو
رامي....ايه ياحبيبتي فينك وحشتيني.
مايا....انا دخلت انت فين..
رامي....انا شوفتك انا اهو..
قفلت مايا وراحت باتجاهه وهو قرب عليها..واول ما وصل تندها خدها في حضنه..
حست...لمار انها اتخشبت..بس افتكرت كلام دياب..فا اتعاملت عادي وحضنته.
رامي...وحشتيني اوي..
مايا...وانت وحشتني اكتر..
كل ده كان تحت عين دياب...وسامع كل كلمه ومن جواه هينفجر من الغضب... والغيره....
قضت...لمار وقت طويل حوالي ساعه ونص مع رامي....
رامي...طيب هترجعي امته تاني هتطولي زي المره اللي فاتت.
مايا...لا خالص ممكن شهر واحد بس.
رامي....هتسافري امته..
مايا...بعد بكره
رامي...نعم انتي لحقتي
مايا....معلش يا رامي...كنت محتاجه اعمل شويه ابحاث سريعه وقولت بالمره اجي اشوفكم..ومتقلقش مش هتأخر خالص
رامي ...اما اشوف.
مايا....طب يلا انا لازم امشي بقي الوقت عشان عندي مشوار مهم لازم اعمله
رامي...طيب يلا هحاسب واوصلك.
لمار...حست بارتباك..لا لا انا هروح.
رامي...في ايه مالك.
مايا....مفيش بس مفيش داعي انا همشي عشان هقابل واحده صحبتي هنشتري حجات عشان اخدها معايا وانا ماشيه.
رامي...هتروحي الوقت.
مايا...اه لسه بدري..
رامي...طيب اوصلك وهسيبك..
مايا...صدقني مفيش داعي انا اصلا هروحلها عندالشقه بتاعتها انا نازله معاها مش مع مامي...
رامي...خلاص يا ستي زي ما تحبي...ياريت متتأخريش المرادي يا مايا عشان خاطري...عشان نتجوز بقي كل حاجه جاهزه خلاص..
مايا...متقلقش يا حبيبي مش هتأخر المرادي هاجي بسرعه.
رامي...عموما لو مجتيش بسرعه..انا هجيلك...
مايا...لا هاجي...متخافش.
رامي...ماشي ياحبيبي...وقرب منها عشان يبوسها...ويحضنها..
رامي...بعد بكره هكون معاكي عشان اوصلك للمطار...
مايا...مش عايزه اتعبك.
رامي ...انا موافق ياستي..
مايا ..خلاص تمام
خرجت...لمار بعد ما عملت نفسها بتكلم اوبر..يجيلها....وثواني وخرجت...وركبت مع دياب اللي خرج قبلها..ولانه ذكي وعارف ان رامي ذكي....فا عرف الرجال...تقف عالباب كأنهم بيتخانقو عشان يقدر يمشي بسرعه بالعربيه...وفعلا اللي توقعه كان هيحصل لولا خطته وملحقش رامي يشوف حتي لون العربيه من سرعته.
حمل انس الابلكيشن...وعمل زي ما قاله حمزه...وقبل ما يدخل رقم مسعد جاله اتصال من ياسمين...
انس...ايوه يا چيسي..
ياسمين...بصريخ....الحق بابا يا انس...وقع ومش بيرد علي حد...
انس... اييييه اقفلي انا جاي.
وقف...دياب..في حته بعيده او مقطوعه.وفرمل. جامد...
لمار.....دياااااااب.
دياب...ازاي تسبيه يلمسك..هااا ازاي تخليه يحضنك..
لمار....بخوف....انا معرفتش اتصرف وافتكرت كلامك ان هو ممكن يحس بحاجه مرضتش اعترض..
دياب....مسكها بغضب من ايدها...مقدرتيش ايه..
لمار...نزلت دموعها....طيب كنت اعمل ايه...
دياب...اي حاجه إلا انه يلمسك..
لمار...انا مينفعش اقول لا او اه انا مليش رأي في اي حاجه يا دياب....انا لعبه كل واحد فيكم بيحركها شويه وهي بس بتسمع الكلام....ارحموني بقي انا لاعايزه اكلم حد ولا المس حد ولا حد يلمسني...بس كل ده غصب عني...تقدر تقولي مجتش ضربته ومنعته ليه...ادام شوفته واضايقت كده...عارف ليه...عشان انا وانت زي بعض...مينفعش نعترض....
دياب ...لا انا اقدر اعترض بس انا اتفاجأت باللي عمله .
لمار.....وانا كمان اتفاجأت وزي مانت سكت انا سكت...يبقي متجيش تحاسبني وتطلع غضبك فيا..
دياب....رجع ضهره لورا عارف انها بتتكلم صح وبدل ما يهون عليها الغيره تمته وطلع غضبه فيها...فضلت لمار تعيط وهي باصه من الشباك...
دياب...قربها لحضنه....انا اسف حقك عليا انا بس مستحملتش اشوفك في حضن حد غيري...
متزعليش عشان خاطري ممكن...
لمار....حاضر..
رن موبايل دياب...
دياب....ايوه ريناد..
ريناد....دياب..انكل ياسين تعبان .ياسمين كانت بتكلمني وصرخت وقع مش بيرد عليهم. هي كلمت انس...روحلهم بسرعه..
دياب...ايه..طب اقفلي انا رايح علي طول...
لمار...في ايه..
دياب...والد انس تعب لازم اوصلك بسرعه واروحله...خدي الموبايل عشان متنسيهوش.
لمار...حاضر...ان شاء الله خير..
مر حوالي خمس ايام
دياب...مكنش بيشوف لمار خالص...كل اللي بينهم كان مكالمات...وهي متحركتش من البيت والرجاله حواليها في كل مكان....مبتعملش حاجه غير انها بتدرب نفسها عاللغه وعلي كل حاجه هتواجهها فالسفر .....اما عند انس...دياب مكانش بيسيبه
والده تعب عمل عمليه قسطره فالقلب حالته كانت وحشه لاكن لحقوه....واللغبطه دي عطلت حجات كتييير اوي...من ضمنهم انس مكانش بيروح لكارمن نهائي بس كان معاها بالموبايل لاكن مكالمات بسيطه جدا ومنزلتش الجامعه خاف ينزلها لوحدها وهي خافت اكتر...كانت هتموت من الزهق...وال6 ايام خلوها تحس بأنس اكتر...كانت مفتقداه اكتر...اما عيله دياب...مكانوش سايبين انس عادل وعاصم ودياب
ريناد .مع ياسمين طول الوقت نوال مع رحمه والدت انس .....وعرف دياب من عمه كل حاجه حصلت واتكلم مع انس...واتفقو انه يطمن علي والده ويرجع يكمل..
اتحسن ياسين كتير وبقي افضل بس الدكاتره قالو هيأعد اسبوع كمان عشان يطمنو عليه اكتر...
دياب...حمد الله علي سلامتك يا عمي..
ياسين...الله يسلمك يا دياب...
عاصم....ايه عجزت ولا ايه يا عم ياسين
ياسين....لا انا لسه شباب...
عادل....ايوه كده الحق نفسك
ياسين...تعبتكم معايا.
عاصم...ايه اللي انت بتقوله ده...تعب ايه بس...انت مش عارف غلاوتك عندنا ولا ايه ربنا يطمنا عليك يارب.
رحمه....ربنا يخليكو لينا
دياب....هسلم عليك انا بقي عشان بكره الصبح انا مسافر
ياسين...متتأخرش علينا وعلي صاحبك بالءات والنبي اصل انت متعرفش بيبقي عامل ازاي من غيره...
انس...قوله والنبي اللي معندوش ضمير ولا احساس ده..
ضحك. دياب....مش هتأخر ان شاء الله ادعولي انتو بس..
رحمه...ربنا يوفقك يا حبيبي.
ياسين....ربنا يوفقك وترجع بالسلامه. ومتنساش وانت جاي عروسه فرنساويه حلوه كده..
رحمه...بقي كده..
انس...الله جرا ايه ياحاج...يعني احنا نجري بيك ولا تفوق تفوق علي امي لا معلش...
عاصم....انت مصدقه يا انس دي حلاوه روح..
فضلو كلهم يضحكو
مر الوقت بسرعه...وصل دياب البيت يخضر نفسه...اما لنار فكانت من زهقها الايام اللي فاتت مجهزه نفسها وبالرغم من رعبها من السفر إلا انها كانت عايزه الوقت يجري بسرعه عشان تشوف دياب اللي وحشها اوي...
خلص دياب...ونزل وسلم علي اهله كلهم وودعهم...ومشي راح يقابل اللواء..
حاتم...جاهز يا بطل.
دياب...جاهز يا افندم.
حاتم...كل الرجاله هناك معاك. سبقوكم عشان ميتشكش فيكم...
دياب...تمام يا افندم..حضرتك طلبتني وقولت ان في حاجه مهمه عايزني فيها
حاتم....عرفت دورك هناك هيكون ايه..
دياب...ايوه هكون ورا لمار او مايا من بعيد .
حاتم...الخطه اتغيرت يا يادياب...
دياب...مش فاهم
حاتم...هقولك...انت الظابط دياب الدالي اشطر وامهر الظباط. اللي ليه معارف في كل مكان فالبلد واللي عنده معارف سياسيه مش عند حد عنده معارف فالصعقه. المخابرات..الجيش واللي هتتعرف عليه مايا بالصدفه...وهتقرر تستغله...
دياب...حضرتك تقصد اني هظهر بشخصيتي
حاتم...مش بس كده..
دياب...ايه تاني..
حاتم....هقولك..بس قبل ما اقولك انا صاحب الفكره دي..وعملتها عشان انت بس غالي عندي وقسما بالله يادياب لو مرجعتو وانتو رافعين راسكم وراس مصر انا بنفسي اللي هحاسبك عشان اللي هتعرفه انا واثق انه هيعجبك..
دياب...بابتسامه خير.
لقراءة البارت الثالث والعشرون من هنا