قصة يتيمتى
البارت السادس6
بقلم شذى المكرم
يوم الجمعة صحيت متأخرة لانو يوم راحتي واصلا سليم بصحى متأخر نظفت البيت ومسحتو وبخرتو وجهزت الشاي وعملت كيك معاها وانتظرت سليم صحى وجاني قعد شرب الشاي معاي ودخل غرفتو جهزت الفطور وناديتو بعد الفطور اتصلت عمتو نادية لسليم سلمت عليهو واداني سلمت عليها ورجعت ليهو التلفون
سليم: ما بنقدر لانو انا طالع مشوار مع اصحابي
نادية:........
سليم: امي ما بقدر اجيبها لانو عندها برنامج خليهو الجمعة الجاية ان شاءالله . اتكلم معاها شوية وقفل دايرة اسألو بس اتراجعت
سليم: امي قالت نمش ليهم لانو العائله مجتمعة
ملك: وانت طالع مع اصحابك؟
سليم: لالا قولت ليها كدا عشان ما داير امشي
ملك: ليه
سليم: لانو عمتو حتفتح لي سيرة العرس وكدا
ملك: وانت ما ناوي تعرس تاني
سليم: انتي دايرة يدبلو فيكي؟
ملك بسرعة وبدون ما تنتبه: لالا . قام ضحك
سليم: خليكي من السيرة دي اها القراية عوضتي الفاتك
ملك: لالا بس قاعدة احاول اعوض
سليم: ربنا يوقفك . قضينا اليوم مع بعض يا اما بنتكلم شوية اي بنشاهد تلفيزيون يا اي واحد دخل غرفتو لحدي بعد المغرب قاعدين كدا
سليم: خلينا نطلع نغير جو ما بتملي من قعدة البيت
ملك: ابدا لانو عمري كلو قضيتو في البيت بشتغل بس
سليم: في بيت عمك ما قاعدة تطلعي؟
ملك: الا لو في مناسبة وطالعين كلنا بس غير كدا بكون في البيت بشتغل وبطبخ . عاين لي مسافة وسكت
سليم: خلاص حنطلع هسي قومي البسي
ملك: اوكي . قومت وانا مبسوطة عشان اغير جو لبست وطلعت ليهو ولقيتو جاهز وطلعنا
سليم: نمش وين
ملك: ما بعرف اماكن كتيرة انا اختار انت
سليم: تمام حنمش ملاهي بقولو الاطفال بتحبو . عاينت ليهو
ملك: وانا طفلة؟
سليم: تصرفاتك وحركاتك بتاعت اطفال
ملك: بس ما طفلة
سليم: طفلة وانتهى الموضوع . ما ناقشتو لانو قال انتهى بالفعل مشينا الملاهي والمكان حلو ومفرح خلاني العب كم لعبة عشان بخاف من الصعبات واشترى لي دلع البنات كنت مبسوطة شديد وطلعنا عشان نتعشى في مطعم
سليم: اطلب ليكي شنو
ملك: على ذوقك . طلب لينا وانا كنت بعاين في المكان مبهورة بيهو ما حصل جيت اماكن ذي دي وصل الطلب واتعشينا ولمن راجعين لقينا الدكانين العاملة ذي المول وقف فيهو
سليم: انزلي . نزلت ودخلنا المكان وكان في جزم كتيرة
سليم: ما عندك اسبورت للمدرسة صح
ملك: ما ضروري
سليم: كيف ما ضروري تعالي اختاري . اشرت على واحد كدا باين عليهو ما غالي ما دايرة اتقل عليهو
سليم: دا عادي شوفي دا . نزلو لينا وكان حلو شديد لونو اسود عجبني شديد
ملك: حلو بس باين عليهو غالي
سليم: انا الحأدفع عشان كدا اسكتي . بالفعل شالو لي واختار لي واحد تاني ابيض وشال لي شراريب ملونة بالفعل كنت محتاجة للاسبورتات لانو شبطي واحد بس دا من زمن العرس ما اشتريت قطعة تاني رجعنا البيت ودا كان احلى يوم في حياتي من بعد امي وابوي اتوفو ربنا يرحمهم
ملك: شكرا اليوم كان حلو شديد وتسلم على الاسبورتات
سليم: حسستيني كأنو انا صحبك كدا . ضحكت على كلامو دا
ملك: ممكن تكون صحبي . ومديت ليهو ايدي
سليم: انتي مجنونة ساي . ومشى خلاني واقفة ومادة يدي قومت ضحكت ودخلت غرفتي ونططت من الفرح وجربت اسبورتاتي اكتر من تلاتة مرات ومشيت بيهو جوا الغرفة كم مرة هههههههه
اليوم التاني كان السبت دا يوم الغسيل غسلت الملابس وقعدت اكوي خلصت قريب الضهر وطبعا سليم قاعد
سليم: حمدلله على السلامة
ملك: على شنو
سليم: لمن بقول عليكي غبية ما كان غلط انا قاصد على المكوة
ملك: اهااا
سليم: بتستوعبي متأخر
ملك: انت بتتكلم بالالغاز
سليم: كلامي واضح بس انت غبية
ملك بالراحة: ذيك كدا
سليم: قولتي شنو
ملك بسرعة: ولا حاجة
سليم: اها ما ناوية تطبخي للاسبوع
ملك: الحاجات ما جاهزة كلهم
سليم: وليه ما اتكلمتي
ملك: اممممم
سليم: لانك غبية طبعا قومي خليني نمش السوق
ملك: حتتسوق معاي
سليم: لالا حأتونس مع التجار
ملك: سليم يااخ ما تتريق علي
سليم: لانك غبية اعمل ليكي شنو . مديت ليو شفايفي
سليم: ولمن اقول ليكي طفلة بتزعلي خلينا نمش عشان ما نتأخر
ملك: اوكي . مشيت لبست لي توب ايي لبست توب ما تستغربو وطلعت برا لقيت سليم بعاين لي بصدمة
سليم: ماشة كدا . عاينت في روحي
ملك: اي ليش
سليم: ولا حاجة مستغرب انك لابسة توب بس
ملك: اممممم . وطلعنا السوق جيبت الحاجات المحتاجها كلها ورجعنا وبديت اطبخ عملت اكلات مختلفة بتكفينا لاسبوع او اقل بس على الاقل يخفف عني الحمل لمن خلصت ما صدقت رصيت لسليم وكنت داخلة غرفتي
سليم: ما عاوزة تاكلي
ملك: ما قادرة دايرة انوم بس والشاي في الصبارة . ودخلت غرفتي نومت من التعب صحيت بعد العشا صليت وطلعت برا لقيت سليم في التلفيزيون
سليم: صباح الخير
ملك: وين الصباح هسي
سليم: تعالي اقعدي . مشيت قعدت جنبو وكنت نعسانة لانو نوم العصر بكسر الجسم
سليم: قومي اكل حاجة
ملك: اوكي . مشيت اكلت وجيت قعدت جنبو تاني ولسع تعبانة ونعسانة ميلت رأسي في رجلو ونومت فيها......
________
الحياة بيني وبين ملك بقت مستقرة وحلوة بحاول اغير منها لانها عانت في حياتها كتير طلعتها الملاهي لقيتها مبسوطة شديد بالطلعة دي و يوم السبت بعد عملت الطبخات مشت نامت كنت عاوزة تحكي معاي بس نامت وصحت ولمن اكلت ورجعت تاني كنت مركز في التلفيزيون فجأة حسيت برأسها في رجلي عاينت ليها لقيت نامت قعدت اتأمل في ملامحها في براءة ما طبيعية ما غلطت لمن قولت عليها طفلة قعدت العب بشعرها شوية ومسكت ايدها لقيتها دافئة رفعتها دخلتها غرفتها ودخلت غرفتي نومت........
- يَداها دافِئةٌ بإستِمرار كما لَو أنَّها تَحمِل الشَّمس فِي داخِلها .😴