احتوانى كأبنته
البارت الخامس 5
بقلم شذى عبد المكرم
عدت الايام وابوي امتحن الفاينال خلاص خريج في يوم بعد المدرسة ابوي جا لقاني بشاهد تلفيزيون CN "دا اختصار القناة" وقعد جنبي
امجد: لسع بتشاهدي برامج اطفال. رديت ليهو وانا لسع مركزة في التلفيزيون
تالين: مع اولادي حاشاهد. ضربني خفيف في رأسي
امجد: هبلة
تالين: شكرا
امجد: اسمعيني. التفت ليهو
تالين: احكي
امجد: بكرة بعد المدرسة حأسوقك معاي الجامعة عندنا احتفال
تالين: كذاب احلف
امجد: يا بت
تالين: اسفة انفعلت بس جاتك من وين
امجد: انتي عارفه الحسنة فيكي ما بتنفع قولت اغير ليكي جو بس طلعت غلطان
تالين: والله اسفة نمش متين
امجد: بكرة بعد مدرستك
تالين: والله نفسي امشي جامعتك كل مرة بتتهرب مني
امجد: لانو زمان كنت شغال محاضرات وكنت حأكون مشغول منك بس خلاص فضيت
تالين: ايوااا صح كلامك. قعد يشاهد معاي
امجد: انتي عارفة انو غامبول دا غبي زيك كدا
تالين: طلعت ليهو لساني وقلت اننننن ودارون زيك انت هههههه
امجد: سجمانة ههههه
اليوم التاني مشيت المدرسة وكنت مستنية بفارق الصبر عشان ارجع وامشي مع امجد الجامعة اليوم انتهى رجعت بالترحيل لقيت امجد في الباب
امجد: حمدلله على السلامة
تالين: الله يقبل حمدك
امجد: امشي ارتاحي وغيري واكلي ليكي حاجة ونمش بعدين
تالين: تمام. دخلت لقيت امي ماف مشيت غيرت وصليت وجيت المطبخ اكلت امي جات
تالين: ماما كيف
امي: كويسة الحمدلله. وجات سلمت علي في رأسي جيت متين
تالين: قبل شويه ونسيت اكلمك ابوي سايقني معاهو الجامعة
امي: كلمني امس امشي غيري جو
تالين: بحبك انا
امي: وانا بحبك. دخلت جوا اكلت ومشيت ارتاح نومت بعد نص ساعة امي صحتني اتجهز وفعلا اتجهزت ومشيت سلمت لخالتو عفاف وقعدت منتظرة امجد جا طالع
امجد: نطلع بعد دا؟
تالين: اوكي يلا مع السلامه خالتو
خالتو عفاف: ربنا يستركم.
انا وامجد: امين يارب. طلعنا وكنا ماشين بعربية عمو عمر وصلنا الجامعة كنت متحمسة مسكت ادبي عشان امجد ما يعلقني بعدين هههههه دخلنا كان في كمية ناس انا ماشة جنبو وصلنا لشلتو كانو بتين وتلاتة اولاد سلمت عليهم
امجد: بعرفهم ببتي تالين
الاء: دي تالين الشابكنا بيها 24ساعة ما شاءالله حلاتها كيفك يا امورة
تالين: تمام الحمدلله وانتي
الاء: انا تمام
محمد: تشرفنا بيكي
تالين: لي الشرف. طبعا لاني زولة بتاعت ضحك واجتماعية دخلت فيهم سريع بقيت اتونس معاهم جا واحد
الشاب: امجد رشا من قبيل بتفتش فيك
امجد: استأذنكم الاء تالين امانة عندك
الاء: تالين في ايادي امينة. امجد مشا انا رأسي بقى يودي ويجيب الاء قالت لي ارح اشوفك الجامعة وطبعا مشيت معاها في الطريق سألتها
تالين: الاء
الاء: عيونا احكي
تالين: رشا دي منو
الاء: ههههه امجد يوم ما حكى ليكي عنها
تالين: لالا ابوي ما حكى لي ثم انا بخاف اسألو ذي دا خايفة يأكلني
الاء: ههههههه عسل انتي رشا دي حبيبة ابوكي
تالين: عليك الله
الاء: اي وهي اغلب الاوقات معاهو
تالين: امممممم
الاء: مالك
تالين: ماف حاجة. طبعا لمن مسكني صداع وخلاص دبرست ما عارفة لي بس في منافسة ظهرت لي في حياة ابوي رجعنا لقيت امجد رجع
امجد: لقيتي الجامعة كيف
تالين: حلوة. وبس سكتا طبعا امجد استغرب لانو انا بحكي كتيرة المرة دي قولت كلمة وحدة وسكتا قعد يعاين لي ما قادر يسألني قدامهم
امجد: تيلو امشي مع هالة شوفي قسم الكتب البتحبيهم. ما رديت هزيت ليهو رأسي ومشيت معاها
______
من جانب امجد
تالين لمن رجعت ما عجبني حالها عشان اعرف لازم اصرفها خليتها مشت مع هالة التفت على الاء
امجد: الاء تالين مالا
الاء: ما عارفة
امجد: ما حكيتو عن حاجة
الاء: سألتني عن رشا قولت ليها حبيبتك
امجد: كيف تقولي ليها كدا وانتي بقطعتي الكلام من رأسك انا جيت قولت ليكي رشا حبيبتي
الاء: ما هو انا مفتكرة كدا
امجد: خلي تفيكرك لنفسك اوع تقطعي موضوع من رأسك انتي ما عارفة تالين حساسة كيف موضوع ذي دا ممكن يأثر عليها
الاء: اسفة والله ما كنت عارفة
امجد: انا ذاتي غلطان. وطلعت مشيت افتش فيها هسي بتكون بتفكر في شنو شايفها من بعيد مع هالة مشيت عليهم
_______
من جانبي
امجد جا علينا
امجد: اها يا تيلو لقيتي الكتب العاوزاها ولا لسع
تالين: ما عجبني حاجة انا دايرة ارجع البيت
امجد: اوكي خلاص ارح نوعد الشلة مشينا عليهم ودناهم ماشين على البوابة جات بت
البت: امجد ليه راجع بدري كدا
امجد: والله يا رشا تيلو ما عجبها الجو
رشا: دي تالين ذاتها. ومدت لي ايدها كيفك
تالين: طبعا انا مليانة منها بس ما دايرة احرج امجد قدامها مديت يدي وقولت ليها كويسة الحمدلله وانتي
رشا: انا تمام ليه الجو ما عجبك وانا لسع ما اتعرفت عليكي
تالين: بتعرف عليكي في وقت تاني
رشا: ممكن ما نتلاقى تاني تعالي خليني اوريكي الحاجات الظابطة في الاحتفال دا. طبعا عاينت لامجد نظام يرفض بس ابتسم لي
امجد: امشي معاها يا تيلو. الليلة من وصلنا شغال يوزع فيني ساي مرة الاء ومرة هالة واهو رشا مشيت معاها حلو الاجواء بس عشان ما حبيت رشا فكنت مدبرسة بعد شوية طلعنا مع امجد في العربية نهائي ما اتكلمت معاهو لمن رجعنا نزلت طوالي داخلة على البيت وقفني
امجد: تالين
تالين: نعم
امجد: انتظريني في الحديقة الخلفية
تالين: تمام . مشيت الحديقة وانتظرتو دخل العربية وجاني قعد جنبي
امجد: انتي مالك من قبيل ما طبيعية مع انو كنتي متحمسة للطلعة
تالين: ماف حاجة صدعت بس
امجد: لا في سبب
تالين: ابوي ماف حاجة
امجد: عشان رشا صح
تالين: زعلانة لانك ما قولت لي عندك حبيبة. عيوني دمعو
امجد: بس انا ما عندي
تالين: ابوي انا ما صغيرة على فكره
امجد: تالين حصل انا يوم كذبت عليكي ؟
تالين: لالا
امجد: بس خلاص
تالين: بس الاء قالت
امجد: انتي حتصدقي الاء ولا انا
تالين: انت. وعاينت ليهو بعيوني المدمعة ديك
امجد: رشا مجرد زميلة بس والفترة الاخيرة دي عشان البحث مع بعض وانتي عارفة انو انا بتعامل مع البنات بحدود
تالين: انا ما حبيتها ما تتكلم معاها تاني
امجد: ههههههه ليه
تالين: ابوي ما تسأل ما تتكلم وبس. ميلت رأسي في كتفو واتنفست بعمق الحمدلله طلعت زميلة بس
امجد: انا لو اتزوجت تعملي شنو. رفعت رأسي وعاينت ليهو
تالين: ما حيحصل
امجد: هههههههه كويس. تاني رجعت راسي قعدنا شوية ومشيت الغرفة. قعدت افكر في كلامو اذا من زميلة بس ما قدرت اتحمل لو اتزوج حأعمل طوالي نفضت الافكار دي من راسي ونومت....
احسن اختياراتك لتشعر بلحياة