قصة استغلال الحب
البارت السادس6
بقلم نجلاء فتحي
صحيت نور من النوم وهى فى افضل حال وكأن
النوم كان راحة ليها حرفيا وقالت
نور/ الحمد لله انا كويسة انهاردة انبارح كان يوم
صعب وهى بتتكلم لاحظت ان جزء من وشها مشدود
فاذهبت الى المراية تنظر الى انعكاسها فاشهقت
وقالت
نور/ ايه دة دة دم مجلط على وشى له كدة ما كنش
لازم اعيط وانام زعلانة وخصوصا ان انبارح كان
ضغطى عالى وجايه من الجلسة وبسرعة نظرت الى
السرير وجدت انه يوجد بعض من الدماء على غطاء
المخدة فقامت بتغيره وغسله ونشرة فى بلكونة
غرفتها الخاصة وكدة كدة ماحدش بيدخل غرفتها
اللى قليل وخرجت ليهم وكأن شىء لم يحدث
نور/ باست خد مامتها وقالت صباح الخير ياماما
الام/ صباح العسل على احلى بنوتة فى الدنيا ها يا
بنتى عاملة ايه والصداع خف
نور/ الحمد لله ولا كأني فيا حاجة
الام/ دايما يا بنتى، ايه دة انتى لابسة ورايحة فين
نور / ماما انهاردة عندى جامعة انتى ناسية ولا ايه
وبعدين فين ايمان علشان نروح سوا
الام/ إيمان فى سابع نومة واصلا هبة مرات اخوكى
هنا كمان هى اخوكى نايمين جوا
نور/ بجد طيب حلو صحى انتى يا ماما هبة وانا
اصحى ايمان وننزل احنا الثلاثه الجامعة كدة كدة
احنافى مدرج واحد
الام/ نور انا مش عاصحى حد وخشى غيرى مافيش
جامعة النهاردة
نور/ لية يا ماما انتى تعبانة عايزانا نقعد معاكى
الام/ لا بس اصل يعنى ،لسة الام عاتتكلم على خروج
ايمان/ بصوت من آثار النوم مالك يا ماما هو انتى
مش عايزة تقولى لنور ان فى عريس متقدملى وجاى
هو واهلة بالليل والمفروض الشقة دى تتجهز وانا كمان
اضبط نفسى ماانا عروووسه برضو
نور/ بحب لولولولولولوى بجد الف مبروك يا ايمان
بجد فرحانة ان توأم روحى عاتبقى عروسة وأخذتها
فى حضنها كدة بقا مافيش كلية بصى انتى
ماتعمليش حاجة فى البيت علشان وشك يبقى
مستريح لما العريس يجى وانا عانعمل كل حاجة
وبقت تصقف وتقول انا اخت العروسة ماما عاتجيبى
ليا لابس جديد صح
ايمان/ ولية يجيلك انتى لبس هو انتى العروسة ولا
انا
الام/ ايممممان كفاية
ايمان/ فى ايه المفروض انا العروسة وانا اللى يجيلي
لابس مش هيا
الام/ لسة ،مافيش عروسة دى غير لما اشوف
العريس ونوافق علية
ايمان/ وضعت اديها فى وسطها وقالت نععععععععم
ايه نوافق دى لالا انا كتبت على الفيس انا انقرى
فتحتى عايزانى اطلع كدابة مع الفانز
الام/ نهارك اسود يا أخرت صبرى فى حد عاقل يعمل
كدة منك لله يا شيخة روحى
ايمان/ ايوة صح كدة بتدعلى عليا ومش عايزانى
اتجوز علشان العيانة اللى جانبك دى طيب حاضر وانا
مش عايزة اتجوز غير لما نور العيانة تخف اذا خفت
اصلا علشان أعجب صح
الام/ ضربتها بالقلم، اخرسى انتى حيوانة ماعندكيش
دم اسمها مريضة مش عيانة والمفروض تقولى لااااا
لكن نقول ايه يا ريتك انتى اللى مريضة وهى لا على
الاقل لما تتجوزي اسلوبك دة عايخرب عليكى لكن
نور اسم على مسمى إياكى اسمعك تغلطي فى اختك
طول ما انا عايشة غورررى من وشى
نظرت ايمان الى مامتها ثم الى نور وذهبت وتوعدت
لنور بالهلاك لأنها سبب حزنها فى مثل هذا اليوم
نور/ توترت وقالت ماما ماكنش فى داعى تزعليها
وخصوصا فى يوم ذى دة وكمان تضربيها انتى عمرك
ما ماديتى ايدك على حد فينا
الام/ اوعى تكونى فكراني فرحانة لا الله يعلم قلبى
عامل ازاى بس اختك عيارها فلت وربنا يستر روحى
غيرى علشان نشوف نعمل ايه قبل عريس السنيورة
اللى جوة مايجى
نور / حاضر وذهبت الى غرفتها غيرت وراحت لاختها
وجلست جنبها فقامت ايمان بسرعة من جنبها
نور/ للدرجه دى مش طيقانى هو انا عاملت ايه
ايمان/ ولا حاجة بسببك ماما اول مرة تمد اديها عليا
وايه فى يوم ذى دة عارفة اليوم دة بالنسبة لأى بنت
عامل ازاي اه صح وانتى عاتعرفى منين وانتى اصلا
عمرك ما عاتعرفى
نور/ انا اسفة بس مش انا السبب وعلى العموم
بلاش تزعلى وماما برة بتنظف البيت اهو يلا بقا
ياعروسة
ايمان/ وبالنسبة ان ماما كانت تتمنى ان انا اللى اتعب
مش انتى ها اعمل فيها اية ردددى
نور/ إيمان ماما مش تقصد حاجة شيطان ودخل
وعديها بقا
ايمان لارد، طيب اسمعى قولى عايزة اعمل اية وانا
اعملة بس بلاش اشوفك زعلانة كدة ياعروسة
ايمان/ اممممم ماشى بس اى حاجة اى حاجة
نور/ ايوة
ايمان/ اول لما العريس يجى بلاش اشوف وشك
الجميل دة وكأنك مش موجودة فى الدنيا
نور/حاضر
ايمان/ يبقى اتفقنا يلا برة بقا وخدى الباب فى ايدك
عايزة اريح أعصابى عقبالك اقصد لما تخفى الاول
هههههههه
نور/ لما اخف هو انا مش عاتجوز غير لما اخف لا لا
مش معقول الجواز قسمة ونصيب ومالوش علاقة
بمرضى قالتها لنفسها
ايمان/ ياربى انتى يابنتى سرحانة فى ايه قولت برا
واثناء اليوم ايمان وهبة مندمجين مع بعض ونور
كأنها لم تكن موجودة فى البيت مع ان نور كانت
شايلة تجهيزات البيت رغم ظروف مرضها لكن كانت
تعمل بحب لاختها او توأم روحها
وحل المساء و أتى العريس وكانت الصدمة
يعنى ايه ما خرجتش من البيت انهاردة المفروض كانت ادامى دلوقتى اووووووف غور من وشى