قصة دياب و لمار
البارت التاسع عشر 19
بقلم زهرة البستان
وصلت ادام رقم الغرفه...خدت نفس طويل....وقربت ايدها من الباب..عشان تخبط....لاكن ايده كانت اسرع منها..
بصت لمار...بفزع واول ما شافته
لمار....دياب..
دياب....قولتلي سيبني وانساني وابعد عني بس مقدرش انتي موجوده..هنا في قلبي ولو هموت مش هسيبك ولا هسيب حد يلمسك...وحتي الموت مش هياخدك مني.
لمار....بدموع...دياااااااااااب امشي هتتأذي بسببي...
دياب.....لو هموت مش همشي...ومتخافيش...انا لقيت الحل..
لمار.....اترمت في حضنه...وانهارت..من العياط....فاللحظه دي....
لمار.....ايوه بحبك...ارتحت..
دياب...بابتسامه...عارف ومرتاح يا قلب دياب....بحبك..
خدها دياب من ايدها ومشي بيها. وهي ماسكه في ايده كأنه طوق نجاتها..وامانها وسندها...
خرج بيها دياب...من الفندق...فتحلها باب العربيه...وركبها.وركب وطار بالعربيه وكأنه عايز يجري بيها ويخبيها من الدنيا بحالها...مسك ايدها وطول الطريق ماسك في ايدها بين ايده..وهي ماسكه فيه مش معترضه....
ودموعها مش راضيه تقف وحاسه أنها بتحلم مش قادره تتخيل ان مفيش حاجه حصلت..وانها سليمه...ولاول مره قدرها يتغير..للاحسن...
دياب....قرب ايده مسح دموعها...
بلاش.عياط..انتي بخير...
لمار....ممكن اطلب منك طلب..
دياب...بابتسامه...طلب واحد بس...اطلبي.
لمار...ممكن تقف هنا عايزه اشوف البحر قبل ما نرجع...
دياب....حاضر..
وقف دياب...وركن عربيته علي الكورنيش...الجو كان هادي جدا. لاكن كان برد...
نزلت لمار...راحت وقفت عالكورنيش تبص عالبحر..
نزل دياب. وراح وراها...
كانت واقفه ماسكه ايدها الاتنين عشان تحس بالدفا شويه...
حست بدياب...واقف وراها...وحط عليها الچاكت بتاعه..
لفت لمار وبقت واقفه ادامه بصتله..
دياب...مسك وشها بايده...مسح دموعها مش انا قولت بلاش عياط.
لمار....دياب انا مش بحلم صح.
دياب...لا
لمار....يعني انا محصليش حاجه
دياب....محدش يقدر يلمسك او يقرب منك..
لمار.....بدموع انا كنت خايفه اوي..
دياب...انتي كنتي متخيله اني ممكن اسيبك...
لمار....انت متأكد انك لقيت الحل.
دياب...لقيته...بس لو مكنتش لقيته مكنتش هوديكي واللي يحصل يحصل حتي لو كنت هتوقف من الشغل خالص..
لمار...طيب ازاي اقنعت سياده اللواء..
دياب...هقولك...اول ما دخلتي تجهزي..انا كمان دخلت لبست...كلمني انس فالوقت ده وكنت شايط ومش شايف ادامي.. نزلت تحت في ساحه التدريب
فلاش...باك.
دياب...يحصل اللي يحصل يا انس...لو هتوصل اني اتصنف عندهم اني خاين بردو مش هيحصل.
انس....اهدي بس يادياب...
دياب...متقوليش اهدي
انس....انا كلمتك عشان عارف ان حالتك الوقت صعبه...
دياب...انس....لمار مش هيحصل فيها اي حاجه حتي لو هياخدوها يعدموها الوقت...معنديش مشكله بس ان حد يلمسها استحاله...وبلغ سياده اللواء الكلام ده عشان ميتفتجأش لما يلاقيني واخد لمار ومختفي من الدنيا بحالها...
انس....طيب اهدي وانا هحاول اشوف طريقه..
دياب...انا عندي طريقه بس قسما بالله لو ما اتوافق عليها لا هقلب الدنيا بحالها.
انس....ايه هي طيب وانا ابلغه..
دياب...لا بلغه الاول ومستني مكتلمته وانا هبلغه بنفسي..
انس...طب اقفل يا دياب..اقفل..
مر حوالي عشر دقايق...رن تليفون دياب..
دياب...الوووو
حاتم....انت فاهم انك بتهددني وبتلوي دراعي يا دياب...بتستغل معزتك عندي....
دياب...انا مبستغلش حاجه...
حاتم...امال تسمي لعب العيال ده ايه..انت فاهم انت بتعمل ايه...ده عصيان للاوامر يا حضرت الظابط...وواضح كده اني غلط لما دخلتك فالقضيه دي..
دياب...انا مبعصاش الاوامر..يا سياده اللواء وانت عارف اني اكتر حد معروف بالالتزام بس المرادي صعب صعب اوي.
حاتم....دياب...انا لما قولت انك حبيتها مكنش بيتهيألي لانه كان واضح...بس انت نسيت يا حضره الظابط ان لمار لو رجعت وقدرنا نبعد عنها حبل المشنقه هي مش هتخرج هيتخفف عنها حكم المحكمه...ويتاخد مؤبد. او تاخدلها عشره خمستاشر سنه..
دياب....لمار مش هترجع السجن خالص. لمار بريئه وانا واثق..
حاتم...وافرض انها بريئه عندك دليل
دياب...معنديش بس كفايه اني حاسس ودي اول مره ادخل مشاعري في شغلي...صدقني يا سياده اللواء انا واثق انها بريئه ارجوك...انا عارف غلاوتي عندك...لو حقيقي انا غالي عندك اقف معايا المرادي وساعدني...صدقني لو حصلها حاجه....انا هبعد عن شغلي وهستقيل خالص.
حاتم...واضح انك اتجننت يادياب...تسيب شغلك وحلمك ومستقبلك...تسيب الكيان اللي عملته لنفسك في سنك ده...انت مش عارف انت بقيت ايه انت مش عارف انك اقوي ظابط فالبحث الجنائي
دياب....كل ده مش هيبقاله لازمه بالنسبالي لو لمار اتأذت..
حاتم....ماشي يا دياب...انا هساعدك...وهقف جمبك...وهوصل للجهاز صوتي وادعي انهم يوافقو بس لو رفضو انا كده ابقي عملت اللي عليا.
دياب...هتقدر يا سياده اللواء..حضرتك عارف ان صوتك بيوصل..
حاتم....قولي عالحل اللي عندك..
دياب....كل المطلوب ان...المايك يتزرع فالسلسه صح
حاتم...صح.
دياب...خلاص دي بتاعتي...
حاتم...هتعملها ازاي لازم اعرف..
دياب...والله ما تقلق انا هخلص كل حاجه بسرعه.
حاتم...ماشي يادياب...خليني ماشي وراك...بس صدقني لو الدنيا باظت...هتقلب علينا الكل.
دياب....مفيش حاجه هتبوظ صدقني
باااااااك....
بس وصلنا انا وانتي عالفندق....وطبعا قبل ما نوصل كنت عملت اتصالي بالرجاله...وبلغتهم لما تيجي...هيقلولك علي دور تطلعيه...وطبعا انا قولتلك كل حاجه قبل ما نمشي الدور رقم الغرفه...وده لاكان دوره ولا رقم غرفته...
انتي نزلتي دخلتي. وقفتي عند الريسبشن فالتوقيت ده...انا كنت دخلت للرجاله ومعايا المايك...وطبعا لو كنتي بصيتي وقتها فالخاتم مكنتيش هتلاقيه.المفروض كنت حطتهولك بس لما كلمت سياده اللواء واتفقت معاه فضل معايا بس وهمتك انه فالخاتم...دخلت مع الرجاله وطلعنا الدور...وطبعا هما كانو مجهزين الراجل ..
هو كان مستنيكي....وطلب ازازه ويسكي..بعتناله اتنين...يعني واحده كادو من الفندق...بس كان الاتنين فيهم مخدر قوي جدا....واتاكدو الرجاله قبل ما نوصل انه طار...خبطو عليه كتير مكنش بيفتح...طبعا اطمنو انه نام. فتحو بالمفتاح الاحتياطي....ودخلو كان هو في عالم تاتي...واول ما انا طلعت...حطتله المايك بسرعه فالسلسه بطريقه حتي لو هو فتح السلسه مش هيكتشفه لانه جهاز صغير جدا ومويس اني انا اللي ركبته لاني واثق انك لو كنتي حاولتي مكنتيش هتركبيه بنفس الطريقه..بس وخلصت كل حاجه...وطبعا بدلنا. الازازتين بأزازتبن غيرهم عشان يعني لسوء الحظ لو شك في اي حاجه. يتأكد ان الازايز سليمه...وطبعا ازازه منهم فضوها خالص عشان يوهموه انه شربها كلها....وتقل فالشرب...
وخلصنا وخرجنا كل اللي بحكيه ده مخدش ثواني...بلغت سياده اللواء. ان كله تمام....وفعلا اتأكدو فالجهاز ان المايك شغال...خرجت بسرعه عشان الحقك...ولحقتك في اخر لحظه ....
والوقت انتي في امان...
لمار....طيب والمفروض هعمل ايه مع الراجل..
دياب...ولا اي حاجه..هيكلمك. وهتعملي انك زعلانه منه جدا....لانك روحتي لحد هناك...ومفتحش ولما طلبتي من الموظفين يشوفوه...اتصلو كتير عليه مردش....وخبطو اكتر مردش...فا أضطرو يدخلو يشوفوه بالمفتاح الاحتياطي...عشان يطمنو انه كويس..لقيتوه متقل فالشرب جدا ونايم...وطبعا لو سأل في شهود كتير تبعنا هيأكدوله الكلام ده
لمار....طيب لو طلب اني اروحله تاني.
دياب....هترفضي..وهتقولي انك وراكي حجات مهمه كتير الفتره الجايه...وان شغلك في مصر بدأ خلاص ومفيش وقت تروحيله...وهتديله المعلومات اللي عندك وهتاخدي منه المعلومات اللي طالبينك تعمليها...تمام...
لمار...طيب ومش ممكن يشكو فيا اني مروحتلهوش.
دياب...هما اصلا مش طالبين منك انك تروحيله وتقضي معاه وقت كل اللي طالبينه انك تديله معلومات معينه وتسمعي منه المعلومات اللي عايزينك تجيبيها...اما بالنسبه للمقابله الغراميه دي فا ده كان اتفاق بين مايا وبينه هما ملهمش دعوه بيه وادام المخابرات هنا كل اللي كان يهمهم ان المايك يتركب...وركب خلاص
اتنفست لمار براحه...وكأنه حمل تقيل اتشال من فوق قلبها...
وفضلت تعيط كتير....مش عارفه اذا كانت دموع فرحه ولا دموع الخوف اللي لسه مسيطره عليها...
دياب...شدها لحضنه...وكأنه بيدخلها بين ضلوعه...اهدي عشان خاطري...بلا عياط بقي....وبعدين انتي مش كنتي عامله نفسك جامده...وهروح ومالكش دعوه بيا..وكلام عبيط كتير قولتيه...
لمار....انا كنت خايفه اوي..
دياب...عارف بس انا كنت معاكي وحواليكي ومكنتش هسيبك.
لمار...طيب ليه قولتليش..
دياب....عشان كنت مضايق منك حبيت احسسك اني عادي ومش فارق معايا وبوصلك بأيدي..عشان الكلام الخايب اللي قولتيه واللي انا عارف انك مش اده...
لمار.....لو مكنتش عملت كده كنت هموت نفسي.
دياب....وانا قولتلك مستحيل الموت ياخدك مني...
مسكت لمار فيه بايدها جامد وفضلت جوه حضنه مده معرفتش وقتها بس مكانتش عايزه تخرج من حضنه ابدا..
دياب....يلا بينا.
هزت..لمار راسها بلا..
ابتسم دياب...هو ايه اللي يلا زمانهم قالبين الدنيا علينا ولا فاكرني هربتك ولا هربت معاكي..
لمار.....البحر واحشني اوي خلينا شويه.
دياب...البحر وحشك ماهو باين عشان كده مدياله ضهرك واعده في حضني..
ضريته..لمار براحه علي صدره...
ضحك...دياب...يلا بقي بلاش دلع...الجو برد عليكي وانتي لابسه فستان مينفعش يتخرج بيه فالشارع اصلا..ولا عاجبك شكلك كده احمدي ربنا اننا في شتا لو صيف كان زمان الكورنيڜ ده ملموم علينا..
رفعت لمار...وشها اللي مليان دموع...يعني هو انا اللي اخترته. ما هما اللي جابوه...
دياب...وشكله عجبك اهو ..
لمار...ولا عجبني ولا حاجه انا مش عارفه ازاي لبسته ولبست كعب اصلا.
دياب...ايه زعلانه انك ظهرتي البنت اللي جواكي يا جعفر..
لمار...انا جعفر..
دياب...ده انتي احلي جعفر في حياتي كلها..وصحيح عايز اقولك حاجه...
لمار...ايه..
دياب...شكلك زي القمر...ولما سألتيني واحنا خارجين...انك طالعه شكلها...ولا دكر...كنت عايز اقولك انك احلي مليون مره منها...
بمار....ده بأماره ما انت مشيت وشبتني ومش رديت عليا.
دياب...مش رديت عليكي عشان لو كنت استنين ثواني ادامك كان الشيطان حضر
لمار...انت سافل.
دياب..رجعها تاني لحضنه..وهو بيضحك..بحبك يالمار بحبك اوي...
مسكت لمار بايدها في القميص اوي...وهي بتتنهد والدنيا مش سيعاها من الفرحه...
دياب...باسها من راسها...يلا بقي الجو برد عليكي.
لمار...حاضر..
حاوطها دياب في حضنه ومشي بيها علي العربيه.
اما في ڤيلا دياب..تحديدا اوضه عمه..
حنان...بغضب.يعني ايه قفلت الحساپ مش فاهمه..
عادل...هو ايه اللي مش فاهمه بقولك قفلته انا حر...وبعدين في فيزا تانيه معاكي بس صغيره تقدري تاخدي منها اللي يريحك إنما الكبيره دي ملميش دعوه بيها..
حنان...ايوه بس ايه السبب طول عمرك فاتحها اشمعني الوقت قفلتها...
عادل....سحبتي امبارح 250 الف جنيه في ايه يا حنان...وبعدين معني انك تعرفي اني قفلت الحساب...انك روحتي تاني انهرده تسحبي...بتعملي ايه بالفلوس دي...
ارتبكت...حنان...اااا عادي يعني وبعدين من امته وانت بتسألني بعمل ايه ومبعملش ايه..
عادل...لما تاخدي من الحساب 250 الف جنيه مره واحده وتروحي تاني انهرده عشان تسحبي تاني...يبقي لازم اسال.
حنان...انا مكنتش رايحه اسحب انهرده..
عادل ..لا والله امال كنتي رايحه ليه
حنان...عادي كنت بخلص ورق..
عادل...رايحه البنك تخلصي ورق جديده دي..
حنان...اقصد كنت رايحه اسال علي حاجه فالبنك...
عادل...ولا ما انتي راحه تسألي علي حاجه فالبنك...عرفتي ازاي اني قفلت الحساب ألا لو مش هتسحبي تاني.
حنان...بصوت عالي في ايه يا عادل انت بتراقبني ايه خلاص مفيش حاجه وراك تعملها فا قولت تفوق عليا...
عادل....اولا صوتك ميعلاش ثانيا لو انتي مضايقه اوي كده. قوليلي بتعملي ايه بالفلوس دي...وانا ارجع الحساب تاني..
حنان...مفيش كنت هعمل شوبنج وهنسافر انا وصحابي..
عادل...يااااه شوبنج وسفر وليكي انتي بس يعني فرد واحد ب 250 الف جنيه...ده ايه نوع الشوبنج اللي هتعمليه ده ولا هتسافري فين...وبعدين تمام ياستي مصدقك....فين الفلوس دي يا حنان...
حنان...بارتباك...ااااه في الحساب بتاعي.
عادل...لا والله يعني انتي خدتيهم من الحساب بتاعي تحطيهم في حسابك.
حنان...اه عادي عشان وقت ما احب اسحب اسحب عادي.
عادل...طيب ما الڤيزا بتاعتي معاكي يعني وقت ما بتحبي تسحبي بتسحبي وعمري ما جيت راجعتك في اي حساب..
حنان....عادي بقي انا اتصرفت كده وخلاص..
عادل...تمام يا حنان....الفلوس دي بكره ترجع حسابي...ووقت ما تيجي مسافره تعرفيني وهجبلك فلوس..
حنان....نعم انت بتطالبني بفلوسك.
عادل....اديكي قولتيها فلوسي. يعني حقي.
حنان...ده علي اساس ان انا وانت مش واحد..
عادل....من امته يا بنت عمي واحنا واحد احنا هنضحك علي بعض ولا ايه...احنا عمرنا ما كنا واحد...
حنان...بلاش طريقتك دي معايا ياعادل انا طول عمري جمبك وانت اللي بعيد. انا ضحيت كتير عشان العلاقه دي تستمر
عادل....ضحيييييتي وكتير كمان لو في حد ضحي فالعلاقه دي يا حنان فا مفيش غيري انا انتي عارفه انك عمري ما كنتي جمبي ولا حتي حاولتي انا اللي حاولت كتير اكون قريب عالاقل عشان ريهام بس مقدرتش. انتي مفيش حاجه مهمه في حياتك غير اللبس الخروج السفر الفلوس الشله...حتي بنتك مش هقولك انها اخر اهتماماتك لا هي مش موجوده في اهتماماتك اصلا..
عموما يا حنان. النقاش فالموضوع ده مبقاش يجيب فايده وحتي لو انتي اتغيرتي فا انا مش قابل التغيير انا لو كنت مستحمل فا ده عشان ريهام...غير كده مفيش...بكره الفلوس تكون عندي..
خرج...عادل من الاوضه ورزع الباب...
اول ما خرج...لقي ريناد واقفه مستنياه عند باب اوضتها..
ريناد...انكل عادل..
عادل...راحلها ودخل وقفلت ريناد وراه..
عادل...في ايه ياريناد...
ريناد....بعد ما حضرتك خرجت الصبح عشان تروح البنك...سمعت طنط حنان بتتكلم فالموبايل مع الراجل.
عادل...حصل ايه...
ريناد...
كانت بتقوله جاهز ولا لا واانها نازله تسحب باقي المبلغ عشان لما يقولها انه خلص تقابله وتديله الفلوس....وبعدها بكذا ساعه...لقيت طنط حنان رجعت علي هنا قالت هتغير هدومها وتخرج تاني بسرعه ...
وسمعتها لتاني مره بس المرادي...انا سجلتلها
عادل....فين التسجيل ده. لحظه ...فتحت الصوت...
وقف عادل يسمع بتركيز
نعممممممم
انت بتقول ايه ..انت بتشتغلني يالا..
حنان...وانت فاكر اني هصدقك اوعي تكون فاكر ان حركاتك دي تخيل عليا انا اوديك في ستين داهيه..وابلغ عنك
حنان...تمام لو انت مش كداب هعرض عليك اتفاق تاني...هديك بدل المليون مليون ونص..بس تنفذ.
حنان...وانا مش هست
حنان...ايه هو..
حنان...لا والله وانا ايه يضمنلي انك اصلا مبتكدبش..
حنان...وانا موافقه بكره الصبح هسحبلك المبلغ...وهتصل بيك اقابلك علي طول
حنان سلام...
عادل لازم نعرف هي بتكلم مين وواضح اوي من ردها انا بيهددها اكيد ماسك عليها حاجه...
ريناد...واضح فعلا ويعدين انا حاسه ان اللي بيكلمها ده ممكن تكونو تعرفوه..
عادل...انا كمان حاسس بكده والفتره الجايه...انا هحاول اشوف حد يراقبها. ياريت دياب كان هنا كان زمانه ساعدني الوقت
ريناد...بقولك ايه يا انكل..
عادل...قولي.
ريناد...ايه رأيك تتكلم مع انس انا واثقه انه هيساعدك حتي لو مش هيتدخل بس عالاقل ده شغلهم وممكن يقولك علي طريقه من اللي بيستخدموها في شغلانه المباحث دي...
عادل...براڤو عليكي ازاي كانت تايهه عني..انا هكلم انس واشوفه فين وهروحله....
ريناد...ماشي بس طمني..
عادل...ماشي وانتي خلي بالك من اي اتصال او اي حاجه..والمهم خلي بالك لا تشوفك.
ريناد...متقلقش حاضر
انس...تسلم ايدك الاكل جميل..مكنتش اعرف ان بنوتي الجميله تقدر تعمل اكل.
كارمن....بابتسامه....اتعلمت حجات كتير من طنط ناريمان ومن لمار..
انس....واضح انهم شاطرين.
كارمن...بابتسامه اوي وهي بتتكلم عليهم...ساب انس الشوكه من ايده وفضل باصصلها بحب وهي بتتكلم ومبتسمه طنط ناريمان بتحب تعمل الاكل جدا وبتحب تعمل حجات مش تقليديه..خالص..كانت كل ما تحيب طريقه اكله جديده...تخلي لمار تكلمني عشان اروحلهم...كنا نقف جمبها وهي بتطبخ..عشان نشوف اللحظه التاريخيه
دي بصراحه مفيش مره عملت اكله غير لما طلعت حلوه اوي...نفسها فالاكل كان يجنن.. كانت تخليني انا ولمار نقف نعمل الاكل وهي تقف تشرف علينا...واوقات من كتر حبها فالطبخ...كانت مصممه تخلينا نتعلم بس كانت بتعلمنا بكريقه تخلينا نحب اللي بنعمله ده.يعني مثلا...كانت تخلي كل واحده فينا تعمل اكله.وهي تدوق وتحكم والاحلي تديها شوكولاته كبيره وبما اني انا ولمار بنعش الشوكولاته كنا بنحاول نعمل كل حاجه حلوه عشان ناخد الشوكولاته....في مره كان بيتعرض برنامج للطبخ زي مسابقه انا ولنار كنا بنحبه جدا. هي بقي قررت من كتر ما اتعلقنا بالبرنامج ده انها تنفذه معانا. وعملنا فريقين انا ولمار وبقينا نعمل بوقت معين وبسرعه كان شرطها فالمسابقه اننا منبهدلش الدنيا...كانت بتحاول تعلمنا مش بس الاكل بتعلمنا السرعه والنضافه والترتيب...حتي عمو خالد...كان اوقات يدخل معانا فالمسابقه كنا بنعمل حجات كتير اوي....
انس....بابتسامه....بخس انك مبسوطه وانتي بتتملمي عنهم.
كارمن...مبسوطه دي كلمه بسيطه اوي...انا تقريبا حياتي كلها معاهم...عمو خالد كان ديما يقولي انتي فاضلك السرير بتاعم ورف الدولاب وتتكتبي علي بطاقتي رسمي
كنت عايشه معاهم بالدراع...عمري ما حسيت اني في بيت صاحبتي طول عمري بحس اني غريبه وتقيله في بيتي لاكن بيت لمار كان هو الراحه والامان بالنسبالي...طنط ناريمان كانت عملالي مصروف زي لمار بالظبط...اي حاجه في دراستي من اقلام كشاكيل ورق اي حاجه كن عمو خالد بيدهالي من غير ولا مليم كأني بنته بالظبط...وده حقيقي هو كان اغلي من ابويا
انس....الراجل ده طول الوقت بسمع منك عنه كلام حلو اوي...وبسمع منك نفس الكلام علي لمار ومامتها...لما هما كانو كويسين اوي كده وعيله جميله ..ايه اللي يخلي لمار تقتله...وبعدين...انتي واضح انك بتحبي لمار جدااا وبردو بتحبي والدها يمكن اكتر من باباكي زي ما بتقولي..
وبالرغم من ده...مشوفتكيش زعلتي من لمار..
كارمن...يمكن عشان لمار كانت بتحبه اكتر ما انا بحبه
انس...بتحبه.؟
كارمن...اه بتحبه اوي..لمار وعمو خالد كان في بينهم علاقه جميله اوي مش مجرد علاقت اب ببنته لا خالص...كان في بينهم علاقه صداقه جميله...حياتهم كان كلها ضحك وهزار كانو اسره جميله اوي لما كنت بدخل عندهم البيت كنت بحس بدفا وحنان انا مفتقداهم جدا..مكنش ينفع حد فيهم ياكل لوحده لازم ياكلو مع بعض...في سفره واحده...ولمار اتعلمت ده منهم. لدرجه اوقات لما كانت تتأخر في الصحيان وتيجي تاكل لوحدها مترضاش...
انس....طيب مكنش في بينهم مشاكل خناق .
كارمن ..بالعكس. حياتهم كانت بسيطه...بس يمكن يكون مان فيه اللي هو المشاكل البسيطه بتاعت اي بيت
انس...بس المشاكل البسيطه بتاعت اي بيت متخليش بنت تقتل بباها وإلا كان زمانك انتي الاحق بقتل بباكي بعد اللي شوفتيه معاه...يعني لو هقارن عيشتك مع والدك بعيشت لمار مع والدها علي حد سمعي منك يعني..فا ممكن اتوقعه منك مش منها
كارمن...عندك حق...وده اللي هيجنني..
انس...ايه اسوء حاجه تتوقعيها في حكايه لمار..
كارمن...مش قادره اتوقع لان مكنش في حاجه وحشه...الراجل اللي يفتح بيته لصاحبت بنته ويعاملها بالحب والطيبه دي كلها صعب انه يعمل حاجه توصل بنته لكده....يمكن توقعت لما لمار اتحبست...انه مثلا اعتدي عليها ولو ان ده كان صعب بالنسبالي لان الراجل ده انا عرفاه كويس....بس توقعته لاني ملقتش سبب يخلي لمار تقتل غير ده...وفنفس الوقت مقدرش اشك في اخلاق لمار...لانها كانت توأمي بمعني الكلمه مكنتش بسيبها كنت ببقي عارفه اتنفست فاليوم كام مره كنت اعرف عنها كل كبيره وصغيره عمرها مخبت عني حاجه..ويوم الحادثه الناس قالو ان كان معاها ولد...طب ازاي وانا لسه سيباها من. وقت بسيط...بس للاسف كل حاجه كانت ضدها وهي اعترفت انها قتلت...
انس...تتوقعي لو مامتها اتكلمت ممكن تقول الحقيقه..
كارمن....اكيد عالاقل عشان تحسن صوره لمار...بس للاسف حتي لو قالت خلاص كل حاجه راحت..
انس....ربنا كبير وصدقيني لازم يجي وقت وينصر المظلوم..
كارمن...يارب... وسكتت ونزلت من عنيها دمعه مسحتها بسرعه..
انس....كارمن مالك بس.احنا كنا بنتكلم
كارمن...انت عارف ان الساعه 12 لمار هتتم 19 سنه..
انس...عيد ميلادها
كارمن...ايوه هي عيد ميلادها يوم 28
انس....ادعيلها ياكارمن...
كارمن...بدعيلها
فاللحظه دي...رن تليفون انس...
انس......عادل باشا رقمك منور موبايلي..
عادل...ازيك يا انس...
انس....بخير يا عمي الحمد لله انت عامل ايه
عادل...انا بخير بس كنت عايزك في حاجه كده..
انس...أؤمورني
عادل....مش هينفع فالموبايل انت فين وانا اجيلك...
انس...انا كنت رايح عالقسم...عندي نبطشيه...خير في حاجه ولا ايه..
عادل....هجيلك علي هناك خير متقلقش دي حاجه تخصني..
انس...خلاص انا ساعه بالكتير واكون هناك..هستناك.
عادل...تمام وانا كمان ساعه واكون عندك.
انس....ماشي يلا سلام..
عادل...سلام....
كارمن....انت هتمشي..
انس...اه همشي...صدعتك ورغيت كتير انهرده اسيبك بقي ترتاحي شويه...
كارمن...طب ليه خليك شويه وبعدين انت مش صدعتني ولا حاجه انت سلتني اصلا انا مش متعوده اعد لوحدي كده حاسه بزهق وملل فظيع..
انس...عشان شغلي ياكارمن...مش هينفع اتأخر وبعدين...عم دياب عايزني..
كارمن...بزعل طيب.
انس...بلاش زعل هجيلك بكره...وهفضل معاكي فالموبايل ومل ما اكون فاضي هكلمك...وليكي عليا بكره يا ستي انا اجازه ايه رايك اخدك اخرجك شويه..
كارمن...تخرجني لا لا مش عايزه اخرج. اخاف بابا يشوفني او اي حد من طرفه.
انس...اولا احنا هنا بعيد عنه اوي ثانيا بردو مش هنخرج هنا انا هاخدك مكان بعيد متخافيش...وثالثا وده الاهم مينفعش تخافي وانتي معايا اتفقنا..
كارمن...بابتسامه اتفقنا....
مسك انس..ايدها باسها...ومشي..
اما كارمن...فا راحت علي موبايلها تشوف صور لمار...وهي بتعيط...
وصل انس...شغله....وراح لقي عادل مستنيه...سلم عليه ورحب بيه....وحكاله عادل كل حاجه...
انس..طيب معاك رقم موباياه..
عادل...للاسف لا..
انس...الخط ده باسم مين...
عادل...باسمي...كل الخطوط بتاعتنا باسمي انا وعاصم..
انس...حلو جدا...خلاص سبلي بقي انا الحوار ده وانا هجيب الرقم وهعرف مين الواد ده وطبعا لو تسمحلي يعني...اني انزل حد يراقب كل خطواتها..
عادل...معنديش مشكله.
انس...تمام يبقي اتفقنا. ومتقلقش سبلي كل حاجه وانا هجبلك كل حاجه لحد عندك...بس المهم تخلي ريناد تبعد بقي عن الحوار ده عشان متتأذيش.. وطيعا ياسمين كده كده بعيد...وحضرتك الكام يوم الجايين دول حاول خليك اهدي عشان تديك الامان
عادل...تمام ماشي يا انس.انا هسيبك بقي لشغلك...ولو احتجت مني اي معلومه كلمني.
انس...تمام...
وصل دياب ولمار...الموقع بتاعهم...
لمار....علي اد ما كنت بكره المكان ده..علي اد ما وحشني..
دياب...انتي اللي وحشتي المكان..
ابتسمت لمار بخجل...
دياب...رفع وشها ليه...وفضل باصص لها..
حست لمار انها تاهت في عينه..وحست باستسلام....قرب منها دياب براحه...ونزل علي شفايفها. براحه..طبع بوسه عليهم بطريقه مثيره خلت لمار بقت في دنيا تانيه ومتقاومهوش...بعد دياب. عنها....
دياب.....بحبك..
لمار....هتتعب.
دياب...موافق.
لمار....ويمكن تتوجع.
دياب...مستحيل..عشان مفيش حاجه هتاخدك مني..
لمار...ولو حصل..
دياب....مش هينفع يحصل...عشان هتتكلمي.
لمار...مش هقدر..
دياب...هتقدري.
لمار....حاولت بس مقدرتش..
دياب...لو حبتيني زي ما بحبك هتقدري.
لمار....انا بين نارين يادياب...ونار فيهم هي امي...ومستحيل اضحي بيها..
دياب...محدش قال ضحي بيها بس هي لو قادره تتكلم مكنتش سكتت..
لمار...عارفه ولاول مره احمد ربنا انها متكنش بتتكلم..
دياب....صدقيني مش هسيبك. ولو انتي استسلمتي انا مش هستسلم...
لمار...هتضيع وقت..معايا
دياب...مستعد اضيع عمري مش وقتي بس.
لمار...بس اناخايفه عليك كفايه عليا وجع امي وكارمن .
دياب...كان محاوط لمار بايده وتقريبا مفيش حاجه فاصله بينهم.. طيب نتفق اتفاق..
لمار...ايه...
دياب...انا مش هسألك عالسبب وهسيبك براحتك...وخليني انا وانتي نعتبر الايام اللي هنقضيها مع بعض في خلال العمليه دي...اخر ايام لينا فالدنيا...اطلعي من الانتي فيه خاولي تنسي كل حاجه وحشه في حياتك...افتكري بس انك معايا ولو انتي شايفه ان الايام اللي بتقضيها دي مجرد ايام. فايه المانع انك تقضيها بطريقه حلوه...ومفيهاش غير حب وبس...وساعتها ياستي لما كل حاجه تخلص...نبقي نشوف هتقدري تسبيني وتفضلي تضحي ولا لا وتفكري في كارمن اللي انس بيقول ان حياتها متدمره بسببك وبسبب اللي حصلها...وتفكري في امك هتسبيها لمين....وبعدين مش يمكن ربنا يخلي حاجه كبيره تحصل...تتكلم مثلا وتخرجي من الانتي فيه ده وتبقي حت من عند ربنا.....بس عموما في كل الاحوال عايزك تعرفي حاجه مهمه اوي...
لمار....ايه هي..
دياب...زي ما انا مسبتكيش تروحي تقابلي الراجل..وطبعا انتي مش متخيله انا عملت ايه ومش متخيله يعني ايه اغير خطه بتاعت دوله وناس كبيره اكبر مني انا بكتير. اعملي حسابك اني مش هسيبك للاستسلام اللي انتي فيه...انتي بتاعتي وملكي ومحدش هياخدك مني ولا حتي الموت...اتفقنا..
لمار...مش عارفه ترد عليه ودموعها نازله...
دياب...اتفقنااااااااا
ابتسمت لمار غصب عنها...
دياب...لفي بلا اديني ضهرك..
لمار...نعم...
دياب...ايه بقولك اديني ضهرك..
لمار...هتعمل ايه
دياب...انتي موقف انهرده مأثر عليكي...وخلي دماغك بقت قليله الادب. وبتقوليلي انا اللي سافل
ضحكت لمار...ضحكه جميله...ابتسم دياب...وكمل بصوت هادي ونبره صوت تجنن...يلا لفي
لفت لمار...مسك دياب شعرها كله جابه علي جمب واحد...وطلع من ايده علبه قطيفه...وحست لمار بايده بتتلف علي رقبتها...ولبسها سلسه تجنن..علي شكل ماسه
وقرب من ودنها.وحضنها من وسطها.وهي مدياله ضهرها.
دياب...كل سنه وانتي ومعايا وفحضني يا احلي لمار شافتها عنيا....
نزلت دموع لمار وهي مش مصدقه..
لفت وبصتله..
لمار....انت عرفت ازاي
دياب...اولا اخنا اتكلمنا من كذا يوم وقولتي عيد ميلادك يوم 28 ومن قبل ما نتكلم اصلا عارف ان عيد ميلادك يوم 28 انتي ناسيه ان بطاقتك كانت معايا..
بصت لمار. للسلسه ومسكتها....جميله اوي
دياب...عشان انتي لبستيها...بس..
السلسله دي مش مجرد سلسله...دي اتعملتلك مخصوص....وانا وصيت انس عليه..وخليته اداها لواحد من الرجاله اللي كانو موجودين فالفندق انهرده...
دي فيها جهاز تتبع...عشان لو حصل اي حاجه اقدر اوصلك....عشان لما نسافر افصل عارف مكانك طول الوقت السلسله دي متتقلعش من رقبتك مهما حصل مفهوم..
لمار...بفرحه...حاضر...
دياب...الوقت بقي ياستي...اتمني امنيه. نفسك تتحقق وانا هحققهالك فورا..
لمار...بفرحه.....مش عارفه.
دياب...فكري..
لمار....الامنيات اللي عندي صعب تحقيقها..
دياب...جربي..ومش هتندمي...
لمار....انا نفسي في حاجتين..
دياب...ايه الطمع ده
ابتسمت...لمار...مش قولت هتحققلي اللي انا عيزاه..
دياب...انا قولت واحده. بس يلا خليها عليا المهم ايه هما..
لمار....عايزه اشوف ماما وكارمن...من بعيد..
ابتسم دياب بوجع...
طيب بصي هنتفق اتفاق...ممكن كارمن لاكن مماتك صعب لانها في مستشفي ووسط ناس...هيكون دخولنا صعب والعين هتكون علينا خصوصا بعد محاوله قتلها العين عليها واكيد هتبقي علينا...فا دي خليها وقت تاني ...لاكن كارمن ممكن بس مش عارف نعملها ازاي...
لمار....انا هقولك الطريقه...
دياب... قوليلي.