قصة يتيمتى
البارت السابع7
بقلم شذى المكرم
الصباح لمن فتحت عيوني بحاول اتذكر الحصل شنو امس فجأة قومت قعدت في نص السرير لمن اتذكرت انو انا كنت نايمة في الصالة وهسي انا في غرفتي وامس نومت في رجل سليم يالله يا دي الكسفة ضربت وشي بأيدي فجأة اتذكرت المدرسة قومت سريع وجريت غرفة سليم لقيت تلفونو في الشاحن عاينت للزمن لقيت انو اتأخرنا
ملك: سليم اصحى سريع الزمن فات . حلف كم يقوم جيت جريتو من ايدو
ملك: سليم يااخ قوم اتأخرنا . فتح عينو وحدة
سليم: الساعة كم
ملك:....... . قام سريع وقف
سليم: كلو بسببك . عاينت ليهو بأستغربت بمعنى كيف يعني بسببي نكش لي شعري نزلت ليهو يدو سريع
ملك: سليم ياااخ
سليم: منكوشة كيف . ضحك ودخل الحمام وانا جريت دخلت الحمام واتجهزت سريع وجريت المطبخ اعمل الشاي بعد خلصت سليم خلص وطلع من غرفتو كبيت الشاي كدا بس سمعت صوت الترحيل وصل
ملك: اااخ جزمتي ما لبستها ما بقدر اشرب . قومت ماشة على الغرفة
سليم: تعالي اشربي الشاي حقك بكلم الترحيل انو حأوصلك انا . وقام طلع رجعت المطبخ كبيت بسويت وطلعت لقيتو رجع وقعدنا شربنا الشاي بمزاج وخلصت لبس وجهزت شنطتي وشيلتها وطلعنا
سليم: دا الانذار التاني
ملك: بخصوص شنو
سليم: التأخير المرة التالتة تخلي المدرسة . ضيقت ليهو عيوني
ملك: بس بسببك انت
سليم: عملت شنو انا
ملك: ما صحيت سريع
سليم: حسستيني انو صحيت بعد خمسمية ساعة
ملك: لالا بعد يومين
سليم: لا ما شاءالله بقينا نعرف نحكي
ملك: ههههه بقيت ما بخاف منك
سليم: لا يستحسن تخافي
ملك: اوكي . وصلني المدرسة ونزل معاي
سليم: ماشي للمدير
ملك: ليه
سليم: عشان تاني لمن تتأخري تتعاقبي لانو كدا ظلم لباقي الطلبات
ملك: تاني ما بتأخر بس ما تمشي للمدير
سليم: يا بت امشي فصلك سريع . مشيت وانا خايفة انو سليم يكلم المدير بالجد دخلت فصلي......
________
للمرة التانية ملك تتأخر عن المدرسة ووصلتها عجبتني جملتها انو بقيت ما بخاف منك ودا الانا عاوزو ما عاوزها تخاف مني ابدا عاوز اديها الامان مشيت للمدير قولت ليهو انو حأوصل ملك معاي الصباح بس ترجع بالترحيل ما عارف الخلاني اقول كدا شنو بس بالفعل وافق ومن هناك مشيت الشغل.....
_______
بعد الدوام رجعت البيت مع الترحيل والحمدلله الغدا جاهز من امس غيرت ملابسي ونومت صحيت بعد العصر لقيت سليم رجع من المكتب سخنت الاكل بس ورصيتو بعد الغدا
ملك: سليم انت قولت للمدير شنو
سليم: اشتكيتك بس
ملك: ليه عملت كدا
سليم: حتحاسبيني يعني
ملك: لالا . زعلت من تصرفو دا وهو ما عبرني حتى طوالي دخلت غرفتي وقعدت اراجع دروسي وهو لمن يحتاج حاجة بناديني الصباح مشيت صحيتو وبحاول اتجهز سريع عشان ما اتأخر على الترحيل بعد خلاص جهزت الشاي
سليم: ملك تعالي . مشيت ليهو في الغرفة
ملك: نعم
سليم: الطقم الطلعتيهو دا ما عاجبني جهزي لي واحد تاني . حسيتو كأنو داير يأخرني بس
ملك: ليه حلو اهو
سليم: قولت ليكي ما عاوزو
ملك: تمام . طلعت ليهو واحد تاني . وماشة على غرفتي عشان ارتب جدولي
سليم: ملك تعالي
ملك:نعم
سليم: اختاري لي ساعة مناسبة
ملك: سليم ما ممكن انا اتأخرت والترحيل حيجي هسي
سليم: ودا اهم مني . ورفع لي حاجبو
ملك: لالا . مشيت اخترت ليهو
سليم: شكرا . من الزعل ما رديت ليهو ومشيت جهزت شنطتي ولبست جزمتي حسيت كأنو الزمن اتأخر بس كمان الترحيل ما وصل للان
ملك: سليم الساعة كم
سليم: .......
ملك: الترحيل اتأخر
سليم: ما حيجي اصلا . قلعت عيوني
ملك: ليه
سليم: عشان انا حأوصلك الصباح يومي بس حترجعي مع الترحيل . ابتسمت ابتسامة عريضة من الفرح
ملك: بالجد
سليم: ايي كدا كيف معاكي
ملك: حلو شديد عشان ما استعجل كل يوم بس ما حيتعبك انت
سليم: لالا لانو في طريقي ويلا خلينا نطلع . بالفعل طلعنا وبقى كل يوم يوصلني لمن جا الجمعة وماشين بيتهم وصلنا هناك وطبعا الامة الاسلامية كلها قاعدة وكالعادة عمتهم وبناتها بعاينو لي بطريقة كأنو قاتلة ليهم زول بس العسل فيهم سلمى وعمتو نادية قاعدين قبل الغدا جات سلوى وبتصرخ
سلوى: تلفوني ما لقيتو
نادية: كدا شوفيهو كويس ما تصرخي كدا
سلوى: يا امي شوفتو كويس ما لقيتو اكيد زول شالو . وبتعاين فيني
نادية: حيشيلو منو بس استهدي بالله
سلوى: بتشيلو الما عندها ذيو . ولسع بتعاين فيني
سلمى: قاصدة منو انتي
سلوى: مرت اخوكم دي
ملك: بس انا ما شيلتو
سلوى: شيلتيهو انتي بس قبيل قولتي انو حلو وعجبك اكيد ختيتي عينك فيهو
ملك: بس انا ما حرامية . ودموعي نزلو
عمتهم فاطمة: كان تقولي دايراهو بس ما تشيليهو
ملك: بس انا ما شيلتو والله صح علقت فيهو بس انا ما حرامية
نادية: يا ناس دا كلام شنو ما تتهمو ملك ساي
سلمى: اي ما تتهموها وانتي شوفي محل جدعتيهو وين . قامت تتكلم بصوت عالي لمن الرجال جو
سليم: مالكم الحاصل شنو
سلوى: مرتك المصونة سرقت لي تلفوني . كلهم عاينو لي بصدمة وانا ببكي بس
سليم: ملك!!!!
ملك: سليم والله ما سرقتو انا . وانا ببكي بس
سليم: سلوى انتي لقيتيهو معاها؟ . سكتت
سلمى: هي ما لقت حاجة جاية تتهم ساي بس
سلوى: اصلا ماف زول بسرق غيرها هنا
سليم: سلوووى احترمي نفسك . الناس كلها سكتت وانا ببكي بس
ملك: سليم والله ما شيلتو انا
سليم: عارفك ما شيلتيهو
فاطمة: هسي يا بتي دي عملة تعمليها السرقة حاجة ما كويسة
. اثناء كلامنا جا حمودي ولد رندا وشايل التلفون
حمودي: عمتو هاااا . وبمد التلفون لسلوى فجاة الناس كلها سكتت لانو التلفون طلع مع حمودي بلعب بيهو
سليم: دا موش الزفت حقك ولالا . ما ردت
سليم: بتكلم معاكي دا هو ولا ما هو . وكان معصب شديد
سلوى: هو
سليم: اعتذري منها سريع
سلوى: انا اسفة . ودخلت جوا وانا ببكي بس
سليم: ملك قومي خلينا نرجع البيت
نادية: مالكم يا ولدي اتغدو
سليم: بنتغدا في بيتنا احسن من انو تهينوها لي اكتر هنا قومي شيلي حاجاتك . حاولو يهدوهو بس ما قدرو انا شيلت شنطتي وطلعنا وطول الطريق ببكي بس لمن وصلنا
سليم: ما تبكي خلاص
ملك: والله انا ما حرامية
سليم: عارف و اهو ظهر الحق ما تبكي خلاص معليش . قعدت شوية وهديت
سليم: وما اتغدينا يا للاسف . ضحكت
سليم: ايي اضحكي كدا
ملك: اشوف في شنو بتعمل وبعمل الغدا
سليم: تمام . دخلت المطبخ عملت حاجات خفيفة واتغدينا ومرا اليوم الشؤم دا بس نهائي ما حأنساهو لانو المواقف السيئة عمرها ما بتتنسي....
غلبني الشعور، فبكيت من أعماقي . 😭💔