قصة محاولة تجاوز
البارت الرابع4
بقلم شذى عبد المكرم
طلعنا على المستشفى كنت طول الطريق متوترة شديد
اريج: هو دايما بقع كدا ولا دي اول مرة
مهتدي: اول مرة وقع لمن ظهر ليهو السكري وتاني مرة قبل فترة كدا واهو الليلة
اريج: المرة التانية لمن وقع الدكتور قال ليكم شنو
مهتدي: قال ما قاعد يواظب في الادوية وما بلتزم بالتعليمات وانتي عارفة الهادي
اريج: اي صح عنيد . وصلنا المستشفى لقينا هادية وعمتو مريم ومهدي
اريج: اها الهادي كيف
هادية: ادوهو انسولين لسع ما صحى لانها كومة سكري . مشيت لعمتو كانت بتبكي
اريج: عمتو سلامة الهادي
مريم: الله يسلمك بتي
اريج: ما تبكي الهادي حيكون كويس ان شاءلله
مريم: ان شاءلله . قعدت جنبها بهديها شوية والممرضة قالت لينا الهادي صحى قومنا كلنا مشينا ليهو
مريم: خوفتنا عليك
الهادي: انا كويس
مهدي: ياااخ انت مالك داير تموت نفسك ولا شنو ورينا بالواضح بس. . طبعا هاج شديد الا مهتدي سكتو
مهدي: دا شنو دا ياااخ عارف نفسك عندك سكري مالك ما بتتبع التعليمات شافع انت هااا لو شافع قول عشان نحنا نتصرف
مريم: مهدي خلاص ما شايف حالة اخوك
اريج: مهتدي سوق مهدي خلي يروق اعصابو
مهدي: اصلا حالتو دي كلها بسببك انتي وهسي جاية عشان تشمتي فيهو
اريج: ما حاسألك لانك تعبان
مهدي: تسأليني شنو بالله وحدة وما عندها ضمير تقتلي القتيل وتمشي على جنازتو
مهتدي: مهدي تعال معاي . ساقو غصب وطلعو برا كلامو وجعني شديد
مريم: ما تزعلي يا بتي اكيد ما قاصد . هزيت ليها رأسي
هادية: مهدي احمق وانتي عارفاهو يا اريج
اريج: ما زعلت منو دا من خوفو على اخوهو التفت على الهادي كان باين عليهو التعب
اريج: حمدلله على سلامتك
الهادي: الله يسلمك ومعليش على كلام مهدي
اريج: لالا عادي يلا انا بستأذن
مريم: حيا يا بتي ارجعي معانا ومهتدي يوصلك
اريج: لالا احسن ارجع
الهادي بالراحة: نينا خليكي. . ما قدرت اكسر بخاطرو وهو في الحالة دي سكتا ساي شوية كدا وخرجونا مشيت معاهم البيت طبعا الهادي قاعد في بيت ابوهو من اطلقنا بطلب من امو قعدت شوية كدا ووصلني مهتدي البيت في الطريق
مهتدي: اريج عليك الله ما تزعلي من مهدي قبيل
اريج: عارفة انو كان خايف على اخوهو
مهتدي: شكرا لانك اتفهمتي
اريج: عادي بعد دا اهتمو ليهو بأدويتو بس
مهتدي: ان شاءلله
اريج: اها ندى كيف
مهتدي: كويسة قربت على الولادة
اريج: ربنا يتم ليها على خير
مهتدي: ان شاءلله . طبعا مهتدي متزوج مرتو اسمها ندى وحاليا مع امها مشت للولادة في عطبرة وقربت خلاص
وصلني البيت ودخلت وطبعا الزمن اتأخر لقيت البيت كلو قاعد
ابوي: اها الهادي بقى كيف امك كلمتني
اريج: هسي كويس الحمدلله
ريان: جيتي مع منو لانو تلفونك هنا ما عرفت انتي وين
اريج: وصلني مهتدي
ريان: ايوااا . قعدت معاهم شوية وسألوني عن صحتو وكدا واتونسنا ومشيت نومت الصباح اتصلت على هادية صبحت عليها وسألتها من حالة الهادي قالت كويس اخيرا اطمنت عليهو
بعد يومين جا يشوف اولادو
اريج: بقيت كيف
الهادي: الحمدلله. . ما كتر معاي ابدا وانشغل باللعب مع اولادو
تامر: بابا عاوز ايسكريم
الهادي: جدا نينا لبسيهو ولبسي تالا
اريج: حتأخدهم برا
الهادي: ايي
اريج: تمام. . قومت لبستهم وجيبتهم
تامر: ماما ورح معانا
اريج: المرة الجاية حبيبي
تامر: ماما يااخ ورح
الهادي: ما بنتأخر كتير وممكن اخد ليكي اذن من الحاج
اريج: تمام. . مشيت البس وهو كلم ابوي وطلعنا اشترى لينا ايسكريم لمن جا يديني رفضت
اريج: انت ما ملزوم بي عشان كدا ما عاوزة
الهادي: بقت كدا
اريج: هي اصلا كدا . خلى الايسكريم في محلو ولا اتناقش معاي نهائي شوية وجات وحدة كدا
البت: عبد الهادي . وقف وعاين ليها
الهادي: نور ما مصدق ابدا
نور: وين الزمن بيك
الهادي: والله قاعد بس الدنيا جارية بينا
نور: الدنيا دي انتهت منك عديل
الهادي: والله تقولي شنو
نور: زمان كنت مكسر نص بنات الدفعة هسي خلاص. . وقامو يضحكو طبعا انا الغيرة قتلتني
نور: ما عرفتنا
الهادي: مع الونسة نسيت. . بقلبي اريتو نسيان دايما
الهادي: طبعا ديل اولادي تامر وتالا ودي امهم اريج
نور: حلاتهم ما شاء الله ربنا يخليهم ليك ازيكم يا حلوين
الهادي: سلمو على عمتو. . سلمو عليها ومدت لي ايدها
نور: اهلين كيفك
اريج: تمام الحمدلله وانتي
نور: ماشي الحال
الهادي: طبعا يا اريج دي نور كانت زميلتي في الجامعة
اريج: اتشرفنا
نور: لي الشرف
الهادي: وانتي ما اتزوجتي
نور: كنت قافلة عليك بس خزلتني ههههههه. . قامو يضحكو الاتنين انا بعد كلامها دا كأنو اجيبها من شعرها البتجدع بيهو دا
الهادي: معليش يااخ هههههه اتفضلي اقعدي
نور: ماف مانع يعني
الهادي: لالا عادي. . قربت اقول ليها ما تقعدي بس قعدت التقول اخنقهم الاتنين قعدت شوية كدا ومشت
الهادي: نمش
اريج: تمام . طبعا من بعد رفضت الايسكريم ما اتكلم معاي خليناهو في الطاولة لمن ساح طول الطريق كنا ساكتين وهو ببتسم ساي قال لتامر
الهادي: تامر عمتو نور ظريفة صح
تامر: ايي ظريفة وحلوة
الهادي: صح كلامك. . كأنو ناوي يغيظني بس بالفعل نجح ودبرس بي لمن وصلنا نزلنا وهو فات دخلت البيت امي شافتني منزعجة كدا
امي: مالك قالبة خلقتك كدا
اريج: ماف حاجة تعبانة بس
امي: ايوااا. . ومشيت الغرفة قلعت للاولاد ملابسهم وغيرت وقعدت افكر في الحصل قبيل ما باقي لي الا ابكي بس شدة ما كنت زعلانة وغيرانة وخلاص ضاق بي طوالي نومت من الزعل......
قمة الإرهاق : أن تتقمص دور اللامبالي و أنت تتابع تفاصيل التفاصيل....😔💔