قصة يتيمتى
البارت الرابع4
بقلم شذى المكرم
بعد الاسبوع الهادي دا في يوم الصباح مشيت لسليم صحيتو للشغل دخل الحمام وانا جهزت الشاي لمن اتجهز وطلع يشرب الشاي
ملك: اتفضل . شال الكباية وكنت ماشة
سليم: ملك تعالي . رجعت ليهو ووقفت قدامو
سليم: حتفضلي واقفة كدا اقعدي . قعدت في الكرسي الجنبو مع انو الكرسي القاعد واسع بشيلنا الاتنين بس لسع في خوف مني اتجاهو
سليم: دا اتكلم معاكي في موضوع مهم
ملك: اتفضل . جات الف فكرة في رأسي واول واحد الفكرتو فيهو انتو ذاتكم
سليم: داير ارجع اسجل ليكي في المدرسة . اصلا ما اتوقعت ولا ختيت في بالي انو يقول لي كدا نططت عيوني وقومت من محلي ومشيت عليهو
ملك: احلف حتخليني اواصل قرايتي . خلعتو بحركتي طبعا رفع لي حاجبو
سليم: خليني اتم كلامي بالاول . بالراحة رجعت الكرسي الكنت قاعدة فيهو
ملك: اسفة
سليم: بس عندي شروط الاول
ملك بلهفة: موافقة عليها كلها . ابتسم على لهفتي الشديدة دي بس تاني رجع لوضع الجدية
سليم: موافق تواصلي قراية بس لو قصرتي في وحدة من واجباتك الزوجية حأخليكي توقفي وتاني حاجة ما يعني واقفت على قرايتك تفكري انو نظرتي ليكي اتغيرت يعني انتي حالك وانا في حالي تمام
ملك: تمام موافقة . حلمي الوحيد كان اكمل قرايتي واهو حأواصل محل وقفت الحمدلله كنت فرحانة شديد لمن بكيت
سليم: سريع قبل اخلص الكباية القاكي اتجهزتي عشان نسجل ليكي لو اتغيرتي حأمشي اخليكي
ملك: والله ما حاتأخر . جريت الغرفة سريع قفلت الباب بقيت انطط من الفرح تاني اتذكرت سليم دخلت سريع لبست وطلعت ليهو شايلة طرحتي وشنطتي في ايدي
ملك: جاهزة
سليم: لفي طرحتك دي . لفيتها وطلعنا طول السكة ساكتة بس مبتسمة لمن وصلنا طبعا مدرسة خاصة دخلنا للمدير واتكلم معاها
المدير: بس السنة الدراسية عندها شهرين من بدت هل بتقدري تواصلي معانا
ملك: بقدر ما عندي مشكلة
المدير: مدام كدا تمام يا بتي
سليم: وموضوع الترحيل
المدير: الترحيل حسب السكن وبنختار ليها الترحيل المناسب
سليم: تمام
المدير: حتجي استاذة هسي تمشي معاها تختاري زي مدرسي قدرك لانو موحد
ملك: تمام
المدير: تحبي تتمي اليوم معانا ولا تداومي بكرة . التفت على سليم اشوف رأيو
سليم: انتي حابة شنو
ملك: اواصل معاهم اليوم
سليم: تمام . وطلعنا وكانت معانا الاستاذة الحتختار معاي اللبسة
ملك بهمس: سليم
سليم: نعم
ملك: ما بعرف وصف البيت بالضبط
سليم: امشي مع الاستاذة وانا بكلم المدير البيت بالضبط
ملك: تمام باي
سليم: اوعى تنسي الكلام الفي البيت
ملك: ما نسيتو باي
سليم: باي . اداني نسخة من مفاتيح البيت ومصاريفي و مشيت مع الاستاذة ودتني الفصل الحأواصل فيهو ودخلتني
الاستاذة: نهاية الدوام حنختار الزي تمام
ملك: تمام . مشيت قعدت في اقرب مقعد فاضي والفصل كان مكيف بطريقة حلوة عمري كلو ما اتوقعت انو اقرأ مدرسة خاصة نهائي عجبني البيئة في بت كانت جنبي مدت لي يدها
هند: انا هند . صافحتها
ملك: وانا ملك . اتعرفنا وكانت ظريفة شديد ومضحكة طلعنا الفطور مع بعض وعرفتني على المدرسة ونظام
هند: شوية شوية حتتعودي
ملك: ان شاءالله
نهاية اليوم مشيت مع الاستاذة واخترت الزي البناسبني وعبارة عن فستان طويلة بدون اكمام ومعاهو قميص اياديهو طويلة وادتني الكتب وكنت قسم علمي استغربت لانو في المدرسة الحكومية ماف كتب وكدا اخدتهم ومشيت للمدير ومشيت معاهو للترحيل المناسب ووصف ليهو البيت بالضبط ركبت الترحيل ووصلني البيت وكلمني بمواعيد الطلوع الصباح ودخلت البيت ختيت الحاجات وكنت بلف وبنطط مبسوطة شديد للان ما مصدقة كأنو هسي حأصحى من الحلم دا مشيت طلعت ملابسي وبديت بواجباتي التانية عشان ما اغضب سليم ويوقفني من الدراسة شديت الغدا وجيت نضفت البيت تاني مع انو نضيف بس حماس كدا وبخرتو ومشيت غسلت الزي المدرسي حقي وتميت الغدا العصر سليم رجع من المكتب دخل البيت عاين فيني بس
سليم: السلام عليكم
ملك: وعليكم السلام . وطوالي دخل غرفتو اتوقعت حيسألني من يومي كيف بس خاب ظني بس ما مشكلة مشيت اديتو موية وعصير ورجعت غرفتي وجيبت الكتب ختيتهم قدامي وبعاين فيهم طبعا ما عندي كراسات ولا حتى اقلام الوحيد العندي ليهم الكتب بس لمن زمن الغدا جا رصيتو ومشيت ناديتو واتغدينا برضو خشمو ما فتحو معاي المغرب لقاني بشاهد في التلفيزيون لانو ما عندي حاجة اعملا
سليم: قومي . استغربت فيهو قومت فوق
ملك: نعم
سليم: البسي عبايتك نمشي نتم ليكي باقي الحاجات
ملك: تمام . ومشيت غرفتي يداب الدنيا قاعدة تضحك في وشي وطلعنا بالعربية ومشينا اقرب مكتبة
سليم: شيلي العاوزاهو انا واقف برا . وطلع خلاني وقفت ما عرفت اعمل شنو واشتري شنو جاني واحد من البشتغلو في المكتبة وطبعا المكتبة كبيرة اول مرة ادخل وحدة ذي دي
الشاب: اساعدك عاوزة شنو
ملك: ااااا عاوزة كراسات وقلم حبر
الشاب: عاوزة كم كراسة
ملك: اااا ما عارفة
الشاب: كيف يعني . طبعا رأسي شطب خلاص قربت ابكي ما عارفة اعمل شنو
الشاب: الزول الواقف برا دا معاكي . هزيت ليهو رأسي مشى ليهو اتكلم معاهو وانا شايفة من الزجاج شوية وجا سليم داخل
سليم: انتي يا بت هبلة ما تعرفي تعملي حاجة . طوالي بكيت
ملك: ما عرفت
سليم: انتي حياتك كلها بكي امسحي دموعك سريع . مسحت دموعي قبل ما يضربني هنا لانو اتعصب
سليم: تعالي قدامي . مشيت معاهو تاني جا نفس الشاب داك تاني
سليم: ممتحنة تالت عاوزين ليها متلزمات مدرسية
الشاب: تمام عاوزين شنو بالضبط
سليم: اول حاجة حقيبة مدرسية ودستين كراسات ومقلمة كاملة مكملة ودفاتر
الشاب: تمام . ومشى وجا بعد شويه شايل كمية حاجات
الشاب: اختاري العاجبك . طبعا الحاجات رهيبة انبهرت بيها وسليم ساعدني واختار معاي وشال لي كمية حاجات وحدات بحتاجها ووحدات احتياطي خلصنا سليم حاسب ورجعنا البيت دخلت الحاجات الغرفة وكبيتهم في السرير كنت مبسوطة بيهم شديد قعدت افرز فيهم باب الغرقة ضرب
سليم: عاوز قهوة
ملك: اوكي . مشيت عملت ليهو قهوة لو كان قال عاوز روحي كان اديتو لانو مبسوطة اديتو القهوة وتاني رجعت الغرفة وجلدت الكرسات ودخلت جزء جوا الحقيبة الجديدة ودخلت مقلمتي وجهزت الحقيبة بالكامل ومشيت جيبت الزي المدرسي وكويتو وكنت جاهزة لبكرة كنت متحمسة شديد
"وإني أؤمن أن الله لا يدع ثقال الأيام تدوم، عُسرًا ثم يُسرًا ثم سرور."😴💛