قصة يتيمتى
البارت التاسع عشر19
بقلم شذى المكرم
قعدت مع العائلة جاتني بت كدا قعدت جنبي
البت: كيفك انا بت عم سليم اخت العريس اسمي همسة
ملك: وانا ملك اتشرفنا
همسة: عظيم الشرف ما شاءالله عليكي
ملك: تشائي الخير حبيبتي
همسة: ما شاءالله سليم عرف يختار . قاطع كلامها حبوبة قامت نادتها مشت ليها وقعدت اعاين بس شوية كدا همسة جابت لي صينية
همسة: قومي غسلي عشان تأكلي
ملك بالراحة: وسليم اكل
همسة: هههههه ما تخافي ودو ليهو قبل شوية
ملك: تمام . وقومت معاها مشيت معاها عشان اغسل يدي طبعا بيتهم كبير شديد عندهم حوش كبير كدا غسلت ورجعت جو بنتين قعدو يأكلو معاي وطبعا ما بعرف زول منهم عشان كدا ساكتة ساي وهم يعاينو لي يتهامسو ما اشتغلت بيهم لمن انهيت ومشيت غسلت يدي واتصلت على سليم اديتو غيار ولقيت همسة
ملك: في حاجة اساعد فيها
همسة: انتي جيتي تعبانة من السفر امشي ارتاحي
ملك: لالا عادي بساعدكم
همسة: مدام كدا تعالي اتونسي معانا في المطبخ
ملك: تمام . مشيت معاها المطبخ في كمية بنات قعدت معاهم
وحدة كدا: انتي زوجة سليم
ملك: ايي
وحدة تانية: انتي الخليتيهو يخرب نظام الاسرة
ملك: اي نظام
نفس البت: ماف زول بطلع بتزوج برا الاسرة بس سليم عملا . " يداب عرفت السبب البخليهم ما متقبليني "
ملك: ما كنت عارفة نظامكم دا
وحدة: بس ليهو الصراحة يشوف برا ما شاءالله عليكي حلوة
ملك: تسلمي . واتونست معاهم او بالاصح هم بتكلمو وانا مرات بس بشاركهم لحدي ما سليم اتصل علي
سليم: قاعدة تعملي شنو
ملك: قاعدة اتونس مع البنات بس
سليم: عملتي ليكي صحبة
ملك: اي
سليم: لا كويس يعني ما اخاف عليكي
ملك: لا ما تخاف
سليم: اوكي تمام حبيبتي . اول مرة يقولا لي ما بتشوفو كنت مبسوطة كيف بتفصل ساي
ملك: تمام باي
سليم: باي . قفلت وقعدت ابتسم ساي واصلت ونسة مع البنات جات وحدة قالت حبوبة عاوزة موية عشان الدواء حقها
ملك: خليني انا بوديهو ليها . شيلتو منها عشان عاوزة اتعامل مع حبوبة لانو شايفاها ما متقبلاني كدا شيلت الموية وديتو لحبوبة عاينت لي كدا
حبوبة: موش انا رسلت علا
ملك: اي بس انا شيلتو منها وقولت اجيبو ليكي
حبوبة: حي يا بنية برضو ما حأحبك كدا . جرحني كلامها
ملك: ليه يا حبوبة
حبوبة: لانو انتي ما الاسرة وما بعرف تربيتك هسي لو اتزوج بت بتي كان احسن ليهو . وبلعت حبوبها ورقدت خلتني بلعت كلامها بس وطلعت برا مشيت الغرفة طبعا ما معاي زول فيها بالليل اتصل لي سليم قعدت اتكلم معاهو كدا تقريبا نص ساعة في النهاية قال لي
سليم: تعالي خليني اشوفك
ملك: مستحيل طبعا
سليم: دقيقتين بس
ملك: ولا نص دقيقة داير تعمل لي مشكلة
سليم: بس انتي مرتي
ملك: حتى لو ويلا عالنوم
سليم: اوكي خلاص تصبحي على خير حبيبتي
ملك: والله من اهل الخير حبيبي . وقفلت سريع عشان ما يشغلها لي ونومت الصباح بدري طلعت عشان اساعد البنات في الشاي ما خلوني اعمل شي بس رصيت ليهم الكبابي
ملك: همسة انتي بتكبي السكر جوا؟
همسة: ايي لشنو
ملك: سليم ما بشربها كدا
همسة: حيا وعملتو كدا
ملك: اديني براد صغير لو في
همسة: دقيقة اجيبو ليكي
ملك: تمام . ومشت جابتو لي وشالت الشاي ودتو للرجال ورجعت لي عملتو بالطريقة بالبحبها سليم واتصلت ليهو
ملك: صباح الخير
سليم: صباح النور
ملك: اها شربت الشاي
سليم: لالا لانو عاملين فيها سكر جوا
ملك: عارفة انك ما حتشربها عشان كدا جهزت ليك حقك تعال الباب النص شيلو
سليم: تمام . كبيتو في صبارة صغيرة وشيلتو ليهو لقيت واقف اديتو
سليم: كنت حاسس انو حتذكريني
ملك: هههههه ابو الاحساس
سليم: ماف زول ما بحس بقلبو
ملك: سليم قفل وامشي بلاش فضايح ههههههه
سليم: هههههه تمام . ومشى وانا رجعت بهناك شربت معاهم الشاي . قضيت اليوم معاهم وطبعا وصلو يسرى ومصطفى وجا المغرب وكانت حنة العريس بالدلوكة وكانت حلوة والاغاني شعبية بس حلوة
ملك: سليم ارح احننك
سليم: جادة انتي
ملك: جادة والله
سليم: اوكي ارح . مشينا وقعدت حننت ليهو ايدو وحدة طبعا بنات اعمامو بشوفو فينا ساي كأنو ما عاجبهم بعد حننت هو جاتهو مكالمة زح من الزحمة عشان يقدر يتكلم كويس واحد من اولاد عمو لسليم جاني
وليد: ممكن تحنيني يا ملوك . وطبعا نظرتو كانت ما عاجباني ابدا
ملك: في كمية بنات قاعدات تحنن امشي لاي وحدة فيهن
وليد: بس عاجباني انتي . اتخيلو التافه رفعت ليهو حاجبي
ملك: عفوا
وليد: قاصد عاجبني الطريقه الحننتي بيهو سليم عاوزك تعملي لي نفس الشي . وكان بعاين بطريقة مقرفة دايرة ارد جا سليم
سليم: الحاصل شنو عاوز شنو يا وليد
ملك: قال عاوزني احننو وانا قولت ليهو في وحدات كتار قاعدات وكان ماشي
سليم: ايواااا معليش يا وليد بس انا مانع ملك من انو تحنن زول غيري
وليد: لالا عادي وهي ذاتها قالت نفس الكلام . ومشى
سليم: ما يكون ضايقك
ملك: لالا
وخلصت الحنة على كدا واليوم التاني كان عادي بعد المغرب حدث الشي الكنت خايفة منو......
وجودك جنبي خير وسعاده وراحة لقلبي دائماً.😴❤