قصة تخطى حدود العشق
البارت الثاني2
بقلم يارا عبدالعزيز
محستش بنفسي غير وانا بقـ..ع على الأرض و بيغمى عليا
عادل كان قاعد فى الاوضة و فجأة سمع صوت كأن حاجه دبت فى اوضة ملك خرج بسرعة من اوضته راح اوضتها لاقها مغمى عليها
عادل بخوف شديد و هو بينزل يعقد جانبها على الأرض
:- ملك ردي عليا يبنتي يا رب ايه اللى حصلها
جري بسرعة على اوضته جاب فونه و رن على الدكتورة اللي جت بسرعة لانها ساكنة معاهم فى نفس الشارع
عادل بصوت عالى و هو واقف قدام باب شقته
:- مجدي انت يبني
مجدي :- ايوا يا بابا
عادل :- هات مراتك و انزل ملك اغمى عليها و الدكتورة جوا عندها
لا حول ولا قوة الا بالله العلي العظيم 🤎
مجدي بخوف :- ايه حاضر جاين أهو
دخل عادل اوضة ملك و اتكلم بخوف شديد بان على ملامحه فملك بالنسبة لعادل اغلى من امها اللي ما..تت و اللي كانت بنته هي الحفيدة المميزة و خصوصاً بعد مو..ت مامتها و سوء معاملة ابوها ليها فملك ملهاش حد غير جدها
مجدي بغضب :- عاجبك كدا جدك هيطـ..ربقها علينا دلوقتي لو عرف انك السبب فى اللي حصلها
أسر بحمقة:- انا عملت ايه يا رب انا عملت ايه كل دا عشان عايز اختار بنفسي شريكة حياتي متجبرش عليها مش انت اللي اخترت امي حد جبرك عليها متحسسونيش اني ارتكبت جريمة فى حقها
فردوس :- مش وقته الكلام دا خلينا ننزل نطمن عليها
عادل بدموع وهو بيبص لملك:- هااا يبنتي طمنيني هي كويسة ايه اللى حصلها
الدكتورة:- ممكن نتكلم برا يجدي عشان بس منعملهاش ازعاج
عادل :- حاضر يبنتي تعالي برا
خرجت الدكتورة و عادل خرج وراها و كان اسر و فردوس و مجدي واقفين فى الصالة
مجدي :- هااا يا دكتورة طمنينا
الدكتورة:- اكيد فيه حد ضايقها أو تعبها جماعة انتوا عارفين ان اقل حاجه بتتعب ملك و أن كل اللى حصل معاها قبل كدا مأثر عليها لسه يا ريت تهتموا بيها عن كدا و ابعدوها عن أي توتر
عادل :- طب هي هتفوق امتى
الدكتورة:- ممكن تفوق فى اي وقت انا كاتبتلها بعض المهدءات هتاخدها بس عند اللزوم يعني اما تحس انها بدأت تفقد السيطرة على نفسها و بدات تحس بدوخة تاخد منهم عشان الموضوع ميطورش زي ما حصل انهاردة كدا
فردوس:- ماشي يبنتي انا هاخد بالي منها هي زيها زي سارة بنتي بالظبط عندي
الدكتورة:- عن اذنكوا
استغفر الله العظيم الذي لا اله الا هو الحي القيوم و اتوب اليه 🤎
اسر :- انا هروح اوصل الدكتورة لتحت
عادل بصرامة :- استنى عندك انزلي انتي يا فردوس وصليها خليك انت
اسر :- تمام
نزلت فردوس مع الدكتورة اللي مجرد ما نزلت بص عادل لمجدي و اسر بغضب و اتكلم بعصبية
:- ايه اللى حصل
كانوا واقفين حاطين وشهم فى الأرض ، اتنفضوا اول اما عادل على صوته اكتر و هو عينيه متحولين للون الاحمر دليل على غضبه الشديد
:- بقولكوا ايه اللى حصل ما تنطقوا
أسر استجمع شجعته خد نفس عميق و اتكلم
:- انا قولت قدامها اني هتجوز روان صاحبتها و طالبة عندي
خرجت ملك على الجملة دي ، نزلت دموعها غصبن عنها حطيت ايديها على عينيها بسرعة و هي بتمسح دموعها ، بصلها عادل بحزن و مرة واحدة لاقوا القـ..لم اللي بينزل على وش أسر من عادل ، شهقت ملك بصدمة و هي بتبص لأسر اللي بان على وشه الغضب و هو بيحط ايده على وشه مكان الضـ..ربة
وقف مجدي بسرعة فى نصهم و هو بيحاول يمتص غضب ابوه
مجدي :- اهدى يا بابا انا هعقله
عادل :- انت ازاي تعمل كدا عايز تتجوز غيرها تيجي تقولي انا و انا هتصرف انما تقول قدامها و انت عارف حاجه زي كدا ممكن تعمل ايه فيها ايه
اسر :- طب ما هي كدا كدا مسيريها هتعرف يجدي مني أو منك ملك لازم تتأقلم مع فكرة اني مبحبهاش و أن هيجي اليوم اللى هتجوز فيها غيرها
عادل بسخرية :- مبتحبهاش اه تعال معايا اوضة مكتبي يلا
كمل و هو بيبص لملك :- ارتاحي يحبيبتى
وقتها فردوس طلعت عادل بصلها و اتكلم بجدية
:- فردوس
فردوس:- ايوا يا عمي
عادل :- اعملي لملك لقمة تاكلها لو سمحتي
فردوس:- حاضر يا عمي
فى غرفة مكتب عادل
اللهم صل وسلم وبارك على سيدنا محمد وعلى اله وصحبه اجمعين 🤎
عادل :- كنت بتقول ايه بقى يا اسر انك مبتحبش ملك صح اومال فين طول الوقت قبل ما ملك تتجوز كنت ديما تقولي اخطبهلي يجدي بحبها يا جدي علقت البنت بيك الحاجة الوحيدة اللي كانت مصبرها على كل اللي حصلها انها كانت واثقة من حبك ليها بس ايه اللى حصل دمـ..رتها و انت بتهدلها كل احلامها و بتقولها هتجوز صاحبتك مش مكسوف من نفسك
اسر :- يمكن اه انا كنت معجب بملك زمان لكن دلوقتي لا يجدي انا من حقي اني اتجوز واحدة اكون انا اول واحد فى حياتها حاولت اتأقلم مع فكرة انها مطلقة بس غصبن عني مقدرتش مش ذنبي يا جدي
عادل بعصبية:- ولا ذنبها ولا ذنبها انها عندها اب كدا مش ذنبها ان امها ما..تت و سابتها نقوم احنا بدل ما نساعدها و نهون عليها نعقدها اكتر
أسر : يا جدي
قاطعه خبط الباب
عادل :- ادخل
ملك :- جدي عايزه اتكلم معاك فى موضوع انا موافقة ان اسر يتجوز روان صاحبتي و مش زعلانة صدقني ربنا يهينيهم
عادل :- ملك
ملك بمقاطعة:- ارجوك يجدي وافق وباركلهم ابيه اسر اخويا و انا هبقى مبسوطة لو بقى مع روان متقلقش عليا
عادل :- ادام انتي مش هتزعلي خلاص
اسر ببأبتسامة:- شكراً يا ملك
ابتسمت ملك ابتسامة خفيفة و هي قلبها بيتـ..قطع من جواها الكلام اللي قالته مكنش سهل عليها ابدا تطلعه بس لانها بتحب أسر اكتر من نفسها فضلت انه يكون مع اللي بيحبها مشيت بسرعة من قدامهم و دخلت اوضتها حطيت ايديها على قلبها و فضلت تعيط و هي بتمنع صوت شهقاقتها عشان محدش يسمعها
ملك :- يا رب
قاطع صوت بكاءها صوت سارة بنت خالها و هي بتخبط على الباب
سارة :- ملك
ملك و هي بتمسح دموعها فتحت الباب وهي بتظبط نقابها :- ايوا يا سارة
سارة :- تعالي اطلعي اقعدي معانا فوق نتغدى مع بعض انا استأذنت من جدي وقال لو وافقت خديها
ملك ببأبتسامة:- حاضر
طلعوا فوق قعدوا شوية مع بعض ، جيه صاحب اسر و دخل معاه اوضته
فردوس:- ملك يحبيبتى ممكن تودي العصير دا عشان صاحب اسر ايدي مش فاضي
ملك :- حاضر يا مرات خالي
اتجهت ناحية اوضة اسر كانت لسه هتخبط بس شهقت بصدمة اول اما سمعت