احتوانى كأبنته
البارت الواحد العشرون 21
بقلم شذى عبد المكرم
كان فاضل تلاتة شهور على العرس فرشنا البيت مع امجد و كل شي كان من اختياري بس بستشير امجد بس اللون انا اخترتو براي بيتنا خلاص جهز بعد شهر وكان عاجبني لانو من ذوقي باقي الشهرين دا انحبست فيهو ما كنت بشوف امجد نهائي ابوي محمد كان بوصلني الجامعة وبرجعني مرة بتكلم مع امجد
امجد: ياااخ ما شايفة انو قدمتي فترة الحبس دا
تالين: ههههه كيف الكلام دا
امجد: هسي عندي شهر ما شوفتك وعاوزاني ما اشوفك شهر تاني
تالين: حبيبي انا تستحمل بس
امجد: عشان كلامك الحلو دا بستحمل
تالين: ههههه
امجد: اها كيفك مع الجامعة
تالين: ماشي حالها
امجد: ما ممكن تقولي لعمو محمد انا الاوصلك الجامعة
تالين: مستحيل طبعا
امجد: على فكرة هسي ممكن عادي اقول ليهم عاوز مرتي ذي ما هي و اجي اخدك اخر الليل دا
تالين: هههههههع عرفاك بتعملا بس لا كلها شهر ونتلمى في بيت واحد
امجد: مع انو كتير بس انا صبرت 13 سنة ليه ما اقدر اصبر شهر
تالين: هانت خلاص . اتكلمنا كدا وقفلنا
في اخر شهر للحبس امي نقبتني ههههههع بمشي الجامعة بنقاب واول ما اخلص بتصل لابوي برجعني لحدي جات امتحاناتي وامتحنت وامجد حدد العرس بعد اسبوع بس جاتني سها الاسبوع دا وانحبست معاي وسمر جات من السفر خصيصا لعرسي حتى خلت محمد واولادها حيجو قبل يومين من العرس حبيتها شديد وكان احلى اسبوع الليل كلو بنتونس خلاص الاسبوع خلصت ومراسم العرس بدأ وكانت حنة العريس الخاينات مشو خلوني براي وحتى ناس امي وتالا وتامر كنت براي في البيت معاي حبوبة ام امي ههههههه وانتو عارفين ونسة الحبوبات ديك بس اخدت منها وصايا كتيرة طبعا اهل امي وصلو الخرطوم للعرس ونزلو معانا بعد كنت منتظرة العائلة الكريمة ترجع من الحفلة عشان يحكو لي وبالفعل رجعو بس متأخرين
سمر: واااي يا تيلا الحفلة كانت خفنشارية
سها: واصحابو واااي اللهم الثبات . ضحكنا
تالين: ان شاءالله طلعتي ليكي بعريس
سها: انتي عارفة انو عيني على الوزير بس هو عامل فيها تقيل
تالين: ههههه منو فيهم مازن ولا وائل
سها: مازن
تالين: مازن دا صحبي كمان هههههههه ما تقيل
سها: ما تقيل معاكي لانو عارفك مرت امجد وكدا
تالين: لو ما جابو الحنين
سها: يجيبو شخص الدمازين. وضحكنا التلاتة
تالين: اهم حاجه ان شاءالله صورتو لي راجلي
سمر: يا ستي ما تخافي صورناهو خلينا ندخل جوا ونحكي ليكي. هههههه الكلام دا كلو ونحنا برا دخلنا وشوفت الصور وقعدت انبرش ليهم فيهو وهم يضحكو فيني ساي والمناسبة التانية كانت حنتي امجد قال اعملها بنات بس ما اتناقشنا كتير حتى ابوي كان موافق على كلامو فوافقت انا عملتها في صالة مقفولة وماف اي راجل الاغاني كانت مسجلة وكدا عشان حتى العازف ما ينفع بس كانت ظابطة شديد واخدنا راحتنا بكرة العرس والدعوة كانت فطور بالليل بالتلفون
امجد: بكرة خلاص
تالين: بكرة ميلادنا
امجد: ماف حاجة حتفرقنا تاني ما قادر اصدق
تالين: حتى انا ومتوترة ليوم بكرة
امجد: ما تتوتري انا ذاتي امجد الواحد البتعرفيهو صح بكرة ما يوم عادي بالنسبة لينا بس لازم نخلدها
تالين: لازم . اتكلمت معاهو زال مني التوتر ذي ما بيعمل كل مرة نومت ليهو في التلفون صحيت الصباح بسها في رأسي
سها: قلبك ميت كيف في عروس بتنوم للساعة دي يوم عرسها؟ . جريت الغطا منها
تالين: اهو مدام انا عملتو معناهو في وخليني انوم شوية
سها: نامت فيكي حيطة قومي يا سجم. وجرت الغطا
تالين: ليكي يوم يا معفنة. جرتني من يدي وقومتني غصب مشيت غسل وجهي وصليت وشربنا الشاي وطلعنا على الكوفير وبعدو فيني التجهيز من بدري ست الكوفير ما خلت حاجة ما عملتو لي قعدنا نتونس جوني هالة وضحى لانهم الشباين حقي لمن جا الزمن خلاص لبست الفستان المخصص وكان محجب وبدت الميكاج لي وخلصنا وفصلت قاعدة مستنية امجد وكنت متوترة شديد ما باقي لي الا ابكي بس ماسكة روحي
هالة: مالك يا تيلا
تالين: ماف حاجة
هالة: ما تتوتري
تالين: تمام
ضحى: العريس وصل. سمعنا اصوات البوري والصفافير
هالة: تالين قومي واديهو ضهرك ما تخليهو يشوفك بالسهولة. عملت ذي ما قالت امجد جا داخل وهم طلعو
امجد: تالين. ما رديت ليهو جا علي لفيت بالجهة التانية
امجد: ما عاوزة تخليني اشوفك
تالين: لا . جا علي تاني التفت المرة دي مسكني من خصري خلاص نسيت اي حاجة لمن لقاني اتجمدت استقل الفرصة وجا بقدامي وفق يعاين فيني مسافة
امجد: ما شاءالله تبارك الله يا ارض احفظي من عليكي. نزلت رأسي سلم علي في جبيني ومسك ايدي الاتنين
امجد: الف مبروك
تالين: الله يبارك فيك. حصني ومسك ايدي وطلعنا واصحابو قامو يصفرو ركبنا العربية وهو طول الطريق ماسك ايدي وبطمني وصلنا الاستديو وعملنا اوت دور سريع كدا ومشينا على القامة لمن نزلنا جا وائل علينا
وائل: امجد اقلع بدلتك وانتي يا تالين اديني الورود بتاعك دا . امجد قلع الجكت وانا اديتو الورود
وائل: امجد حيدخل بالاول مع الورود وانتي حتدخلي بعد الاغنية تبدأ والجكت معاكي تمام
تالين: تمام . بالفعل امجد دخل وانا واقفة في الباب مع وائل سمعت الاغنية بتقول " مدي خطواتي وخشي بيمينك ونبض قلبك شوفي كل الناس دي حولك بالفرح جاين يهنو م الليلة عيد ميلاد فرحنا بالعديل والزين نتمو "
وائل: ادخلي بعد دا .
دخلت بالراحة والجكت في يدي وامجد مادي ليهو يدو وهو بغني الاغنية " خلاص الليلة الفرحة عدت ملاك حققنا منانا وحلم صبايا وصوت الضحكة كمان ارتفعت خلاص تمينا انحنا مرادنا مبروك الليلة عديل وزين خلاص يا السمحة بقينا اتنين"
غنى لي الاغنية وطبعا عيوني دمعت من شدة ما كنت مبسوطة رقصنا لمن الاغنية انتهت همست ليهو
تالين: بحبك.
امجد: وانا بحبك. ومشينا على مقعد العروسين والحفلة بدت والناس كلها مبسوطة ورقصت مع الشباين حقي والحفلة انتهت وطلعت غيرت الفستان ولبست للجرتق وعملنا المراسم بتاعو
سمر: تالين رشيهو كويس
محمد: ما تسمعي دي حاقدة في عرسنا ملتني لبن
سمر:هههههه انت ما بتنسى
تالين: سمر ما تخافي ما حقصر
امجد: اوعك
امي: هاكي. مدت لي الكباية مليت خشمي واتجهت لامجد
امجد: ابلعيهو . واداني معاهو نظرة قوية هزيت ليهو براسي نظام اي حأبلعو لمن اطمن فضيتو فيهو حسيتو حيضربني بنية قدامهم
تالين: كنت ناوية ابلعو بس سها قرصتني ورشيتو فيك. كلهم ضحكو فيني اما هو لمن جا دورو شرب ما رشاها فيني والحمدلله كان حيبوظ لي الميكب وخلص المراسم وقرو لينا ياسين وطلعنا مشينا على البيت كان جاهز بأي شي دخلنا وصلينا ركعتين لبداية جديده لمن خلصنا
امجد: تالين تعالي. مشيت قعدت جنبو مسك يدي
امجد: بعد دا حنبدأ حياة جديدة وان شاءالله تكون سعيدة وانا بعمل جهدي انو اسعدك بقدر ما اقدر
تالين: عارفة الشي دا
امجد: لو حصلت بينا مشاكل وان شاءالله ما تحصل داير انو المشاكل دي تكون جوا بيتنا بس
تالين: ما حتطلع برا غرفتنا اصلا
امجد: اما التعامل فأنتي متعودة علي من زمان بس كان على اساس انا ابوكي ممكن تأخدي الزمن الدايراهو عشان تتعودي علي كزوج. دي النقطة الكنت عاوزاها بالفعل امجد بحس بي ابتسمت ليهو وهزيت ليهو رأسي
امجد: بما انو كل حاجة اتوضحت خلينا ننوم عشان بكرة حنسافر بدري
تالين بفرحة: حنسافر وين
امجد: انتي حابة تسافري وين
تالين: امممممم جزر المالديف
امجد: اذن حنسافر جزر المالديف
تالين: احلف
امجد: والله. نطيت ليك فيهو
تالين: وااااي والله يا امجد بحبك بحبكككككك
امجد: خلاص يا مجنونة ههههههههه
تالين: انت عارف انها وحدة من احلام انو ازورها
امجد بحاكيني: ابوي لمن بعدين حأتزوج حاسافر جزر المالديف انننن
تالين: ههههههههههه والله انت عسل
امجد: عارف ما جيبتي حاجة من عندك هههههه يلا خلينا نتعشا و ننوم
تالين: حاضر. اتعشينا ونومنا......
أحبك بـ نفس العُمق والغرق واللهفة، أنك أمر لذيذ يتجدد في صدري كل يوم.