قصة زوجه محرمه
البارت العاشر10
الجزء الثاني
بقلم حنان حسن
: شوية وهتلاقيه جاي دلوقتي ، يلا بقي اطلعوا كل واحد يدخل اوضته يريح اعصابه شوية بعد اللي حصل .
طلع وحيد مراته دخلوا اوضتهم و انا ونجلاء بندخل اوضتنا وانا بقفل الباب لمحت نور بيفتح باب اوضته وبيخرج !!!!!!!!!
ناديت عليه بسرعة وسألته : انت رجعت امتي يا نور ؟؟
رد عليا بصوته الطبيعي : رجعت منين ؟؟
: رجعت من بره لما مشيت من شوية انا معرفش روحت فين ؟
: انا قاعد في الاوضة من بدري مش خرجت منها !! ده انا حتي كنت نايم ولسه صاحي !!
: انت بتهزر بقي !!!
: ليه يا بابا ؟
: انت مش فاكر اي حاجة حصلت النهاردة لما الشيخ كان هنا ؟؟؟
: مين الشيخ ؟؟ انا مش شوفت اي حد .
دخلت الاوضة ونجلاء سألتني : كنت فين ؟
: كنت عند نور في الاوضة .
: هوه نور رجع ؟؟!!
: انا لقيته في اوضته والاغرب انه ميعرفش اي حاجة من اللي حصلت !!
: معقول !!
: ده كمان بيقولي انه كان نايم !!
: انا خايفة اوي يا امير .
: متخافيش مسألة وقت مش اكتر والحمد لله اننا عرفنا سبب اللي كان بيحصل .
: كنت عاوزة اروح عند اخواتي اقعد كام يوم لحد ما الموضوع ده يخلص وياريت تيجي معايا علشان انت لسه تعبان .
: انتي بردو خايفة ؟
: الصراحة ايوه .
: خلاص روحي انتي ، انا كويس مفيش قلق انا بقيت اتحرك و امشي طبيعي مفيش داعي للقلق والصبح هوصلك واروح اشوف اخبار الشغل .
تاني يوم الصبح وصلت نجلاء وكان معها بنتي هدي بيت اخوها وقولتلها : خليكي براحتك ولما تحبي ترجعي اتصلي بيا اجي اخدك .
روحت الشغل واتصلت بالشيخ وقولتله : تصدق يا شيخ ان نور شوفته في اوضته ولما كلمته كان ميعرفش اي حاجة من اللي حصلت !!
: طبيعي انه مش هيفتكر حاجه لأن المارد اللي عليه اللي كان بيتكلم .
: وهنعمل ايه يا شيخ ده كل اللي في البيت خايفين ؟
: احنا لازم نفاجئه علشان مش يهرب زي المرة اللي فاتت واول ما همسكه باذن الله هخرجه من عليه وابنك نور يرجع طبيعي .
: انت ممكن تعرف المارد ده عليه من امتي ؟
: ممكن نعرف وممكن لأ حسب الظروف ، بتسأل ليه ؟
: اصل نور ده طول عمره منطوي علي نفسه واحواله غريبة !!
: هنحاول نعرف ، وعموما هنسيبه كام يوم علشان نقدر نفاجئه .
خلصت شغلي في اليوم ده ورجعت البيت وكان وحيد وسلمي مراته ونور موجودين ، وبعد العشا وحيد قالي : علفكرة يابابا سلمي النهاردة اتصلت بيا وقالتلي انها كانت خايفة طول اليوم وهي ونور لوحدهم في البيت .
طمنت لسلمي وقولتلها : متخافيش نور بردو ابن خالك مش غريب بالنسبالك و علفكرة هو طبيعي جدا واول مرة كنا نشوف اللي حصل ده لما كنتوا موجودين يعني مش هيحصل تاني وعموما الشيخ بعد كام يوم هييجي ويعالحه من اللي عليه .
تاني يوم روحت شغلي الصبح ورجعت اخر اليوم واول ما دخلت قابلت سلمي كانت قاعدة وبتلعب مع امير الصغير ، سلمت عليها و لعبت مع امير الصغير شوية .
دخلت اوضتي اتفاجئت بنجلاء قاعدة علي السرير ومعها بنتي هدي !!
ضحكت وقولتلها : ايه النور ده كله !! اتاري انا داخل حاسس ان البيت جميل وحلو اوي النهاردة .
: جميل لما انت وصلت يا حبيبي .
اخدت بنتي في حضني وفضلت ابوسها كتير وبعدين سألت نجلاء : مش اتصلتي بيا لبه علشان اعدي اخدكم بالعربية بدل تعب المواصلات ؟
نجلاء بصت لي بتعجب ودهشة وقالتلي : انت هتجنني يا راجل انت ؟!!
: ليه في ايه ؟
: مش انت اللي قولتلي انتي وحشتيني اوي ولازم تروحي معايا النهاردة ؟؟!!
: أنا ؟؟
: ايوه انت اومال مين ؟
: محصلش ازاي يا راجل انت ؟؟ انت هتجنني !!!
: حصل امتي ده ؟؟
: النهارده العصر .
: انا طول النهار في الشغل ، انتي بتتكلمي جد ولا بتهزري ؟
: انا مش بهزر انت اللي شكلك جاي تهزر ومزاجك عالي .
: لأ محصلش يا نجلاء .
: طيب لو انا كدابة سلمي بنت اختك هتكدب ؟ ولا عمرو اخويا هيكدب ؟؟
: هو انا قابلت عمرو كمان ؟؟
: ايوه حتي الصراحة انا اتكسفت اوي من اللي عملته معاه واكيد زعل .
: طيب بالراحة واحدة واحدة كده احكيلي كل اللي حصل .
: كنا قاعدين انا وعمرو اخويا ومراته وعياله بنتغدا وفجأة جرس الباب رن قامت مرات عمرو فتحت دخلت انت واول ما شوفتك اتفاجئت اوي وعمرو عزم عليك تتغدا معنا وانت كسفته وانت عارف انه بيزعل اوي لما يعزم علي حد ويكسفه
: وبعدين حصل ايه ؟
: قولتلي يلا بينا علشان نروح ، قولتلك خليني قاعدة هنا كمان يومين ، قولتلي لأ هنروح دلوقتي وكنت مصمم اوي . عمرو اخويا قالك ما تسبيها هي وهدي قاعدين معانا شوية رديت عليه وقولتله مراتي ووحشاني وعاوزها تروح معايا دلوقتي ؟؟ هو اتحرج جدا ومعرفش يرد عليك وسكت .
: وبعدين حصل ايه ؟
: انت بتسألني ليه ؟ هو انت ناسي ؟؟
: كملي بس حصل ايه تاني ؟
: نزلنا مع بعض ولقيتك جاي من غير العربية وقولتلي انك سايبها عند الميكانيكي وركبنا تاكسي وجينا هنا وقابلنا سلمي اول لما دخلنا حتي هي استغربت اوي لما شافتنا وسألتك عن سبب انك رجعت بدري وانت مش رديت عليها !!!
: وبعدين كملي حصل ايه ؟
: سلمي زعلت اوي لما مردتش عليها ، وبعدين دخلنا اوضتنا انا وانت وبس .
خرجت جري وسألت سلمي وقولتلها : انتي شوفتيني لما رجعت هنا البيت النهاردة العصر ؟؟
: ايوه يا خالي ما انا قاعدة طول النهار في البيت لازم اشوفك ، بس الصراحة انا كمان اخدت علي خاطري وزعلت لما كلمتك ومردتش عليا .
دخلت الاوضة جري وسألت نجلاء بلهفة : حصل حاجة بيني وبينك ؟
: نعم !!! انت كنت شارب حاجة ولا ايه ؟؟
: ليه ؟؟
: اصل انت بتكلمني كأنك ناسي ولا فاقد الذاكرة !!! ده غير بقي اللي انت عملته !!!
: عملت ايه اتكلمي بسرعة .
: اول ما دخلنا الاوضة زقتني علي السرير وحتي مكانش عندك صبر وقطعت هدومي