قصة زوجه محرمه
البارت الثاني2
الجزء الثاني
بقلم حنان حسن
: الواد نور ده علطول قاعد لوحده مش زي باقي العيال بيلعب ويتنطط !! طول النهار قاعد لوحده اما ببذاكر او بيتفرج علي النت !!
: متنساش انه ملوش اخوات في عمره ، واهو لسه صغير بكره لما يكبر هتلاقي اصحابه كتير .
: خايف يا سارة حاسس ان الولد غامض وفيه حاجة غريبة مش فاهمها .
: حاجة زي ايه ؟
: مش عارف بس خلي بالك منه وتابعيه كويس علطول .
نور كان متفوق جدا في مدرسته وفي مذاكرته لدرجة مذهلة وكان بيطلع الاول كل سنة والدرجات النهائية في كل المواد .
نور كان تفوقه محل اعجاب و تعجب الجميع حتي مدرسيه كانوا بيقولوا ان نور غير كل التلاميذ اللي درسوا لهم طول حياتهم المهنية !!! قابلوا طلبة متفوقين كتير لكن مش بالشكل ده .
ومع كل ده نور كان قليل الكلام جدا تقريبا مش بيقعد وبيتكلم مع حد الا في اضيق الحدود .
خوفت علي نور وحجزت عند طبيب متخصص سلوك اطفال وعرضت عليه نور يكشف عليه وانا كلي قلق وخوف .
لكن المفاجأة ان الدكتور طمني ان نور سلوكه طبيعي ومش بيعاني من اي مشكلة نفسية ولا محتاج لأي نوع من تعديل السلوك !!
زادت حيرتي لما هو كويس كده وذكي وشاطر بالشكل ده ايه سبب قلة كلامه و انطوائه علي نفسه بالشكل ده ؟!!
الدكتور قالي ان طبيعة شخصية ابني مختلفة مش اكتر .
في نهاية المرحلة الابتدائية كان نور الاول علي المدرسة والادارة والمحافظة .
وحيد بعد سنة والتانية كان اشطر مدرس رياضيات في القرية والقري المجاورة كلها ، واشتهر بين كل تلك القري بتميزه قي التدريس .
كمان وحيد اشتهر بأن الطلبه في فصوله متفوقون علي اقرانهم من الفصول والمدارس الاخري .
وكان اغلب الطلبة في فصوله لا يحتاجون لدروس خصوصية في مادته مطلقا !!
زادت شهرة وحيد حتي بدأ ينهال عليه اولياء امور الطلبة في الفصول والمدارس الاخري لاعطاء ابناؤهم دروس خصوصية !!!
وحيد كان ميسور ماديا نتيجة ورثه ومش محتاج علشان يجري ورا اعطاء الدروس الخصوصية فكان يرفض الفكرة ، ولكن مع الوقت وكلام اصدقاؤه والمقربين جاء نور وسألني : بابا كنت عاوز اخد رأيك في حاجة .
: خير يا وحيد ، تعالي اقعد .في ايه انا سامعك ؟
: في اولياء امور كتير بيطلبوا مني اني اعطي اولادهم دروس خصوصية ومش عارف اعمل ايه ؟ اوافق ولا لأ ؟
: انا هسأل سؤال وتجاوبني بصراحة .
: اتفضل .
: انت بتقصر معاهم في الشرح في الفصل علشان ياخدوا دروس خصوصية ؟!!
: لأ يابابا انت فهمت غلط ، انا الطلبة اللي في فصولي مش محتاجين دروس خصوصية انا بفهمهم كل حاجة في الفصل وبحل معاهم تدريبات و امتحانات كمان ، انا بتكلم عن طلبة بتجي لي من فصول ومدارس تانية .
: تمام ، وأية المشكلة ما تعطيهم دروس خصوصية .
: انا بسمع ان اهالي الطلبة بيعانوا من دفع فلوس كتير في الدروس فخايف اشيل ذنبهم .
: برافو يا وحيد . عاوز تتحري الحلال في فلوسك علشان كده ربنا هيباركلك ان شاء الله وعموما يا وحيد انت مش هتجبر حد منهم ياخد درس عندك وفي نفس الوقت خلي اجر الحصة مش كبير وياسلام لو في كل مجموعة عندك طالب او اتنين تكون ظروف اهلهم علي قدهم تعطيهم الدرس مجانا بدون ما تعرف حد من باقي طلبة المجموعة علشان متكسرش نفسهم .
: فكرة حلوة اوي يا بابا .
: متتخيلش يا وحيد لو عملت كده البركة اللي هتشوفها في حياتك .
: الحمد لله اني اخدت رأيك يا بابا ، فكرتك حلوة اوي .
مع الوقت ذاع صيت نور وبقي اشهر مدرس رياضيات وكل الناس كانوا بيحبوه جدا وبيتمنوا انهم يقدموا له اي خدمة ردا لجمايله معاهم .
وفي يوم سارة جات وقالتلي : كبرنا يا امير .
ضحكت وقولتلها : انتي بس اللي كبرتي انا لسه شباب .
ضحكت وقالتلي : وكمان وحيد عاوز يخليني ابقي جدة .
: بجد ؟؟ وحيد عاوز يتجوز ؟؟
: ايوه كلمني النهاردة وقالي انه معجب ببنت وعاوز يخطبها .
: الف مبروك يا ام وحيد ده اجمل خبر سمعته في حياتي .
: يعني انت موافق وهتروح معاه ؟
: طبعا موافق هو خلص تعليمه و بيشتغل ومعاه تكاليف الجواز يبقي يستني ليه !! ده هو ده انسب وقت بس يا رب تكون العروسة تستاهله .
: العروسة مش غريبة ، سلمي بنت اختك .
: لا فعلا الواد وحيد عرف يختار البنت ماشاء الله ادب وجمال واخلاق وتعليم ، الف مليون مبروك .
: هو قالي بعد امتحانات الشهادة الاعدادية علشان يكون نور اخوه خلص امتحانات نروح ونتقدم ويخطبها .
: الخير فيما اختاره الله ، وشقة جواز وحيد كمان عليا انا اللي هشتريها له هدية جوازه . ايه مالك ؟ ماسكة صدرك ليه ؟
: مفيش يا امير متشغلش بالك .
: مشغلش بالك ازاي !!! شكلك تعبانه مالك يا سارة ؟؟
: ألم كده بحس به في صدري ما بين الوقت والتاني .
: ومقولتيش ليه قبل كده ؟؟
: الموضوع مش مستاهل يمكن شوية برد .
لأ لازم نروح نكشف عليكي النهاردة .
ضحكت سارة وفالتلي : لسه بتخاف عليا يا امير ؟
: طبعا اومال هخاف علي مين ؟
: فاكر لما شيلتني ورجلي مكسورة اكتر من كيلو بالليل في عز الضلمه .
: انتي مش عارفة انا بحبك اد ايه .
: ربنا يخليك ليا يا امير .
: طيب انا هتصل بالدكتور احجز كشف وجهزي نفسك علشان نروح يكشف ويطمن عليكي .
روحنا للدكتور وهناك الدكتور طلب نعمل اشعات وتحاليل لها .
ولما عملنا اشعات وتحاليل كانت الكارثة ان سارة عندها مرض خطير جدا في القلب ولازم تعمل عملية جراحية في اقرب وقت ممكن .
حجزنا للعملية وكانت المفروض تتعمل في القاهرة وكان بعد امتحانات نور مباشرة .
ودفعت فلوس العملية وجهزنا نفسنا وفي يوم سفرنا للقاهرة علشان العملية لبسنا كلنا وجهزنا شنط السفر لكن اتفاجئت ان نور بيقول انه مش هيسافر معانا