قصة زوجه محرمه
البارت السابع7
الجزء الثاني
بقلم حنان حسن
بعد كده قالي : الاوضة اللي سمعتوا فيها صوت الخبط فين ؟
: اوضة النوم .
: طيب دخلني اوضة النوم وانتظروني هنا شوية ولما انادي عليكم المدام تدخل وحضرتك تنتظرنا هنا لغاية لما اخرج الجن من عليها .
: وانا مش هدخل معاكم ليه ؟
: لأنه غيران منك انت تحديدا ولو شافك موجود وانا بصرفه ممكن يأذيها او يأذيك او يأذينا كلنا .
بدأت أشك في كلام ابو السعد وحسيت انه دجال ونصاب ، التفت ناحية نجلاء وغمزت لها وقولتلها ابقي ادخلي لما الشيخ ابو السعد ينادي عليكي بس البسي علي وشك حاجة .
بص ليا ابو السعد وقالي : ليه ؟ وهتلبس ايه علي وشها ؟
قولتله : هتلبس بيشة او برقع علي وشها .
: ولزمته ايه ؟
: اذا كان الجن بيغير عليها يا عم الشيخ !! مش عاوزني انا اغير عليها وهي مراتي !!!
قالي : هتغير عليها مني يا بني ده انا زي ابوها ؟؟
: لا يا عم الشبخ بغير عليها من الجن .
: طيب يااستاذ امير بس اعمل حسابك انها ممكن تطول في الاوضة شوية لو الجن مخرجش علطول .
دخل ابو السعد الاوضة وقفلت الباب عليه وسألتني نجلاء : انت هتخليني ادخل مع الرجل ده ؟
قولتلها : لا يا حبيبتي انا هقولك هنعمل ايه .
لبست عبايتها و غطيت وشي ووقفت .
نجلاء كانت بتبص لي وتضحك قولتلها اصبري بس هنشوف اذا كان نصاب ولا لأ ، ولو نصاب هياخد جزاؤه .
وبعد عشر دقايق ابو السعد نادي علي نجلاء وقال : اتفضلي يا مدام .
دخلت عند ابو السعد وكان فاكرني نجلاء !! قالي اتفضلي اقعدي .
قعدت وقالي : اللي هيحصل دلوقتي يا مدام هيبقي سر ما بينا علشان مش نتأذي احنا الاتنين ، ( اشرت برأسي بالموافقة ) .
قالي : اقلعي يا مدام .
وقفت بسرعة ( وقولت بصوت رفيع ) : ليه ؟
( اشار للمنطقة الحساسة ) وقال : الجن هنا وعلشان يخرج لازم تقلعي و..... معاكي علشان يخرج منك ومتخافيش مفيش حد هيعرف حاجة .
( سكت ومش اتكلمت خالص ) .
قالي : يلا اقلعي .
قولتله ( بصوف رفيع ) : اقلع انت الاول .
ابو السعد قلع البنطلون !!! روحت واقف مكتف ايديه ورا ضهره وربطتهم و رميته علي السرير وربطت رجليه .
وقلعت العباية وظهرت وشي ، ابو السعد اتفزع لما شافني وحاول يقوم ويهرب لكن معرفش علشان مربوط .
قولتله : انت عامل فيها شيخ وبتاع ربنا وانت كداب ونصاب وكمان عايز تعتدي علي مراتي !!! طيب ايه رأيك انا اللي هطلع العفريت من عليك دلوقتي .
ابو السعد حاول يصرخ ويقوم مش عارف ، ناديت علي نجلاء وقولتلها شوفتي الراجل مش كفاية نصاب ده كمان عاوز يعتدي علي شرفك .
حاول ابو السعد يترجاني بعينيه علشان اسيبه ، قولتله : ايه رأيك انا ممكن دلوقتي اقلبك مرة وتفضل عينك مكسورة اللي فاضل من عمرك ومتخافش هتتبسط مني اوي ، ايه رأيك ؟
ابو السعد سحب جسمه ونزل علي الارض يبوس رجلي علشان اسيبه !!
قولتله : انا هسيبك بس بشرط مش عاوزك تنصب علي حد تاني .
(اشار برأسه بالموافقة) .
مشي ابو السعد بعد ما اخدت منه فلوسي واجبرته انه يقسم انه عمره ما هينصب علي حد تاني .
نجلاء قعدت تضحك وتقولي : انا مش مصدقة اللي حصل !!! بس حقيقي انت مشكلة يا امير يخربيت عقلك كنت هتعمل ايه في الرجل ؟؟!!!
: لما عرفت انه نصاب قولت لازم يتأدب الاول .
ضحكت نجلاء : تصدق يا امير اني نسيت موضوع الجن !!
: صدقيني يا نجلاء مفيش حاجة تستدعي الخوف ولا القلق ، عارفة انتي لو بطلتي تركزي في الحاجات دي مش هيحصل حاجة .
: بيتهيألك يا امير في حاجة في البيت هنا انا متأكدةصدقني .
: طيب عموما انا هحاول اشوف حد بيفهم في الحاجات دي بجد مش دجال ونصاب زي الرجل ده .
وفعلا بعد ايام كنت اتعرفت علي شيخ معالج بالقران ولا يتقاضي اي اجر نتيجة علاجه وبيعملها لوجه الله ومساعدة الناس وبالفعل ارتحت له ودخل البيت عندي و قالي مفيش اي جن او ارواح هنا في البيت و حتي انا ونجلاء مفيش اي مس جني فينا ابدا ، وقال ان الافعال اللي حصلت في البيت دي فعلا افعال جن ولكن الجن مش مقيم معنا في البيت .وطلب مننا قراءة سورة البقرة بصوت مسموع كل ٣ ايام علي الاقل ثم قام بتحصين البيت بالقران .
وفعلا بعد كده عيشنا في البيت مرتاحين ومش اتكرر معنا اي حاجة مش طبيعية .
عدا كام شهر وطلبت تاني من نور ابني انه يرجع البيت لكن رفض و طلب يبقي عند عمته . وعمته وجوزها كانوا موافقين جدا .
وفي يوم وحيد اتصل عليا وبلغني ان سلمي مراته حامل .
كنت هطير من الفرح والسعادة ولما رجعت قولت لنجلاء حسيت انها زعلت ووشها اتغير !!!
سألتها : انتي زعلتي يا نوجا ولا ايه ؟
: لا ابدا مزعلتش ، بس كان نفسي احمل انا كمان .
: وايه المشكلة يعني ، ربنا يرزقنا باذن الله ، كل شئ بأوان .
: احنا متجوزين بقالنا حوالي ٦ شهور يا امير ولسه محصلش حمل !!
: وهو ٦ شهور كتير !!! وعموما ممكن نروح نعمل تحاليل انا وانتي .
وروحنا عملنا التحاليل وهناك كانت المفاجاة السعيدة انها فعلا حامل .
مرت شهور الحمل بسرعة وولدت سلمي مرات وحيد ولد والمفاجأة انه سماه. امير علي اسمي .
لما عرفت ضحكت وقولتله : مش سميته نور علي اسم ابوك ليه ؟
قالي : ما انت بردو ابويا .
ضحكت : العيلة كلها هيبقي اسمها نور وامير .
ضحك وحيد اوي وقالي : ربنا يخليك لينا وتبقي دايما كبير العيلة .
وبعد اقل من شهر كانت نجلاء مراتي بتولد وولدت بنت .
قالتلي : هتسميها ايه ؟
: عندك اعتراض اسميها سارة ؟
: لأ مش عندي ، رغم ان اي واحده مكاني هترفض بس انت عارف مش بحب ازعلك علشان بحبك .
: وانا احتراما لمشاعرك هسميها هدي علي اسم امي الله يرحمها .
هدي كانت زي القمر شبه مامتها ، فرحنا بها اوي انا ونجلاء .
بعد شهور نور خلص الثانوية العامة وطلع من الاوائل ودخل كلية هندسة.
وعيشنت انا ونجلاء ومعنا بنتنا هدي والحياة كانت ماشية طبيعية لحد ما في هدي كانت تعبانه ونجلاء سهرانه بيها وانا مش عارف انام .
قولتلها انا هروح انام في الاوضة التانية .
وفعلا اخدت بطانية وروحت نمت في الاوضة التانية لوحدي وسيبتهم .
نمت كتير وحوالي الساعة ٢ قبل الفجر سمعت صوت خبط قوي علي باب اوضتي !!!
صحيت مفزوع وانا فاكر أن نجلاء اللي بتخبط علشان هدي تعبانة .
قومت فتحت الباب وخرجت كان النور مطفي وكلهم نايمين !!!
روحت صحيت نجلاء وسألتها : انتي خبطي علي باب اوضتي دلوقتي ؟
قالتلي : انا نايمة من حوالي ساعتين اكيد كنت بتحلم !!!
استغربت من كلامها وروحت اكمل نوم .
لكن معرفتش انام ابدا وانا بفكر في صوت الخبط !! انا متأكد اني سمعت صوت خبط قوي جدا علي الباب !!!
فضلت اكتر من ساعة صاحي مش عارف انام وفجأة سمعت صوت نجلاء بتصرخ ...
قومت مفزوع وجريت اشوف في ايه !!!
اول ما دخلت الاوضة كانت نجلاء مرعوبة ومش قادرة تتكلم !!!
وبعد ما هديتها وقريت عليها قران بدأت تهدا .
سألتها : في ايه نجلاء صرختي ليه ؟
قالتلي : شوفت ...شوفت ... راحت تبكي بشدة !!!
: اتكلمي متخافيش انا معاكي .
: انا كنت نايمة فتحت عينيا شوفت ست واقفة في الصالة كانت بضهرها وشعرها طويييل اوي