قصة جعلتني أم
البارت السابع عشر17
بقلم شذى عبدالمكرم
بعد الفطور وصلو اهل عمو نور الدين عشان يكفرو لمصطفى فضلناهم واكرمناهم
عمة رغد : دي منو يا ثريا . قاصدة علي
ثريا: بت صحبتي وبتقرا الجامعة هنا ليها فترة بس عشان انتي مسافرة ما لقيتيها
عمة رغد: صح بس ما شاءلله عليها تعالي يا بتي. مشيت عليها
عمة رغد: كيف يا بتي
سديم: كويسة الحمدلله وانتي
عمة رغد: انا بخير الحمدلله
سديم: انتي عمة رغد ومصطفى صح
عمة رغد: ايي
سديم: لانو رغد بتشبهك شديد
عمة رغد: بس انا احلى منها صح . ضحكنا كلنا ورغد جات حضنت عمتها
رغد: اكيد انتي احلى لأنك الاصل . تاني ضحكنا والله عمة ناس رغد ظريفة وعسل حبيتها شديد
شوية ووصلو اهل مزن "المرحومة ام رنين" وطبعا عندي معاهم حساسية من اخر موقف حصل بينا دخلو كفرو لمصطفى في غرفتو وطلعو انا كنت دخلت الغرفة مع ناني ولمن طلعت اتقابلت معاهم جات ام المرحومة قلعت مني ناني بطريقة كعبة لمن ناني اتخلعت وقامت تبكي
ام مزن: بت بتي اوعك تشيليها تاني
ثريا: عارفينها بت بتك بس ما بالطريقة دي
عمة رغد: انتي يا قسمة مالك معاها
ام مزن: المرة الفاتت لمن قولت لاسماء دايرة اسمع صوتها تقول ليها الا اجي براي حتى اسمع صوتها هي منو ذاتو لمن تقول كدا
اسماء: اتعاملت معانا كعب لمن خالتو ثريا كانت ماف وكأنو ناني بتها
ام مزن: بت بتي ما بتربيها وحدة غريبة تمام وانتي منو اصلا . طبعا ناني بتبكي وبتمد لي في يدها عشان اشيلها بس ماف زول شغال ببكيها نهائي
ثريا: كيف يعني هي منو
ام مزن: بتقربك ما ظنيت جيبتيها من وين
سديم: خالتو ما شايفاها بتبكي كيف عليك الله خليني اسكتها وبرجعها ليكي . قربت منها عشان اشيلها دفرتني لورا
ناني: ماما ماما . بقيت ابكي على بكاءها لانو واجعني
عمة رغد: والله يا قسمة البتعملي فيهو دا عيب
ام مزن: والله حلو لكن يا ثريا انتي كيف تسمحي ليها تقول ليها ماما كمان هي امها وحدة ومتوفية ربنا يرحمها ولو في خيار انو تقول ماما تقولو لخالتها غسلتو لي دماغ بت بتي ما بخليها ولا ثانية هنا
سديم: خالتو ما كدا
ام مزن: انتي اياكي تفتحي خشمك لاني ما بتكلم معاكي وحسابك براكي دايرين تمحو ذكرى بتي
ثريا: ماف زول محا ذكرى بتك وثانيا الاهتمام الادتو سديم لناني ماف زول اداها ليهو
ام مزن: ماف زول طلب منها تهتم بيها وانتو مدام ما قادرين تهتمو بيها لدرجة تجيبو بت من الشارع تهتم بيها احسن اشيلها انا اربيها
...... : دا في حالة انو انا ميت غير كدا رنين ما هنا ما بتطلع . التفتنا على مصدر الصوت كان مصطفى ومتكلاهو رغد عشان يقدر يمشي معناهو رغد انحسبت مننا عشان تكلم مصطفى
ثريا: حيا يا ولدي لشنو طلعت من غرفتك
مصطفى: عشان احسم الفوضى الحاصلة دي رغد كدا ساعديني . مسكتو واتقدمو لحدي ما وصلونا وقف جنبي
مصطفى: اول حاجة رغد شيلي ناني دي عشان تسكت . مشت لام مزن وقلعت منها ناني وجات ادتني ليها الحركة دي استفزتهم تلقائيا ناني سكتت
ام مزن: انت كيف تخلي بت غريبة تربي رنين لو ما قادرين عليها كلمونا
مصطفى: اول حاجة يا خالتي سديم ما غريبة تاني حاجة مدام ناني بتتربى وسطنا المشكلة وين تالت حاجة بت بتكم البتكلمو عليها في يوم حصل اتصلتو عشان تسألو منها ساي ما ياهو تجو في الشهر مرة وحدة عشان تشوفوها وتاني شي اذكرك يا اسماء ناني دي لمن انا وسديم طلعنا السوق وخليناها معاكي جينا لقيناها كيف اتكلمي مخلياها موسخة وبتبكي وانتي بتعايني ليها ولا حتى قلبك حنا عشان ترفعيها
اسماء: ما هو
مصطفى: ولا كلمة ما داير اسمعها منك ثم سديم دي مع انو ناني ما بتقربها ولا بأي شكل من الاشكال ياااهو يتهتم بيها وبترعاها وبتساهر معاها وبتبكي لبكاءها والله كونو ناني تناديها ماما دي بسيطة في حقها والله العظيم لو كانت مزن الله يرحمها عايشة ما كان قدمت نص القدمتو سديم لناني
ام مزن: واها كدا وريني لمتين حتهتم بيها كدا
مصطفى: لحدي ما تقول كفاية بس حاليا المسؤول منها سديم لو قالت لا يعني لا حتى انا ما حاعارضها في حاجة بتخص ناني فاهمين
ام مزن: ما فاهمين
مصطفى: يبقى دي مشكلتكم
ام مزن: يعني بقت كدا يا ود نور الدين
مصطفى: لو الحاجة بتخص سديم او ناني ما بسكت عنو
ام مزن: يعني الغريبة دي بقت اهم مننا
مصطفى: ما زول اهم من التاني بس في اولويات في الحياة رغد ساعديني ارجع الغرفة
رغد: تمام خلينا نتحرك . واتحركو خطوتين التفت علي
مصطفى: سديم جيبي ناني وتعالي
سديم: تمام . وبقينا ماشيين كلنا مع بعض رغد بتساعد فيهو عشان يمشي وانا وناني وراهم لمن وصلنا الغرفة ومصطفى قعد في سريرو وكان باين عليهو التعصيب ما حبيت اتكلم عشان ما ازيد عليهو
مصطفى: ما يكون ضايقوكي كتير قبل ما اجي . هزيت رأسي بمعنى لا
رغد: كذابة حجة قسمة دفرتها لمن جات تشيل ناني منها . عاينت لرغد وحمرت ليها
مصطفى: ان شاءلله ما حصل ليكي حاجة
سديم: لالا ما كان شديد
مصطفى: خليكم قاعدين هنا عشان ما تشتبكو معاهم تاني
سديم: تمام . وقعدنا وبقيت الاتنين بنلعب في ناني لحدي ما رغد. رجعت تاني
رغد: قالو دايرين ناني شوية
سديم: دا من حقهم خليني اطلعها ليهم
مصطفى: تمام بس انتبهي واصلا ما ظنيت يسألوكي تاني بس حيضايقوكي بالكلام
سديم: تمام . شيلت ناني وطلعت بيها وبالراحة اديتها لحبوبتها
سديم: ناني دقيقة جاية تمام . سكتت وبس مضايقة واضح دايرة تبكي قعدت في رجل حبوبتها دقيقتين بس وبراها نزلت وجاتني وقفت جنبي ومسكتني من توبي وطبعا زول فتح خمشو ماف بس بحمرو لي وانا ما اشتغلت بيهم شغلة نهائي
ناني: ماما . وعاينت لي عرفتها جوعانة شيلتها ودخلت المطبخ أأكلها اثناء ما بأكلها دخلت اسماء ووقفت جنبي عملت نفسها بتلعب مع ناني ما سألتها
اسماء: بتعملي دا كلو عشان مصطفى يحبك صح . عاينت ليها بملل وقلبت ليها عيوني
سديم: انتي شايفة شنو
اسماء: شايفة انك بتضيعي وقتك على الفاضي لانو مصطفى لو قرر يتزوج ما حيتزوج غيري . ضحكت في وشها مسافة
سديم: خلاص لو حصل مصاريف حنة العروس علي وعد ووعد الحر دين علي . لو لقتني باردة قالت اكيد ما حأستفيد حاجة من الكلام معاها طوالي طلعت من المطبخ
سديم في سري: عاملة لي وشها الواحد دا . خلصت وطلعت برا
عمة رغد: كدا جيبيها يا سديم . مشيت قعدت جنبها بقت تلعب معاها والله عمة رغد حنينة عشان كدا ناني حبتها وبقو يلعبو مع بعض ديلاك الوضع ما عجبهم شوية وطلعو ما انتظرو الغدا حتى خالتو ثريا قالت ليهم يتغدوا بس رفضو واخيرااا الهواء دخل البيت بعد خروجهم