قصة جعلتني أم
البارت الثامن8
بقلم شذى عبدالمكرم
بعد رغد وطلعت ليهم قعدت افكر في ردت فعل مصطفى شويه ورجعت رغد وهي بتضحك
سديم: الحصل شنو
رغد: مشيت قولت لمصطفى ميمي قالت ليك ما بتجيبها نهائي قال لي كيف يعني قولت ليهو الواحد دا قالت ما بتجيبها امي قالت ليهو انت متشاكل مع ميمي صح لانها من رجعت وهي زعلانة وتعالي شوفي ابوي بعد كلام امي دا حرجو ليك وقال ليهو البت ضيفة وكلام كتير قام طوالي طلع برا البيت
سديم: يعني زيدت الطين بلا
رغد: ما تشغلي بالك كتير وتعالي احكي لي الحاصل شنو . ابدا ما اتوقعت دا الحيحصل ابدا وكدا مصطفى كرهني اكتر اكيد قطع سرحاني رغد
رغد: سرحتي وين
سديم: ولا في حاجة طبعا الحكاية كلها انو مصطفى زعل من كلامي معاهو بخصوص ناني وقبيل لمن رجعني سألتو لو زعلان ولالا قال لي انتي ما مهمة عندي عشان ازعل منك وجعني ردو حتى لو ما مهمة ما كان يقولا لي كدا
رغد: انتي عارفة حاجة مدام مصطفى قال كدا اكيد مهمة عندو وشديد كمان لانو ماف سبب بخليهو يقول كدا بدون مقدمات صح
سديم: كيف يعني
رغد: ما تبقي غبية انتي سألتيهو سؤال وهو جاوب بحاجة تانية صح
سديم: ايي
رغد: يبقى ضربيها في رأسك وحتعرفي . طوالي تلفونها ضرب مشت عليهو
رغد: ما تنسي كلامي ضربيها في رأسك اثناء ما اتكلم مع اسمري دا وبعدها نشوف حل لمصطفاكي دا ههههههههه. فنيتها بالمخدة
سديم: سجمانة ههههههه . بس عجبني كلمة مصطفاكي دي وطبعا ناني من تملا بطنها بتنعس شيلتها وطلعت بيها برا في الحديقة البرا وقعدت بيها بقيت اهز فيها جا مصطفى عاين لينا من بعيد شويه وقرب عاين لقى ناني نامت
مصطفى: قاصدة شنو بحركتك ديك
سديم: اي حركة
مصطفى: ما تعملي فيها غبية . عاينت ليهو لقيتو معصب كدا
سديم: مصطفى انت مشكلتك معاي شنو كلامي الكان قولتو ليك عن ناني كانت عفوا وقبيل سألتك اذا كنت بالجد زعلان ولالا عشان اعتذر ليك بس وريني جوابك كان شنو
مصطفى: ديك قصة وانتهت على ما افترض ودي قصة تانية قاصدة تلفتي نظر موش . كلامو دايما ذي وشو
سديم: اسألك سؤال وجودي مضايقك بحاجة اذا مضايقاك والله بكرة ارجع الداخلية واريحك
مصطفى: ما هو عجبك حركة انو ابوي جاط فيني وتاني حابة يجوط فيني انو بسببي حترجعي الداخلية . حسيت دموعي في طرف عيوني
سديم: مصطفى والله بقيت ما فاهماك نهائي انت عاوز شنو بالضبط
مصطفى: تبعدي من طريقي بس وخليكي في حالك . دموعي جات نازلة
سديم: جدا ما عندك مشكلة وبالنسبة لناني حابي ابعد عنها برضو ولا الحصار عليك انت بس
مصطفى: والله اذا حاسة انها بقت تقيلة عليك ممكن تتخلي عن مسؤليتها عادي
سديم: مصطفى كفاية خلاص عليك الله . قولتها بصوت عالي لمن ناني قامت صحت وبتبكي قومت بيها فوق والاتنين بنبكي انا ببكي وبحاول اسكتها مصطفى قرب مني عشان يشيلها رجعت ورا وبقيت اطبطب فيها
سديم: حبيبي انا خلاص معليش . شوية وسكتت جا قرب منا تاني مسح لناني آثار دموعها والتفت علي ومسح لي دموعي انا ذاتي
مصطفى: آسف . وقام ماشي
سديم: مصطفى . وقف وقرب تاني حمرت ليهو
سديم: اوع تقرب مني تاني
مصطفى: ما عندك مشكلة . قرب مني اكتر سلم على ناني في خدودها وفجاة سلم علي انا ذاتي في خدي اتخلعت اكتر ومشى خلاني واقفة في خلعتي ديك لمن استوعبت الحصل بقيت افكر في شخصية مصطفى دي كأنو عندو انفصام في الشخصية حاولت افهمو كدا ما قدرت قولت اخليها للزمن احتمال افهمها ناني رجعت نامت دخلت بيها جوا
مر اسبوع وطبعا الاسبوع دا بقيت اجنب مصطفى نهائي موش قال لي ابعد من طريقو حبيت اطبق كلامو بقيت ما بكلم معاهو نهائي بجمعنا صينية الغدا بس مرة بعد الغدا بنشرب في الشاي
سديم: ناني قولي ميمي . طبعا بتقول بابا بس
رغد: ميمي اسم تقيل عليها
سديم: حتقول انا متاكدة ناني قولي ميمي
ناني: مي . عاينت ليها بفرحة
رغد: قالتها والله
سديم: ناني كدا قولي ميمي
ناني: مي . تعالو شوفو فرحتي بقيت اشيلها والف بيها والاتنين بنضحك ورجعنا قعدنا ناس البيت بضحكو فيني
رغد: ناني قولي ماما
ناني: ما . حصلت صنة في المكان لانو رغد المفروض ما تقول ليها كدا لانو امها متوفية مصطفى طوالي قام طلع برا
ثريا: رغد بتبالغي والله
رغد: فيها شنو لو قالت يااخ هي شافعة وما حتفهم حاجة واحتمال تنادي ميمي كدا . طبعا رغد جريئة في الكلام انا ساكتة بس
ثريا: انتي يا بت بتقولي اي حاجة بدون ما تحكمي
نورالدين: زعلتي اخوكي منك
رغد: حأعتذر ليهو
نور الدين: عارفة حاجة يا ثريا رغد دي بقت بتاعت مشاكل وطبعا جاها عريس فتدفعها ليهو ولا نصبر شوية
رغد: شنووووو . ضحكنا كلنا على ردت فعلها
رغد: دا منو دا
نور الدين: يوم الجمعة حيجو تعارف وحتعرفي وبعدين القرار قرارك
رغد: ابوي عليك الله انت جادي
نور الدين: والله جادي
رغد: اسمو منو طيب
نور الدين: اسمر عبدالعزيز .
رغد: احلف
سديم: ههههههه عيب يا بت تقولي لابوكي كدا
رغد: معليش دا من تأثير الصدمة
ثريا: نور الدين اقول ليك حاجة ادفعها ليهو
رغد: انتو قنعانين مني للدرجة دي
نور الدين: شديد . قامت فوق
رغد: قول للعريس موافقة بدون ما يجي تعارف يا باشمهندس نور الدين . ومشت طوالي ضحكنا ضحك على حركاتها شوية وانسحبت للغرفة لقيتها بتتشاكل في التلفون مع اسمر لانو الواضح انو ما كلمها والمكالمة انتهت بمشكلة
سديم: مالك مع ود الناس
رغد: اتفقنا انو اخلص جامعة ويتقدم لي واتفقنا على كدا هسي يجي يفاجأني ويختني قدام الامر الواقع كدا هسي ما بقدر ارفض ولا حتى بقدر اوافق
سديم: لو ما بحبك ما كان اخد الخطوة دي.
رغد: خلي يتزوج ليهو وحدة تانية انا ما موافقة
سديم: انتي بتحبيهو اكتر من نفسك فيلا اسكتي . طوالي بكت قعدت اهدي فيها قولت بعد تهدى بتكلم معاها.....