بكامل قواى العقلية
البارت الخامس والعشرون25
بقلم اميره أسامة
انس اتفاجئ مفاجئتين
مكنش يتوقعهم... الاولي لما ركز فالمكان اللي هو فيه....واكتشف ان هو في منطقه كارمن ولمار🙄😳
اما التانيه....لما مسعد لف وشافه انس واكتشف ان الراجل اللي حنان مرات عادل متفقه معاه علي قتل شخص...هو نفسه اللي شافه بيحاول يموت والدت لمار.....
وقف انس مشوش ومصدوم متخبط لمده ثواني واول حاجه عملها وقف من بعيد شافه راح انهي بيت بالظبط...واول ما شافه جري بسرعه علي عربيته بعد بيها عن الممان ووقف في مكان هادي. وبعيد شويه....جاب رقم مسعد علي الواتس لقاه حاطط صوره ليه حفظها عنده واتصل. بسرعه بالتليفون.
😳😳😳😳😳
....... ..........اما عند لمار ودياب...
دياب....صعب يالمار احساسك ده...ازاي بس متكونش جاسوسه.
لمار....انا قرأت رسالتها اكتر من مره كلامها في حاجه غامضه في وجع في خوف...انا جربت الاحاسيس دي وميتهيأليش اني غلط.
دياب....ولما هي مش جاسوسه ازاي الجهاز ميعرفش حاجه زي دي...المخابرات عينها عليها بقالهم كتير اوي يالمار ومكنش في شك ولو حتي واحد فالميه انها مش جاسوسه..
لمار...يمكن وهمتكم بكده لسبب..
دياب...وهمتنا سنين ...صعب يالمار..
لمار...طيب يمكن كانت معاهم وجت في وقت رجعت لعقلها وده سبب قتلهم..
دياب ....انتي طيبه اوي يا لمار...مفيش حاجه اسمها كده.
لمار...لا في!!! اي بني ادم معرض انه يغلط او يضعف...وبيرجع تاني...
دياب.....عموما هيبان..
لمار....ان شاء الله
دياب....ممكن تعمليلي قهوه حاسس ان دماغي هتنفجر..
لمار....حاضر حاجه تاني.
دياب...تسلم ياحبيبي.
راحت لمار تعمل قهوه...
رن...موبايل دياب فالوقت ده
دياب......الووووو
انس.....دياب...
دياب...في ايه يالا خضتني ابوك في حاجه...حد جراله حاجه..
انس...لا كلهم بخير عايزك بس تركز معايا...في حاجه مهمه حصلت لازم تعرفها...ولازم تفكر معايا وتقولي اتصرف ازاي...
دياب...متتكلم علي طول يا انس قلقلتني.
انس...الاول انت جمب لمار..
دياب...اه ليه
انس...طيب عايزك تبعد
دياب...تمام خليك معايا...
راح دياب عند لمار..
دياب...حبيبي انا علي بال ما تخلصي القهوه هقف بس بره اعمل مكالمه في مصر اطمن عليهم.
لمار...طيب براحتك...
حدفلها دياب بوسه
ابتسمت لمار
خرج دياب وقف بره...
دياب...في ايه يا انس كارمن او مامت لمار حصلهم حاجه..
انس....دياب محدش حصله حاجه انا بكلمك بخصوص الموضوع بتاع عمك..
دياب...ياشيخ حرام عليك وقعت قلبي.
انس...ولما تعرف يا دياب هتتصدم...
لما روحت لحمزه وفهمته جابلي المكالمات واسم الراجل ورقمه... لما قولت لعمك علي الاسم طلع ميعرفهوش. رجعت كلمت حمزه وفهمته اننا عايزين عن انه وتفاصيل اكتر...العنوان كان مش واضح وقاللي علي ابلكيشن انزله وادخل في رقمه زي كده نظام تتبع....طبعا معرفتش اعمل حاجه من ساعت ما بابا تعب....بس انهرده...فعات الابلكيشن وجبت النقطه اللي موجود فيها وفضلت ماشي وراها...لحد ما بقي ادامي في ميكروباص...نزل منه سبت العربيه وفضلت وراه مكنتش مركز انا فين بالظبط كل اللي كنت مركز فيه انه ميغبش عن عيني....لاكن اتصدمت لما ركزت فالمكان والشارع اللي هو ساكن فيه
دياب....مكان ايه🙄
انس...المنطقه اللي لمار وكارمن ساكنيني فيها....
دياب....غريبه....بس عادي يمكن صدفه..
انس....عندك حق يمكن بس مظنش انه صدفه بردو انه يطلع مسعد ده هو نفس الراجل اللي كان عايز يموت والدت لمار وضربني بالمطوه وجري..
دياب....انت بتقول ايه😳😳
انس...هو والله العظيم هو يادياب انا لايمكن انسي شكله ابدا...حتي الچاكت اللي كان لابسه نفس اللي شوفته بيه..
دياب....استني يا انس عليا....انت عارف اللي انت بتقوله ده معناه ايه
انس....ايوه عارف...ان مرات عمك تقصد والدت لمار....وده معناه انها علي علاقه بيهم وفي سر. ومش بعيد السر ده يكون مرتبط بقتل والدها...
دياب...لا لا انت اكيد مخدتش بالك او يمكن شبهه..
انس...طيب انا بيتهيألي ومخدتش بالي...صدفه ان انقذ والدت لمار في نفس اليوم اللي مرات عمك كانت منتظره تسمع خبر موت واحده...انا سمعتك الفويسات كل كلامها عن واحده وباين اوي الحقد والكره اللي بتتكلم بيه...طيب مش غريبه ان الشخص اللي شوفته يومها يطلع نفس شكله...ويطلع كمان ساكن في نفس منطقتهم..يعني اكيد عارفهم.
دياب...مش مستوعب اللي بيسمعه..
هو شكله ايه..
انس...هبعتلك صورته حالا..بس هتعمل ايه ولا انا اعمل ايه..
دياب...مش عايز عمي يعرف حاجه الوقت.ولو سألك قوله انك هتبتدي تشوف ايه حكايته .بس عينك عايزها علي مرات عمي وعلي الراجل ده متغفلش لحظه...وعايزك تجبلي كل معلومه عن الراجل ده... اسمه سنه مكانه بالظبط متجوز ولا لا...ايه علاقته بوالدت لمار...وايه علاقته بحنان...وايه اصلا علاقه حنان بوالدت لمار..
انس...تمام..انا كنت بفكر اسال كارمن بطريقه غير مباشره يمكن تكون عرفاه.
بس مس عارف اسألها اقولها ايه انا حاسس ان دماغي وقفت..
دياب....هقولك هتعمل زي ما انا هعمل..
انس...هتعمل ايه...
دياب...اسمع.................
انس...طيب تمام...انا هروحلها الوقت.
دياب...تمام ترجعلي تاني. تعرفني عملت ايه
انس...تمام.
دياب..ابعت الصوره متنساش...
انس...حالا...سلام
دياب..سلام...
وقف دياب مزهول من اللي سمعه ولع سيجاره وهو الصدمه باينه عليه...سمع صوتها من وراه...
لمار....لما انت خلصت مدخلتش ليه القهوه هتبرد..
دياب...لف....حاضر جاي اهو..
دخل دياب وراها....اعد عالكنبه.. وهو شارد..
لمار....دياب انت كويس...
دياب...اه يا حبيبي تمام.
لمار ....لمال مالك...حساك متغير في حاجه في مصر
دياب...با خالص يا روحي...بس مصدع شويه مش اكتر...
وصلت رساله انس ...
فتح دياب الصوره وفضل باصص فيها شويه. وسكت...
لمار...دياب هو انا المفروض اعمل ايه في حكايه السفر دي...انا هسافر بجد
دياب...بصلها وهو ساكت شويه.ودماغه مش معاها.
لمار...دياب انت معايا..
دياب...اه يا حبيبي معاكي....لسه مش عارف بس حتي لو هتسافري خايفه من ايه..
لمار...خايفه من ايه؟؟؟انت بتسأل اسرائيل ايه اللي اروحها...
دياب....لو اضطرينا نسافر اكيد هنسافر...وانا هكون معاكي..
لمار...طيب..
دياب....بقولك ايه صحيح...
لمار...قول..
انس...طالبك في خدمه.يعني لو تقدري تساعديه...
لمار....😳😳كارمن.فيها حاجه
دياب...لا كارمن ايه ..ده حاجه تخص انس. جاله امبارح فالقسم مشكله كبيره وداخل فيها واحد طلع من نفس المنطقه بتاعتكم بيقول شكله كويس بس حاسس انه مش مرتاحله....
لمار....مين ده..
دياب...لحظه....فتح الموبايل....دي صورته. واداها الموبايل....واستني يشوف تعابير وشها. وهتقول اسم نفس الراجل اللي طلعت حنان بتكلمه ولا ايه..
لمار....😳😳😳مسعد!!!
دياب...😳 انتي تعرفيه هو اسمه فعلا مسعد...
لمار....طبعا اعرفه...ده صاحب بابا😔
دياب....نعمممم
لمار...في ايه.
دياب...بارتباك...اااه لا مفيش بس يعني واضح ان في فرق سن صحاب ازاي..
لمار....فعلا في فرق سن مسعد تقريبا من سنك بس كان ديما مع بابا
دياب...وده ايه ظروفه..
لمار....هو عمل ايه..
دياب.. ااااه مش عارف مسألتش انس اوي...بس يمكن خناقه او حاجه زي كده..تقريبا قالي انه باين عور حد وهو بيقول محصلش ومش هو فا انس بيحقق في قضيته...
لمار....انا مقدرش اقولك يا دياب كلام انس ياخد بيه او انه مثلا علي اساس كلامي يحاسبه...انا مقدرش اشيل ذنبه.
بس لو بتسألني عنه بيني وبينك...
بصت لمار ادامها بحزن
الراجل ده انا عمري في حياتي مرتحتله
ومن الناس اللي علموني يعني ايه كره
دياب....ليه بتقولي كده مش بتقولي انه كان صاحب والدك .
لمار....اه كان صاحبه...ويمكن ده الشخص الوحيد اللي دخل بيتنا كذا مره بابا عمره ما دخل حد عندنا البيت ..
دياب...عمل ايه..
لمار....مكنتش برتاحله مكنش شكلنا ولا مننا...ولا حتي كان شكل بابا اللي كنت اعرفه...
دياب...هو انا ممكن اسالك
لمار.....اتفضل
دياب...انا مش هسألك قتلتي والدك ليه بس عايز اسالك سؤال مجاش في بالي اني اسألهولك قبل كده...
لمار....اتفضل.
دياب....والدك كان كويس ولا وحش...
يعني انتي من كلامك وحكاياتك عنه كان كويس كلام كارمن عنه كان كويس...كلام كارمن عن علاقتك بوالدك بتقول انكم كنتو صحاب وقريبين جدا من بعض..ويمكن ده اللي سبب الجدال حوالين قضيه قتلك ليه..انا زي ما قولتلك مش عايز اعرف بس انا عندي فضول شخصي مش مهني اني اعرف الراجل ده كان كويس ولا وحش..
سرحت لمار...وعينها كانت بتلمع بالدموع بس لمار كانت متماسكه ورافضه ان دموعها تنزل...
لمار.....يمكن اجابتي مش هترضي فضولك بس هجاوبك....
كان كويس طول عمره مان كويس طول السنين اللي عشتها معاه....كان احسن اب وصاحب وصديق واخ...لحد اليوم اللي قتلته فيه...🙂😔
دياب....يعني طول 18 ولا نخلينا نقول 19 علي طول...طول السنين دي كان كويس ويوم ما قتلتيه كان وحش...يعني يمكن قتلتيه بسبب موقف كلام حوار ايآ كان السبب. ايه هو بس معقول السبب ده مشفعلهوش عندك السنين الحلوه اللي عشتيها معاه...بسبب موقف او ظرف نسيتي كل حاجه حلوه معاه....ازاي...ازاي انا كأبن ابويا بالنسبالي الاب والصاحب والاخ يوم ما يعمل حاجه تضايقني اقتله...انتي مستوعبه انتي بتقولي ايه...
لمار......ايوه مستوعبه...يمكن عشت معاه هو وامي اجمل واحسن ايام يمكن كان هو بالنسبالي كل حاجه يمكن كان اقرب ليا من امي نفسها. بس بالرغم من كل ده قتلته ....
💔💔
اوقات كتير يا دياب...ممكن علاقات كتير كانت مقطوعه تتوصل من جديد بسبب موقف👌 ....موقف يخليك تمحي اي ذكري وحشه كانت ليك مع الشخص ده......واوقات كتيييييييير اوي ممكن مش بس علاقتك تتقطع لا ده انت ممكن تقطعها من اساسها بنفسك. بردو بسبب موقف...والموقف ده مايشفعش للشخص ده اي ذكري حلوه..
يعني بختصار....الموقف الحلو يقدر يمحي سنين من الذكريات الوحشه..
لاكن..الموقف الوحش...من شخص كان الحياه بالنسبالك يقدر يمحي كل ذكري حلوه يقدر يزرع في قلبك كرهه ضعف حبك ليه ...
دياب....اد كده الموقف ده يدفع للقتل...
لمار....مش عارفه بس ردي عليكي يمكن لو الموقف ده اتكرر تاني وتالت...مش هتردظ ثانيه اني اقتله...
دياب....فضل باصصلها وساكت....
لمار...نرجع بقي لمسعد....مسعد ده كان وحش وحش لدرجه انه حاول مره. يمد ايده علي جسمي
بس وقتها خفت اقول لبابا مش عشان اي حاجه...بس ده لاني كذا مره لفت نظر بايا انه ميجبهوش البيت بابا كنت بحس انه بيزعل...لفت نظره ان نظرات مسعد ليا مش مريحه...كان بيقولي بيتهيألك انتي عيله بالنسباله...مع اني كنت شايفه ان الفرق بينا مش كبير للدرجه..وحتي لو كنت عيله بالنسباله بس كفايه انه بصلي كفايه ان نظراته مريحتنيش...لكن للاسف بابا كان بيزعل وكان يأعد فتره ميخليهوش يجي البيت ولما الموضوع يتنسي كان يرجع تاني...لحظ ما فيوم كنت نازله راحه درس كنت هقابل كارمن ونروح سوا...
روحنا ورجعنا...فاليوم ده النور كان قاطع عن المنطقه كلها وكل الناس ماشيه بكشافات الموبايل انا عمري ماخوفت من الضلمه عادي يعني بس من اليوم ده وانا عندي فوبيا من الضلمه او اي مكان مقفول...
وصلت لحد باب البيت
واول ما دخلت من الباب لقيت حد دخل ورايا...غمضت لمار عينها شويه بوجع وهي بتفتكر...
وكملت...دخل ورايا وشدني تحت السلم وانا معرفش مين ده..وحط ايده علي بوئي. وفضل يقرب مني بطريقه مقرفه
مكناش قادره اتنفس من ضغط ايده علي نفسي اديته بالموبايل في راسه....
اتوجع جامد. ولفني ليه وشوفته فضل يحاول يقرب مني...عضيته من ايده جامد وضربته تاني بالموبايل...وجريت بره عالشارع. خفت اطلع ومن هوفي اقع عالسلم ويعرف يمسكني...واول ما خرجت اختفيت...من ادامه روحت علي كارمن...مكنش باباها هناك...واول ما شوفتها انهارت....فضلت تقولي هي وطنط مني اني لازم اقول لبابا بس انا كنت عندي احساس انه مش هيصدق هيفكر اني عشان مش بحبه ممكن اتبل عليه...بس هي دي حكايتي ومعرفتي بيه..مسعد يبان شاب كويس هادي مؤدب...لاكن هو عكس كده...
دياب...تصدقي وتأمني بالله..
لمار...لا اله الا الله..
دياب....انا هعمل كل جهدي عشان نخلص العمليه دي ونرجع كويسين ومحدش فينا حاصله ايه حاجه عشان بس اربي الكلب ده بايدي...
لمار...بسخريه...يعني انت عايز ترجع عشان كده.
دياب...لا عشان حجات كتير لاكن حاليا انا عايز ارجع للكلب ده واعرفه ازاي يتجرأ ويلمسك ...وانا هخلي انس متحفظ عليه بطريقتي انا لحد ما انزل.
لمار....دياب ده موضوع وخلص بلاش.
دياب...خلص بالنسبالك لاكن انا مخلصش بالنسبالي...
لمار....طيب يلا يامجنون عشان نقوم نسهر...ميناش عازمك بنفسه.
دياب....ولا ميناش ده كمان انا ناقص..
لمار...بضحك...بقي الراجل طالب مني اني اخرج انا وانت عشان يجي يقابلنا فالمكان ويتعرف عليك 😉😉😉 ويحاول يجرجرك تبقي جاسوس زيي وترفض.
دياب...وحش انا اوي صح.
لمار...اوييي🙈🙈
دياب...طب ما تيجي تختاريلي لبس حلو كده
لمار....ليه وانت صغير
دياب...لا بس اصل بصراحه عايز اقولك كلمه سر...
لمار....دياب اتلم...
دياب....اتلم ده انتي نهارك مش معدي....مايا وميناش ومسعد...وانس وسياده اللواء...كوكتيل فظيع هطلعه عليكي.
لمار...جريت وهي بتضحك وتصرخ وهو وراها....🙄🙄😉😉😉😉😉😉
................
وصل انس عند كارمن ...
كارمن فتحت الباب...كنت حاسه انك هتقدر ترجع..
انس...ادام وعدتك لازم ارجع..كنتي بتعملي ايه
كارمن...كنت بشوف اللبس اللي هروح بيه بكره..
انس...وياتري هتروحي بأيه🤨🤨اياك تروحي بحاجه ضيقه.
كارمن....ولو روحت عادي.
انس..بغضب....نعم بتقولي ايه..
كارمن....بقول عادي😁وبعدين هتعمل ايه يعني انت اللي مشتريلي اللبس ده يعني لو ضيق يبقي انت السبب
انس...انا اللي مشتريه🙄اه صح...😁
بس بردو 😡😡😡قسما بالله لو لقيته ضيق عليكي هتشوفي هعمل فيكي ايه.
كارمن...بردو🙈🙈🙈
انس....اه انا مفتري عاجبك ولا لا🤨
كارمن ...عاجبني😒
انس...ومالك بتقوليها من غير نفس ليه..المهم..
كارمن...نعم..
انس...في واحد صاحبي معايا قالقسم ماسك قضيه بتاعت واحد ساكن في نفس منطقتك انتي ولمار ضرب واحد بمطوه وعوره وبيقول مش هو وصاحبي بيقولي شكله ميديش كده لما لقيته من منطقتك قولتله انا هسالك عليه اعرف ناس من هناك..
كارمن...مين ده
انس....دي صورته..
كارمن...وريني🙂. مسعد😳
انس...انتي تعرفيه...
كارمم...اه ده جارنا فالمنطقه وكان صاحب عمو خالد والد لمار...
وابتدت مارمن كنان تحكيله كل حاجه بنفس التفاصيل بتاعت لمار...
كارمن...بس دي كل حكايته..
انس...يعني عايز ضرب النار.
كارمن....هو من ناحيه عايز ضرب النار فا هو عايز😏لاكن من ناحيه القضيه معرفش عشان مشيلش ذنبه...
انس...ماشي ياستي
كارمن....ماشي ميرسي الشوكلت😍
انس...اي خدمه😉
الصبح هصحيكي تلبسي علي بال ما اجيلك...
كارمن...حاضر هو انت ماشي.
انس....اه..عشان اسيبك تنامي بقي
كارمن...طيب😏
انس ..لو عيزاني اعد موافق بس بشرط
كارمن...قول وانا موافقه😍😍😍
انس...ابات هنا😉😉
كارمن...😒😒😒يلا يا انس عشان متتأخرش.
انس...بضحك...قلابه اوي..واللي يشوفك وانتي اعده لوحدك تصعبي عليه بس تصظقي انتي حلال فيكي تأعدي لوحدك..
كارمن...طيب يلا قوم اتكل علي الله😡
انس...🤨🤨🤨ياساتر انا راجل وسخ عشان رجعتلك تاني..
ضحكت...كارمن بصوت عالي..
ابتسم انس...عجبتك اوي..
كارمن...اه عجبتني...
انس...شدها لحضنه وباسها من راسها...يلا يا مجنونه تعالي اقفلي ورايا..
كارمن...حاضر😍😍🙈
انس...عايزه اي حاجه...
كارمن...سلامتك لما توصل طمني عليك.
انس...لا😏
كارمن....بحبك يا انس...
انس...وانا بموت فيكي يا روح قلب انس..
................................وصل دياب ولمار...للفندق اللي كانو هيقابلو فيه ميناش...بحجه ان ميناش صديق مايا وحابب يتعرف علي دياب.
كان اللقاء عادي مجرد كلام ودردشه شخصيه بيحاول ميناش يتعرف علي دياب قدر ميناش يتأكد انه يعرف شخصيات ورموز كبيره رموز هما محتاجنها جدا في شغلهم...
ميناش....انا اري ان معك حق في انك تغضب رجل قوي وذكي مثلك رجل يحاول دائما معرفه كل ما يدور حوله لابد انه يقدر بطريقه تليق به اكثر من ذلك.
دياب....ولكنهم لم يقدرو
ميناش هل فكرت ان تترك عملك في بلدك وتكتشف ذاتك في مكان اخر.
دياب...فكرت ولكن لا استطيع انا اعشق عملي وبلدي...وليه حياه وعائله واصدقاء...لا استطيع تركهم
ميناش...ولما لا تجعلها تجربه..
دياب...كيف..
ميناش....تأخذ هدنه من العمل وتسافر في جميع انحاء العالم وتكتشفه سياسيا كنوع من انواع المعرفه والثقافه..
دياب...انابالطبع في هدنه طويله...ولكن لم افكر في السفر حول العالم ولكن هي فكره اعجبتني...
ميناش...اذن اترك الامر لي انا انظم رحلات ثقافيه حول العالم هذا عملي...وبما انك بدأت من فرنسا سنعتبرها اول دول في الاكتشاف...
دياب....وانا اوافق وبشده..
ميناش....حماسك للمعرفه والاكتشاف مثير للاهتمام..
دياب....انا شخص احب ان اتعلم كل شي يدور حولي...انا ضابط في المباحث الجنائيه...امتلك عقل ظابط المخابرات. وامتلك قوه وجسم ظابط الصاعقه....وامتلك حكمه ظابط الجيش المصري...وامتلك تركيز حرس الحدود...
باختصار....انا شخص ملم بكل مايخص اجهزه بلدي...
ميناش بانبهار....احييك علي ثقتك بنفسك. واعتزازك بعملك..
دياب...اشكرك...وانا متحمس لفكرتك وجاهز للسفر في اي وقت.
ميناش ...انا انظم رحله في غرب آسيا لعده بلاد منها لبنان سوريا الاردن فلسطين. إسرائيل...
دياب...إسرائيل...وااااو...انا متحمس جدا
ميناش ...اتفقنا...ايام قليله وتبدأ رحلتنا...وسوف ابلغ مايا بالمعاد.
دياب...مايا هل ستذهبين في عذه الرحله.
مايا...بالطبع..سأذهب..
دياب.....😉😉يبدو انها ستكون رحله مثيره للاهتمام...
ابتسمت...مايا بمياعه...
وابتسم ميناش لمايا بخبث...ان خطتهم مشيت زي ما هما عايزين...
...................
وصل انس تحت البيت نزلتله كارمن..
انس.. ايه القمر ده انا شكلي كده هدخل معاكي عشان محدش يعاكسك..🤨🤨
كارمن...قلبك ابيض...وبعدين متقلقش خلي كده حد يفكر يجي جمبي..وانا هعمل فيه زي ما عملت فالشارع عندي...
انس....متفكرنيش 😂😂😂😂
اتحرك انس بالعربيه....
وبعد وقت بسيط...وصلو ادام الجامعه...
انس ..عندك محاضرات هتأعدي اربع ساعات...
هخلص كام مشوار...وهرجعلك اياكي تخرجي من الجامعه قبل ما اجي.
كارمن...من غير اياكي انا انا اصلا اخاف اخرج ..
انس...بضحك...ماشي يا خوافه...يلا ادخلي وعايز جوه عسكري انتي فاهمه🤨🤨🤨
كارمن....وهي بتأدي التحيه العسكريه....تمام يا افندم..
انس....بالزمه في عسكري قمر كده...
كارمن....بغرور لا طبعا مفيش.
انس...طب انزلي بدل ما اتهور..
فتحت كارمن...بسرعه الباب وجريت...
كارمن...بااااي.
انس...باي...فضل واقف لحد ما دخلت ادامه من البوابه...ومشي
دخلت كارمن...واول ما دخلت حست بقبضه في قلبها.مع كل خطوه بتمشيها.وكأنها شايفه لمار في كل مكان كانت بتقف معاها فيه....عند الكافيتريا يجيبو اكل..عند الشجره يستخبو من الشمس....في وسط الزرع عشان يتصورو.... في ركن هادي...كارمن بتعيط في حضن لمار وهي بتحكيلها علي اللي ابوها عمله...فتحت موبايلها تشوف الصور وتروح علي مكان كل صوره اتصورتها معاها فالجامعه...
كارمن.....وحشتيني ....
..مر كذا يوم من غير اي احداث وسافر دياب ولمار مع ميناش...وصلو علي البلاد العربيه وكل بلد كانو بيأعدو فيها يوم او اتنين لحد ما وصلو اخيرااااااا إسرائيل....
ومن هنا...نقدر نقول ابتدت الحرب..