قصة يتيمتى
البارت الاول1
بقلم شذى المكرم
__يا زفتة دا شنو العملتي دا تعالي وين انتي . جيت طالعة من المطبخ وانا برجف وبضغط في اصباعي ودايرة ابكي لقيتو واقف وماسك قميص في يدو
_ والله اسفة دخلتهم في الغسالة مع بعض
__ انتي متخلفة ولا شنو في زول بدخل الملابس الملونة مع البيض
_ ما كنت عارفة . وخلاص دموعي في طرف عيني
__ كدا طيري من وشي يا غبية . جدعني بالقميص في وشي وجا ماري لزاني من كتفي قربت اقع واصل مشيهو وصل باب الغرفة التفت علي
__ والله تخربي قميص تاني تعرفي حأعمل ليكي شنو. هزيت رأسي سريع
_ فاهمة والله فاهمة تاني ما بتكرر . دخل غرفتو وقفلو بعصيبة ما صدقت انو ما ضربني طوالي جريت المطبخ وانا بأخد نفسي وببكي وبقول الحمدلله عدا على خير الحمدلله الحمدلله واصلت طبخ جهزت الغدا ومشيت غرفتي استحميت وجيت رصيت الغدا ومشيت ضربت ليهو باب غرفتو فتحو
__مالك عاوزة شنو
_ اااا
__ اتبكمتي ولا شنو . قالها بعصيبة لمن قربت انط
_ الغدا
__ امشي قدامي . ماشة قدامو وانا خايفة اتغدينا واديتو الشاي وهو دخل غرفتو شوية وجا طالع بمفتاح عربيتو
_ طالع؟
__انتي دخلك شنو
_ دااايرة اعرف حترجع متين .
__عندك معاي حاجة . قالها بسخرية
_عشان بخاف اقعد براي بالليل
__ وانا اعمل ليكي شنو ما تولعي . وطلع خلاني براي قعدت ابكي ذي كل يوم دي حالتي كل يوم قعدت منتظراهو وانا خايفة لانو قاعدة براي ما قدرت انوم قعدت في الصالة وانا ضامة رجولي علي ودموعي نازلة
طبعا ما فهمتو حاجة دي انا ملك وانا يتيمة ام و اب ورباني عمي وهسي الكنت منتظراهو دا راجلي سليم وطبعا من معاملتو معاي عرفتو انو مجبور علي عشان كدا بعاملني كدا لينا شهرين متزوجين بس يومي ضرب وشتيمة انا ما حمل الوجع دا كلو خلونا نرجع للرواية ونعرف الباقي مع الاحداث
قعدت منتظرة سليم يرجع وانا خايفة رجع البيت متأخر جا داخل عاين كدا ولا عبرني وطوالي دخل غرفتو وانا اطمنت ودخلت غرفتي ونومت وصحيت الصباح بدري عشان اجهز ليهو ملابسو والشاي جهزت الشاي ودخلت غرفتو بالراحة صحيتو بالراحة وزحيت ورا عشان ما ينفعل فيني دخل الحمام وانا جهزت ليهو ملابسو وطلعت المطبخ كبيت ليهو الشاي طلع من غرفتو وهو بتكلم بالتلفون مشيت اديهو ليهو اداني ضهرو وانا وراهو مباشرة وهو لسع بكلم بلمن خلص التفت وراهو وطقشني والكباية انكشحت في ايدي وحرقني وانا وهو اتنفضنا والكباية وقعت اتكسرت طوالي ضربني كف
__يا غبية دايرة تحرقيني
_ ا ا اسفة
__ ياخ انتي ما بتعرفي حاجة دي شنو البلوة دي . لزاني من كتفي وطلع ومشى قعدت في الارض وابكي شوية قومت ودخلت الحمام عملت معجون في يدي عشان ما يشيل موية وطلعت نظفت مكان الشاي وقعدت محتارة في حالي دي
. أحَـتَـاجُ إلـىَ صَـرخَـةُ تَـفِـجَـر مـا بِـدآخِـلّـي مُـنَ اّلَـمِ ...