قصة يتيمتى
البارت الخامس عشر15
بقلم شذى المكرم
مشيت المدرسة اليوم التاني وزمن الفطور جاتني طالبة قالت المدير عاوزني يا ربي يكون عاوز شنو اللهم اجعله خير مشيت ليهو
ملك: استاذ قالو طلبتني
المدير: اي طلبتك
ملك: اتفضل
المدير: طبعا انتي ليكي شهر ما داومتي والناس فاتتك في المواد
ملك: بالفعل بس بحاول الحق
المدير: طبعا عملنا حصص اضافية ومراجعات بعد المدرسة فيكي تحضري عشان تلحقي
ملك: سمعت عنها بس ما بقدر احضرها لظروف
المدير: تمام ماف مشكلة فيكي تتفضلي . وطلعت لقيت هند منتظراني
هند: قال ليكي شنو
ملك: ماف حاجة اتكلم معاي بخصوص المراجعات ورفضت بس
هند: ياااخ حاولي تجي
ملك: انتي ما عارفة انا تعبت كيف عشان ادخل المدرسة
هند: بس حاولي . ومشيت قضيت باقي اليوم ورجعت البيت بعد الغدا
سليم: طبعا المدير اتصل بي . انتبهت للكلام الحيقولو
ملك: بخصوص
سليم: قال عاملين مراجعات
ملك: صح كلمني ورفضت
سليم: ليه رفضتي . عاينت ليهو بأستغراب
ملك: كيف يعني ليه رفضت
سليم: ما نفسك تلحقي الناس
ملك: سليم بس انا عندي التزامات تانية
سليم: ما بتقدري توفقي بينهم؟ . يداب صلحت قعدتي كويس والتفت عليهو
ملك: انت ما رافض يعني
سليم: ليه ارفض مدام فيهو مصلحتك . قربت منو ومسكت ايدو
ملك: بالجد
سليم: لو بتعرفي نفسك ما حتقصري في الجانب التاني ما عندي مشكلة كلها كم شهر وتخلصي بالمرة يعني ما العمر كلو
ملك: انا رفضت لانو فكرت انت ما حتقبل بالحاجة دي
سليم: انا ما رافض لانو للان ما شايفك مقصرة من ناحيتي ابدا
ملك: وما حأقصر من ناحيتك ابدا ان شاءالله ولو حسيت بكدا بخليهو طوالي حتى المدرسة بخليها
سليم: بتعجبيني لمن تكوني فاهمة كدا . ابتسمت ليهو بخجل
ملك: اممممم
سليم: اجتهدي كويس باقي ليكي كم شهر بس وتنتهي صح
ملك: صح
سليم: وانا بدعمك . ميلت عليهو
ملك: انت دايما داعمني
سليم: هو انا عندي منو غيرك عشان ادعمو . دايما بخجلني بكلامو
بالفعل اليوم التاني سجلني في المراجعات النهارية
المدير: بتبدأ بعد نهاية الدوام بس ما متلزمين برجوع الطلاب بالتراحيل لانو في ناس ما مسجلة بترجع في الدوام العادي ودا زمن الترحيل
سليم: وهي يوميا
المدير: الايام الفردية بس يعني تلاتة يوم في الاسبوع بنحاول نغطي ليهم
سليم: مناسب جدا وهي اعتبروها حالة خاصة لازمها اهتمام وانا ما حأقصر من اي ناحية
المدير: ماف مشكلة نهائي
سليم: تسلم والرجوع انا برجعها الايام الشغالة فيهو مراجعات
المدير: كدا تمام . شكرناهو وطلعنا وكنت مبسوطة شديد بإهتمام سليم
ملك: بالجد شكرا يا سليم
سليم: بضربك لو تاني قولتي شكرا
ملك: هههههه تمام خلاص بس يا سليم ما حيكون ليك تعب اضافي لمن ترجعني
سليم: عادي اصلا حنرجع البيت مع بعض الزمن داك بكون دوامي خلص
ملك: تمام
سليم: يلا اجري فصلك
ملك: باي . ودعتو وكل ما امشي خطوتين التفت و ارفع ليهو يدي وهو يضحك بس لمن دخلت فصلي
بالفعل بديت المراجعات النهارية المكثفة بس بالجد نفع معاي شديد وعوضي عن الفات بنسبة80٪ وكنت بحاول بقدر الامكان ما اقصر من ناحية سليم وكنت بطبخ كل سبت طبخ الاسبوع وسليم كان بشجعني وبساعدني بالتسميع في المواد المحتاجة تسميع لمن عدا شهرين بالشكل دا اما بالنسبة لي اهل سليم فاصريت ليهو انو امشي ليهم لانو كان رافض شديد عشان بسمعوني كلام بس قولت ليهو في النهاية ديل اهلك وانا بتحملهم عشانك واخيرا رضى لمشيت ليهم اخر جمعتين ديل خلال الشهرين دا وحتى امتحاناتي التجربيبية كانت بداية الاسبوع الجاي ويوم الجمعه مشينا بيت ناس سليم
بس حصل حاجة ما كنت خاتها في الحسبان نشوف في البارت الجاي
"ويبقى الإحترام ، حجر أساس العلاقات."😴🖤