قصة يتيمتى
البارت التاسع والعشرون29
بقلم شذى المكرم
بالفعل المساء لمن سليم رجع من الشغل جا دخل الغرفة عملت فيها نايمة قام نقل جزء من ملابسو من الغرفة للغرفة التانية بعد خلص حتى رفعت رأسو فجاة جا داخل تاني
سليم: امسيتو كيف . ما رديت ليهو جا قعد في طرف السرير
سليم: ملك ليه ما عاوزة تسمعيني هل استحق منك المعاملة دي هسي عاجبك الوضع دا
ملك: اي عاجبني
سليم: تمام خلاص . شال البيبي وطلع وانا قعدت محتارة في البحصل معاي قلبي بقول لي اسمعي داير يقول شنو وعقلي بقول لي لالا حيكذب ليكي وانتي شوفتيهو فعيونك قطع تفكيري دخول عمتو نادية الغرفة جات ساعدتني عشان ادخل الحمام دخلت واستحميت وهي غيرت لي ما قصرت معاي بالجد
اليوم التاني كان الجمعة جو ناس عمتو فاطمة وبناتها خلاص بطني طمت كل ما اشوف يقين بتذكر بس الغربية هي ما جات سلمتني جوا الغرفة ختيت في بالي انو ما جات معاهم بعد الفطور كدا قاعدة في غرفتي كنت عاوزة امشي شوية لاني مالا من القعدة يومين ما طلعت حتى الحمام داخلي لقيتهم في الصالة
نادية: ملوكة مالك طلعتي عاوزة حاجة
ملك: حأمشي الحمام
نادية: كان تناديني في حمام جوا غرفتك
ملك: عاوزة امشي الخلفي
نادية: احسن على الاقل تتمشي شوية
ملك: ايي
نادية: سلمى ساعديها
سلمى: اتقدمي بلحقك
ملك: تمام . اتحركت بالراحة بالراحة ماشة على راحتي فجأة سامعة صوت زول بتكلم بالراحة كدا اتقدمت شوية لقيتها يسرى وكانت مادياني ضهرها سمعتها بتقول للزول الفي التلفون
يسرى: ما عارفة والله للان ما شوفتو يمكن طلع
التاني:..........
يسرى: بري والله بقت هادئة كدا ذي الزول الما مبسوط شكلو خطتك نجحت
التاني:........
يسرى: نتمنى والله عشان ينفصلو ويبعد وانتي تقربي منو ويتزوجك وتكرهي فيها
التاني:..........
يسرى: بس عليك الله انتي جاتك الخطة دي منو
التاني:........
يسرى: لو ما رسلت ليكي الرسالة في الوقت المناسب ما كان شافتكم في الوضع داك .
ما قدرت استحمل اكتر يعني دي كلها كانت خطة من يسرى واختها عشان يخلوني انفصل من سليم وانا الغبية ساعدتهم اكتر وسليم وكل مرة بقول لي خليني احكي ليكي الحصل كنت برفض ااااخ هسي هو وين ما عارفة قامت راجعة لقيت سلمى في الطريق
سلمى: ليه راجعة موش كنتي ماشة الحمام
ملك: سلمى شوفتي سليم وين
سلمى: انا بقول في شنو وهي بتقول في شنو
ملك: خليكي من الحمام شوفتيهو وين
سلمى: طلع بس ما قال ماشي وين
ملك: تمام ارح ساعديني في الحمام . مشينا كدا لقينا يسرى اتخلعت طبعا كانت خايفة نكون سمعناها بس اتخطيناها ومشينا الحمام سلمى ساعدتني خلصت ورجعت الغرفة كنت منتظرة متين سليم يرجع عشان يمسي علينا بس خاب ظني سلمى جات داخلة الغرفة
سلمى: سليم قال عاوز البيبي
ملك: يعني هو رجع
سلمى: اييي
ملك: شيليهو . شالت البيبي وطلعت يعني سليم ما عاوز يشوفني ولا شنو
صباح السبت كنت برضو منتظرة سليم عشان يصبح علينا جا داخل مع امو في وجود عمتو ما قدرت اقول حاجة شال البيبي وقعد يلعب معاهو وانا عمتو دخلتني الحمام خلصنا كدا ختا لي البيبي في حضني وطلع بعد الفطور مليت من القعدة جوا الغرفة طلعت ليهم برا وجا عمو احمد ابو سليم ومعاهو فاطمة ويسرى بس مشيت قعدت جنب سليم هو ذاتو استغرب بس ما علق كان بشاغل البيبي وهو في رجلي وانا مبسوطة
عمو احمد: جيبو لي حفيدي خلوني اشوفو
نادية: دقيقة اجيبو ليك والله حلات الدنيا عليهو
عمو احمد: الولدتو منو
فاطمة: بالعكس عشان ابوهو سليم . في دا بتفق مع عمتو فاطمة لاول مرة طوالي عمتو جات شالتو مني ادتو لعمو احمد
عمو احمد: عاينو نايم كيف ذي سليم لمن كان صغير . كان نايم وخاتي ايدو في وشو
نادية: بالفعل سليم كان بنوم كدا لمن كان صغير
ملك: وللان بنوم كدا . عاينت ليهو وهو عاين لي وابتسم
نادية: لاحظتيهو موش
سلمى: يا امي قربو يتمو سنتين لو لاحظتو تكون بالغت . ضحكنا كلنا
نادية: ملك المفروض تتمشي شوية
ملك: تمام عمتو
نادية: سليم ساعدها تتمشى ورا البيت . داير يرد كدا قاطعتو يسرى
يسرى: خالتي بمشيها انا . مالا الغبية دي
ملك: بتمشى مع سليم . قولتها بخجل كدا بس عاوزاهو هو يمشيني
سليم: ارتاحي يا يسرى بمشيها انا . قومنا فوق طلعنا من الصالة كدا مسكتو من ايدو فوق ذي من تكون خايف من حاجة بتمسك في الزول عاين فيني وابتسم بقينا ماشيين في البيت والله اشتقت ليهو شديد اتمنيت يحكي معاي بس كان ساكت وصلنا ورا البيت وقفنا شوية
سليم: ملك . طوالي جريتو الياقة حقتو ورفعت نفسي شوية وطبعتها ليهو عاينت ليهو لقيتو مخلوع وانا ذاتي اتخلعت من روحي كيف جاتني الجراءة وعملت كدا طوالي اديتو ضهري
سليم: ملك . غمضت عيوني وبسب لنفسي في سري حسيت جاني بقدام فتحت عيوني حضني عليهو طوالي بكيت شديد ومسكت فيهو قوي
سليم: اشتقت ليكي . شديت مسكتو فيهو شوية كدا زحيت منو
سليم: خليني افسر ليكي الحصل
ملك: انت كيف تخليها تقرب منك
سليم: بس هي الحضنتني ما انا
ملك: هي ما عارفة انك حق زول . وضيقت ليهو عيونو قام ضحك تاني حضنني
سليم: والله انا بحبك يا بت الناس
ملك: نتكلم في الموضوع داك بعدين
سليم: بعدين بالليل بجيكي في الغرفة . وغمز لي قومت ضحكت وضربتو
ملك: خليني نتمشى شوية
سليم: ما يتمشى الا نحنا
بالفعل اتمشينا شوية وكنت مبسوطة اخيرا اتصالحت مع سليم رجعنا الصالة
نادية: اوع يكون تعبتي
ملك: لا كدا احسن لانو رجليني وجعوني من القعدة الكتيرة
نادية: عشان كدا قولت ليكي تتمشي شوية
ملك: صح كلامك
اليوم خلص على كدا بالليل بعد عمتو نامت سليم جا الغرفة كنت خلاص حأنوم لانو نعست من كتر ما انتظرتو اخيرا شرف
سليم: ملك
ملك: سليم انا نعسانة نتكلم بكرة
سليم: مستحيل صحصحي معاي سريع
ملك: سليم ياااخ
سليم: والله تقومي بس . قومني صعبا عني
ملك: اها احكي . وقام حكى لي موضوع يقين من البداية
ملك: بت عمتك دي انا بأكلها بأسناني فاهم وتاني حاجة بيتي دا ما تدخلو فاهم
سليم: بس امنعها كيف
ملك: ما عارفة بس بقتلها ليكم يوم انا
سليم: اقتليها بس علاقتنا خليها بعيدة عشان ما عارفة اليومين الفاتو دي كانت علي كيف
ملك: على اساس انا اقل منك والله حسيت نفسي دخلت النار وطلعت ياااخ بسبب الحاجة دي ولدت قبل موعدي
سليم: خوفت عليكي مبالغة بس الحمدلله الاتنين بخير وبشكر ربي على النعمة دي
ملك: انت خليك معانا دايما
سليم: انتو كل حياتي . وجا شال البيبي
سليم: حاسميهو احمد على ابوي رأيك شنو
ملك: موافقة عشان يطلع ذي عمو
سليم: ان شاءالله . وقعدنا نحكي اخيرا رجعنا ذي زمان ولمن الزمن اتأخر
سليم: يلا نومي
ملك: مع انو ما نفسي تمشي بس بكرة دوامك بدري تصبح على خير
سليم: وانتي من اهل الخير . سلم علينا الاتنين وطلع نومت مبسوطة......
قدرك أنتِ هو أن تكوني حبيبتي , ولن تهربي من هذا القدر أبداً لأنه كلون عينيك البنفسجيتين لا حيلة لك باختياره💜