قصة يتيمتى
البارت الثلاثون30
بقلم شذى المكرم
الصباح جا سليم يصبح علينا
سليم: حبايبي اصبحو كيف
ملك: اااخ بس
سليم: مالك باين عليكي تعبانة
ملك: ولدك ساهر بي
سليم: شوفيهو نايم كيف كأنو ما عمل حاجة ههههههه
ملك: ولدك القى منو شنو غير التعب
سليم: هههههه هسي انا قاعد اتعبك
ملك: نهائي يا باشا
سليم : شايفة كيف ظلمتيني
ملك: معليش يالعم المظلوم
سليم: هههههه يلا اخليني تنومي باين عليكي تعبانة
ملك: والله نفسي ارجع انوم بس . سلم علينا الاتنين
سليم: نتلاقى بعدين
ملك: خلي بالك من نفسك
سليم : تمام . وطلع وانا رجعت نومت تاني بعد فترة حتى جات ساعدتني للحمام
وقيلنا لوحدنا لحدي ما سليم رجع وقعد معانا
سليم: امي ابوي حيجي بعد المغرب مع عمتي عشان موضوع السماية
نادية: كنت دايرة افتح ليك الموضوع
سليم: ما نسيتو لانو دا موضوع ما بتنسي
نادية: تمام بجهز للاجتماع
سليم: يسلم ايدك
بالفعل بعد المغرب عمو احمد جا ومعاهو سلمى وسلوى ومعاهو فاطمة ويسرى ويقين من جو داخلين سليم عاين لي داير يعرف ردت فعلي وانا الزمن داك بحاول اتحكم في عصبيتي عشان ما انفجر فيها جات سلمتني وبتعاين لي بأستفزاز كدا مشيت الموضوع عادي
سليم: طبعا يا ابوي داير اعمل السماية للطفل خلاص
عمو احمد: متين
سليم: بعد بكرة لانو كدا تم سبعة يوم
عمو احمد: والمناسبة شنو
سليم: دا الجيبتكم عشان نتناقش فيهو
عمو: فطور او عشا ديل المناسبين
سليم: صح كلامك
فاطمة: اول حاجة سميتو منو
سليم: اااخ نسيت اكلمكم الليلة طلعت ليهو شهادة ميلاد
عمو احمد: ما شاءالله تبارك الله اها سميتو منو
سليم: ملك تعالي . مشيت قعدت جنبو
سليم: جاهزين تعرفو الاسم
نادية: اها اتكلمو
سليم: سميناهو احمد عليك يا ابوي . عمو طوالي بكى لمن بكانا معاهو
ملك: عاوزاهو يطلع ذيك ان شاءالله
عمو احمد: ان شاءالله وانا بفتخر انو على اسمي
سلمى: احمد سليم احمد فخامة الاسم بتكفي
نادية: بالفعل والله اها قررتو شنو
سليم: فطور كيف
نادية: انا ذاتي شايفة فطور احسن بس اليوم عملي
عمو احمد: عادي بس يا سليم اصحابك في الشغل كيف
سليم: صح كلامك يا حاج وانا دايرو مناسبة كبيرة حاعزم اي زول بعرفو
عمو: انا ذاتي حاعزم الناس كلها على شرف السمي حقي دا
سليم: رايكم شنو عشا كبير في صالة كبيرة
فاطمة: اعملو في بيتكم عشان الناس كلها تعرف بيتك بس ممكن صالة متحركة
سليم: فكرتك حلوة يا عمتي
عمو احمد: او ممكن نعملو في بيتي لانو كبير ينفع للخدمة وكدا
فاطمة: برضو فكرة حلوة
سليم: خلاص في بيتك ابوي رأيك شنو ملك
ملك: ما عندي مشكلة
عمو احمد: خلاص عشا في بيتي
انتهى الاجتماع على انو عشا في بيت عمو احمد بالفعل اليوم التاني اوف اليوم البعدو كان الخدمة جابو طباخين وانا طبعا قعدت في البيت معاي سلمى والباقين في البيت الكبير جابو لي رسامة رسمت لي وعمتو مسبقا سليم خلاها تشتري لي توب السماية فجأتني بيهو عجبني شديد المغرب كدا اتصل علي سليم
سليم: جاهزين خلاص
ملك: ايي
سليم: متحرك عليكم
ملك: تمام . قفلت منو
ملك: سلمى سليم جاي علينا
سلمى: اصلا خلصنا بس دقيقه اصلح ليكي المكياج دا
ملك: اوكي . صلحتو لي وانتظرنا سليم وصل وجا داخل كنت واقفة وانا ماسكة احمد
سليم: ما شاءالله تبارك الله ربنا يحفظكم يا رب
ملك: امين يارب
سلمى: خليني اصوركم
سليم: فكرة حلوة شديد . طبعا سليم لابس جلابية جا وقف جنبي وشال احمد وختا ايدو في خصري سلمى صورتنا
تنا سلمى: اها غيرو الوضعية
سليم: ملك امسكي احمد انتي . شيلتو منو وهو وقف وراي وحضننا الاتنين . سليم ما عندو خجل نهائي قدام سلمى ههههههه اتصورنا كم صورة بوضعيات مختلفة بس كانت حلوة حتى طلعنا في الطريق
سليم: ملك
ملك: نعم
سليم: عزمت ناس ما عارفة حيعجبك الحاجة دي ولالا
ملك: منو
سليم: عمك ومرتو . سكتا للحظة مرت علي شريط حياتي كلها والعذاب الشفتو معاهم بس اتذكرت كيف سليم عوضني عن العذاب دا كلو عشان كدا قلبي صفا من اتجاهم وفي النهاية ما بنسى عمي انو آواني
ملك: لالا ما زعلانة على الاقل عندي زول من اهلي . سليم عاين لي وسكت وصلنا بيتهم وكانت في صيوانين متحركين واحد للحريم والتاني للرجال وما شاء الله عالم سليم وابوهو ما خلو زول ما عزموهو ههههههه مشيت مع سلمى اتجاه صيوان الحريم عاملينو بطريقة حلوة الاضاءة كأنو صالة بس من دخلت بالبيبي بدت المباركات والهدايا كان مخصصين لي مكان معين مشيت مع سلمى وقعدنا شوية وكدا جو مرت عمي وبتها من شوقتهم قلبي دق سنتين ما شوفتهم من اتزوجت قطعت علاقتي بيهم جو علي
مرت عمي: الف مبروك
ملك: الله يبارك فيكي عمتي
سناء بتها: يتربى في عزك ان شاءالله
ملك: ان شاءالله يا رب تسلمي اتقضلو . قعدو معاي
مرت عمي: ما شاءالله التحضيرات حلوة
ملك: سليم ما قصر
سناء: اول طفل ليهو لازم يعزو
ملك: ودا العملو طبعا دي سلمى اخ سليم . اتعرفو عليها وجابو لينا العشا اتعشو معاي ورأسي كان مرفوع فوق هم كانو مستغربين في التغيير الفيني متوقعين يجو يلقوني مسكينة وهبلة بس لا العهد داك انتهى شوية كدا واتصل لي سليم
سليم: تعالي الصالون في البيت
ملك: في شنو
سليم: داير اعرفك على اصحابي
ملك: اوكي جاية . شيلت احمد ومشيت الصالون ولقيتو معاهو اصحابو ما شاءالله عليهم كتار وهيبة ووقار كدا مبالغة سلمت عليهم وباركو لي المولود عندهم واحد كدا اجنبي سلم علي بالانجليزي رديت ليهو واتكلمت معاهو سليم كان مبسوط مني دا كلو بسبب كورس الاونلاين واصلا بحب الانجليزي شوية كدا وطلعت خليتو مع اصحابو لكن اصحابو ظراف رجعت لناس مرت عمي شوية كدا كانو طالعين
مرت عمي: عمك برا داير يسلم عليكي
ملك: تمام . طلعت معاهم لقيتو واقف سلمت عليهو حسيتو ذي الداير يبكي
عمي: الف مبروك
ملك: الله يبارك فيك
عمي: ان شاءالله مبسوطة
ملك: مبسوطة الحمدلله
عمي: الحمدلله
ملك: انت كيف بصحتك
عمي: المرض انتهى مني بس الحمدلله
ملك: ربنا يعافيك يا رب
عمي: نحنا نمشي خلي بالك من نفسك
ملك: تمام وانت خلي بالك من نفسك سجل لي رقمك . شيلت رقمو لازم اطمن عليهو في النهاية عمي اخو ابوي اخر ريحة من ابوي ودعتهم ودخلت العشا كان حلو ما شاءالله لمن الزمن اتأخر
سليم: اطلعي خلينا نمش
ملك: امسك احمد كدا بشوف عمتو نادية
سليم:ما تتاخري . مشيت ليها
ملك: عمتو نحنا ماشيين ما حترجعي معانا
نادية: لازم اشرف على الحاجات
ملك: صح كلامك
نادية: بتقدري تدبري حالك الليلة
ملك: بقدر
نادية: بكرة بعد اخلص بجيكي
ملك: تمام تصبحي على خير
نادية: وانتي من اهلو . ورجعت لسليم لقيتو جوا العربية ركبت
سليم: وين امي
ملك: قالت حتشرف على الحاجات وبكرة حتجينا
سليم:تمام . واتحركنا على البيت وصلنا ناس نوم بس اديت البيبي لسليم و دخلت الحمام لمن طلعت رضعت البيبي لحدي ما نام وسليم مشى عشان يغير في غرفتو اصلا كان مطرود من الغرفة ههههههه بعد غير جانا في الغرفة
سليم: طبعا الليلة مسموح لي انوم معاكم لانو ماف حكومة . ههههههع قاصد امو
ملك: هههههه لمدة يوم واحد بس
سليم: بركة في اليوم الواحد دا . طبعا نام معانا والصباح صحيتو
ملك: سليم الشغل
سليم: امي ماف ما بقدر اخليكم لوحدكم كدا
ملك: يعني ما ماشي الشغل
سليم: لو خليتيني انوم ما بمشي بس لو... . قاطعتو
ملك: نوم العوافي حبيبي . قام يضحك وواصل نومو الزمن داك رقدت البيبي جنبو ودخلت الحمام خلصت لقيتو صاحي وبلعب مع البيبي
سليم: صباح الخير
ملك: صباح النور فيك تدخل الحمام بعد دا . شيلت احمد منو وهو دخل الحمام وطلع
ملك: طبعا يا احمد الليلة حنشرب الشاي من يد بابا . رفع لي حاجبو لانو سليم ما قاعد يدخل المطبخ ولو دخل الا لو بتونس معاي بس ما بهبش حاجة ابجيقة سوداني جد جد ههههههههه
سليم: قولتي شنو
ملك: بتكلم مع ولدي انت الدخلك شنو
سليم: بس الكلام عني على ما افترض
ملك:اعمل لينا الشاي
سليم: واعمل ليكم الفطور برضو رأيك شنو
ملك: فكرة والله
سليم: سجمانة
ملك: شكرا هسي خلاص خت لي الموية في السخان وانا بعملو
سليم: والله لو ما والدة جديد كان حيكون لينا كلام تاني
ملك: اصلا لو ما تعبانة ما بعتمد عليك في مطبخي
سليم: لالا ياااخ
ملك: والله هسي قوم . قام خت الموية سمعت لمن صفر طوالي مشيت تميت الباقي وعملت الشاي اما الفطور كان في اكل في التلاجة سخنتو بس وقضينا اليوم مع بعض كان حلو لحدي ما عمتو جات وجابت معاها الغدا جاهز واتغدينا
نادية: ما يكون تعبتي بس
سليم: انا المفروض تسأليني السؤال دا لانو العملت كل حاجة
ملك: عمتي خت الموية في السخان بس ودا بعد شكلة طويلة عريضة . عمتي قامت تضحك
سليم: كونو اشغل السخان واملاهو موية واوصلو دا ما انجاز عليك الله يا امي
ملك: انجازك عينة يا ابو احمد . طبعا بقينا نتشاكل وعمتو تضحك بس......
"لم أكن أعرف بأني أحبه إلا حينما وجدتني ولمرات عدة أركض إليه عندما أحاول الهرب من الجميع، حتى نفسي. ثم أستريح تحت ظلال قلبه، مثلما يسرع المرء بخطاه في ظهيرة حارة ليستريح تحت ظل شجرة. مثل هذا الملاذ، مثل هذه الكفاية."❤