قصة يتيمتى
البارت السابع عشر17
بقلم شذى المكرم
بعد الغدا عمو احمد قال لازم كلنا نجتمع في موضوع داير يقولو لينا بعد اجتمعنا كلنا
عمو احمد: طبعا اتصل اخوي حامد وقال عرس ولدو الاسبوع الجاي
سليم: الف مبروك ليهو
عمو: الله يبارك فيك
عمو: طبعا لازم من كل اسرة يكون في ممثل
نادية: صح كلامك يا احمد
عمو: عمكم مصطفى قال حيمشى ولدو محسن وزوجتو واحتمال هو ذاتو يمشي يحضر
فاطمة: انا حأخلي يسرى ومصطفى " دا ولدها اسمو على خالو " يمشو
يسرى: حاضر يا امي
عمو: وانت يا سليم حتمثلني انا
سليم: بس يا ابوي انت قولت الاسبوع الفات
عمو: وين المشكلة
سليم: بس يا ابوي ملك نازلة التجريبي الاسبوع الجاي
فاطمة: انت يا ود شنو ملك ومدرسة ملك وين الفايدة من دراستها دي
سليم: خلي سالم يمشي بدلي
سالم: رندا حامل ما بتقدر على تعب السفر والطريق طويل
نادية: انت عارف يا سليم انو ابوك عندو سكري وضغط وما بقدر على السفر وهناك حيكون جوطة والاهتمام بيهو صعب
سليم: عارف يا امي بس كمان ملك امتحاناتها مهمة برضو
فاطمة: امتحان اخرة هو لمن مهمة دي واهم من اسرتك . للمرة التانية سفهوها ماف زول رد ليها
نادية: فيك تسافر انت وملك خليها معانا وتمتحن
سليم: مستحيل طبعا . الناس كلهم عاينو ليهو بأستغراب على جملتو دي لانو نصهم ما عارفين الحصل شنو
ملك: عمو حنسافر انا وسليم
عمو: ربنا يكمل بعقلك يا بتي . سليم عاين لي نظام ليه قولتي كدا بس عملت ليهو بعيوني نظام ماف مشكلة
عمو: اها يا سليم حتسافر
سليم: ان شاءالله . وبكدا انتهى الاجتماع بعد المغرب
سليم: ملك يلا
تمام: تمام . دخلت غيرت ملابسي وشيلت شنطتي بس فقدت تلفوني فتشتو كدا ما لقيتو وطلعت برا لقيتو في يد يقين
ملك: تلفوني بعمل معاكي شنو . اتخلعت طبعا
يقين: اااا بفتش في تلفوني دايرة اضرب بيهو لتلفوني ولمن فتحتو ما كان فيهو باسورت فأفتكرتو تلفون خالتو نادية
ملك: بس تلفونك في ايدك
نمارق: اااا بس قبل ما اتصل لقيتو اتفضلي تلفونك . مدتو لي وانا شيلتو منها تصرفاتها غريبة وكلامها شبه ما منطقي ما اهتميت للموضوع كتير ومشيت لسليم وطلعنا على البيت ماف زول فتح خشمو لمن وصلنا دخلت غيرت وطلعت ليهو
سليم: تعالي هنا
ملك: عارفة داير تقول شنو
سليم: اها ليه قولتي كدا
ملك: سليم ابوك حيزعل منك لو ما سافرنا
سليم: عارف بس انتي ممتحنة والامتحان دا كان حيحدد مستواكي اذا جاهزة للشهادة ولالا
ملك: ماف مشكلة كونو بقرأ دي براها كفاية بجي بمتحن الكبير بس وحيحدد لي مستواي
سليم: انتي ليه دايما طيبة كدا . ابتسمت ورفعت ليهو اكتافي
ملك: ما عارفة
قررنا خلاص انو نحنا حنمثل اسرة عمو احمد والسفر الاسبوع الجاي فنزلت المدرسة اواصل لمن زمن السفر يجي
يوم الاثنين بعد المغرب دخلت المطبخ اعمل قهوة وخليت سليم منتظرني في الصالة شوية كدا وسمعت سليم بصرخ
سليم: ملللك . لمن انا اتخلعت وطلعت ليهو
ملك: في شنو مالك بتصرخ كدا
سليم: تعالي هنا . وكان معصب مشيت عليهو
ملك: في شنو
سليم: دا شنو . ورفع لي تلفوني وكان راني ومكتوب my love
ملك: ما عارفة والله وما عندي رقم مسجل كدا . الخط فصل وتاني رجع اتصل رد سليم وفتح الاسبيكر
الخط: ملوكة حبيبتي . نحنا الاتنين اتخلعنا وعاينت لسليم بخوف
الخط: الو الو مالك ما عاوزة تردي راجلك جنبك؟
سليم: اي جنبها يا روح امك . طوالي فصل الخط سليم جدع التلفون في الكرسي والتفت علي
سليم بهدوء: دا منو
ملك: والله يا سليم ما عارفة
سليم: ملك للمرة التانية دا منو
ملك: والله ما عارفة
سليم بعصبية: ما عارفة كيف يا زفت ومسجل في تلفونك وبعرف اسمك انتي دايرة تستغبيني . انا ببكي وبحلف ليهو انو ما عارفة حاجة
ملك: سليم والله ما عارفة وانتي عارفني ما بكذب
سليم بعصبية: مدام ما بتكذبي قولي دا منو
ملك ببكي : والله ما عارفة
سليم: ما تقولي لي ما عارفة
ملك: والله ما عارفة . رفع ايدو داير يضربني كف بس وقفها في الهوا وانا غطيت وشي بأيدي
سليم بصراخ: طيري من وشي قبل ما اقتلك هسي . قومت جارية الغرفة حقتي القديمة دخلت وقعدت في السرير وضميت رجولي علي وببكي ما عارفة العمل كدا منو وكيف الرقم اتسجل في تلفوني وانا اصلا ما بعرف زول غير سليم في حياتي الليل كلو قضيتو بكي بس ما عارفة سليم وين طلعت بالراحة من الغرفة مشيت على غرفتو احتمال يكون نام فتحت الباب بالراحة عشان ما يصحى دخلت رأسي كدا لقيتو اصلا قاعد في السرير عاين لي طوالي طلعت رأسي وقفلت الباب ورجعت غرفتي قعدت خمسة دقايق واصلا النوم ما جاييني من الخوف جاني سليم
سليم: تعالي . قال كدا وطلع مشيت وراهو بس بعيدة شوية قعد في الصالة
سليم: انا قصرت معاكي في شنو . تاني فتحت بيت بكى
ملك: سليم ليه ما عاوز تثق فيني والله انا ماعارفة
سليم: وكيف الرقم مسجل في تلفونك وكمان يقول ليكي ملوكة حبيبتي لو زول ما بعرفك
ملك: المفروض انت تعرفني لانو ما حصل طلعت الا معاك وتلفوني ما قاعدة اشتغل بيهو ابدا وانا والله ما حبيت شخص غيرك في حياتي كلها . وقومت ابكي زيادة ملاحظين انو اعترفت ليهو صح
سليم: تعالي هنا . رفعت رأسي وعاينت ليهو هز لي رأسو قربت منو ضماني عليهو شديد تاني فتحت بيت بكى لمن هديت
سليم: انتي تلفونك دا منو لمسو غيرك
ملك: انا اصلا ما طلعت بيهو برا البيت الا يوم الجمعه
سليم: يمكن . قاطعتو وزحيت منو
ملك: يقين
سليم:مالا يقين
ملك: يوم الجمعة لمن كنا راجعين تلفوني كان في ايديها . وحكيت ليهو الحصل كلو وتبريرها
سليم: اصلا بتعملا الحيوانة ديك بس حأوقفها عند حدها
ملك: سليم ماف داعي للمشاكل واصلا حتنكر
سليم: بالفعل بس تاني لو حصل كدا ما حأسكت
ملك: تمام
سليم: اسف انو صرخت فيكي
ملك: لمن خوفت منك قولت حيضربني
سليم: بس مسكت يدي قلبي ما سمح لي اضربك
ملك: اممم سليم
سليم: نعم
ملك: انا ما دايرة التلفون تاني
سليم: خلاص المشكلة اتحلت بس احذري تاني واعمليهو ببصمتك
ملك: صح ممكن
سليم: دقيقة دقيقة
ملك: في شنو
سليم بأبتسامة خباثة: قبل شوية كأنو اعترفتي لي . رفعت حاجبي
ملك: بشنو
سليم: انو بتحبيني .
ملك بخجل:لا ما حصل . وجريت الغرفة وبردد غبية غبية ووغطيت وشي ونومت......
كنت احاول اخفي انبهاري الشديد و انا
اتأمل وجهك لكن راعي الهوى مفضوح .🙈😊