قصة يتيمتى
البارت العشرون20
بقلم شذى المكرم
اليوم التاني بعد المغرب حدث الشي الكنت خايفة منو قاعدة مع همسة بعيد طبعا شايفة يسرى يتتكلم مع حبوبة شوية كدا
حبوبة: امشو نادو لي سليم دا . رسلو ليهو وجا قعد جنبها
سليم: شنو يا حبوبة قالو رسلتي لي
حبوبة: ايي رسلت ليك
سليم: احكي . مسكتو من اذنو وشدت عليهو
حبوبة: هسي دا عملا تعملا . زح منها وفرك اذنو
سليم: في شنو يا حبوبة
حبوبة: انت كيف تجيب بت غريبة وتخلي بت بتي
سليم: حبوبة انتو كلكم مشكلتكم شنو معاها .
جات عمتهم وحدة تانية كدا : وريني منو في الاسرة دي اتزوج برا
سليم: عمتي انا اخترتها وابوي موافق
حبوبة: بس ماف زول موافق وابوك لمن عقد ليك ما استشار زول ومرتك دي براك تقبلا
عمتهم: امي صح كلامها براك تقبلا . انا سامعة فيهم ودموعي في طرف عيوني
حبوبة: شوف قربت تمت سنة ولهسي طفل ما جابتو ليك
عمتهم: يمكن ما بتلد الله اعلم
حبوبة: اها شوف عيالي انا اي واحد فيهو عندو كم ولد ابوك دا عندو اربعة والخامس الله يرحمو وشوف اعمامك الباقيين
عمتهم: خلي ابوهو اخوهو سالم عندو حمودي واهو مرتو حامل
سليم: عمتي الزمن اتغير و التفكير اتوسع
حبوبة: اكيد خربت ليك تفكيرك برضو . انا دموعي خلاص نزلو سليم وقف فوق
سليم: ملك تعالي هنا . مشيت ليهو
سليم: حبوبة وعمتي اهو ملك قدامكم بس طلعو لي عيب فيها والله العظيم تلاتة مرات بعقد على يقين بت عمتي فاطمة الكلكم مرشحينها لي يوم الجمعة مع خالد سوا " دا العريس" . انا اتخلعت والمكان صنة دقيقتين لانو كان جادي شديد دموعي بس بتنزل وبمسح فيهو
حبوبة: ولادة ما بتلد دا ما عيب هسي
سليم: حبوبة كونو المرا ما بتلد دا ما عيب دا خلقة ربانية بس منو قال ليكم ملك ما بتلد بس نحنا مأجلين الحاجة دي
حبوبة: ليه تأجلوها
سليم: حبوبة انا لسع ما جاهز للمسوؤلية دي وتاني حاجة ملك صغيرة ما مستعجلين نحنا وعلى ما افترض دي حاجة بتخصنا نحنا الاتنين بس اها تاني في حاجة
حبوبة: ما مشكلة قولنا اتزوجت دي فيك تتزوج بت عمتك برضو
سليم: والله يا حبوبة انا مكتفي بدي بس ما عاوز تاني غيرها ويقين قدامي لو كنت عاوزاها كان اتزوجتها ولو مافي حاجة تقولوها تاني انا ماشي ويا ملك تعالي اديني غيار . مسحت دموعي ومشيت وديتو الغرفة هو عاين ماف زول قريب قفل الباب
سليم: تعالي . كالعادة مشيت بكيت في حضنو لانو ملجأي
سليم: خلاص كفاية ما تبكي
ملك: ماف زول متقبلني فيهم
سليم: لانك حلوة من بناتهم فغيرانين اني اخترتك انتي
ملك: بس انت ذاتك كنت ما متقبلني في البداية
سليم: الحمدلله انو وافقت على كلام ابوي بأنو انتي المناسبة لي وهسي يومي بدعي ليهو وذي ما انا اتقبلتك في النهاية كلهم حتقبلوكي لانو ماف طريقة انا مكتفي بيكي وبحبك
ملك: لو كان قالو ليك سبب مقنع كان عقدت على يقين
سليم: انا لو ما واثق في انو ما فيهم يقولو عنك حاجة ما كان قولت كدا اطمني انا غيرك ما عاوز . هداني بكلامو دا مسحت دموعي واديتو غيار وقبل ما يطلع
سليم: هانت كلها كم يوم ونرجع لحياتنا اوكي
ملك: اوكي . سلم على في رأسي وطلع مشى قعدت شوية في الغرفة مع روحي الحاجة المطمناني انو سليم في ضهري ودايما بدافع عني قدامهم فقولت ما حأشتغل بكلام زول انا لحدي ما ارجع بيتي طلعت برا قعدت مع همسة لمن اليوم خلص ومشيت نومت....
_________
طبعا اتوقعت ملك حتلقى مضايقات من اهلي وبحاول اخفف عنها بس عارف انو الشالتو في قلبها ابدا ما حيخف بالكلام بس بحاول انو اطمنها انو انا واقف جنبها ما تخاف بس اناما بعرف البحصل معاها من وراي شنو لانها كتومة وما بتحكي الحصل ليها ابدا بتمنى كلامي مع حبوبة يجيب نتيجة وما يضايقوها تاني تفكيري كلو كان معاها هي بس....
________
اليوم التاني الصباح بحاول انو اتعامل معاهم عادي كأنو امس ما حصل النقاش دا النهار كدا عملت جك عصير ومشيت بيهو لحبوبة قعدت معاها
حبوبة: انتي يا بنية انا قولت ليكي شنو
ملك:حبوبة انتي شوفتي مني شنو كعب
حبوبة: ما شوفت بس
ملك: حبوبة لو شوفتو حاجة كعبة كلموني بخلي ليكم ولدكم دا . مسكتني من اذني
حبوبة: دا راجلك ما اسمو ولدكم . قومت ضحكت
ملك: اوكي خلاص راجلي . حتى فكتني
ملك: خليني اعصر ليكي رجلينك ديل
حبوبة: يا بنية هوي ما تخليني احبك
ملك: اصلا حتحبيني يا حبوبة . عصرت ليها رجلينها شوية وبتكلم معاها حبوبة قلبها طيب بس العرفتو خايفة على سليم لانو اكتر حفيد مقرب منها بعد شوية كدا
ملك: خليني اتصل على سليم يجي يشرب العصير دايما ذي الوقت دا بشربها
حبوبة: لو ما كان بتهتمي بولد ولدي كان طردتك
ملك: ههههههه حبوبة ما حتلقي حاجة تطرديني عشانا
حبوبة: كويس
اتصلت على سليم
ملك: تعال عشان تشرب العصير
سليم: وين انتي
ملك: في غرفة حبوبة تعال بورا
سليم: اوكي جاي . دقيقتين وسليم وصل كبيت ليهو عصير
سليم: شنو يا حبوبة شايفك اتفقتي مع مرتي
حبوبة: نهائي ما حنتفق
ملك: هههههه ما تخاف اتفقنا بس بتهظر معاك
حبوبة: انت لقيتها وين البنية دي
سليم: حلمت بيها بس والصباح كلمت ابوي وعقد لي . قرصتو من اذنو انا ضحكت فيهو
حبوبة: انت يا ولد هظارك دا ابدا ما حتخليهو
سليم: معليش خلاص والله ملك دي كانت اختيار ابوي وانا وافقت بس بالجد نعمة الاختيار ما مقصرة معاي نهائي ربنا يخليها لي . عاين لي وابتسم
حبوبة: هوي يا ولد ما تمدحها قدامي عشان احبها
سليم: والله يا حبوبة ملك من دون مديح بتتحب
حبوبة: قرب اضانك "اذنك" . سليم جا قريب منها
حبوبة: انا شكلي حبيتها بس ما تكلمها . فكا الضحكة
سليم: اوكي خلاص الكلام دا بينا بس
حبوبة: كدا انت ولد ولدي
سليم: زمان كنت ولد الجيران ولا شنو . اتكلم معاها شوية وطلع مشى وانا قعدت معاها وبتونس معاها وشايفاها لانت من جهتي شوية اخيراااا مدام حبوبة لانت ما بهمني الباقي......
اللين باللين، والود بالود .. والبادئ باللطف تألفهُ الروح😴❤