قصة يتيمتى
البارت السابع والعشرون27
بقلم شذى المكرم
الايام بتمر دخلت السادس في يوم الجمعة بالعصر قاعدين في البيت سامعة صوت دلوكة في الحي
ملك: سليم سامع
سليم: سامع
ملك: شكلو دا بيت الطهور الجنبنا دا عزموني الحنة بس عشان ما بعرفهم
سليم: ايوااا . وقومت لبست توبي وطلعت في باب الشارع لقيت جارتي اللصق معاي واقفة برا طبعا عروس جديدة عندها تلاتة شهور اتعرفت عليها اسمها هيفاء سلمت عليها
هيفاء: دي حنة بالدلوكة
ملك: حلوة لكن
هيفاء: ارح نشوفهم
ملك: بشوف سليم
هيفاء: اوكي منتظراكي
ملك : تمام . دخلت جوا لسليم
ملك: سلوم
سليم: ادخلي في الموضوع طوالي
ملك: عاوزة امشي الحنة دي
سليم: بشكلك دا؟
ملك:ليه مالو شكلي
سليم: قصدي ببطنك دي مستحيل طبعا
ملك: سليم ياااخ ماف رقيص اصلا يعني حأكون قاعدة في الكرسي
سليم: اوعك تتحركي من كرسيكي
ملك: حاضر
سليم: اقدمك؟
ملك: ماشة مع هيفاء جارتنا
سليم: اوكي ما تتأخري
ملك: حاضر حبيبي انا . ودخلت غيرت توبي وطلعت لقيتها واقفة لي ومشينا مع بعض وطبعا ما بعرف زول بس بنعرف الشخصيات اتعرفت عليهم وقعدت جنب هيفاء والدلوكة شغالة والاغاني حلوة ما حسينا بالوقت المغرب دخل والعشا قرب والدنيا بقت ليل وطبعا ما شايلة تلفوني ونحنا قاعدين معاهم جاتني وحدة كدا
البت: انتي ملك
ملك: ايي
البت: راجلك برا
ملك: تمام . ومشت
ملك: هيفاء سليم برا انا ماشة
هيفاء: تمام شوية كدا وانا بطلع
ملك: اوكي باي . ودعتها وطلعت برا لقيت واقف
سليم: ما بدري
ملك: بدري من عمرك حبيبي انا هههههه
سليم: دي بحالتو قولت ليكي ما تتأخري وهسي جيت طلعتك انتي نسيتي انو عندك راجل
ملك: في زول بنسى روحو
سليم: ايي اكلي بعقلي حلاوة . ضحكت
ملك: معقولة ياااخ
سليم: خلي من دا رأيك شنو نتمشى ولا تعبانة
ملك: لالا ما تعبانة من قبيل ما قومت من الكرسي عليك الله خلينا نتمشى حبة
سليم: تمام . بالفعل اتمشينا برجلينا شوية بالليل والجو ظابط
سليم: خلينا نرجع عشان ما تتعبي
ملك: اوكي . بالفعل رجعنا البيت
بعد اسبوع كان التقديم
سليم: اها نقدم ليكي وين
ملك: انا عاوزة مختبرات بس الجامعة اختارها انت
سليم: تمام . بالفعل اليوم التاني مشى قدم لي وبعد نتيجة التقديم ظهر واخدوني جامعة واحمد وداني المعاينة وبعد خلصت جمد لي السنة دي انزل السنة الجاية ورجعنا
ملك: سليم بالجد شكرا
سليم: دي وحدة من واجباتي اتجاهك
ملك: والله للان ما مصدقة انو حأقرا جامعة
سليم: ماف سبب بمنع انو ما تقري
مرت الشهور دخلت التاسع خلاص والدكتور قال الولادة طبيعية وممكن اولد في اي لحظة في يوم العائلة كانت معاي في البيت بعملو لي في الريحة
نادية: ملوكة اها الولادة متين
ملك: الدكتور قال في اي زمن
نادية: جاهزة
ملك: الليلة ما عارفة حاسة بشوية ألم
نادية: دي آلام طبيعية
ملك: ايوااا . الالم لسع زايد شوية وشوية بس صابرة
سلمى: ملوكة تعالي . مشيت معاها المطبخ قعدت في الكرسي وبتونس معاها جات يسرى
يسرى: سلمى ممكن موية
سلمي: دقيقة . جابت الموية ادتها وادتني معاها وقعدنا نتكلم التلاتة او بالاصح انا بتكلم مع سلمى ويسرى شغالة تتدردش بتلفونها مع زول
ملك: سلمى حاسة بألم كدا
سلمى: لانك قربتي خلاص
ملك: اممممم
سلمى: وين الحلة بتاعت البورست
ملك: في المخزن دقيقة اجيبو ليكي
سلمى: خليهو انتي تعبانة انا بجيبو وصفي لي
ملك : لالا عادي بجيبو . وقومت مشيت اتجاه المخزن هو بورا البيت وياريت ما مشيت بهناك وصلت بورا فجأة شوفت يقين حاضنة سليم اتخلعت طبعا وحسيت بطعنة في قلبي ويقين زحت سريع منو وعاينت لي
يقين: ملك!!!! . مع كلمة ملك دي سليم عاين لي مخلوع
سليم: ملك . وجا علي رجعت ورا منو وخلاص بطني وجعتني زيادة وحسيت بموية في رجلي وفكيت الصرخة من الوجع ما عارفة من الولادة ولا من خيانة سليم ..........
نشوف الحصل شنو في البارت الجاي
نفس الوردة التي كنت أسقيها جرحتني .💔