قصة يتيمتى
البارت العاشر10
بقلم شذى المكرم
بعد قرار سليم للسفر كنت هامة حياتي حتكون كيف ما عارفة . يوم الجمعة ستفت ملابسي وملابس سليم لانو مسافر السبت بكرة جا داخل بعد المغرب
سليم: ملك تعالي . مشيت ليهو كان في ايديو كيس وقعدت جنبو فتح الكيس وطلع كرتونة كانت تلفون
سليم: جيبت ليكي تلفون والمفروض كان اجيبو من بدري
ملك: ما كنت محتاجة ليهو لاني ما بعرف زول غيرك ولا بتعامل مع زول
سليم: هسي حنتواصل بيهو خليني اختو في الشاحن وبعدين افتحو واوريكي استعمالو كيف تمام
ملك: تمام . مشى ختى التلفون في الشاحن ورجع قعد معاي
سليم: ملوك
ملك: نعم
سليم: بكرة الصباح سالم حيوصلني المطار وقبل المطار حنوصلك انتي بيت ناس امي تمام
ملك: تمام
سليم: اتكلمت مع الترحيل ووصفت ليهو البيت ومن الاحد حيجيكي هناك تمام
ملك: تمام
سليم: ليه زعلانة كدا
ملك: سليم لو قولت ليك ما تسافر حتسمع كلامي؟
سليم: ملوك كلها شهر بس وحأرجع ليكي وهناك مع ناس امي ما حتملي لانو في ناس كتيرة
ملك: بس انت بتكفيني . مسك ايدي
سليم: وان شاءالله اكفيكي دايما
ملك: خلاص شهر بس
سليم: اي شهر بس
ملك: تمام . التلفون شحن وجا فتحو لي ودخل الشريحة وفعلها لي ونزل لي واتس من تلفونو عشان اتواصل معاهو وعلمني شوية حاجات فيها مع انو بعرف انا ما امية للدرجة ديك لمن خلصنا قعدنا نحكي شوية
اليوم التاني سالم جا وقفلت البيت كويس وطلعنا معاهو وصلوني بيتهم وودع ناس البيت واداني مصاريفي
ملك بهمس : سليم
سليم: نعم
ملك: ما ممكن امشي معاك المطار اودعك
سليم: نفسك تمشي . هزيت ليهو رأسي
سليم: دقيقة اشوف سالم تمام
ملك: تمام . كلم سالم وقال ما عندو مشكلة كنت مبسوطة بالفعل مشيت معاهم المطار وقعدنا لمن خلاص جا زمن الاقلاع
سليم: خلي بالك من نفسك تمام
ملك: تمام وانت خلي بالك من نفسك . عيوني دمعو
سليم: تمام يلا باي . ودعناهو ورجعنا مع سالم وصلني وقال راجع بيتو طبعا هو راجل رندا وابو حمودي لو متذكرينهم دخلت البيت وطبعا نزلت في غرفة سليم عشان اخد راحتي دا كلام عمتو ناديه واصلا سلوى وسلمى غرفتهم وحدة وفيهو سريرين بس دخلت الغرفة لقيت شنطتي هناك فتحتها وطلعت الكتب رصيتهم في درج كان قاعد جوا الغرفة وغيرت ملابسي بجلباب ولبست توب وطلعت ليهم كلهم قاعدين فجأة جات عمتهم فاطمة من بيتها طبعا مستحيل تنسوها وقعدت معانا لمن جا زمن الفطور
فاطمة: قومي يا بت جهزي الفطور قاعدة ليها لشنو
نادية: فاطمة هي جات قبل شوية بس
فاطمة: وجات تقعد ملكة ولا شنو قومي يا بت . قومت بالراحة ومشيت المطبخ تبعتني سلمى
سلمى: انتي عارفة عمتي وحركاتها
ملك: بعرف ماف مشكلة اصلا . جهزت معاي الفطور ورصيناهو وفطرنا وتاني خلتني اعمل شاي الفطور وانا خشمي وعندي النهار عملنا جبنة شوية تلفوني اتصل لقيتو سليم فرحت فرح فتحت الخط
ملك: سليم وصلت بخير
سليم: بخير الحمدلله
ملك: حمدالله على السلامة
سليم: الله يقبل حمدك اها كيف انتي
ملك: انا كويسة الحمدلله . طوالي عمتو فاطمة شالت التلفون من اذني اتخلعت بس سكتا سلمت عليهو وادت عمتو ناديه اتكلمو كلهم معاهو وقفل رجعت لي تلفوني
فاطمة: اها الغدا الحيعملو منو . بتتكلم وهي بتعاين لي
ملك: حأعملو انا
نادية: انتي عملتي الفطور وتعبتي بتي
ملك: ماف تعب عمتو
فاطمة: تعب شنو بالله نحنا لمن كنا في عمرهم ماسكين كم بيت مع بعض وهي يغلبها الغدا كمان
نادية: مالك عليها يا فاطمة جيلنا ما ذي جيلهم . لوت خشمها ساي قومت وعملت الغدا انا وطبعا سلوى ولا بتقرب من المطبخ اصلا عملتو براي وخلصت كنت تعبانة تعب مبالغة بس سكتا وطبعا من حظي الزفت عمتهم فاطمة قالت حتقعد كم يوم معانا معناهو معأناتي معاهم ما حتخلص قضيت اليوم بتعب
صباح اليوم التاني قومت بدري وجهزت ليهم الشاي عشان ما اتطاقش مع عمتهم دي واتجهزت للمدرسة وخلاص وشيلت شنطتي منتظرة الترحيل طلعت برا لقيتهم صحو
فاطمة: ماشة وين
ملك: المدرسة
فاطمة: مدرسة!!! انتي بتقري مدرسة . سمعت صوت البوري حق الترحيل
ملك: ايي
فاطمة: مدرسة شنو ليكي وانتي متزوجة
ملك: ليه يا عمتو
فاطمة: تقعدي تهتمي بزوجك ولا تمشي المدرسة وتهمليهو ما شايفاهو بقى ضعيف كيف من الاهمال وعدم الاكل
ملك: بس انا ما مقصرة معاهو
فاطمة: انتي حتناقشيني يا بت طيري غيري ماف اي مدرسة المرة المتزوجة بيتها هي مدرستها وانا حأتكلم مع سليم قال مدرسة قال . دموعي نزلو
فاطمة: انتي لسع واقفة محلك امشي غيري ملابسك دي وتعالي كبي للناس دي الشاي . رجعت الغرفة وبكيت بكى واتمنيت سليم يرجع بس ماف طريقة غير ملابسي وجيت كبيت ليهم الشاي
فاطمة: نادية انتي نهائي ما شايفة شغلك كيف تسمحي بحاجة ذي دي وفارغة ذي دي
نادية: يا فاطمة
فاطمة: مدام انتي ما بتحسمي الفوضى انا بحسمها . حبست دموعي من النزول والعبرة خنقتني بس اعمل شنو ماف طريفة ........
وكأنَها ايام مِثل الجِبال ثقيلةٌ على قلبَي جدًا .💔😴