قصة يتيمتى
البارت الثاني عشر12
بقلم شذى المكرم
اليومين ديل مرو علي بتعب منتظرة متين اشوف سليم عشان قلبي يرتاح واخيرا جا اليوم الجاي فيهو صحيت بدري وجهزت ليهم الشاي وسلمى طلعت على الجامعة بس سلوى ما شغالة الليلة ونضفت البيت وسلوى ما كلفت نفسها تقول لي اساعدك حتى . ما بتريدني اصلا وانا بقيت ما بحتكر بيها ابدا تعاملي مع سلمى بس لمن جا زمن الفطور جهزتو انا طبعا ذي كل يوم وجهزت الشاي وقعدت منتظرة جية سليم تاني قومت بديت في الغدا سمعت سلوى من برا بتقول
سلوى: سليم وصل سامعين صوت العربية . خليت الفي يدي وجريت الصالة اشوف
فاطمة: يا بت امشي جهزي العصير والموية وتمي الغدا دا سليم دا بتشوفيهو بس امشي سريع . رجعت المطبخ وانا زعلانة حتى سليم ما عاوزاني استقبلو ......
_______
قررت ارجع خلاص ما عارف الشهر دا غياب ملك عني اثر فيني بحاول اتواصل معاها بس ما قاعدة تستعمل التلفون لمن وصلت خلاص السودان الشريحة تبع السودان بدت تشتغل نزل لي محاولات المكالمات لقيت كم مكالمة من المدير تبع مدرسه ملك داير ارجع ليهو كدا لقيت سالم قدامي استقبلني وشيلت الشنط تبعي في العربية اتصلت على المدير وسلمت عليهو
المدير: طبعا يا باشمهندس سليم ملك عندها شهر كامل ما جات المدرسة
سليم: كيف يعني شهر
المدير: دا الحاصل واتصلت عشان اكلمك تلفونك كان مغلق
سليم: صح لانو كنت برا السودان ودي يداب جيتي
المدير: ايوااا حمدلله على السلامة بس دا الحاصل وما عندنا زول تاني علشان نصل بيهو ليها
سليم: تمام انا حاشوف بس بتمنى ما يكون اتخذت اي اجراء
المدير: لالا لازم نعرف سبب الغياب شنو
سليم: انا حأحل الموضوع دا . اتكلمت معاهو شوية وقفلت قعدت مستغرب كيف يعني شهر يعني كذبت علي لمن سألتها بس ليه اكيد في سبب
سالم: سليم مالك الحاصل شنو
سليم: دا مدير مدرسة ملك
سالم: هي ملك بتقرأ مدرسة
سليم: اي كان سجلتها عشان تواصل تعليمها
سالم: ايوااا . وصلنا البيت وكلهم استقبلوني
امي: حمدلله على السلامة يا ولدي . وحضنتني
سليم: الله يقبل حمدك . وعمتي فاطمة وسلوى حمدو لي السلامة بس الاستغربت منو ملك ما طلعت عشان تستقبلني
سليم: وين ملك
سلوى: في المطبخ
سليم بصوت عالي : ملللك . جات طالعة ومعاها صينية فيها موية وعصير قعدت اعاين فيها هل دي ملك الانا خليتها حالتها اتغيرت بقت ضعيفة ولونها بهت ما عجبني حالها نهائي مدت لي الصينية و لسع بعاين فيها ليه بقت كدا
ملك: حمدلله على السلامة
سليم: الله يقبل حمدك . فضلتنا انا وسالم قعدنا شوية كدا
نادية: اطلع يا ولدي عشان ترتاح
سليم: تمام يا امي ملك كدا ساعديني في الشنط دي
ملك: حاضر . وطلعنا الشنط غرفتي مجرد ما دخلنا الغرفة قفلت الباب وفتحت ليها يدي
سليم: تعالي . جاتني جارية ودخلت فيني اول مرة من اتزوجنا تحضني وفتحت بيت بكى عرفت انو في حاجة بس ما حابي اسألها هسي
سليم: خلاص ما تبكي ارجع ولا شنو
ملك: لالا
سليم: خلاص ماتبكي . زحت مني ومسحت دموعها
ملك: خلاص ما ببكي . عاينت في عيونها واقعات من التعب ندمت انو سافرت وخليها هنا اكيد عمتي عذبتها لانو ما بتريدها
ملك: انا خليني اطلع ليهم
سليم: لالا خليكي ارتاحي شوية انا جيت لقيتك في المطبخ
ملك: بس
سليم: ما بس ولا اي حاجة . قعدتها في السرير مجرد ما ختها رأسها طوالي نامت عرفتها انها تعبانة غيرت ملابسي ونمت انا ذاتي صحيت بزول بضرب في باب الغرفة فتحتو لقيتها سلوى
سليم: عاوزة حاجة
سلوى: عاوزة ملك
سليم: ليه
سلوى: عمتي قالت اناديها ترص الغدا
سليم: العمل الغدا منو
سلوى: ملك
سليم: يبقى رصيهو انتي ولمن تخلصي نادينا تمام
سلوى: بس عمتي قالت
سليم: ماف فرق بينك وبين ملك ومدام ملك نامت يبقى عادي ترصيهو انتي ولا شنو ممكن ولا ما ممكن
سلوى: ممكن . ومشت وانا دخلت الغرفة وقفلت الباب وملك كانت لسع نايمة شوية كدا وسلوى جات قالت انو الغدا جاهز
سليم: ملوك قومي
ملك: همممم
سليم: الغدا جهز صحصحي عشان نتغدا . طوالي قامت
ملك: نسيت الغدا
سليم: رصتو سلوى جاهز هو
ملك: الحمدلله . وقامت دخلت الحمام غسلت وجهها وطلعنا برا ليهم
سلوى: حق الرجال بهناك
سليم: تمام . ومشيت اتجاه الديوان وخليت ملك معاهم.....
_________
لمن طلعنا مع سليم الغرفة وهو فتح لي يدو ما صدقت طوالي دخلت في حضنو دا الكنت محتاجاهو بس وبكيت فيهو وطلعت تعبي كلو فيهو كنت عاوزة اطلع برا عشان عمتو فاطمة ما تعصب بس سليم منعني وخلاني ارتاح مجرد ما ختيت رأسي في المخدة نومت طوالي ما صحيت الا بسليم بقول لي الغدا جاهز وطلعنا ليهم جيت قعدت معاهم في الصينية
فاطمة: نايمة ليها لشنو عملتي شنو لمن تنومي
سلمى: كفاية انها عملت الغدا
فاطمة: انتي يا بت ما تردي لي . وتاني ماف زول فتح خشمو شوية وجا داخل سليم
سليم: وين الشاي
فاطمة: ما جاهز هسي ملك حتعملو
سليم: سلوى اعملي الشاي
سلوى: هسي انا رصيت الغدا
سليم: وحتعملي الشاي المشكلة وين
فاطمة: كفاية عليها خلي ملك الكانت نايمة تعملو
سليم: عمتي انا قولت سلوى حتعملو يعني حتعملو سلوى
سلوى: اووف يااخ . وطوالي دخلت المطبخ وانا رفعت الصينية دخلتها المطبخ سلوى عاينت لي من فوق لتحت ما اشتغلت بيها وطلعت برا وقعدنا كلنا حتى ابوهم قعد معانا سلوى جابت الشاي
سليم: سلمى كبي الشاي
سلمى: حاضر . وكبتو لينا ووزعتو وجات قعدت جنبي
سلمى: راجلك جا قولتي لي
ملك: هههه سلمى هسس
سلمى: ماف زول بقدر لسلوى غيرو
ملك بهمس: شايفة . شوية كدا وعمي مشى وطبعا سليم كان مانعني من اي حاجة ودا كان غايظ فاطمة شديد شوية كدا لمن ما لقت حاجة
فاطمة: انتو العدة دي حتغسل روحها براها
سلوى: عمتي انا تاني ما بعمل حاجة كفاية السويتهم دي
فاطمة: اي كفاكي بتي خلي الما عملو حاجة يغسلوها . طبعا قاصداني انا بكلامها طوالي بالراحة قومت
سليم: ماشة وين
ملك: حأغسل العدة
سليم: خليكي قاعدة حتغسلها سلوى
سلوى: مستحيل طبعا من قبيل انا بعمل اي حاجة ومرتك مرتاحة ليه نخدمها نحنا
سليم: ما هي خادماكم شهر كامل وما فتحت خشمها
فاطمة: اشتكت ليك ولا شنو
سليم: يا ريت لو بتعرف تشتكي بس وانا كلامي واضح سلوى حتغسلي العدة
سلوى: دا شنو الانانية دي
سليم: يستحسن تبلعي لسانك دا وتقومي سريع . سكتت ساي وقامت دخلت المطبخ
سليم: ملك قومي امشي لمي الشنط حنرجع البيت الليلة
نادية: ليه يا ولدي راجعين نومو الليلة وبكرة ممكن تمشو بيتكم
سليم: لا احسن نرجع في اليوم ملك قومي . قومت بالراحة ومشيت الغرفة.......
لا أحد يستطيع أن يضع نفسه مكان شخصٍ آخر، الألم مسألة شخصية