قصة يتيمتى
البارت الرابع والعشرون24
بقلم شذى المكرم
بقيت اعتني بحبوبة وبجميع ادويتها لمن رجعنا للدكتور تاني وكان في تحسن في حالتها الحمدلله رجعنا البيت
حبوبة: خلينا نعمل عصيدة ملاح.....
ملك: انتي تأمري أمر . بالفعل عملناهو او ممكن نقول عملتو انا بس هي بتساعدني بالطريقة وعملت العصيدة وختيتو
حبوبة: ما ننتظر سليم لمن يجي
ملك: شكلها بشهي ما بقدر انتظر لمن يجي بخت ليهو براهو
حبوبة: خلاص كويس . واكلنا مع بعض ورفعت الصينية ومشيت المطبخ عملت صلصة اسود عارفة انو سليم ما حيأكل العصيدة دي ولمن رجع
حبوبة: تعال يا ولدي الليلة ظبطتنا عصيدة ملاح..... حتحبو
سليم: اممممم تمام بغير وبأكل
حبوبة: سمح يا ولدي . ودخل الغرفة
حبوبة : رصي ليهو خلي يأكل
ملك: تمام حبوبة انتي ادخلي غرفتك ارتاحي شوية
حبوب: تمام يا بتي . ساعدتها دخلت غرفتها ورصيت لسليم الاكل ومشيت ليهو الغرفة
ملك: رصيت ليك الاكل تعال
سليم: ما عاوز انا
ملك: ما تخاف عملت لي صلصة اسود بس حبوبة ما عارفة
سليم: هل انا قبل كدا قولت ليكي انو انتي عسل
ملك: اول مرة اسمعها منك ههههههه وطلعنا مع بعض واكل
الايام بتمر وخلاص حبوبة كانت راجعة بيتها كنت ببكي بس وهي كانت بتوصي في سليم
حبوبة: سليم مرتك دي اوع تفرض فيها ما حتلقى احسن منها عمرك كلو
سليم: حأحافظ عليها ان شاءالله
حبوبة: اوع تزعلها فاهم يا بتي لو زعلك كلميني تمام
ملك: تمام حبوبة ربنا يخليكي لينا . بكيت بكى عشان هي ماشة
سليم: ما تبكي حأوديكي ليها
ملك: احلف
سليم: والله لمن القى اجازة حأوديكي ليها
ملك: تمام . ودعناها وسافرت خلت لي البيت مسيخ اتعودت عليها
بعد شهر من الكلام دا رندا مرت سالم ولدت ومشينا ليها كلنا هناك بعد الفطور
سلمى: ملوك اعملي لينا جبنتك الحلوة ديك
ملك: ما عندك مشكلة ارح نعملها . دخلنا المطبخ فتحت علبة البن طوالي بطني قلب من الريحة جريت الحمام لا مؤاخدة استفرغت ولحقتني سلمى
سلمى: انتي كويسة
ملك: كويسة الحمدلله ما عارفة فجأة بطني قلبت من الريحة
سلمى: يمكن تكوني حامل
ملك: ما ظنيت
سلمى: اخر مرة جاتك متين
ملك: ما متذكرة
سلمى: قاعد يجيكي لفة رأس
ملك: عندي كم يوم كدا
سلمى: بتنومي كتير
ملك: مبالغة اخر فترة دي
سلمى:متأكدة متين في المية حامل " طبعا سلمى بتقرا طب "
ملك: امممم ما عارفة
سلمى: قريب هنا في مستوصف خلينا نمشي فحص هسي بدون ما بنتبهو لينا
ملك: لو زول سألنا
سلمى: بنقول مشينا البقالة
ملك: اوكي . طلعنا بالراحة وكان ماف زول ومشينا المستوصف وفحصت النتيجة طولت شوية بس طلعت وبالفعل ظهر لي حمل كانت فرحانة شديد وسلمى ما اقل مني
ملك: اوع تقولي لزول خليني اكلم سليم بالاول
سلمى: تمام خلينا نرجع سريع . رجعنا والحمدلله ماف زول فقدنا لانو البيت مليان ناس
سلمى: ياااخ ما تصدقي مبسوطة ليكي قدر شنو
ملك: حبيبتي انا
سلمى: حأبقى عمة للمرة التالتة
ملك: ان شاءالله . وقعدنا مع البنات ولمن جا زمن الغدا سلمى ما خلتني اعمل حاجة قاعدة بونس ليهم بس لمن جا المغرب والجماعة كلهم كانو مع بعض
فاطمة: ما شاءالله اهو سالم عمل ليهو ولدين ينفعوهو . اصلا عرفت ورا كلامها دا في حاجة
نادية:بالفعل والله
فاطمة: سليم يا ولد نصيحة من عمتك لو سمعت كلامي واتزوجت تاني بكون احسن عشان تعمل ليك عيال . انا كلامها زعلني سليم عاين لي كدا وداير يرد كدا سلمى قاطعتو
سلمى: يتزوج ليه ومرتو حامل . كلهم عاينو ليها بصدمة التفت علي وقالت بالراحة
سلمى: معليش ما قدرت اسكت وعمتي دي لازم زول يوقفها عند حدها ابتسمت ليها
نادية: قولتي شنو
سلمى: ليه يا عمتي عاوزة تخربي ليهو بيتو
فاطمة: يا بت احترمي نفسك اخرب ليهو بيتو كيف وانا عاوزة مصلحتو
سلمى: موش موضوعك كلو الولادة اهو ما شاءالله مرتو حامل باركي ليها . الباقيين لسع مصدومين طبعا سكتت ساي
نادية: صحي يا ملك انتي حامل . هزيت ليها رأسي البنات فكو الزغاريت وطبعا انا عيني على سليم شايفاهو مصدوم ما عارفة فرح ولا زعل ولا شنو ما قدرت احدد فجأة شايفاهو طلع برا ولا حتى قال كلمة طوالي دموعي نزلو جات في بالي لحظة لمن قال لحبوبة انا ما جاهز للمسؤولية دي يعني كان قاصد فعليا ما جاهز للمسؤولية دي الناس كلها باركت لي ومفتكرين ببكي من الفرح ماف زول عارف الجواي شنو المباركة انتهت وللان ما شوفت سليم
عمو احمد: وينو سليم نبارك ليهو
عمو محمد"ابو رندا": اي صح وين سليم
سالم: طلع برا
عمو احمد: خلونا نمشي ليهو برا
عمومحمد: تمام ارحكم . وطلعو الرجال لسليم برا
نادية: تعالي يا بتي اقعدي جنبي . مشيت قعدت جنبها
نادية: حامل في الشهر الكم
ملك: لسع ما حددو لي بالضبط فحصت بس
نادية: لازم تتابعي مع دكتور شاطر
ملك: ان شاءالله يا عمتي
نادية: وما تتعبي نفسك تمام
ملك: تمام . وقعدت توصيني بعض التوصيات وانا بالي كلو مع سليم و ردت فعلو دي لمن خلاص جاتني سلوى
سلوى: ملك سليم قال ليكي تطلعي
ملك: تمام . دايما هو البناديني المرة دي ليه ........
نشوف في البارت الجاي الحصل شنو.....
أشعر بخيبة ثقيلة على صدري.💔