قصة يتيمتى
البارت السادس عشر16
بقلم شذى المكرم
يوم الجمعه مشينا بيت ناس سليم وطبعا الجمعتين الفاتت دي ما قابلت عمتهم ولا بناتها وكنت مرتاحة بس المرة دي من دخلنا لقيتهم
سليم بهمس : اكلي نارك
ملك: سليم قفل
سليم بهمس : اوع بعدين تجي تتحامي فيني اوكي
ملك: ماف غيرك حأتحامى فيهو . وصلنا ليهم
سليم: السلام عليكم
كلهم: وعليكم السلام
سليم: امي ممكن تجي شوية . قامت وجات اتجاهنا ميل عليها شوية وقال بالراحة
سليم: امي ملك دي في امانتك وانا واثق فيكي المرة دي
نادية: ما تخاف عليها
سليم: يلا نتلاقى ماشي على الرجال
ملك: تمام . ومشيت مع عمتو نادية وقعدت جات سلمى طالعة
سلمى: ملك وحات الله مشتاقين
ملك: والله كمياات كيفك
سلمى: كويسة الحمدلله . وجاتني سلوى
سلوى: ملك كيفك . استغربت طبعا بس عجبني
ملك بابتسامة: كويسة الحمدلله وانتي
سلوى: انا تمام الحمدلله . وقعدو مع سلمى جنبي واتونست معاي اول مرة تحصل ما عارفة الغيرها شنو بس عجبني وبنات عمتهم بعاينو فيني ساي بس تأكلو يأكلوني
فاطمة: انتي يا بت ليه غبشة كدا لا حنة ولا دخان من اتزوجي مبهدلة كدا وقربتي تتمي السنة
ملك: ما لقيت زمن
فاطمة: لو خليتي مدرستك والكلام الفارغ دا بتلقي زمن
سلمى: يا عمتي ملك من دون حاجة صاروخ
سلوى: والله انا مع سلمى في دي . طوالي لوت ليهم خشمها
فاطمة: سلوى موش دا انتي الكنتي بتقولي ما مناسبة لينا هسي الجد شنو
يقين: غيرت لونها سريع يا امي
سلوى: بس ما قاعدة امسح كريم غيرت لوني كيف . انا وسلمى فكينا الضحكة طبعا ضربة ليقين لانو كريم في السوق ما خلتو لافي
فاطمة: بتضحكو للفارغ بس ما عندكن موضوع
نادية: فاطمة خليهم
فاطمة: هسي انا سألتهم . اجي شوفو المرة دي بالله
سلمى: ملك تعالي ظبطتي لينا جبنتك الظابطة ديك
ملك: من عيوني
سلوى: جاية معاكم . ومشينا التلاتة المطبخ
سلمى: خليني اديكي لبسة من بتاعاتي لانو مع ريحة البن والمطبخ حتتضايقي بعدين
سلوى: انتي طويلة يا سلمى بديها انا ورح معاي
ملك: اوكي خلاص . ومشيت غرفتهم طلعت لي جلباب من بتاعاتها وتوب
سلوى: غيري وتعالي . وكانت طالعة
ملك: سلوى اقيفي . وقفت مشيت عليها
ملك: انتي كنتي ما بتحبيني
سلوى: لانو ما بعرفك وعشان في البدايه شايفة سليم ما مبسوط قولت جبروهو عليكي فكرهتك بس لمن لقيت سليم بدافع عنك عرفتو انو متقبلك ومبسوط معاكي وثانيا في الشهر الكنتي معانا بالجد ما قصرتي ونحنا سببنا ليكي اذى اسفة بالجد والله وانتي طيبة وقلبك ابيض لو وحدة تانية وعاملتها نفس المعاملة كانت كرهتني بس انتي غير وبتمنى تسامحيني
ملك: مسامحاكي حبيبتي . حضنتها وطبطبت عليها وطلعت كنت مبسوطة بتغير سلوى من ناحيتي لانو دي الوحيدة الخوفت انو ما اقدر اتعامل معاها غيرت ملابسي ومشيت المطبخ
ملك: وين البن اقليهو
سلوى: في الدرج دقيقة اطلعو . وادتني ليهو قليتو وسلمى قاعدة تدق فيهو جات داخلة يقين واختها وقعدو معانا بس مستفزات شديد وبرمو في الكلام ساي لمن سلمى اتملت منهم
سلمى: يقين ويسرى لو ما بتسكتو احسن تطلعو برا المطبخ اوكي
يقين: بتطردينا من بيتكم
سلمى: ما بطردكم بس انتو امسكو لسانكم . وقامو يجوطو لمن عمتو نادية وفاطمة جو سريع داخلين المطبخ
فاطمة: مالكم
يقين: سلمى بتطردنا من بيتهم بسبب دي . وبأشر علي
ملك : هي ما طردتكم من بيتهم ما تلفحي الكلام ساي
فاطمة: انتي وش الفقر دا سبب المصايب كلها
سلوى: عمتي هسي ملك ذنبها شنو
فاطمة: بقيتو تفضلو الغريبة على بناتي
سلمى: عمتي ما تتكلمي ساي
فاطمة: شايفة بناتك يا نادية
نادية: كدا استهدوا بالله حصل خير خلاص
فاطمة: ما حيحصل خير نهائي يا بنات خلونا نرجع بيتنا احسن . وقامو طالعين تبعهم عمتو نادية عشان تهديهم . طلعنا وراها
نادية: هسي انتي زعلانة مالك يا فاطمة
فاطمة: كيف يعني زعلانة مالني بناتك يطردو بناتي
سلمى: يا عمتي ما طردناهم وهدا ليهم قدامك اسأليهم يقين ويسرى انا قولت ليكم اطلعو برا بيتنا
يقين: قولتي اطلعو برا المطبخ م نفس الحاجة
سلوى: ما نفس الحاجة اوكي ثم ثانيا قاعدين تضايقو ملك بالكلام
فاطمة: وانتو محاميين الدفاع
سلمى: نحنا ما بنرضى بالظلم
فاطمة: وينو البظلموها عليك الله . الجوطة قامت لمن الرجال جو بجاي سليم عاين لي نظام انتي كويسة هزيت ليهو رأسي
عمو احمد: الحاصل شنو يا جماعة
فاطمة: ترضى انو بناتك يا اخوي يطردو بناتي من بيتك
عمواحمد: كيف الكلام دا سلمى وسلوى الحاصل شنو . قامت سلوى حكت الموضوع من بسم الله للسلام عليكم حتى الكلام الكانو بضربوني بيهو طبعا سلوى فصيحة ولئيمة هههههههه يقين ويسرى نزلو رأسهم لانو ما اتوقعو سلوى تحكي الحصل جوا المطبخ
عمو: يقين ويسرى ما عيب تحكو مع ملك كدا
فاطمة: هسي وين الغلط في كلامهم كلو. فيها
سليم: كل مرة بتندموني انو جيبت ملك هنا ياااخ بالواضح قولو ما تجيبها وبس والله احبسها جوا البيت احسن من كل مرة تسمع كلام اشكال الوان . طبعا جاط شديد لمن الناس دي كلها صنت وانا دي دمعة ما نزلتها بالعكس دايرة اضحك لانو كلهم كانو بدافعو لي. بعد لملمو الموضوع
سليم: ملك اطلعي
نادية: حي يا ولدي اهو المشكلة اتحلت
سليم: يا امي كفاية لحدي هنا
عمو احمد: ما تكسر بخاطر امك . جيت. جنبو واتكلمت معاهو بالراحة هو بس تقريبا سمعني
ملك: سليم ما مشكلة خلينا نتم اليوم
سليم: بس
ملك: ما بس ولا اي حاجة انا ما عندي مشكلة وشايف سلمى وسلوى ما بخلوني براي
سليم: تمام بس لو حصل حاجة تانية . قاطعتو
ملك: انا الحأقول ليك سليم خلينا نرجع بيتنا . ابتسم لي ورجع مع الرجال للديوان بهناك بعد العصر حتى جا سالم مع مرتو رندا وولدها حمودي اتأخرو
بعد الغدا عمو احمد قال لازم كلنا نجتمع في موضوع داير يقولو لينا بعد اجتمعنا كلنا ......
نشوف في البارت الجاي الموضوع الداير يقولو عمو احمد