قصة يتيمتى
البارت الخامس والعشرون25
بقلم شذى المكرم
لمن سلوى قالت لي سليم حارسني برا شيلت حاجاتي وطلعت لقيتو في العربية ركبت بالراحة وانا حابسة دموعي لانو اتأكدت انو ما مبسوط بالحاجة دي طول الطريق ساكت لمن وصلنا البيت دخل الغرفة قبلي غير وطلع وانا لسع في الصالة
سليم: غيري وتعالي . دخلت بالراحة غيرت وجيت ليهو
سليم: ليه عملتي كدا
ملك: سليم دي حاجة قاسمها الله وانا ما لي دخل فيها وعارفة انك قولت انك ما قدر المسؤولية بس حأشيلها براي انا بس اتقبلو انت
سليم: دقيقة انتي بتقولي في شنو ومسؤولية شنو الما البقدر اشيلها
ملك: موش كان قولت لحبوبة انك ما جاهز لمسؤولية الاطفال
سليم: بس دا كان كلام ساي عشان ما يضايقوكي . اتفاجأت من ردو دا
ملك: خلاص ليه ما مبسوط . قعد خمسة دقايق كأنو بحاول يستوعب حاجة فجأة وقف فوق
سليم: دقيقة يعني كلام سلمى بموضوع الحمل دا صح
ملك: وانت من قبيل مفتكر شنو
سليم: مفتكر سلمى قالت كدا بس عشان تدافع عنك وانتي مشيتيها عشان كدا زعلت منك كيف تكذبو في حاجة ذي دي . عاينت ليهو بصدمة وقمت وفقت معاهو فوق يعني سليم للان قايل موضوع حملي دا كذب
ملك: كيف يعني نكذب في حاجة ذي انت قاي...... . ما تميت كلامي لقيت نفسي في الهوا لمن سليم نزلني مسك وجهي بأيدو الاتنين
سليم بفرحة واسعة: ملك انتي حامل بالجد . زحيت ايدو من وجهي واديتو ضهري وبكيت جا وقف قدامي ومسح لي دموعي
سليم: ليه بتبكي
ملك: انت عارف في الساعة المرت دي حسيت بشنو افتكرت انو ما متقبل البيبي دا
سليم: اسف والله ما كنت مصدق انك حامل اسف حبيبي . وحضني عليهو بكيت زيادة
ملك: ما تتكلم معاي قطعت قلبي
سليم: سلامة قلبك تعالي اقعدي . وقعدنا مع بعض في الجلسة
سليم: بيبي وحيجيب لي بيبي
ملك: انا ما بيبي
سليم: انتي بيبي حقي انا . ابتسمت بخجل
سليم: اها كدا احكي لي الحصل كلو وعرفتي كيف انك حامل وسلمى عرفت كيف عشان افهم الحصل
ملك: طبعا كنا في المطبخ....... . وحكيت ليهو كل الحصل من البداية لحدي لحظة سلمى قالت ليهم انو انا حامل
سليم: يعني دا الحصل كلو هسي انتي كويسة
ملك: اي كويسة الحمدلله
سليم: بعد دا حنغير السمتسم حقنا لانو حيشرفنا زول جديد
ملك: زول حيملا دينتنا فرحة
سليم: بالجد ما بتعرفي مبسوط قدر شنو يلا عشان ترتاحي
ملك: تمام . دخلني الغرفة وطوالي نومت اصلا بقيت بنوم كتير
الصباح صحيت بدري جهزت ليهو ملابس المكتب وصحيتو
سليم: ما حتتعبي كدا
ملك: متعودة انا عادي يلا عشان ما تتأخر
سليم: تمام . ودخل الحمام طلعت عملت ليهو الشاي شرب وودعتو وطلع ورجعت نومت ما عندي موضوع اصلا وكل فترة والتانية سليم بتصل علي عشان يشوفني لمن بعد المغرب كدا
سليم: لازم يكون معاكي زول يهتم بيكي بالبيت
ملك: سليم انا كويسة ماف داعي لزول يهتم بي واما بيتي ماف زول بهبشو غيري
سليم: بس كدا حتتعبي مع الحمل
ملك: لالا عادي لمن احس نفسي تعبانة حاكلمك
سليم: انا ما حاقعد كدا لمن تقولي لي انتي تعبانة
ملك: خلاص ما بقول ليك بس ماف داعي لزول يهتم بي
سليم: عنيدة بس تمام لكن بكرة نمش لاخصائي تتباعي معاهو
ملك: اوكي
بالفعل اليوم التاني مشينا لاخصائي سجل لي عندي وكتب لي ادوية لازم اخدها اثناء الحمل
سليم: انا حانظم معاكي اوقات الادوية
ملك: تمام
مرت الشهور الاوائل ودخلت الرابع وبكرة كانت النتيجة بتاعتي
سليم: جاهزة لبكرة
ملك: والله خايفة
سليم: بكرة حنشوف ثمرة جهدنا
ملك: اي والله ان شاءالله انجح بس
سليم: حتنجحي ان شاءالله
ملك: بكرة وديني بيتكم احضر نتيجتي هناك
سليم: متأكدة
ملك: متاكدة
سليم: تمام بكره الصباح بوديكي هناك وبمشي المكتب
ملك: شكرا
سليم: دي ما داير ليها شكرا
بكرة النتيجة ان شاءالله.......
وأبني على ضحكاتها بيوت وأوطان .😴❤