قصة يتيمتى
البارت الثالث والعشرون23
بقلم شذى المكرم
بعد خلصت مدرسة ايامي كلها بقت ذي بعض بقعد في البيت براي وسليم رافض لي امشي بيتهم عشان ما اتطاقش مع عمتو والمشكلة انا كل مرة ما بتوب وبمشي هناك وبنعمل مشكلة مع بعض عشان كدا بقيت اقعد في البيت براي فسليم افترح لي اقرا انجليزي اولاين بالفعل عجبتني الفكرة وبديت فيها وحسنت الانجليزي حقي يوم قاعدة سليم قال
سليم: ملك
ملك: احكي
سليم: طبعا حبوبة جاية
ملك : عليك الله حاجة حلوة
سليم: اي جاية للعلاج وعندها شوية فحوصات
ملك: سليم لو طلبت منك حاجة حتقبل
سليم: شنو
ملك: خليها تنزلي معانا هنا
سليم: يعني عاوزاها تنزل هنا
ملك: اي حأكون مبسوطة شديد لو نزلت معاي اصلا قاعدة براي وما عندي موضوع ممكن اعمل بيها موضوع
سليم: بس عمتي فاطمة حتضايقك
ملك: هي بسبب من دون سبب بتضايقني وقفت على دي
سليم:ههههههه والله صح تصدقي انا كان نفسي تنزل معاي بس خوفت عليكي وما اتوقعت تجي من عندك
ملك: انا ما عندي مشكلة
سليم: خلاص بعد المغرب نمشي البيت الكبير عشان حنتاقش هناك
ملك: اوكي
بالفعل المغرب مشينا هناك وبدأ النقاش في موضوع حبوبة
سليم: ابوي انا عاوز حبوبة تنزل معاي واصلا ملك قاعدة براها حتهتم بيها
عمو: ملك بتقدري عليها
ملك: حأقدر عليها ان شاءالله
فاطمة: مستحيل اخلي امي مع مرتك دي
عمو احمد: فاطمة على فكرة دي ما امك براكي وعشانك كلامك دا امي حتنزل مع سليم وملك ولو عندك مشكلة احتفظي بيها . عمو احمد انتفض فيها خشمها مسكتو عندها اخيرا لقت زول يسكتها
عمو احمد: الموضوع اتحسم امي حتكون في بيت سليم لو عاوزة تزوريها ماف زول بنمنعك
سليم: عمتي لو عاوزة تبيتي معانا ما عندنا مشكله
عمو احمد: على كدا الموضوع انتهى وامي حتجي بعد بكرة يا بتي ملك اتجهزتي
ملك: حاضر عمو حأختها في عيونها
عمو احمد: لو ما متأكد ما كنت وافقت تمشي معاكي
ملك: تسلم على الثقة دي
على كدا انتهى النقاش رجعنا البيت اليوم التاني
ملك: سليم دايرة انزل السوق
سليم: تمام حأخلي ليكي المصاريف وبتصل على سلمى تجيكي عشان تمشي معاكي اوع تمشي براكي
ملك: تمام . بالفعل جاتني سلمى وطلعنا السوق واشتريت اي حاجة محتاجة اكيد بكرة العائلة كدا حتكون معاي رجعنا البيت وهي رتبت معاي الحاجات ما قصرت معاي نهائي وسليم لمن رجع من الشغل جاب معاهو مستلزمات برضو احتياط . اليوم التاني قومت الصباح بدري ونضفت البيت وبخرتو بعد الفطور بديت في الغدا عشان يطلع بدري جوني عمتو نادية وسلمى وسلوى بعد الفطور
ملك: نورتوني والله
نادية: منور بيكي اصلا بتي .
سلوى: بالجد دا بيت ملك ما شاءالله نضيف ذيها
ملك: الله ما ضراكي حبيبتي . فضلتهم وقعدنا نتونس شوية وعمتهم وبناتها وصلو
ملك: اتفضلي عمتي . ودخلو وقعدنا كلنا
سلمى: طبعا يا ملوك النظام في البيت رهيب
ملك: عجبك
سلمى:شديد . وميلت علي لانها جنبي
سلمى: بعدين بخليكي تنظمي معاي بيتي
ملك: ما عندك مشكلة حبيبتي . ومشينا انا وهي وسلوى عملنا الجبنة شوية كدا واتصل علي سليم انو حبوبة وصلت شوية كدا وحيوصلو البيت
ملك: عمتي سليم قال لي حبوبة وصلت شوية وحيجو البيت
سليم وصل مع حبوبة واستقبلناها وقعدنا وجهزت الغدا ورصيتو ليهم والشاي عملتو سلوى وقعدنا كلنا سوا
فاطمة: امي ما تمشي معاي بيتي
حبوبة: بري يختي عشان بناتك من الواحد يقول ليهم داير موية اي وحدة تقلب وشها اخير لي الغريبة دي
فاطمة: امي متين حصل كدا
حبوبة: هوي يا فاطمة انتي ما بتوريني ببناتك انا قعدت معاكي قبل كدا . عجبني ليها الكسفة دي خشمها ما فتحتو
حبوبة: وانا اصلا وعدتهم من هناك لو جيت بزوروهم
ملك: واحلى زيادة نورتينا
حبوبة: يا ولد موش قولت لمرتك تخلي كلامها السمح دا . كلهم ضحكو والله حبوبة سليم دي عسل
اليوم خلص على كدا و اي اسرة رجعت بيتها
ملك: حبوبة خليني ادخلك غرفتك عشان ترتاحي
حبوبة: كويس يا بتي . ساعدتها ودخلتها الغرفة الجهزتو ليها وختيت ليها موية جنبها
ملك: لو احتجتي حاجة كلميني
حبوبة: شكرا يا بتي
ملك:العفوا امي . خليتها ومشيت لسليم لقيتو راقد داير ينوم
سليم: نامت
ملك: دايرة تنوم خلاص
سليم: ما قصرتي الليلة انتي نهائي
ملك: حاجة بتخصك ما بقصر فيها
سليم: تعالي . مشيت جنبو حضني عليهو
ملك: يلا خلينا ننوم
سليم: تمام تصبحي على خير . ونومنا
الصباح جهزت سليم للمكتب وعملت الشاي ودعتو ومشى ومشيت لحبوبة لقيتها يداب صاحية ساعدتها وطلعنا برا شربنا الشاي وفطرنا مع بعض والنهار عملت عصير وقعدنا نتوتس وقعدت تحكي لي عن طفولة اولادها وانا موتا ضحك بتحكي بطريقة بتضحك خلاص وعملت الغدا وسليم جا لقانا بنتونس
سليم: بناتي قيلو كيف
حبوبة: هوي يا ولد
سليم: هههههه مالك يا حبوبة انتي ما بتي
حبوبة: مرتك هي بتك بس انا ما بتك . ضحكنا الاتنين وقعد معانا شوية ودخل يغير وديت ليهو العصير
ورجعت لحبوبة وقعدت معاها بعد العصر ختيت الغدا وصحيت سليم وقعدنا نتغدا اثناء الشاي
سليم: حبوبة بكرة المقابلة بتاعتك
ملك: الساعة كم
سليم: 11 بعد الفطور بجي بلقاكم جاهزين
ملك: ادينا خبر بس
سليم: ممكن
اليوم التاني بعد الفطور مشينا المقابلة مع حبوبة والدكتور كتب لينا بعض الفحوصات عملناها ليها ووصف لينا الحالة وكتب ليها الادوية ومواعيدها ورجعنا البيت
ملك: حبوبة مواعيد الادوية علي ما تشغلي بالك انتي ارتاحي بس
حبوبة: تعبتي معاي يا بتي
ملك: معقولة يا حبوبة ماف اي تعب نهائي . المغرب جات عمتو فاطمة عشان تشوف امها ووريتها الكلام القالو لينا الدكتور
قاطمة: يا امي عليك الله اسمعي كلامي ارح معاي حترتاحي هناك وحاهتم بيكي هناك اكتر
حبوبة: راحة اكتر من هنا ما ظنيت حألقى عشان كدا حاقعد هنا
فاطمة: يا امي
حبوبة: فاطمة خلاص ما ماشة بيتك
فاطمة: ليه بس
حبوبة: ملك هنا ما مقصرة معاي نهائي . لوت خشمها ساي وسكتت قعدت شوية ورجعت بيتها وقضيت اليوم مع حبوبة لمن نامت ورجعت غرفتي نومت.........
"أنت الذي أخافُ أن تؤذيه الحياة ، فَيتأذى قلبي".💔