قصة يتيمتى
البارت السادس والعشرون26
بقلم شذى المكرم
يوم النتيجة الصباح قاعدة اشرب الشاي مع سليم
سليم: امشي البسي اوصلك
ملك: تمام . قولت دخلت الغرفة ولبست وشيلت شنطتي وجيت طالعة
ملك: نمش
سليم: اطلعي . وطلعنا وصلني بيتهم وقبل ما انزل
سليم: لو لقيتي عمتي حاولي ما تطاقشي معاها
ملك: انا ذاتي ما عندي حيل ليها
سليم: تمام وانا بحاول ارجع بدري عشان نتيجتك
ملك: وانا حانتظرك
سليم: رقم جلوسك معاكي صح
ملك: اي معاي
سليم: تمام خلي بالك من نفسك ومن البيبي يلا باي
ملك: باي . ودعتو ودخلت البيت لقيتهم كلهم قاعدين وسلمى وسلوى مأجزين كنت مبسوطة بالحاجة دي
سلمى: طبعا الليلة نتيجتك
ملك: اي والله وخايفة لو شوفتي
سلمى: ما تخافي حتعدي ان شاءالله
شذى: ان شاءالله
قعدت معاهم وفطرنا وقعدنا نتونس جات عمتهم ياااخ انا ما عارفة المرا دي ما بتقع في بيتها لي
سلوى: طبعا كلمت رندا تجينا
ملك: احلى حاجة لو عارفين بحب ولدها حمودي دا قدر شنو ان شاء الله الفي بطني دا يطلع زيو
فاطمة: كان حيطلع زيو لو كنتي بت عمو . انتو المرا دي مخبولة سفهتها بس شوية كدا ووصلت رندا واللمة بقت احلى وطبعا شيلت منها مازن " دا المولود الجديد تم شهرين وحاجة كلبوظ كدا وعسل قعدت العب معاهو بعد نص ساعة كدا
سلوى: المؤتمر بدأ . التوتر بدأ خلاص اتصل لي سليم
سليم: ملك التوتر والخوف في حالتك دي ما كويس حيأثر عليكي تمام
ملك: بس يا سليم . قاطعني
سليم: ما بس ولا اي حاجة توتر ماف اوكي
سليم: اوكي . قفل مني وقعدنا نسمع في المؤتمر لمن خلص
سلوى: وين رقم جلوسك
ملك: في الشنطة جوا
سلمى: دقيقة اجيبو
فاطمة: الوحدة تخاف من النتيجة التقول ولادة . وقعدت تلوي في خشمها انا مع توتري دا ما اشتغلت بيها سلمى جابت رقم الجلوس وسلوى دخلتو شوية والرسالة نزلت
سلوى: عملتي 86 . طوالي بكيت ما صدقت بعد التعب دا كلو ربنا ما خزلني ابدا كنت ببكي من الفرح
سلمى: طلعتي مكنة لكن الف مبروك حبيبتي . وجات حضنتني وكلهم باركو لي عدا فاطمة اصلا ما محتاجة مباركتها شوية واتصل لي سليم
سليم: بتي الفالحة رفعتي رأسي
ملك: عرفت من وين
سليم: دخلتو في تلفوني
ملك: ايوااا
سليم: الف مبروك عجبني ليكي والله
ملك: الله يبارك فيك دا بفضلك بعد الله
سليم: دا بسبب اجتهادك ومثابرتك وإصرارك
ملك: بس الدعم كان منك
سليم: دايما حأدعمك
ملك: ربنا يخليك لي . قفلت منو وقعدت فرحانة بنجاحي لحدي سليم رجع من المكتب وبارك لي للمرة التانية
سليم: هديتك حتصلك ان شاءالله مع انو انا براي هدية ههههه
ملك: انت هدية بس برضو منتظرة هديتي
سليم: هههههه تمام
بعد الغدا كلنا كنا قاعدين
عمو احمد: ما شاءالله عليكي يا ملك شاطرة ما شاءالله
ملك: تسلم يا عمو
سليم: ملوك اها ما قولتي لي حابة تقري شنو
فاطمة: ما كفاية عليها قرت مدرسة خليها التربي جناها الفي بطنها دا
سليم: عماتي انتي بناتك وقفو في المدرسة؟
فاطمة: لا بس هم. قاطعها
سليم: بس خلاص بناتك ما احسن من مرتي بشئ ذي ما قرو الجامعات هي ذاتها حتقرأ وحتتخرج وحتشتغل وحتربى اولادها . مع كلامو دا بكيت والله ما ختيت في بالي انو حأقرأ جامعة ابدا كان كل همي اخلص ثانوي ومع حملي دا 90٪ متأكدة انو اقرأ الثانوي بس
عمو احمد: كلامك عين العقل يا ولدي وانا متأكد انو بتي ملك حتوازن بينهم
سليم: ابوي ملك قرت المدرسة وما شاء الله ما كانت مقصرة من ناحيتي ولا ناحية بيتها قايمة بكل واجباتها ليه امنعها تواصل
عمو احمد: صح كلامك اها ما جاوبتي حابة تقري شنو
ملك: ما قررت
سليم: انتي حلمك كان ايه
ملك: اممممم مختبرات
سليم: جدا بقدم ليكي وتجمدي لمن تولدي ممكن تواصلي
ملك: بالجد
سليم: اي . فرحت شديد بالخبر دا ويومي كان حلو شديد لمن رجعنا البيت
ملك: سليم بالجد حتخليني اقرأ الجامعة
سليم: ليه لا . جريت حضنتو شديد
سليم: تاني اوع تجري كدا فاهمة
ملك: فاهمة حبيبي انا . اليوم دا يفوز بقلبي
انتِ سيّدة تُنسيني النَّساء ولطفهِن بكلُ مافيها.