قصة يتيمتى
البارت الثامن والعشرون28
بقلم شذى المكرم
فكيت الصرخة من الالم سليم ثبتني
سليم: ملك انتي كويسة . دفرتو مني
ملك: زح مني واااااي . تاني مسكني
سليم: ملك دا ما وقتو . خلاص حيلي مات
ملك: سليم ما قادرة اقيف
سليم: دقيقة حبيبتي . طوالي شالني وانا الوجع انتهى مني جرا بي وصرخ بصوت
سليم: امي ملك دي شكلها بتولد لازم نمشي المستشفي
نادية: هسي كانت كويسة
سليم: بتلقي الشنطة بتاعت البيبي في الغرفة والحقيني في العربية
نادية: تمام . وجرا بي العربية وانا بصرخ بس وركبني وعمتو نادية جنبي وهو وسلمى قدام حسيت المستشفي دي في اخر الدنيا وصلنا ودخلوني غرفة العمليات طوالي قالو دي ولادة ........
_________
من جانب سليم
ملك خلاص قربت على الولادة والدكتور قال ممكن تولد تحت اي لحظة في يوم العائلة كانت مجتمعة عندنا طلعت وجيت راجع البيت دخلت وقفلت الباب كدا لقيت يقين في وشي
سليم: بسم الله مالك واقفة كدا خلعتيني
يقين: اسفة
سليم: عادي
يقين: دايرة اتكلم معاك
سليم: اتفضلي
يقين: خلينا نمشي محل هادي
سليم: اتكلمي هنا سامعك
يقين: سليم عليك الله تعال
سليم : تمام . ومشيت معاها ورا البيت وقفنا جنب المخزن كنت مضايق منها بس كمان هي بت عمتي
سليم: احكي العندك سريع
يقين: سليم
سليم: يا بت الناس لو ما عندك موضوع خليني امشي
يقين: سليم انا بحبك . عاينت ليها بصدمة البت دي جنت
سليم: انتي مستوعبة البتقولي فيهو دا
يقين: ايي مستوعبة والمفروض انا اكون محل ملك حاليا
سليم: يقين زحي من وشي والله جنيتي
يقين: من زمان معروف يقين لسليم وسليم ليقين انت غشيتني واتزوجت ملك
سليم: هل انا يوم قولت ليكي بحبك
يقين: ما قولت بس كمان ما رفضت كلامهم انو انا وانت لبعض وعشمتني فيك صح اتزوجت ملك بس للان انا ما اتجاوزتك ولا حتى قادرة اتجاوزك
سليم: يقين انا ما عشمتك بحاجة ولا يوم قولت ليكي انا حأتزوجك ولا حتى كان في تعامل بينا
يقين: بس انا حبيتك
سليم: يبقى دي مشكلتك انتي ما مشكلتي انا وحاليا انا متزوج وبحب زوجتي يستحسن انو تنسيني
يقين: ما بقدر . ونزلت دموعها
سليم: يقين كل ما استوعبتي اسرع بكون احسن . فجاة جات رسالة في تلفونها شافتها و سكتت شوية كدا
يقين: سليم حس بي
سليم: احس بيكي شنو يا بت الناس
يقين: والله انا بحبك . وفجأة حضنتني ما استوعبت العملتو دا فجاة زحت مني سريع وقالت ملك عاينت اتجاه المكان البتعاين فيهو لقيت ملك واقفة بالجد حسيت الدم وقف في عروقي مشيت اتجاه ملك رجعت لورا اتاكدت انها فهمت غلط فجاة فكت الصرخة انا لمن خوفت مسكتها دفرتني تاني صرخت مسكتها للمرة التانية قالت ما قادرة تقيف شيلتها كانت بتصرخ من الالم وبتبكي وانا قلبي وجعني عليها شيلتها وكلمت امي ومشيت بيها المستشفي وطوالي دخلوها غرفة العمليات وقالو ولادة طبيعية وبقينا منتظرين برا وانا ركبو ساحو من الخوف ما قدرت اقيف
نادية: حتطلع بالسلامة انشالله
سليم: ان شاءالله يا امي . نص ساعة كدا وطلعوها
الدكتور: الاتنين بخير جابت ولد حينقلوها غرفة عادية هسي
سليم: شكرا يا دكتور
الدكتور: دا واجبي . حجزت ليها غرفة خاصة عشان خدماتها كويسة امي فكت الزغروتة وجات باركت لي بكيت معاها ما مصدق انو بقيت اب اخيرا
سلمى: اخيرا بقيت اب وانا عمة للمرة التالتة يتربى في عزك
سليم: ان شاءالله يا رب . ملك وديها الغرفة جات الممرضة ادتني الطفل شيلتو من مسكتو دمعتي جات نازلة اذنت ليهو في اذنو وشميتو وشالتو مني تاني
الممرضة: حأوديهو الحضانة بعض الاجراءات
سليم: تمام . لقيت امي وسلمى في غرفة ملك . دخلت كدا لقيتها صاحية مشيت عليها
سليم: الف مبروك جيبتي لي ولد ذي القمر . عاينت لي بعين عتاب كدا
ملك: الله يبارك فيك . بكيت وهي بكت معاي تاني قعدت شوية وطلعت برا حسيتها نافرة مني عرفت انو من موضوع يقين داير انفرد بيها عشان اشرح ليها الحصل سلوى جات لاحقنا المستشفي وجابت معاها الغدا قالو حيخرجونا بكرة
اليوم التاني خرجونا رجعنا البيت .......
__________
من جانب ملك
بعد طلعت من العمليات وصحصحت لقيت عمتو نادية وسلمى باركو لي
نادية: ما شاءالله جيبتي ولد
ملك: وين هو
نادية: في الحضانة
ملك : ايوااا . شوية وجا داخل سليم طوالي اتذكرت الحصل بقيت بقرف منو بارك لي وبكى معاي ما قدرت اعمل حاجة في وجود عمتو وسلمى شوية وجابو لي ولدي حضنتو علي كان حلو ما شاءالله عليها جيتو نستني الحصل كنت مبسوطة بيهو خرجوني اليوم التاني ورجعنا البيت كانو مجهزين لي غرفتي ذاتها دخلت وقعدت فيها والبيبي جنبي وكل شوية في زول ببارك لي طبعا يقين لقيتها لمن جينا داخلين يداب وكانت مبتسمة بالجنبة عاملة وشها حركة استفزاز كدا في اللحظة ديك كرهتها وكرهت سليم . بعد الناس هدت شوية جا سليم داخل الغرفة
سليم: ملك
ملك: سليم اطلع برا
سليم: خلينا نحكي
ملك: ما عاوزة احكي معاك ولا حتى عاوزة اشوف وشك اطلع برا الغرفة
سليم: انتي بس اسمعيني . صرخت فيهو
ملك: قولت ليك ما عاوزة اسمعك وشيل ملابسك من هنا ما عاوزة اشوف وشك تاني
سليم: انت بتظلميني كدا
ملك: وانت لمن خونتني ما ظلمتني ولا عشان قولت ملك يتيمة وما عندها اهل حتشتكي لمنو بالفعل صح كلامك ما عندي اهل يسندوني عشان كدا انا للان هنا . وبكيت شديد
سليم: انتي مفكراني خونتك
ملك: سليم اطلع برا قولت ليك . داير يجيني انهيار
سليم: خلاص طالع بس انتي اهدي . وطلع يداب بكيت قدرتي لمن حسيت بألم طوالي هديت شوية وجاتني سلمى ومعاها شوربة ابيت اشربها شربتني غصب لمن خلصت نومت صحيت لقيت البيبي ماف جنبي ناديت جاتني سلوى
سلوى: مالك يا ملك عاوزة حاجة
ملك: وين البيبي
سلوى: من سليم اخدو
ملك: تمام شوية جيبيهو لي ارضعو
سلوى: تمام . وطلعت شوية وسليم جا داخل بيهو اداني ليهو وطلع طوالي من غير اي كلمة حسيت لحظة انو ظلمتو تاني اتذكرت انو كان حاضن يقين برجع بكرهو من جديد عدا اليوم وتاني ما شوفتو وطبعا عمتو نادية كانت معاي قالت الفترة دي حتكون معاي لمن ابقى كويسة بالجد كنت محتاجة ليها اليوم التاني جا سليم الصباح بدري صبح علينا او بالاصح صبح على ابنو وانا اصلا ما اديتو وش شال ملابسو تبع الشغل
ملك: يستحسن تنقل ملابسك من الغرفة دي عشان ما عاوزة اشوف وشك
سليم: جدا ما عندك مشكلة لمن ارجع من الشغل حانقلو . وطوالي طلع حسيت بنغزة في قلبي ااااخ يا رب اديني الصبر.......
- ومن هَولُِ الخذلان ، لم أكن اعلم حينها فيما اذ كان قلبي يدقُّ أم يضرب رأسه في حائط صدري .