قصة يتيمتى
البارت الثالث عشر13
بقلم شذى المكرم
من جانب سليم
ما قدرت اتحمل كرههم لملك قولت ليها تلم حاجاتها حنرجع بيتنا اخر الليل دا بعد ملك دخلت الغرفة
سليم: امي دي الامانة الانا خليتها ليكم ما حرام عليكم شوفو شكلها بقى كيف من التعب ياااخ ليه بتعملو كدا البت يتيمة على الاقل تراعو الحاجة دي
فاطمة: هوي يا ولد تقول قاتلناها كدا
سليم: والله احسن كان تقتلوها بدل تخلوها خدامة عندكم كدا ودقيقه ليه حرمتوها من المدرسة
فاطمة: اشتكتنا ليك ولا شنو
سليم: اتصل علي مدير المدرسة وكلمني كدا وروني السبب البخليكم تمنعوها شنو وانا مسجلها بنفسي
فاطمة: مدرسة شنو ليها وهي متزوجة بدل تهتم ببيتها وزوجها احسن ليها
سليم:عمتي انا راضي بالحاجة دي المفروض ما تتدخلو انتو
فاطمة: هوي يا ولد احترم نفسك ما تتكلم معانا كدا نحنا بندور مصلحتك بس
سليم: مصلحتي في انو تأذو لي مرتي؟ ثم ثانيا بناتك هدا ليهم بقرو جامعات ليه ما منعتيهم منها وانتي يا امي هدا سلوى وسلمى بقرو جامعة ليه جات على ملك بس كدا زول يكلمني
فاطمة: بس ديل ما متزوجات اكيد لمن يتزوجو حيخلو القراية
سليم: بس ملك ما حتخلي القراية وحتدخل الجامعة وحتتخرج منو وملك نهائي ما مقصرة مني ومهتمة بي ومدام دا تعاملكم معاها كدا تاني ما بجيبها ليكم خليتوني اندم لمن فكرت انو حتكون كويسة معاكم احسن انو نرجع بيتنا هسي كفاية اهانات
نادية: حيااا ولدي ما تقول كدا . طبعا امي دي شخصية ضعيفة شديد ما عندها كلمة عشان كدا عمتي عادي بتمشي رأيها عليها
سليم: امي المفروض كان تخافو الله فيها بس لا وشكرا على استضافتكم ليها . وقومت دخلت الغرفة لقيت ملك بتدخل حاجاتها في الشنطة
ملك: كان تخلينا نمش الصباح . عصبت فيها لانو ما نسيت كذب لي بخصوص المدرسة
سليم بعصبية: انتي بالذات خليكي ساكتة ولمي الحاجات دي سريع . لمن خافت مني قعدت تستف بهدوء وانا فتحت الشنطة تبعي وطلعت الهدايا تبع ناس امي ولمن ملك خلصت تستيف اتصلت لتطبيق ترحال وطلبت عربية ونزلنا تحت وختيت ليهم الهدايا واديت سلمى الايفون ذي ما طلبت مني
سلمى: واااي سليم شكرا شكرا
سليم،: عفوا
نادية: حيا يا ولدي على الاقل نمو والصباح بس امشو
ابوي: يا ولدي اسمع كلام امك
سليم: يا ابوي احسن نمش هسي ما بقدر للصباح . شوية والترحال وصل ركبت الشنط ومشينا البيت.......
_________
لمن دخلت الغرفة قعدت استف وجا داخل سليم قولت ليهو كان احسن ننوم هنا طوالي عصب فيني لمن خوفت منو وسكتا ستفت الحاجات ورجعنا البيت في يومنا داك لقيت البيت نضيف لاني نضفتو قبل ما امشي دخلنا الشنط وانا من زمن عصب فيني ما فتحت خشمي معاهو تاني
سليم: ملك تعالي هنا . جيت ليهو لقيتو معصب
ملك: ننننعم
سليم: انتي يا زفت لمن سألتك من المدرسة ليه ما قولتي لي انك وقفتيها
ملك: ااانا
سليم بصوت عالي: انتي شنو اتكلمي . طوالي رجعت لورا وبكيت
ملك: ماكنت دايرة اعمل ليك مشاكل مع اهلك
سليم: وعاجبك انك وقفتي قراية . هزيت راسي بس
سليم: مدام كدا خليكي قاعدة في البيت بلا مدرسة بلا زفت . وقام ماشي وعاوز يطلع برا البيت وانا طبعا خوفي انو اقعد بالليل براي
ملك ببكاء : سليم ما تطلع
سليم: عاوزة شنو
ملك: ما تخليني براي
سليم: استغفر الله اللهم الصبر . وجا راجع وقف قدامي
سليم: انتي ليه شخصية ضعيفة كدا ليه بتسكتي لمن زول يظلمك
ملك: لانو ما عندي ضهر احتمي بيهو لمن ادافع عن نفسي القاهو واقف معاي
سليم: وانا شنو ما ضهرك ولمن رجعت ما دافعت عنك
ملك: دافعت عني
سليم: هسي لو كان كلمتيني انو منعوكي من المدرسة كان اعترضت ورجعتك غصب عنهم ولو كان كلمتيني انو متعبينك كدا كان اعترضت برضو
ملك: ما قدرت خوفت تحصل مشكلة بينك وبينهم بسببي وحيكرهوني فوق كرههم زيادة
سليم: اااخ يا ملك اااخ منك
ملك: سليم انا تعبانة نفسيا . تاني رجعت ابكي ضماني عليهو
سليم: عارف والله واضح فيكي وحتى جسميا تعبانة بعد دا انا رجعت ما تخافي تعالي خلينا نقعد . وقعدنا في الكرسي
سليم: لو عارف حيحصل كدا ما كنت سافرت وخليتك وراي ابدا
ملك: تاني ما تسافر
سليم: حاضر يلا نومي شوية لانك تعبانة
ملك: وانت
سليم: انا ما نعسان
ملك: خلاص حأقعد معاك . فتح التلفزيون وانا اصلا تعبانة فميلت على رجلو ونومت .....
_________
ملك دي ما عارف اعمل ليها شنو نفسي تقوي شخصيتها شوية عشان ما تنظلم اكتر كفاية في بداية زواجنا ظلمتها وهسي اهلي ما قصرو طبعا لمن رجعنا البيت جوطت فيها فبكت دا بس تعبيرها في كل الاحوال ما اتحملت هديتها وقولت ليها تنوم رفضت ما تمت خمسة دقايق نامت على رجلي قفلت التلفيزيون وشلتها دخلتها غرفتي ونومت جنبها ......
_________
صحيت الصباح لقيت نفسي في غرفة سليم خجلت شوية بس الحمدلله كان هو نايم قعدت اعاين فيهو فتح عينو طوالي لفيت وشي
سليم: صباح الخير
ملك بخجل: صباح النور
سليم: مالك
ملك: ماف حاجة
سليم: اوع تقولي لي خجلانة
ملك: اممممم
سليم: وامس لمن قعدتي تبكي في حضني ونومتي في رجلي مالك ما خجلتي . ضربتو وقومت قام يضحك مشيت غرفتي استحميت وصليت وطلعت لقيتو صاحي وقاعد برا
ملك: دقيقة حأعمل الشاي
سليم: تمام حأساعدك بالونسة ههههه
ملك: ما شاءالله ما قصرت ههههه . دخلنا المطبخ وقعد في المصطبة وانا بعمل في الشاي وهو بونسني لمن خلصنا وقعدنا شربنا بمزاج وقعدنا نشاهد تلفيزيون لمن زمن الفطور قرب
ملك: ناوي تفطر بشنو اصلا التلاجة فاضية
سليم: ما تتعبي نفسك نمش البقالة نجيب زبادي وبيض وجبنة وزيتون رأيك شنو
ملك: تمام . بحاول بقدر الامكان ما يتعبني
سليم: ارح البقالة
ملك: يعني امشي معاك
سليم: ما عاوزة
ملك: لالا عاوزة دقيقة البس توبي . وطلعنا البقالة واشترى الحاجات المطلوبة واشترى لي شوكولاتات وبسكويت ورجعنا جهزت الفطور وفطرنا
سليم: تعالي نفتح الشنط واديكي حاجاتك . مشينا الغرفة وفتحنا شنطتو جاب لي معاهو كمية ملابس وجزم كنت مبسوطة بيهم شديد
ملك: بالجد شكرا
سليم: دا واجبي . قضينا اليوم مع بعض واتغدينا برا بحاول انو يغير لي نفسيتي وما نفسو يتعبني وحبيتو من اهتمامو دا ونهاية اليوم
سليم: يلا عالنوم
ملك: تصبح على خير . وكنت ماشة غرفتي
سليم: دقيقة على وين
ملك: ماشة غرفتي
سليم: من اليوم غرفتي هي غرفتك . عاينت فيهو لقيتو جادي مشيت بالراحة وبخجل دخلت الغرفة وقعدت في السرير جا داخل هو وقعد في السرير في الجانب التاني
سليم: نومي ساي ما حأسألك . ورقد بالراحة قعدت جنبو ونومت.......
وأنا معَك ما أحِس إلا بخفة رُوحي وأبتسَاماتي.😊❤