قصة يتيمتى
البارت الخامس5
بقلم شذى المكرم
الصباح قومت بدري مشيت صحيت سليم ورجعت انا ذاتي ولبست وجهزت الشاي شربنا شوية كدا الترحيل وصل
ملك: ماشة انا
سليم: تعالي هاكي . اداني مصاريفي
ملك: شكرا . وشيلت شنطتني وطلعت للترحيل ركبت ومشيت المدرسة وبديت يومي الدراسي
هند: انتي متزوجة
ملك: ايي
هند:ما باين عليكي
ملك: امممم
ولمن خلصت اليوم فجأة اتذكرت المفاتيح النسخة نسيتو في البيت ما عرفت اتصرف كيف مشيت للمدير
المدير: اتفضلي يا طالبة
ملك: اتصل لسليم
المدير: في حاجة
ملك: انا دايراهو . ما قدر يفهم حاجة وشايفني خايفة كدا اتصل على سليم اتكلم معاهو شوية ومدا لي التلفون مشيت بعيد شوية
ملك: س س سليم
سليم: مالك حاصلة عليكي شنو
ملك: ااااا انا
سليم: انتي مالك احكي ما تعصبيني
ملك: نسيت المفاتيح في البيت
سليم: كيف تنسي انتي غبية ومن اول يوم مشاكل لازم توقفي المدرسة دي اديني المدير دا . رجعت التلفون للمدير ودموعي نزلو لانو يوقفني من الدراسة اتكلم مع المدير وقفل
المدير: قال ليكي ما تتحركي من المدرسة هو حيجي يرجعك معاهو . هزيت ليهو رأسي
المدير: امشي للترحيل كلميهو
ملك: كويس . وطلعت مشيت للترحيل كلمتو وقعدت منتظراهو جوا المدرسة بعد ساعة كدا حتى هو وصل وجاني جوا
سليم: ارح . مشيت معاهو ورجعنا البيت ماف زول اتكلم مع التاني غيرت ملابسي وبديت روتيني اليومي وكنت مقلقة من انو ينفذ كلامو حق انو اقيف من المدرسة وعارفة سليم لمن يقول حاجة بنفذا اترددت في انو اغسل الزي حقي بس غسلتو اليوم مرا عادي وما فتح لي الموضوع لمن خوفت الصباح لمن جهزت خلاص اترددت اطلع بملابس المدرسة قدامو ويقول لي لابسة لشنو بس اتشجعت وطلعت واديتو الشاي ما قال لي حاجة حمدت ربي لمن الترحيل جا وضرب بوري
سليم: هاكي مصاريفك واوع يكون نسيتي المفتاح تاني
ملك بسرعة: لالا شيلتو
سليم: تمام هاكي . شيلت القروش وطلعت وبشكر ربي في سري انو ما وقفني وصلت المدرسة وقضيت دوامي بمزاج ورجعت البيت بعد المغرب
ملك: محتاج حاجة
سليم: لالا
ملك: طيب انا في غرفتي لو احتجت حاجة
سليم: تمام. خليتو بشاهد في التلفيزيون ودخلت غرفتي قعدت اراجع الاخدتو في المدرسة وبحاول اعوض الفاتني الفي شهرين قريت كدا لمن نومت
مر اسبوع واتعودت على المدرسة الحمدلله برجع بطبخ الغدا وبنضف بحاول اوازن بين الاتنين وما اقصر في اي واحد صعب شوية عشان برجع تعبانة بس كلو يهون عشان مستقبلي في يوم بالليل بعد خلصت دراسة جيت طالعة من غرفتي لقيت سليم بشاهد تلفزيون طلعت من المطبخ ناداني
سليم: ملك
ملك: نعم
سليم: تعالي . مشيت عليهو
سليم: عاوز موية . مشيت جيبتها ليهو واديتو
ملك: اتفضل
سليم: عاوز قهوة
ملك: حاضر . مشيت سويتها ليهو واديتو
سليم: اقعدي
ملك: انا؟
سليم: في زول غيرك قدامي . احرجني طبعا قعدت جنبو المرة دي
سليم: كيف مع المدرسة . دي اول مرة يسألني منها
ملك: ماشي حالها الحمدلله
سليم: تالت صعبة ولالا
ملك: اممممم يعني بس عشان فاتني حاجات كتيرة بحاول اعوض
سليم: ايوااا كويس . وسكتنا الاتنين مسافة
ملك: سليم
سليم: نعم
ملك: كيف مع الشغل . بحاول ادخل فيهو ما حصل سألتو من حياتو الخاصة لانو قال لي هو في حالو وانا في حالي بس حبيت اكسر الحاجز دا
سليم: الحمدلله
ملك: بقيت ما بتطلع بالليل . رفع لي حاجبو ندمت انو قولت ليهو كدا
ملك: اسفة . طوالي قومت ماشة غرفتي
سليم: تعالي . جريت راجعة
سليم: مالك يا بت انتي
ملك: ماف حاجة
سليم: خليكي عادية واقعدي . رجعت قعدت
سليم: بتخافي مني؟ . ما عرفت اقول شنو سكتا
سليم: لازم تخافي مني فاهمة
ملك: فاهمة . طوالي ضحك عاينت فيهو بخلعة اول مرة اشوفو بضحك قدامي كدا
سليم: والله انتي هبلة ههههههه . طوالي شغل التلفزيون وجاب فيلم عجبني حبيت اشاهدو وبالفعل شاهدنا الفليم مع بعض لمن خلص
ملك: الساعة كم
سليم: اتنين صباحا
ملك: واااي الزمن فات
سليم: بالفعل فات يلا عالنوم . بالفعل اي واحد دخل غرفتو والصباح صحيت متأخرة مشيت غرفة سليم اصحيهو لقيت تلفونو جنبو فتحتو لقيت خلاص زمن الترحيل ما باقي ليهو حاجة
ملك: سليم اصحى . صحى وعاين للزمن اتوقعت يجوط لانو ما صحيتو بدري
سليم: الزمن فات بسبب سهر امس . ودخل الحمام طلعت برا مشيت غرفتي غسلت وشي واستحميت وطلعت كدا ماشة على المطبخ اخت موية الشاي سمعت البوري بتاع الترحيل خلاص ما مشيت الليلة جا سليم طالع من غرفتو
سليم: دا الترحيل صح
ملك: ايي
سليم: حأقول ليهو يمشي . وطلع ليهو وانا خلاص زعلت لاني ضيعت اليوم دخلت المطبخ جا سليم داخل
سليم: اجهزي سريع حأوصلك المدرسة انا
ملك: بالجد
سليم: ما ناوية تمشي ولا شنو
ملك: لالا ماشة . جهزت الشاي سريع ومشيت لبست
سليم: نمش
ملك: اي
وطلعنا وصلني المدرسة
سليم: انزلي خليني ادخلك لانو الزمن فات . ونزل معاي لانو الزمن اتأخر والناس دخلت الفصول اتكلم مع مشرف النظام عافوني من العقاب
سليم: تاني لو اتأخرتي بتتعاقبي المرة دي انقذتك
ملك: شكرا تاني ما بتحصل . ودعتو ومشيت الفصل وعدا يومي على خير ورجعت البيت زمن الغدا
سليم: ملك
ملك: نعم
سليم: ماف حاجة خليهو بعد الغدا
ملك: اوكي . اتغدينا وجيبت الشاي وقعدت جنبو
سليم: انتي حكاية الغدا دي ما متعباكي
ملك: كيف
سليم: يومي بترجعي وبتطبخي
ملك: امممم عادي ودي من واجباتي
سليم: عارف بس انتي ممكن تعملي كم اكلة يوم السبت وتختيهم في التلاجة بتريحك الاسبوع واصلا الكهربة ما قاعدة تقطع
ملك: لا يعني ما عندك مشكلة
سليم: ليه يكون عندي مشكلة
ملك: افتكرتك بتحب اي حاجة تكون جاهزة طوالي
سليم: ما ضروري . اتنفست براحة وحسيت انو حمل وانزاح مني لانو بالجد برجع تعبانة بس بطبخ وبنضف بس خلاص حأرتاح ولاحظت تعامل سليم اتغير معاي كأنو اتعود علي كدا وبقى ما بجوط فيني ذي زمان......
________
سجلت ملك في المدرسة ودي خفف تأنيب الضمير عندي وشوفتها مبسوطة بقراري دا واصلا اتعودت على وجودها حولي حتى لو ما بنتكلم كتير بس حاولت اقرب لانو في النهاية هي زوجتي ومسوؤل منها اتكلمت معاها في موضوع الغدا لانو شايفاها تعبانة مع المدرسة دي حسيتها انبسطت بكلامي
لُطف الله أوسعُ من أَن يُستيأَس منه 🦋.